Óvíst með innanlandsflug

Búið er að aflýsa flugi til Vestmannaeyja í dag vegna vinds. Eins hefur flugi til Grænlands verið aflýst vegna veðurs en þangað átti að fljúga frá Reykjavíkurflugvelli klukkan hálf tíu í morgun.

Universal vill semja við Garðar Thór

Universal, stærsta hljómplötufyrirtæki, í heimi hefur lýst yfir áhuga á að semja við Garðar Thór Cortes um útgáfu í Bretlandi og um allann heim. Þetta kemur fram í tilkynningu frá umboðsmanni hans, Einari Bárðarsyni.

Slökkvistarfi lokið í Rimaskóla

Slökkvistarfi í Rimaskóla lauk nú á áttunda tímanum en þangað var slökkviliðið kallað um sexleytið vegna elds í klæðningu á íþróttahúsi skólans. Allt tiltækt slökkvilið var sent á staðinn og taldi slökkvilið sig hafa komist fyrir eldinn um klukkan hálfsjö.

Eldur gýs aftur upp í Rimaskóla

Eldur gaus aftur upp í Rimaskóla nú kl. 18.40 en slökkviliðið hélt sig hafa komist fyrir hann. Eldurinn gaus upp aftur þegar slökkviliðið fór að rífa þakið.

Flugi til Ísafjarðar aflýst í dag

Flugi til Ísafjarðar var aflýst í dag en vel gekk að koma fólki til annarra áfangastaða en raskanir hafa verið á innanlandsflugi síðustu daga.

Heitir á verslunina að lækka matarverð

Forsætisráðherra heitir á heildsala og smásala að standa með stjórnvöldum í lækkun matarverðs. Hann telur að verð á matvælum geti lækkað um allt að 15 prósentum, þegar virðisaukaskattur og vörugjöld lækka á matvælum í marsmánuði.

Ríkisstjórnin stendur ekki í hagstjórn

Ríkisstjórnin ætlar sér ekkert hlutverk í hagstjórninni. Þetta staðfestir nýtt lánshæfismat Standard og Poor's, segir formaður Samfylkingarinnar. Forsætisráðherra efast um forsendur matsfyrirtækisins.

Búið að dæla upp úr kjöllurum á Ísafirði

Sjór flaut yfir stóran hluta Eyrarinnar á Ísafirði í dag. Slökkvilið og bæjarstarfsmenn áttu í fullu fangi með að dæla vatni upp úr kjöllurum húsa og af götum bæjarins. Ekki liggur fyrir hversu mikið tjón varð vegna þessa en það þó ekki talið mikið. Dælingu úr kjöllurum er lokið.

Eldur í Rimaskóla í Grafarvogi

Eldur kom upp í Rimaskóla í Grafarvogi í Reykjavík upp úr klukkan sex í dag. Allt tiltækt slökkvilið var sent á staðinn ásamt lögreglu og sjúkrabifreið.

Svartolía lak úr Wilson Muuga í dag

Svartolía lak í dag úr kýpverska flutningaskipinu Wilson Muuga sem strandaði við Hvalsnes á þriðjudag. Eftir því sem fram kemur í tilkynningu frá Umhverfisstofnun er olíubrákin kílómetri á lengd og 200 metra breið en hún er ekki samfelld.

Von á tugþúsundum í miðbæinn í kvöld

Búast má við að tugþúsundir manna leggi leið sína í miðbæinn í kvöld, Þorláksmessukvöld, enda er veðrið í borginni með ágætum og útlit fyrir að svo verði áfram. Lögreglan í Reykjavík verður með töluverðan viðbúnað eins og jafnan þegar svo margir koma saman en í dag allt gengið vel fyrir sig í miðbænum og annars staðar í borginni.

Herjólfur fer seinni ferð til Eyja um klukkan 18

Herjólfur fer seinni ferð sína í kvöld til og frá Eyjum en hann er nú á leið til Eyja með um 200 manns. Að sögn Ívars Gunnlaugssonar, skipstjóra á Herjólfi, verður lagt af stað frá Eyjum um klukkan 18 og svo aftur siglt frá Þorlákshöfn til Eyja um klukkan 22.

Búist við prýðilegasta veðri þegar hátíð gengur í garð

Þó enn sé mjög hvasst víða á Vestfjörðum, Norðurlandi og sumstaðar á Suðausturlandi er veður að byrja að ganga niður á þessum slóðum. Reikna má með prýðilegasta veðri annað kvöld þegar jólin ganga í garð að sögn Sigurðar Þ. Ragnarssonar, veðurfræðings á Veðurstofu Stöðvar 2.

