Segir ekkert hæft í því að Eir hafi misnotað fé úr framkvæmdasjóði aldraðra

Sigurður Rúnar Sigurjónsson, framkvæmdastjóri hjúkrunarheimilisins Eirar, segir ekkert hæft í því að heimilið hafi misnotað fé frá framkvæmdasjóði aldraðra, eins og fram kom í hádegisfréttum Bylgjunnar .

Strokufanginn sat inni fyrir tilraun til manndráps

Fanginn sem strauk af Litla-Hrauni fyrr í dag heitir Matthías Máni Erlingsson og er 24 ára gamall. Hann var dæmdur á dögunum fyrir tilraun til manndráps.

Móðir fjöldamorðingjans safnaði vopnum

Móðir fjöldamorðingjans Adam Lanza, sem jafnframt var fyrsta fórnarlamb hans, safnaði vopnum á heimili sínu í Connecticut. Hún skráð fyrir sex skotvopnum hið minnsta, á meðal þeirra eru byssurnar þrjár sem sonur hennar notaði er hann myrti 26 manns í Sandy Hook-grunnskólum á föstudaginn.

Vill tíu milljónir í skaðabætur - Álíka mál þekkist ekki í heiminum

Páll Sverrisson, sem hefur höfðað mál á hendur Læknafélagi Íslands og ritstjóra Læknablaðsins, vill tíu milljónir í skaðabætur eftir að upplýsingar úr sjúkraskrá hans birtust í blaðinu.

Fangi strauk af Litla-Hrauni

Fangi strauk af Litla Hrauni um eittleytið í dag. Lögreglan á Selfossi fékk tilkynningu um strokið um þrjúleytið og er nú að leita að honum. Lögreglan vildi engar upplýsingar gefa um fangann þegar Vísir spurðist fyrir um málið í dag.

Eldsvoði í Breiðholti

Eldur kom upp í þaki að Orrahólum í Breiðholti. Samkvæmt upplýsingum frá slökkviliðinu á höfuðborgarsvæðinu var allt tiltækt slökkvilið boðað á staðinn. Ekki var um mikinn eld að ræða samkvæmt sjónarvotti og hefur slökkvilið nú ráðið niðurlögum eldsins.

Hræðslupúkinn Basse Andersen vekur hrifningu

Dagur í lífi Basse Andersen frá Arendal í Noregi er ekkert grín. Afar auðvelt er að bregða Basse og verður hann reglulega fyrir barðinu á hrekkjum vinnufélaga sinna.

Gefur engar skýringar um hvaða brot áttu sér stað

Það er verið að kanna starfsskyldur hans og hann er leystur frá vinnuskyldu í þessari viku, segir Sveinn Kristinsson, forseti bæjarstjórnar á Akranesi. Starfandi bæjarstjóri og bæjarritari var leystur frá störfum tímabundið í gær, en engar upplýsingar hafa fengist um það hvaða brot á starfsskyldum bæjarstjórinn er grunaður um.

Umræðan um sykurskatt í skötulíki

"Þetta mál er í skötulíki, rétt eins og önnur mál sem tengjast bandorminum,“ segir Guðlaugur Þór Þórðarson, þingmaður Sjálfstæðisflokksins. Guðlaugur situr í efnahags- og viðskiptanefnd þar sem frumvarp til breytinga á lögum um vörugjöld á matvælum hefur verið rætt undanfarna daga. Með breytingunum munu vörugjöld á sykur hækka.

Staðan tekin fyrir endurskoðun kjarasamninga

Samninganefnd ASÍ og framkvæmdastjórn Samtaka atvinnulífsins hittast á fundi í dag þar sem rætt verður um endurskoðun kjarasamninga. Þetta er fyrsti fundur þessara aðila í aðdraganda síðustu endurskoðunar núgildandi kjarasamninga en niðurstaða hennar þarf að liggja fyrir 21. janúar næstkomandi.

