Höfðu einbeittan vilja til þess að myrða

Norska lögreglan telur að mennirnir tveir sem grunaðir eru um að hafa orðið Sigrid Schjetne að bana hafi haft einbeittan vilja til þess að myrða einhvern þetta kvöld. Tilviljun hafi hins vegar ráðið því að það var Sigrid sem varð fyrir valinu.

„Við teljum að mennirnir hafi haft ásetning til þess að drepa. Það að hún var tilviljunakennt fórnarlamb þýðir bara að það var tilviljun sem olli því að hún varð á vegi þeirra en ekki einhver annar," segir Hanne Kristin Rohde, yfirmaður ofbeldisbrotadeildar lögreglunnar, í samtali við Aftenposten.

Lögreglan telur líka að það séu meiri líkur en minni á að mennirnir tveir sem eru í haldi séu þeir sem hafi drepið Sigrid. Mennirnir tveir sem eru á fertugsaldri og sjötugsaldri verða leiddir fyrir rétt í Osló í dag þar sem krafist verður áframhaldandi gæsluvarðhalds yfir þeim.



Það var Aftenposten sem greindi frá.