Varað við vegaskemmdum í Hestfirði og Skötufirði

Vegagerðin varar við vegaskemmdum á vegi í Hestfirði og Skötufirði í Ísafjarðardjúpi. Hún segir að enn sé óveður víða á Vestfjörðum og á Ströndum. Vegir víðast auðir, þó er hálka á Steingrímsfjarðarheiði og hálkublettir víðar á heiðum og hálsum á Vestfjörðum.

Vodafone safnar um þúsund GSM-símum

Vodafone áætlar að safna um þúsund GSM-símum í GSM-söfnun sinni en mikill kippur hefur hlaupið í söfnunina síðustu daga fyrir jól. Fram kemur í tilkynningu frá félaginu að nær allir söfnunarstandar séu að fyllast og því ljóst að landsmenn taka vel í þessa nýbreytni.

Fimm flugvélar fóru til Akureyrar eftir hádegið

Fimm flugvélar frá Flugfélagi Íslands hafa farið eftir hádegið til Akureyrar og því hafa um 250 manns sem beðið hafa eftir flugi þangað komist á áfangastað. Enn bíða þó á annað hundrað manns eftir flugi til Akureyrar og vonast forsvarsmenn fyrirtækisins eftir því að geta komið þeim öllum þangað í dag en veðurútlitið er ágætt.

Búið að dæla upp úr tíu kjöllurum á Ísafirði

Slökkviliðsmenn og bæjarstarfsmenn á Ísafirði vinna enn að því að dæla vatni upp úr kjöllurum húsa á eyrinni eftir flóð í morgun. Þá fóru saman stórstraumsflóð og hvassviðri með þeim afleiðingum að það flæddi inn í fjölmarga kjallara og götur bæjarins fóru á flot.

Enn varað við óveðri á Vestfjörðum

Vegagerðin varar enn við óveðri víða á Vestfjörðum og á Ströndum. Vegir eru víðast auðir, þó er hálka á Steingrímsfjarðarheiði og hálkublettir víðar á heiðum og hálsum á Vestfjörðum. Einnig eru hálkublettir á Vatnsskarði, Öxnadalsheiði og Lágheiði. Hrafnseyrarheiði er ófær.

Á bilinu 600-700 messur og helgistundir yfir hátíðarnar

Messur og helgistundir á vegum Þjóðkirkjunnar verða á bilinu 600-700 á landinu nú yfir hátíðarnar og áramótin, eftir því sem segir í tilkynningu frá Biskupsstofu.

Spá Íslandsmeti í verslun í dag

Jólaverslun nær hámarki í dag enda ekki nema röskur sólarhringur þar til bjöllur hringja inn jólin. Samtök verslunar og þjónustu hafa spáð því að Íslandsmet verði slegið í verslun í dag og áætlar að salan nemi þremur milljörðum króna á Þorláksmessu.

Glitský sést í Suður-Þingeyjarýslu

Svokallað glitský sást í Suður-Þingeyjarsýslu í morgun, bæði við Mýtvatn og á Húsavík. Glitský eru ský sem eru í fimmtán til tuttugu kílómetra hæð í heiðhvolfinu. Þegar hluti skýja er þunnur og hefur nokkurn veginn einsleita dropastærð getur bognun sólarljóssins gert það að verkum að þau skína með litamynstri regnbogans, og það gerðist í morgun, eins og sjá má.

Hundruð kílóa af skötu fara í pottana

Dagur skötunnar er í dag og það lyktar vel í Múlakaffi þessa stundina enda hundruð kílóa af skötu sem fer í pottana þar í dag.

Reyðfirðingum fækkar um þúsund um jólin

Reyðfirðingum fækkar um næstum þúsund manns í dag þegar Pólverjar sem starfa við byggingu álversins í Reyðarfirði fljúga heim til sín í jólafrí.

Sjötíu hrossum bjargað í Skagafirði

Unnið var að því í dag að bjarga um sjötíu hrossum sem urðu innlyksa vegna flóða í Héraðsvötnum í Skagafirði í gær en þau eru nú í rénun.

Útlit fyrir að yfirstýrimaður hafi gert mistök

Allt bendir til þess að yfirstýrimaður á flutningaskipinu Wilson Muuga hafi gert mistök sem ollu því að skipið strandaði. Þetta segir Guðmundur Ásgeirsson, fulltrúi eiganda á Íslandi. Sjópróf fóru fram í gær og þar kom fram að yfirstýrimanninum var ekki kunnugt um nýlega bilun í gírókompás.