Seðlabankinn braut jafnréttislög

Seðlabanki Íslands braut jafnréttislög þegar hann réð karlmann í starf sérfræðings í lánamálum ríkisins í stað konu. Þetta segir í nýjum úrskurði kærunefndar jafnréttismála.

Vonast til að hægt verði að ákveða þinghlé fyrir dagslok

Ásta Ragnheiður Jóhannesdóttir, forseti Alþingis, vonast eftir því að hægt verði að ákveða fyrir dagslok hvenær þingið fer í jólafrí. Eins og fram kom í hádegisfréttum Bylgjunnar eru einungis þrír dagar eftir af starfsáætlun þingsins en fjölmörg mál bíða afgreiðslu.

Starfandi bæjarstjóri leystur frá störfum

Bæjarstjórn Akraness ákvað á lokuðum fundi sínum í gær að Jón Pálmi Pálsson bæjarritari og settur bæjarstjóri verði tímabundið leystur frá vinnuskyldu þessa viku.

Sjö hundruð lítrar af gambra í íbúð

Um sjö hundruð lítrar af gambra í gerjun fannst í íbúðarhúsnæði á Selfossi í síðustu viku. Að sögn lögreglu var gerð húsleit í húsinu vegna gruns um framleiðsluna og reyndist hann á rökum reistur. Um 40 lítrar af fullbúnum landa fundust einnig í húsinu. Tveir menn eru grunaðir um framleiðsluna og er málið í rannsókn hjá lögreglu.

Villtar kanínur valda tjóni

Villtum kanínum fer ört fjölgandi á bæjum í grennd við Selfoss og eru þær farnar að valda tjóni. Bændur eru ráðalusir og ekkert þýðir að siga hundum á þær, því þær stinga þá af eins og ekkert sé.

Krefja Eir um styrki sem þeir telja að hafi verið misnotaðir

Stjórn framkvæmdastjóðs aldraðara ætlar að krefja hjúkrunarheimilið Eir um endurgreiðslu styrkja sem rökstuddur grunur er fyrir að hafi verið misnotaðir. Eir fékk um hálfan milljarð króna í styrki frá sjóðnum á síðasta áratug.

Um helmingur landsmanna með gervitré

Tæplega 91% landsmanna ætla að vera með jólatré í ár. Tæplega 52% ætla að vera með gervitré, en um 39% ætla að vera með lifandi jólatré. Þetta sýna niðurstöður skoðanakönnunar MMR en hún var gerð dagana 7-11. desember 2012. Alls voru 877 einstaklingar á aldrinum 18-67 ára spurðir.

Kim Jong Un minnist föður síns - nýr erfingi á leiðinni?

Norður-Kóreumenn minntust fyrrverandi leiðtoga síns á hádegi í dag. Ár er liðið frá því að Kim Jong Il lést af völdum hjartaáfalls í höfuðborginni Pyongyang.

Stjórnmálamaður dæmdur í 4 ára fangelsi fyrir kynferðisbrot

Rune Øygard, einn af þekktustu sveitarstjórnarmönnum Verkamannaflokksins í Noregi, var í morgun dæmdur í fjögurra ára fangelsi fyrir kynferðisbrot gegn stúlku. Svo virðist sem SMS-skeyti og Skype-samtöl á milli þeirra hafi orðið til þess að hann hafi verið sakfelldur.

Minnast einstæðs atburðar úr loftbardaga árið 1943

Tvær fjölskyldur, önnur bandarísk og hin þýsk, munu í vikunni minnast einstæðs atburðar í loftbardaga í seinni heimsstyrjöldinni árið 1943.

Þvertekur fyrir að hafa notað mannabein í kynferðislegum tilgangi

Héraðsdómurinn í Gautaborg mun í dag kveða upp dóm yfir 37 ára gamalli konu sem ákærð var fyrir vörslu á mannabeinum og að hafa raskað ró hinna látnu. Við aðalmeðferð í málinu hélt saksóknari því fram að konan hefði notað beinin í kynlífsathöfnum.

