Brunabjallan í gang í Seðlabankanum þegar ákvörðun ESA varð ljós

Um það leyti sem ESA gerði ljósa ákvörðun sína um að stefna Íslandi vegna Icesave-deilunnar var blaðamannafundur í Seðlabankanum þar sem nýtt rit bankans sem ber heitið Fjármálastöðugleiki var kynnt. Þar fór Már Guðmundsson yfir stöðuna og sagði hana hafa styrkst frá því ritið kom síðast út í vor. Már sagði þó að ástandið væri enn viðkvæmt ekki síst í ljósi ástandsins á mörkuðum í Evrópu.

Kosningar halda áfram í Egyptalandi

Önnur lota kosninga í Egyptalandi fer fram í vikunni. Þetta eru fyrstu þingkosningar landsins síðan Hosni Mubarak var steypt af stóli í febrúar.

Mikið mannfall í Sýrlandi

Að minnsta kosti 32 létu lífið í átökum í Sýrlandi í gær. Þar á meðal voru sjö meðlimir öryggissveita landsins sem létust í fyrirsát í bænum Bab al-Hawa. Rúmlega 5.000 manns hafa fallið í átökunum í Sýrlandi síðan uppreisnin gegn Bashar Assad, forseta landsins, hófst í Mars á þessu ári.

Skjálfti skók Papúa nýju Gíneu

Öflugur jarðskjálfti, 7,1 að styrkleika, reið yfir Kyrrahafsríkið Papúa nýju Gíneu í morgun. Engin flóðbylgjuviðvörun var gefin út en skjálftinn átti upptök sín um 55 kílómetrum frá næst stærstu borg landsins, Lae. Hann varð á um 121 kílómeters dýpi og dró það mikla dýpi verulega úr hættunni. Engu að síður fannst skjálftinn greinilega í borgum landsins en fregnir af skemmdum eða slysum á fólki hafa ekki borist.

Fundu lík af konu á heimili árásarmannsins í Liege

Lögreglan í Belgíu hefur fundið lík af konu á heimili byssumannsins sem drap sex manns og særði 123 í árás í miðborg Liege í gærdag.

Braut nálgunarbann gegn fyrrverandi eiginkonu

Karlmaður var í gær dæmdur til að greiðslu sektar fyrir að brjóta nálgunarbann gegn fyrrverandi eiginkonu sinni og núverandi sambýlismanni hennar.

Læknar vilja að kaþólskar nunnur fái að nota p-pillur

Það hefur hingað til ekki verið talin mikil hætta á að kaþólskar nunnur verði óléttar. Læknar vilja samt að kaþólska kirkjan gefi þeim leyfi til að vera á p-pillum.

Hægri öfgamaður drap tvo og særði þrjá í Flórens

Ginaluca Casseri, fimmtugur ítalskur rithöfundur og hægri öfgamaður, stóð fyrir skotárás á hóp götusala frá Senegal í miðborg Flórens í gærdag með þeim afleiðingum að tveir þeirra létust og þrír liggja særðir eftir.

Svar stjórnarinnar vonbrigði

Stjórn Lögmannafélags Íslands segir í svari sínu við erindi Agnars Kristjáns Þorsteinssonar og Ísaks Jónssonar vegna ummæla hæstaréttarlögmannsins Sveins Andra Sveinssonar að stjórnin fari ekki með mál vegna meintra brota lögmanna á lögum eða siðareglum. Sjálfstæð úrskurðarnefnd félagsins fer með slík mál.

Nýjar álögur stjórnvalda munu lækka lífeyrisgreiðslur

Lífeyrisgreiðslur munu óhjákvæmilega lækka til sjóðsfélaga ef fyrirhugaðar nýjar álögur stjórnvalda á sjóðina ganga eftir, segir í ályktun stjórnar Landssamtaka lífeyrissjóða.

Ógnuðu manni með skærum á Laugavegi í nótt

Þrír menn ógnuðu gangandi vegfaranda á Laugavegi í Reykjavík í nótt, með skærum og kröfðust þess að hann afhenti þeim farsíma sinn. Hann gerði það og hurfu þeir á braut.

