Kæra lausagöngu sauðfjár

Ábúendur á bæ í Dalabyggð hafa kært til lögreglu ákvörðun sveitarstjórnar um að sinna ekki smölun á sauðfé sem gengur laust í byggð. Sveitarstjórnin hvetur Vegagerð og landeigendur til að girða betur.

Ríkið í samstarf við nýtt félag um Geysi

"Ein mjóróma rödd gat sagt nei en nú er orðinn til sameiginlegur félagsskapur sem stefnir að sama marki. Ég er mjög ánægð með þetta,“ segir Drífa Kristjánsdóttir, oddviti Bláskógabyggðar, um stofnun sameiginlegs félags eigenda 65 prósenta Geysissvæðisins.

Ragnheiður Elín: Auðvitað er ég ráðherraefni

Bjarni Benediktsson, formaður Sjálfstæðisflokksins, tilkynnti Ragnheiði Elínu Árnadóttur í síðustu viku að hann myndi leggja til að Illugi Gunnarsson tæki við af henni sem formaður þingflokksins. Þetta kom henni á óvart, þar sem hún hafði gert ráð fyrir að gegna því embætti út kjörtímabilið, en hún tók við þegar Illugi tók sér hlé frá þingstörfum á meðan rannsókn á Sjóði 9 fór fram.

Leigubílaskýli ekki aftur í Lækjargötu

"Það hefur ekki staðið til boða hjá borginni að setja þetta skýli niður við Mæðragarðinn aftur,“ segir Ólafur Bjarnason, samgöngustjóri í Reykjavík.

Erlendir sælkerar vilja íslenska lambið

„Við erum að horfa á útflutning til dýrari markaða í Evrópu og Asíu. Svo á íslenska lambakjötið að sjálfsögðu heima í Kanada og við erum að skoða þann möguleika mikið,“ segir Helgi Einarsson, framkvæmdastjóri Íslenskra matvara og ritari Alheimssamtaka matreiðslumanna (WAX).

Óttast mengun á framkvæmdatíma

Gísli Marteinn Baldursson, borgarfulltrúi Sjálfstæðisflokksins, segir áhyggjur íbúa vegna aukinnar umferðar við nýjan Landspítala réttmætar. Furðulítil grein hafi verið gerð fyrir umferðaraukningunni og ráðstafanir til að reyna að takmarka þær séu ekki nógu sannfærandi.

Hjálparsamtök rekin frá Pakistan

Öllu erlendu starfsfólki hjálparsamtakanna Save the Children hefur verið gert að yfirgefa Pakistan innan tveggja vikna. Engin skýring var gefin á fyrirskipuninni, en fréttaritarar á staðnum telja fullvíst að ástæðuna megi rekja til aðgerðarinnar sem leiddi til dauða Osama bin Laden.

Kaupa fyrir milljarða í Svíþjóð

Metfjöldi Norðmanna ferðast nú yfir til Svíþjóðar til að kaupa inn á lægra verði. Þetta sýna nýjar tölur norsku hagstofunnar.

Mögulegt að stela skyrinu af Íslendingum

Einar Karl Haraldsson, ráðgjafi og fyrrum upplýsingafulltrúi forsætisráðuneytisins, segir að skyrinu, sem framleiðsluvöru, geti hæglega verið stolið af Íslendingum með eftirlíkingum frá öðrum löndum. Hægt er að fara ákveðnar leiðir til að koma í veg fyrir þetta og þeirra raunhæfust er sú að setja löggjöf um vernd vöruheitisins.

Samstarfskonurnar ósáttar við Guðbjart

Kvennahreyfing Samfylkingarinnar er ekki ánægð með ákvörðun Guðbjarts Hannessonar, velferðarráðherra, að hækka laun forstjóra Landspítalans um 450 þúsund krónur á mánuði á meðan aðrir starfsmenn á spítalanum hafa mátt þola kjaraskerðingu.

Lufthansa aflýsir um 1200 flugum

Flugfélagið Lufthansa í Þýskalandi neyðist til að aflýsa um 1.200 flugum nú um helgina vegna verkfalls flugliða. Verkfallið gæti bitnað á yfir hundrað þúsund farþegum.

Hundur í óskilum

Þessi svarti hundur fannst á Hafnarfjarðarvegi í kvöld. Hann var blautur og ólarlaus en afar góður og hlýðinn að sögn finnanda. Ef einhver saknar hvutta er hægt að komast í samband við aðilann sem fann hann í síma 778-6686.