Skipulagi flugumferðar breytt ef skortur verður á flugumferðarstjórum

Alþjóðaflugmálastofnunin hefur samþykkt aðgerðasáætlun flugmálastjóra sem gripið verður til ef skortur verður á íslenskum flugumferðarstjórum þann 1. janúar næstkomandi. Fram kemur í yfirlýsingu frá Flugmálastjórn að viðbragðsáætlunin feli í sér breytingu á skipulagi flugumferðar á íslenska flugstjórnarsvæðinu sem mun að mestu leyti fylgja föstum fyrirfram ákveðnum ferlum og flughæðum.

Þrjár vélar farnar til Egilsstaða

Þrjár flugvélar fóru fyrir hádegi til Egilsstaða og ein vél er farin til Vestmannaeyja. Nokkur fjöldi bíður þess á Reykjavíkurflugvelli að komast ferða sinna áður en jólahátíðin gengur í garð.

Flæddi inn í fjölmarga kjallara á eyrinni á Ísafirði

Slökkvilið Ísafjarðar hefur staðið í ströngu vegna óveðursins sem gekk yfir Vesturland og Vestfirði í morgun. Stórstraumsflóð var við Ísafjörð í morgun sem ásamt hvassviðri olli því að það flæddi inn í fjölmarga kjallara á eyrinni á Ísafirði.

Áttatíu prósent þjóðarinnar jákvæð í garð Íbúðalánasjóðs

Tæplega 80 prósent landsmanna eru jákvæð í garð Íbúðalánasjóðs samkvæmt könnun sem Capacent gerði á dögunum. Þar kemur einnig fram að innan við fjögur prósent aðspurðra eru neikvæð í garð sjóðsins.

Seinkun á millilandaflugi en flogið út á land fyrir hádegi

Seinkun er á öllu millilandaflugi, allt frá fimmtán mínútum upp í nokkra klukkutíma. Til að mynda á flugvél frá Boston að lenda klukkan rúmlega tíu en til stóð að hún lenti í Keflavík upp úr klukkan hálfsjö í morgun. Er seinkunin aðallega vegna vonskuveðurs og tafa undanfarna tvo daga.

Björgunarsveitir og lögregla að störfum á Ísafirði

Björgunarfélag Ísafjarðar er að störfum í bænum ásamt lögreglu vegna veðursins sem fór að verða vont upp úr klukkan sex í morgun að sögn lögreglu. Ýmislegt smálegt hefur fokið og þakplötur losnuðu af einu einbýlishúsi. Sjógangur er mikill og gengur upp á höfnina en ekki hefur þurft að loka fyrir umferð.

Skarst þegar rúða brotnaði í óveðri

Erill var hjá lögreglu og björgunarsveitarmönnum í Reykjanesbæ eftir að óveður skall á klukkan fjögur í nótt en björgunarsveitir höfðu verið settar í viðbragðsstöðu. Rúður brotnuðu á fimm stöðum og í einu tilviki varð kona fyrir glerbrotunum og skarst nokkuð.

Ekki hægt að dæla olíu úr flutningaskipinu fyrr en eftir hátíðarnar

Ólíklegt er að hægt verði að hefja dælingu úr flutningaskipinu Wilson Muuga, sem strandaði við Hvalsnes, fyrr en eftir hátíðarnar. Könnunarleiðangur sem farinn var í dag leiddi í ljós að olía hefur lekið úr skipinu en hún hefur ekki náð upp í fjöru. Í nótt er spáð vonskuveðri sem kemur til með að reyna mjög á skipið.

Alþingi verður að taka á hlerunarmálum

Alþingi verður að fara að dæmi Norðmanna og skipa rannsóknarnefnd um hleranir. Þetta segir Jón Baldvin Hannibalsson, fyrrverandi utanríkisráðherra, eftir að ríkissaksóknari lýsti því yfir að ekkert væri fram komið sem styddi fullyrðingar hans um hleranir og ekki væri tilefni til að halda rannsókn málsins áfram. Hann segir hlerunarmál föður síns sína að það voru pólitískar njósnir.

Fólksfjölgun á Íslandi sú mesta í Evrópu

Íbúar á Íslandi eru rétt liðlega 307 þúsund talsins, samkvæmt tölum Hagstofunnar. Fólksfjölgun var óvenju mikil á árinu, eða 2,6 prósent, og er hún hvergi í Evrópu svo mikil um þessar mundir. Fólki fjölgaði í öllum landshlutum nema á Vestfjörðum og Norðurlandi vestra.