Herjólfur siglir til Landeyja í dag

Herjólfur mun sigla milli Eyja og Landeyjahafnar í dag þar sem dýptarmælingar sýna að það sé óhætt. Dýpið er þó ekki meira en það að sæta verður sjávarfalla.

Newt Gingrich tekur forystuna meðal Repúblikana

Newt Gingrich, fyrrum forseti fulltrúadeildar Bandaríkjaþings, hefur tekið forystuna meðal þeirra sem keppa við að verða forsetaefni Repúblikanaflokksins í kosningunum á næsta ári.

Ýmis gjöld hækka í Kópavogi

Vistun í leikskóla, gjaldskrá sundlauga og dægradvöl í grunnskólum eru liðir sem munu hækka, samkvæmt fjárhagsáætlun Kópavogsbæjar, sem samþykkt var í gærkvöldi af fulltrúum allra flokka, nema Sjálfstæðisflokks.

Sex látnir eftir árásina í Liege og 123 manns særðust

Sex manns létust í skotárásinni í belgísku borginni Liege í gærdag og 123 særðust. Meðal látinna er 17 mánaða gamalt stúlkubarn sem læknar börðust lengi við að halda á lífi.

Rússar lækka laxveiðileyfin

Verð á veiðileyfum í laxveiðiár á Kólaskaga í Rússlandi verður 5 til 30 prósentum lægra næsta sumar en var í sumar sem leið. Þetta kemur fram á vef Stangaveiðifélags Reykjavíkur.

Fá ekki þyrlupall hjá skemmtiferðaskipum

„Þetta er tilvalinn staður til að þjónusta skemmtiferðaskipin, það verður ekki betra,“ segir Guðmundur Ingi Jónsson, þyrluflugmaður hjá Vesturflugi sem óskað hefur eftir lóð fyrir þyrlupall við Skarfabakka í Sundahöfn.

Varðhaldsúrskurðum fjölgað um 60 prósent

Gæsluvarðhaldsúrskurðir verða sífellt algengari. Þeim hefur fjölgað um 60 prósent síðan árið 1996 sé miðað við síðasta ár og var þá meðalfjöldi daga í gæsluvarðhaldi um þrettán dagar. Íbúum landsins fjölgaði á sama tíma um tæp 20 prósent. Í fyrra voru úrskurðir 139 talsins.

Vill klára að semja og þjóðin fái að kjósa

Steingrímur J. Sigfússon fjármálaráðherra segir Íslendinga myndu verða engu nær ef aðildarumsókn að Evrópusambandinu yrði dregin til baka nú. Hann vill ekki að taugaveiklun yfir ástandinu í Evrópu nú hafi áhrif á það sem Alþingi samþykkti á vordögum 2009. Þetta kom fram í umræðum á Alþingi í gær.

Ríkið sparar 17 milljarða í vaxtagjöld

Tæpir 17 milljarðar hafa sparast í vaxtagjöld á því að ná fjárlagahallanum niður. Hann nam hæst tæpum 216 milljörðum árið 2008 en er nú kominn niður í tæpa 50 milljarða króna. Þetta kemur fram í tölum frá fjármálaráðuneytinu sem Skúli Helgason, þingmaður Samfylkingarinnar, vitnaði í á Alþingi í gær.

Tveir skartgripaþjófar dæmdir

Tveir ungir menn, 18 og 24 ára, hafa verið dæmdir í þriggja og sex mánaða skilorðsbundið fangelsi fyrir stórfelld þjófnaðarbrot. Þeir stálu meðal annars miklu magni af skartgripum, sem sumir voru gamlir, og fjölmörgum fleiri dýrum munum.

Yfirfór bíla Stoltenbergs

Pólfarinn Gunnar Egilsson hefur verið önnum kafinn við undirbúning hátíðarhalda á suðurpólnum sem hefjast í dag í tilefni þess að öld er liðin frá því að norski landkönnuðurinn Roald Amundsen náði þangað fyrstur manna.