"Hér verður ekki farið að stunda óreglu“

"Hér verður ekki farið að stunda neina óreglu," segir Guðmundur Hallvarðsson, stjórnarformaður Hrafnistu um nýjan veitingasal Hrafnistu sem nefndur er Skálafell. Salurinn hefur haft vínveitingaleyfi síðan í morgun.

Sláturtíð á Selfossi

Um hundrað þúsund fjár verður slátrað hjá SS á Selfossi næstu átta vikurnar. Fjörutíu Pólverjar og átta Nýsjálendingar fluttu sérstaklega á Selfoss til að vinna í slátruninni. Hluti af kjötinu fer til Japans, en þeir vilja bara spikfeitt lambakjöt og borða það helst hrátt. Þá er lambakjöt nú í fyrsta sinn flutt til Rússlands.

Snilldarlausnir á dagskrá í ár

Frumkvöðlasetrið Innovit handsalaði í dag samstarfssamning við Marel og Samtök atvinnulífsins um hugmyndasamkeppni framhaldsskólanna sem nefnist Snilldarlausnir Marel. Keppnin verður því haldin í fjórða sinn í ár.

Bæjarstjóri ánægður að fá að sjá Magnús áfram

Bæjarstjóri Hveragerðisbæjar, Aldís Hafsteinsdóttir, fagnar því innilega að Stöð 2 hafi ráðið Magnús Hlyn Hreiðarsson, fréttamann af Suðurlandi, til starfa. „Það gerist auðvitað að einkaaðilar standi sig betur en hið opinbera og þetta virðist vera dæmi um það," segir hún.

Margir fá kransæðastíflu án þess að hafa hugmynd um það

Svokölluð þögul hjartaáföll eru stærra vandamál en áður hefur verið talið. Þetta leiðir ný rannsókn, sem unnin var hér á landi, í ljós.

Virkjanaframkvæmdir gætu hafist fyrir áramót

Landsvirkjun stendur frammi fyrir því að hefja virkjanaframkvæmdir á Norðausturlandi þegar fyrir áramót, þrátt fyrir að nú stefni í að orkusamningar skýrist ekki endanlega fyrr en í vor. Tilboð í borun þriggja háhitahola í Bjarnarflagi voru opnuð í dag og bauð aðeins einn aðili í verkið. Landsvirkjun áformar smíði jarðvarmavirkjana bæði í Bjarnarflagi og á Þeistareykjum til að mæta orkuþörf stóriðju við Húsavík, og í dag voru opnuð tilboð í borun á allt að þremur háhitaholum.

Fá mynddiskana ekki afhenta

Meirihluti Hæstiréttar staðfesti niðurstöðu Héraðsdóms Reykjaness um að verjendur Annþórs Karlssonar og fleiri sakborninga fái ekki afhenta mynd- og hljóðdiska með skýrslutökum af ákærðu og vitnum í málinu. Þetta var niðurstaðan þrátt fyrir að Börkur Birgisson, einn sakborninga, hefði fyrir mistök fengið aðgang að diskunum.

Árekstur á Álftanesvegi

Árekstur varð á Álftanesvegi um klukkan hálf fimm í dag. Þar skullu tveir bílar saman en að sögn varðstjóra hjá slökkviliðinu virðist sem enginn sé alvarlega slasaður. Allir eru komnir út úr bílunum. Sjúkraflutningamenn og lögregla eru enn að störfum á vettvangi.

Magnús Hlynur ráðinn til Stöðvar 2 og Vísis

Magnús Hlynur Hreiðarsson fréttamaður hefur verið ráðinn til starfa fyrir fréttastofu Stöðvar 2, Vísis og Bylgjunnar. "Ég er mjög sáttur og sæll að vera kominn á þennan nýja vinnustað eftir að RUV lét mig fara,“ segir Magnús Hlynur í samtali við Vísi.

Lögreglan á Akureyri leitar að þessu fólki

Lögreglan á Akureyri leitar fjögurra aðila í tengslum við rannsókn á þjófnaðarmáli. Þessir aðilar voru staddir á Akureyri þann 03.09.2012. Líklegast er um erlenda aðila að ræða. Meðfylgjandi myndir voru teknar af þremur þessara aðila í hraðbanka á Akureyri.

Ákærður fyrir að hóta fjölskyldu lögreglumanns kynferðisofbeldi

Nítján ára gamall piltur hefur verið ákærður fyrir að hafa borið hníf á almannafæri á horni Laugavegs og Ingólfsstrætis á síðasti ári og ógnað manni með hnífnum og hótað að stinga.

