Ólafur Þórðarson jarðsunginn

Útför Ólafs Tryggva Þórðarsonar tónlistarmanns var gerð frá Hallgrímskirkju í dag og hófst athöfnin klukkan eitt. Ólafur var einn ástsælasti tónlistarmaður þjóðarinnar um árabil, þekktastur fyrir það að vera einn af þremennningunum úr Ríó tríó. Hann lést á endurhæfingardeild Landspítalans á Grensás þann 4. desember síðastliðinn en hann hafði verið rúmliggjandi eftir að hafa orðið fyrir líkamsárás í nóvember í fyrra.

Minna á tjáningarfrelsið

Stjórnir Hagþenkis, Rithöfundasambands Íslands, Bandalags þýðenda og túlka, Reykjavíkur Akademíunnar, Blaðamannafélags Íslands og PEN á Íslandi vilja af gefnu tilefni minna á að einn af hornsteinum stjórnarskrár Íslands sé óskoraður réttur borgaranna til þátttöku í opinni samfélagsumræðu á fundum, í dagblöðum, á netsíðum, ljósvakamiðlum eða í bókum.

Síbrotamaður í átta mánaða fangelsi

Rétt liðlega þrítugur karlmaður var dæmdur í átta mánaða fangelsi í dag fyrir líkamsárás í Seljahverfi í apríl í fyrra. Maðurinn var fundinn sekur að að hafa slegið annan mann í andlitið á heimili hans með þeim afleiðingum að það blæddi úr. Hann var jafnframt dæmdur til að greiða þolanda árásarinnar 600 þúsund krónur í miskabætur. Hinn dæmdi hefur margoft komið við sögu lögreglunnar og var á skilorði þegar dómurinn var kveðinn upp.

Hryðjuverk í Belgíu

Tveir fórust í sprengingu í belgísku borginni Liege fyrir stundu. Tólf eru særðir, samkvæmt frásögn belgískra fjölmiðla. Fram kemur á fréttavef BBC að nokkrir menn hafi hent sprengiefni og handsprengjum í mannþröng á strætóstoppistöð. Sumir belgískir fjölmiðlar hafa haldið því fram að einn árásarmannanna sé á meðal hinn látnu. Enginn hefur lýst ábyrgð á sprengjunum á hendur sér.

Slökkti í logandi fötum mömmu sinnar

Sautján ára piltur sýndi mikið snarræði og hugrekki þegar hann kom móður sinni til bjargar og náði að slökkva í logandi fötum hennar áður en hún brenndist enn meir en raunin varð. Lögregla telur að hann hafi jafnvel bjargað lífi hennar.

Með áverka á baki eftir eggvopn

Tvær líkamsárásir voru kærðar til lögreglu í Vestmannaeyjum um helgina og er önnur þeirra sýnu alvarlegri en hin. Hún átti sér stað aðfaranótt sunnudagsins í heimahúsi. Þar lenti maður í átökum við húsráðanda og fengu báðir áverka í andlit eftir átökin. Auk þess var sá sem var gestkomandi með sár á baki sem talin eru eftir egghvasst áhald. Ekki var um djúp sár að ræða en maðurinn þurfti að leita aðstoðar læknis til að loka sárinu. Við rannsókn málsins viðurkenndi aðili sem þarna var að hafa valdið manninum þessum áverkum á bakinu. Lögreglan segir að málið sé að mestu upplýst.

Veðjað á að Jón fari

Mun meiri líkur eru á því að Jón Bjarnason sjávarútvegs- og landbúnaðarráðherra fari úr ríkisstjórn fyrir áramót en ekki, eftir því sem veðmálasíðan Betsson segir. Á síðunni er nú hægt að veðja hvort Jón fari eða verði áfram. Stuðullinn er 1,35 á að hann fari en 3 á að hann fari ekki, sem þýðir að á síðunni er gert ráð fyrir að hann fari. Ríkisráðsfundur er jafnan haldinn á Bessastöðum á gamlársdag. Á ríkisráðsfundum eru ráðherrar jafnan skipaðir í embætti og öðrum veitt lausn. Á slíkum fundum eru lög sem samþykkt hafa verið frá Alþingi einnig endurstaðfest.