Fordæmi fyrir IPA-skattaundanþágum

Samkvæmt frumvarpi sem fjármálaráðherra lagði fram á þingi fyrir stuttu skulu allir IPA-styrkir sem Ísland fær úthlutað frá Evrópusambandinu (ESB) í yfirstandandi umsóknarferli vera undanþegnir sköttum og opinberum gjöldum. Þannig renni öll aðstoð sem Ísland hlýtur með þessum hætti beint til þeirra verkefna sem hún var ætluð.

3.000 sjómenn í slysavarnaskóla

Þrjú þúsund sjómenn hafa sótt Slysavarnaskóla sjómanna á árinu 2011. Aldrei hafa jafn margir sótt skólann og í ár.

Nýtt þing sett í næstu viku

Nýtt þing mun koma saman í Rússlandi 21. desember. Þetta tilkynnti forseti landsins, Dimitrí Medvedev, í gær.

Dómi undirréttar snúið við

Norski blaðamaðurinn og rithöfundurinn Åsne Seierstad var fyrir millidómstigi í Noregi í gær sýknuð af ákæru um að hafa rofið friðhelgi einkalífs í tengslum við skrif bókarinnar Bóksalinn í Kabúl.

Fékk sár eftir egghvasst áhald

Tvær líkamsárásir voru kærðar til lögreglu í Vestmannaeyjum eftir helgina.

Býður sig fram gegn Sarkozy

Dominique de Villepin, fyrrverandi forsætisráðherra Frakklands, ætlar að bjóða sig fram gegn Nicolas Sarkozy í forsetakosningum í vor.

Bjartsýnn á framtíð evrusvæðisins

Herman van Rompuy, forseti leiðtogaráðs Evrópusambandsins, segist vera bjartsýnn á framtíð evrunnar þrátt fyrir erfiðleikana sem nú steðja að.

Á slóð guðseindarinnar

Vísindamenn við sterkeindahraðal evrópsku kjarnorkurannsóknastöðvarinnar (CERN) á landamærum Sviss og Frakklands hafa fundið forvitnilegar vísbendingar um tilvist Higgs-bóseindarinnar. Um er að ræða helsta markmið dýrustu vísindatilraunar allra tíma en vísindamennirnir vonast til þess að geta svarað spurningunni um tilvist hennar að fullu á næsta ári.

„Hinn heppni“ var handtekinn

Hermenn í Mexíkó handsömuðu á mánudag glæpaforingjann Raul Lucio Hernandez. Hernandez, sem oft er kallaður „Hinn heppni“, stýrði hinni illræmdu Zetu-klíku. Hans var ákaft leitað og var 150 milljónum króna heitið til höfuðs honum.

Wyatt sem varð að Nicole

Wyatt og Jonas Aimes eru eineggja tvíburar. Bræðurnir fæddust árið 1997 og í fyrstu leit úr fyrir að þeir yrðu fullkomlega venjulegir piltar. En þegar árin liður varð ljóst að ekki var allt með felldu. Á meðan Jonas hafði áhuga á ofurhetjum og sjóræningjum vildi Wyatt frekar leika sér með barbídúkkur og ballettpils.

Varað við mikilli hálku

Flughálka er víða á Suðausturströnd landsins og einnig sumstaðar á Austur- og Norðausturlandi og eru vegfarendur beðnir um að sýna sérstaka aðgát samkvæmt tilkynningu frá Vegagerðinni.

Fjárhagsáætlun Kópavogsbæjar samþykkt í kvöld

Fjárhagsáætlun Kópavogsbæjar fyrir árið 2012 var samþykkt á fundi bæjarstjórnar í kvöld en að henni standa allir flokkar í bæjarstjórn nema Sjálfstæðisflokkurinn samkvæmt tilkynningu frá Kópavogi.

Fellaskóli á botninum

Fellaskóli kemur verst út á landsvísu þegar meðaleinkunnir nemanda á samræmdum prófum eru skoðaðar. Hlutfall barna af erlendum uppruna er óvenju hátt við skólann og fer upp í sjötíu prósent í einstaka árgöngum.

Hótar að loka Wikipedia í mótmælaskyni

Jimmy Wales, einn af stofnendum frjálsa alfræðiritsins Wikipedia hefur hótað að loka síðunni í mótmælaskyni vegna frumvarps sem á að koma í veg fyrir brot á höfundarrétti á internetinu.