Sigurjón með 10 mál á sér

Sigurjón Árnason er með tíu mál á sér, sagði Sigurður G. Guðjónsson, lögmaður hans, í fyrirtöku fyrir Héraðsdómi Reykjavíkur í morgun. Þar var tekið fyrir mál sem slitastjórn Landsbankans hefur höfðað gegn Sigurjóni og Halldóri J. Kristjánssyni en bankinn krefst 37 milljarða króna frá hvorum. Hann hefur líka stefnt Elínu Sigfúsdóttur, sem var framkvæmdastjóri hjá bankanum fyrir hrun, en síðan bankastjóri um skeið. Auk þeirra þriggja hefur bankinn stefnt nokkrum félögum sem bankinn var í viðskiptum við.

Stjórnaði gervihönd með hugsunum sínum

Lömuð kona í Bandaríkjunum braut blað í sögu vélfærafræðinnar þegar hún stjórnaði vélrænni hendi með hugsunum sínum.

Íslendingar endurnýjuðu trú okkar á manngæsku á árinu

Íslendingar eiga fulltrúa á lista á vefsíðunni buzzfeed.com sem 1,2 milljónir manna hafa deilt á Facebook og 35 þúsund sett á Twitter-síðu sína. Listinn ber einfaldlega titilinn: "26 augnablik sem að endurnýjuðu trú okkar á manngæsku á árinu.“

Gervitungl munu skella á tunglinu í kvöld

Tvö gervitungl munu mæta örlögum sínum í kvöld en þá munu vísindamenn NASA stýra þeim í átt að fjalli á myrku hlið tunglsins.

Fundað um þinglok

Ásta Ragnheiður Jóhannesdóttir, forseti Alþingis, mun funda með þingflokksformönnum núna klukkan tíu um þinglokin. Enn hefur ekki náðst samkomulag um þau en fundað var um málið um helgina en án árangurs. Illugi Gunnarsson, þingflokksformaður Sjálfstæðisflokksins, segir að ljóst sé að fjárlögin þurfi að klárast fyrir áramót en önnur mál geti beðið fram á nýtt ár.

Framhaldsskólakennurum með réttindi fjölgar stöðugt

Alls höfðu 86,3% starfsmanna við kennslu í framhaldsskólum í nóvember í fyrra kennsluréttindi. Hlutfall kennara með kennsluréttindi hefur ekki verið svona hátt frá því að gagnasöfnun Hagstofunnar um starfsfólk í framhaldsskólum hófst fyrir rúmlega áratug.

Fundu stólpa úr virkisborg Haraldar blátannar

Fjölmiðlar í Danmörku greina nær allir í morgun frá merkilegum fornleifafundi í Jellinge þar sem áður stóð höll konungsins Haraldar blátannar á tíundu öld.

Hálka og snjóþekja víða á landinu

Hálka eða hálkublettir eru víða bæði á Suður- og Vesturlandi, einkum í uppsveitum.

Ungur maður tekinn við að stela úr bílum

Lögreglan á Selfossi handtók í nótt ungan mann sem var að fara inn í bíla og stela ýmsu smálegu úr þeim.

Löndunarbið á Vopnafirði um helgina

Löndunarbið skapaðist á Vopnafirði um helgina þegar þjú stór loðnuskip komu þangað með farma, nánast samtímis.

Víða hefur snjóað norðaustanlands

Víða hefur snjóað norðaustanlands í nótt en þó ekki svo mikið að færð hafi spillst, eftir því sem fréttastofan kemst næst. Það snjóaði til dæmis töluvert á Akureyri og er þar hálka á götum.

Víkingarnir ræktuðu kannabis fyrir 1.300 árum síðan

Forfeður okkar, víkingarnir í Noregi, ræktuðu kannabisplöntur eða hamp fyrir 1.300 árum síðan.

Sundlaugavegur lokaður í dag

Sundlaugavegur í Reykjavík verður lokaður á milli Reykjavegar og Dalbrautar frá klukkan níu til klukkan þrjú í dag vegna viðgerða á götunni.