Aðalhetjur Finding Nemo í útrýmingarhættu

Hópur vísindamanna frá Kanada og Bandaríkjunum hefur framkvæmt rannsókn á lífríki kóralrifa. Þeim til hliðsjónar var teiknimyndin vinsæla frá Pixar - Finding Nemo. Niðurstöður rannsóknarinnar benda til að 16% þeirra tegunda sem eru í teiknimyndinni eru nú í bráðri útrýmingarhættu.

Gríðarlegar skemmdir á húsinu

Gríðarlegar skemmdir urðu á húsnæðinu við Fagrahjalla í Kópavogi sem kviknaði í í gærkvöld, eins og sést á meðfylgjandi myndskeiði. Fram hefur komið brenndist kona alvarlega í eldinum og liggur hún nú á Landspítalanum. Konan var ein í húsinu þegar eldurinn kom upp. Hann logaði í stofu á eftir hæð og eru eldsupptök rakin til arins sem er þar.

Skattamálið reynist Venstre harla erfitt

Grunur um óréttmæt afskipti stjórnar Lars Løkke Rasmussen, fyrrverandi forsætisráðherra Danmerkur, af skattamálum núverandi forsætisráðherra eru óðum að snúast upp í martröð fyrir flokk Rasmussens, hægriflokkinn Venstre sem nú er í stjórnarandstöðu.

Krefjast afsökunarbeiðni frá Bandaríkjunum

Yfirvöld í Íran neita að láta bandaríska njósnaflaug af hendi þrátt fyrir kröfu Bandaríkjahers.

Fjölskylda fannst látin í Leeds

Lögreglan í Leeds í Bretlandi hefur hafið morðrannsókn eftir að fjölskylda búsett í úthverfi borgarinnar fannst látin. Hjónin Richard og Clair Smith fundust látin í svefnherbergi sínu ásamt sonum þeirra.

Slapp ótrúlega vel þegar jeppi ók yfir hana

Fimm ára gömul kínversk telpa slapp ótrúlega vel þegar jeppi ók yfir hana á dögunum. Öryggismyndavél náði atvikinu á filmu sem hefur vakið mikla athygli um allan heim. Svo virðist sem stelpan hafi verið að rífast við fjölskyldu sína og vill ekki halda áfram þar sem þau eru að ganga eftir götu. Eftir nokkuð þref virðist sem konurnar sem eru með henni ákveði að skilja hana eftir, væntanlega til að kenna henni lexíu.

Situr í fangelsi næstu áratugi

Manuel Noriega, fyrrverandi forseti Panama, var fluttur heim til Panama í gær eftir 22 ára fjarveru.

Skóm fleygt að Ahmadinejad

Atvinnulaus maður fleygði skóm sínum í átt að Mahmoud Ahmadinejad, forseta Íran, í gær. Samkvæmt fréttamiðlum í Íran var maðurinn að mótmæla því að hafa ekki fengið atvinnuleysisbætur.

Skattleggja hagnað en lækka skatt á laun

Fjársýsluskattur á lífeyrissjóði verður felldur út úr frumvarpi fjármálaráðherra um ráðstafanir í ríkisfjármálum, bandorminum svokallaða. Meirihluti efnahags- og viðskiptanefndar samþykkti umfangsmiklar breytingar á frumvarpinu í gærkvöld. Það verður til umræðu á þingi í dag.

Óslóartréin eignast afkomendur á Íslandi

Oslóartrén, sem prýtt hafa Austurvöll í 60 ár haf nú eignast afkomendur í Elliðaárdal, þar sem nokkur lítil Oslóartré vaxa nú og dafna.

Fikt með úðabrúsa endaði með sprengingu

Karlmaður á þrítugsaldri, hafði næstum farið sér að voða og hlaut fyrsta og annars stigs bruna þegar hann var að fikta með própangas og kveikti í lakkúðabrúsum, sem sprungu og sköpuðu eldhaf.