Kannabis á Kjalarnesi

Lögreglan á höfuðborgarsvæðinu stöðvaði kannabisræktun í húsi á Kjalarnesi fyrr í vikunni. Við húsleit á áðurnefndum stað fundust 65 kannabisplöntur á lokastigi ræktunar en þær vógu um 14 kg. Stór hluti hússins var undirlagður af þessari starfsemi og var búnaðurinn eftir því.

Sparkaði í punginn á kennaranum sínum

Myndband af ungri rússneskri stúlku í enskutíma hefur vakið mikla athygli á internetinu síðustu daga. Þar sést hvernig kennarinn hennar skammar hana fyrir framan allan bekkinn.

Áratuga gamlar myndir úr starfi lögreglunnar birtar á vefnum

Lögreglan hefur sett upp sérstaka myndasíðu á myndavefnum flickr. Stefán Eiríksson lögreglustjóri segir að lögreglan sjái fyrir sér ýmsa möguleika til miðlunar upplýsinga. Til dæmis að geyma þarna inni upplýsingar um ökutæki sem hefur verið stolið. "Þetta er nú bara svona einn liðurinn í notkun okkar á samfélagsmiðlum," segir Stefán í samtali við Vísi.

Jón Gnarr skálaði við eldri borgara - Mojito spilaði fyrir dansi

Jón Gnarr, borgarstjóri Reykjavíkur, og Guðmundur Hallvarðsson, stjórnarformaður Hrafnistu, skáluðu í bjór þegar nýr salur dvalarheimilis aldraðra, Hrafnistu Reykjavíkur, var vígður í dag.

Þriggja ára fangelsi fyrir hrottalega árás í Breiðholti

Mennirnir sem réðust á mann á sjötugsaldri í Breiðholti í júlí og héldu honum klukkutímum saman á hemili hans og hótuðu honum ofbeldi voru dæmdir í fangelsi í Héraðsdómi Reykjavíkur í dag. Annar þeirra, Daniel Arciszewski, var dæmdur í þriggja ára fangelsi en hinn, Snorri Sturluson, í tveggja ára fangelsi. Mennirnir voru ákærðir fyrir að beita manninn ofbeldi og meiða hann. Þeir neyddu hann líka til að millifæra hundruð þúsunda á bankareikning sinn.

Amazon kynnir nýja vörulínu í dag

Vefverslunarrisinn Amazon mun svipta hulunni af nýrri vörulínu í dag. Fyrirtækið mun kynna nýjar útgáfur af Kindle lesbrettinu sem og Kindle Fire spjaldtölvunni.

Guðbjartur hækkar laun Björns um 450 þúsund krónur

Guðbjartur Hannesson, heilbrigðisráðherra, hefur hækkað laun Björns Zoëga, forstjóra Landspítalans, um fjögur hundruð og fimmtíu þúsund krónur á mánuði. Þetta kom fram í hádegisfréttum RÚV.

Tort bannað að auglýsa: Nr. 1 í innheimtu slysabóta

Neytendastofa hefur bannað Tort að birta auglýsingar með fullyrðingunni "Nr. 1 í innheimtu slysabóta“ eftir kvörtun frá keppinaut fyrirtækisins.

Börnum hafi verið gert að sæta einangrun

Kallað hefur verið eftir bótakröfum frá þeim sem voru vistaðir á Upptöku- eða unglingaheimili ríkisins á árunum 1971 til 1994, en talið er að börn hafi þar sætt illri meðferð og meðal annars verið gert að sæta einangrun þar til þau játuðu á sig refsiverða háttsemi.

Óskað eftir vitnum

Lögreglan á höfuðborgarsvæðinu óskar eftir vitnum að umferðarslysi sem varð norðan við gatnamót Álfabakka og Árskóga í Reykjavík síðdegis í gær, miðvikudaginn 5. september.

Ákærður fyrir að ræna 10/11 vopnaður skrúfjárni

Karlmaður fæddur 1985 hefur verið ákærður fyrir að ræna verslun 10/11 Við Grímsbæ í mars síðastliðnum. Mál hans var þingfest í Héraðsdómi Reykjavíkur í dag. Maðurinn var vopnaður skrúfjárni sem hann lét standa fram úr ermi peysu sinnar.