Danskir fjölmiðlar: Heimsendir blásinn af

"Heimsendir blásinn af“ var vinsæl fyrirsögn í dönskum fjölmiðlum um helgina. Þar var vitnað í Jesper Nielsen, helsta sérfræðing Dana í menningu Maja.

Mannréttindastofnun verður komið á fót

Sjálfstæðri mannréttindastofnun verður komið á fót snemma næsta ár, en unnið er að því hjá innanríkisráðuneytinu í samræmi við samþykkt Allsherjarþings Sameinuðu þjóðanna frá 1993. Stofnunin á að hafa umboð fyrir öll mannréttindi og vera til fróðleiks en einnig að taka við kærum.

Vildi Hitler á frímerki en fékk ekki

„Þetta er mjög vinsælt, en þetta er náttúrulega lúxusvara og það þarf að borga meira fyrir frímerkið,“ segir Ágústa Hrund Steinarsdóttir, forstöðumaður markaðsdeildar Íslandspósts, en hægt er að láta prenta frímerki eftir fjölskyldumyndum eða hvaða myndum sem verða vill. „Þetta gefur extra „töts“ á umslagið og gerir það persónulegra. Það er merkilegt að vera á frímerki.“

Formúlubílar, börn og dýr á frímerkin

fólkEf marka má númerastandinn í pósthúsinu í Austurstræti eru frímerkjasafnarar burðarás í starfsemi Íslandspósts. Þar eru tveir valkostir í boði þegar númer er tekið fyrir þjónustu; almenn þjónusta og frímerkjasafnarar.

Stærsta framkvæmd frá hruni boðin út

"Þetta er stærsta framkvæmd sem við höfum boðið út í langan tíma,“ segir Óskar Valdimarsson, forstjóri Framkvæmdasýslu ríkisins sem sótt hefur um byggingarleyfi fyrir Húsi íslenskra fræða við Suðurgötu.

Tíminn verður notaður í frekara samráð

Umhverfisráðherra hefur framlengt frest til að sækja um undanþágu frá ákvæðum nýrrar byggingarreglugerðar. Fresturinn átti að renna út um áramót en nú verður hægt að fá undanþágu til 15. apríl næstkomandi.

Abe kominn með meirihluta

Shinzo Abe fær annað tækifæri til að stjórna Japan eftir að flokkur hans, Lýðræðislegi demókrataflokkurinn, hlaut þingmeirihluta í kosningum sem haldnar voru um helgina. Abe var forsætisráðherra á árunum 2006 til 2007 en síðan þá hafa sex forsætisráðherrar setið í Japan. Abe heitir því að standa harður gegn Kínverjum í deilum ríkjanna um yfirráð yfir smáeyjum í hafinu á milli þeirra.-

Ríkinu hótað dómsmáli

Eftirlitsstofnun EFTA (ESA) hefur brýnt fyrir íslenskum stjórnvöldum að ljúka við innleiðingu þriðju tilskipunar Evrópusambandsins gegn peningaþvætti. Verði ekki gerðar viðeigandi ráðstafanir innan tveggja mánaða verður farið með málið fyrir EFTA-dómstólinn.

Gamli valdaflokkurinn vann stórsigur í Japan

Hinn gamli valdaflokkur í Japan, Frjálslyndi lýðræðisflokkurinn, vann stórsigur í þingkosningunum sem haldnar voru í Japan um helgina.

Obama: Verðum að gera meira til að vernda börnin okkar

Barack Obama Bandaríkjaforseti segir að landsmenn sínir verði að gera meira til að vernda börnin sín.

Katrín heldur ekki jólin með bresku konungsfjölskyldunni

Katrín Middleton, hertogaynjan af Cambridge, mun ekki geta haldið jólin hátíðlega með bresku konungsfjölskyldunni í ár vegna morgunógleði sinnar. Í staðinn mun Katrín verða heima hjá foreldrum sínum í Berkshire.