Gengi krónunnar og hlutabréf lækkuðu vegna lækkaðs lánshæfismats ríkissjóðs

Gengi íslensku krónunnar lækkaði um tæp þrjú prósent í dag og hlutabréf í Kauphöll Íslands lækkuðu um tæp tvö prósent eftir að matsfyrirtækið Standard & Poor's lækkaði lánshæfiseinkunn ríkissjóðs Íslands um leið og það gagnrýndi þensluhvetjandi kosningafjárlög. Geir H. Haarde forsætisráðherra segir þetta rangan dóm yfir fjárlögunum.

Aðeins brot af jörðinni fór ekki undir vatn

Aðeins brot úr hektara af landi Björnskots á Skeiðum fór ekki undir vatn þegar flóðið í Hvítá stóð sem hæst. Fjöldi heyrúlla eyðilagðist og mun hey fyrir mjólkurkýrnar ekki duga út veturinn. Enn er ófært að Vatnsnesi í Grímsnesi en fært er orðið heim að öðrum bæjum í sýslunni.

Þúsundir flugfarþega biðu í dag

Þúsundir flugfarþega máttu bíða klukkustundum saman annan daginn í röð, bæði í innanlands- og millilandaflugi. Nokkrir komust þó á leiðarenda í dag eftir langa bið og fréttastofa hitti mann sem hafði beðið í fimm daga eftir að hitta barnabörnin. Engar flugvélar fóru frá Reykjavíkurflugvelli eftir klukkan fimm í dag og spáin er tvísýn fyrir fyrripartinn á morgun.

Grunur um að starfsmenn Byrgis hafi getið vistkonum börn

Grunur leikur á að fleiri en ein kona í meðferð í Byrginu hafi orðið barnshafandi eftir starfsmenn þar. Kona kærði í dag Guðmund Jónsson forstöðumann fyrir kynferðisbrot. Þrjár að auki hafa haft samband við lögreglu vegna tengsla sinna við Guðmund. Formaður Samfylkingarinnar vill opinbera rannsókn á starfsemi Byrgisins.

Ofsaveður og sumstaðar fárviðri

Afar slæmt veðurútlit er fyrir Vesturland og Vestfirði í nótt og norðanvert landið fyrir hádegi á morgun, gangi spár eftir. Eru horfur á að vindhviður á þessu svæðum geti farið um og yfir 50 m/s og að jafnaðarvindhraði verði á bilinu 23-33 m/s á þegar veðrið verður verst.

Olíuleki talinn í lágmarki

Könnun á aðstæðum við strandstað Wilson Muuga sýna að ef skipið stendur af sér komandi veður er líklegt að það verði lengi á sama stað þar sem straumur fer minnkandi. Olíuleki er í lágmarki en ekki verður hægt að mæla hann nákvæmlega fyrr en veður batnar.

Davíð Oddsson er ekki hress yfir matinu

Gengi krónunnar lækkaði um 2,72 prósent og gengi hlutabréfa í Kauphöll Íslands lækkaði talsvert eftir að matsfyrirtækið Standard & Poor's greindi frá því í dag að það hefði lækkað lánshæfiseinkunnir ríkissjóðs Íslands. Davíð Oddsson, seðlabankastjóri, segist ekki hress yfir matinu og að menn hefðu gjarnan viljað vera lausir við það. Moody´s matsfyrirtækið staðfestir hinsvegar gildandi mat sitt á lánshæfi ríkissjóðs.

Fimmtíu ár frá komu fyrstu flóttamannanna

Fimmtíu ár eru á aðfangadag liðin frá því að flóttamönnum var fyrst veitt hæli á Íslandi. Þá komu flóttamenn frá Ungverjalandi sem flúið höfðu til Austurríkis undan innrás Sovétmanna. Alls hafa íslensk stjórnvöld boðið 531 flóttamanni vernd hér landi í samvinnu við Flóttamannastofnun, Rauða kross Íslands og sveitarfélög í landinu.

Dró eiginkonu sína á hárinu eftir hótelgangi

Karlmaður á fimmtugsaldri var í dag dæmdur í Héraðsdómi Reykjavíkur í fjögurra mánaða skilorðsbundið fangelsi fyrir árás á eiginkonu sína. Maðurinn dró konuna meðal annars á hárinu eftir hótelgangi og stakk höfði hennar ofan í klósettskál

Róbert Wessman maður ársins í íslensku atvinnulífi

Róbert Wessman, forstjóri Actavis Group, er maður ársins í íslensku atvinnulífi árið 2006 að mati dómnefndar Frjálsrar verslunar.