Drífa Snædal verður framkvæmdastjóri SGS

Framkvæmdastjórn Starfsgreinasambandsins hefur ráðið Drífu Snædal sem framkvæmdastjóra SGS, en hún mun hefja störf hjá sambandinu 17. september næstkomandi samkvæmt tilkynningu frá sambandinu. Fráfarandi framkvæmdastjóri, Kristján Bragason starfar við hlið Drífu til áramóta.

Prófessor og þingmaður deila í héraðsdómi

"Maður á ekki von á því að alþingismaður ljúgi upp á mann opinberlega og í skrifuðu máli,“ sagði Ragnar Árnason prófessor við Háskóla Íslands, í Héraðsdómi Reykjaness í morgun. Aðalmeðferð í meiðyrðamáli hans gegn Þór Saari, alþingismanni, hófst klukkan níu í morgun."Maður á ekki von á því að alþingismaður ljúgi upp á mann opinberlega og í skrifuðu máli," sagði Ragnar Árnason prófessor við Háskóla Íslands, í Héraðsdómi Reykjaness í morgun. Aðalmeðferð í meiðyrðamáli hans gegn Þór Saari, alþingismanni, hófst klukkan níu í morgun.

Höfðu einbeittan vilja til þess að myrða

Norska lögreglan telur að mennirnir tveir sem grunaðir eru um að hafa orðið Sigrid Schjetne að bana hafi haft einbeittan vilja til þess að myrða einhvern þetta kvöld. Tilviljun hafi hins vegar ráðið því að það var Sigrid sem varð fyrir valinu.

Fannst undarlegt að borða dýr sem hún var nýbúin að skoða

Leikkonan Emma Watson sagði í viðtali við þáttastjórnandann David Letterman að Ísland væri gullfallegt land, "þetta er eins og að koma til annarrar plánetu,“ útskýrði Emma þegar hún lýsti reynslu sinni af landinu. Leikkonan var hér við tökur á kvikmyndinni Nóa ásamt stórstirninu Russel Crowe í sumar.

Eiður búinn að birta þúsundasta molann

Eiður Svanberg Guðnason, fyrrverandi umhverfisráðherra og bloggari, hefur skrifað þúsundasta molann um málfar og miðla á vefsvæði sitt. Í tímamótamolanum sínum lítur hann yfir horfinn veg og veltir fyrir sér hvaða áhrif skrif hans kunna að hafa haft, en í pistlum sínum hefur Eiður oft tuktað til ritstjórnir sem starfa hér á landi.

Fjölskylda myrt í Frakklandi - Telpa komst lífs af

Fjögurra ára gömul stúlka lifði af hrottalega morðárás í Frakklandi í nótt. Stúlkan lá á grúfu milli lappa móður sinnar og hafði ekki hreyft sig í rúmar átta klukkustundir þegar lögreglumenn komu á vettvang.

Heitavatnslaust frá Köldukvísl að Hvalfjarðargöngum

Heitavatnslaust verður frá klukkan átta og fram á kvöld á svæði, sem nær frá Köldukvísl í Mosfellsbæ að Hvalfjarðargöngum, vegna viðgerðar í dælustöð í Reykjadal.

Annir hjá björgunarmönnum vegna göngumanna í basli

Göngumaður féll og meiddist á hné fyrir oafn Kjarnaskóg við Akureyri í gærkvöldi. Hann gat gefið neyðarlínunni upp GPS staðsetningu, þannig að björgunarmenn voru fljótir að finna hann og bera til byggða. Hann var þrátt fyrir það orðinn nokkuð kaldur.

Nýnemar tolleraðir í MR

Það ríkir mikil gleði í Menntaskólanum í Reykjavík í dag en 260 nýnemar eru tolleðarir núna fyrir hádegi í dag. Samkvæmt upplýsingum frá skólanum hófst tolleringin klukkan korter yfir elelfu í morgun og lýkur fljótlega eftir hádegi. Að athöfninni lokinni eru nýnemarnir svo boðnir velkomnir með ljúffengri köku og mjólk.

Svefntruflanir gætu verið fyrirboði Alzheimer sjúkdómsins

Ný rannsókn sýnir að svefntruflanir hjá fullorðnu fólki gæti verið merki um að viðkomandi sé með Alzheimer á fyrstu stigum sjúkdómsins.

Sprenging í tyrknesku vopnabúri kostaði 25 hermenn lífið

Mikil sprenging sem varð í vopnabúri tyrkneska hersins í héraðinu Afyon í nótt kostaði 25 hermenn lífið og fjórir liggja særðir á hersjúkrahúsi í grenndinni.