Herjólfur siglir til Landeyjahafnar á morgun

Nú liggja fyrir niðurstöður dýptarmælingar sem framkvæmd var fyrr í dag. Í framhaldi af því hefur verið tekin ákv. um að hefja siglingar til Landeyjahafnar á morgun miðvikudag.

Dularfullt loftfar fylgdist með mótmælendum í Moskvu

Mótmælendur í Moskvu náðu myndum af óþekktum hlut sem sveif yfir mannmergðinni á Bolotnaya-torgi.

Blöskrar meðferð á fólki með lánsveð

Liðlega sjötugur faðir hefur í tvígang fengið neitun frá Fjármálaeftirlitinu um að Arionbanki verði skikkaður til að aflétta veði sem sonur hans fékk lánað í íbúð foreldra sinn svo sonurinn fái að njóta 110 prósenta leiðarinnar. Faðirinn segir fólk með lánsveð beitt ranglæti, og vill fara með málið fyrir dómstóla.

Sjónarvottur að morðunum í Liege: "Það var blóð úti um allt“

Sjónarvottur að árásinni í Liege í Belgíu segir í samtali við fréttastofu að mikil ringulreið hafi ríkt á svæðinu. Hann segist hafa séð nokkra þeirra sem létust og marga særða en 75 særðust í hildarleiknum. Árásamaðurinn, 32 ára karlmaður, framdi sjálfsmorð eftir að hafa skotið úr riffli og skambyssu og varpað handsprengjum niður á mannfjöldann á Saint-lamberte torginu.

Aðstoðuðu bensínlausan nemanda á leið í próf

Karl á þrítugsaldri varð fyrir því óláni að bifreið hans varð bensínlaus í morgunumferðinni á Miklubraut í gær. „Til að bæta gráu ofan á svart var maðurinn á leið í próf og mátti því engan tíma missa,“ segir í tilkynningu frá lögreglunni. „Honum til happs voru tveir lögreglumenn staddir í nágrenninu og óku þeir manninum í snarhasti á næstu bensínstöð til að sækja nokkra lítra af bensíni.“

Hundur ók á bíl í Eyjum

Árekstur varð við verslunina Vöruval í Vestamannaeyjum í dag. Um aftanákeyrslu var að ræða þar sem bíl var ekið á annan kyrrstæðan. Hið undarlega í málinu er, að ökumaðurinn var ekki maður, heldur hundur.

Bílþjófur tekinn - ekur bara próflaus í undantekningartilfellum

Lögreglan handtók tvo menn á stolnum bíl í miðborginni í gær en bílnum hafði verið stolið í vesturbænum fyrir hádegi. Mennirnir voru handteknir og vistaðir í fangageymslu lögreglunnar.

Tveggja ára fangelsi fyrir að nauðga fjórtán ára stúlku

Ungur karlmaður var á föstudaginn var dæmdur í tveggja ára fangelsi fyrir að nauðga fjórtán ára gamalli stúlku á Selfossi. Pilturinn var 17 ára gamall þegar brotið var framið en atburðurinn átti sér stað í júní síðastliðnum. Stúlkan greindi frá því fyrir rétti að pilturinn hafi dregið sig afsíðis og komið fram vilja sínum gagnvart henni. Hún hafi þráfaldlega beðið hann um að hætta en allt kom fyrir ekki.

Syngur lag í minningu föður sins

Söngkonan Eivør Pálsdóttir mun syngja nýtt jólalag á árlegum Jólasöngum Langholtskirkju sem fram fara um helgina. Lagið syngur hún í minningu föður síns sem lést á árinu. „Og raunar allra sem við söknum sérstaklega á jólunum sem eru ekki með okkur lengur," segir Jón Stefánsson kórstjóri sem var einmitt á leið á æfingu með graduelakór Langholtskirkju til að æfa nýjustu útsetninguna á laginu. „Svo kemur hún sjálf á morgun og þá erum við með æfingu með hljómsveit og öllu," segir Jón.