Ákærður fyrir að hóta fjölskyldu lögreglumanns kynferðisofbeldi

Nítján ára gamall piltur hefur verið ákærður fyrir að hafa borið hníf á almannafæri á horni Laugavegs og Ingólfsstrætis á síðasti ári og ógnað manni með hnífnum og hótað að stinga.

Atvikið átti sér stað í júní á síðasta ári en málið var þingfest í Héraðsdómi Reykjavíkur í morgun. Þá er pilturinn er einnig ákærður fyrir brot gegn valdstjórninni, en eftir að hann var handtekinn og færður í fangageymslu lögreglustöðvarinnar við Hverfisgötu, hótaði hann lögreglumanni og allri fjölskyldu hans kynferðislegu ofbeldi.

Þess er krafist að pilturinn verði dæmdur til refsingar og til greiðslu alls sakarkostnaðar.