Kanadamenn segja sig frá Kyoto bókuninni

Stjórnvöld í Kanada ætla að segja sig formlega frá Kyoto bókuninni um niðurskurð á gróðurhúsalofttegundum.

Þrálát bræla stoppar loðnuveiðarnar

Flest loðnuskipin eru í höfn vegna þrálátrar bræðu á Grænlandssundi, þar sem helsta veiðivonin er.

Yfir 5.000 hafa fallið í Sýrlandi

Fjöldi fallinna í mótmælunum og uppreisninni í Sýrlandi er kominn yfir 5.000. Þetta segja talsmenn Sameinuðu þjóðanna.

Enn talsverður kuldi á landinu

Þrátt fyrir að verulega hafi dregið úr frosti víðast hvar á landinu mældist rúmlega 12 stiga frost í Húsafelli og tæplega 12 stiga frost á Hvanneyri í nótt.

Kona alvarlega brennd eftir eldsvoða í Kópavogi

Kona liggur alvarlega brennd á Landsspítalanum eftir að hún komst af sjálfsdáðum út úr brennandi raðhúsi við Fagrahjalla í Kópavogi um kvöldmatarleitið í gærkvöldi.

Hluti af Frozen Planet tekinn upp í dýragarði

Í ljós er komið að hluti af hinni áhrifamiklu sjónvarpsþáttaröð Frozen Planet sem BBC gerði var tekinn upp í dýragarði í Hollandi en ekki á auðnum Norðurpólsins.

Danir vilja þjóðaratkvæði um samkomulag ESB

Meirihluti Dana vill að haldin verði þjóðaratkvæðagreiðsla um samkomulagið sem náðist á leiðtogafundi Evrópusambandsins í lok síðustu viku.

Segir skatt vegna skuldamála styrkja lífeyrissjóði

Steingrímur J. Sigfússon fjármálaráðherra segir lífeyrissjóðina njóta góðs af skattlagningu á sjóðina. Hún sé hluti af aðgerðum til styrktar skuldugum heimilum og sjóðirnir muni njóta góðs af betri stöðu heimilanna.

Flestir ætla að eyða svipað miklu í jólagjafir og í fyrra

Landsmenn ætla ýmist að eyða svipuðum upphæðum og í fyrra til jólagjafakaupa, eða eyða lægri upphæðum en fyrir síðustu jól, samkvæmt niðurstöðum skoðanakönnunar Fréttablaðsins og Stöðvar 2.

Með dóp og bjúghníf á jólahlaðborði

Lögreglumenn úr sérsveit ríkislögreglustjóra veittu á laugardagskvöld athygli tveimur karlmönnum sem sátu í stolnum bíl fyrir utan klúbbhús Vítisengla í Hafnarfirði. Mennirnir voru handteknir og samkvæmt upplýsingum Fréttablaðsins kvaðst annar þeirra hafa verið á jólahlaðborði sem Vítisenglar stóðu fyrir þá um kvöldið í höfuðstöðvum sínum.

Krydda tómatarækt með hestasýningum

„Nýja gróðurhúsið er hugsað fyrir stóraukna tómatarækt en einnig móttöku fyrir ferðamenn,“ segir Knútur Rafn Ármann, garðyrkjubóndi á Friðheimum í Reykholti, sem er að ganga frá nýju 2.200 fermetra gróðurhúsi. Eftir stækkun er rafmagnsnotkun býlisins á við þrjú þúsund manna bæjarfélag.

Henti 18 kílóa borði í konu

Ríkissaksóknari hefur ákært karlmann á sextugsaldri fyrir Héraðsdómi Reykjaness fyrir sérstaklega hættulega líkamsárás.

Pólitíkusar heykjast á samkomulagi

Ekki tókst að ná lagalega bindandi samkomulagi allra þjóða um samdrátt í útblæstri gróðurhúsalofttegunda í Durban. Engu að síður skuldbundu ríki sig til að ná saman um samning sem tæki gildi 2020. Umhverfissinnar hafa áhyggjur af því að það verði of seint. Kýótó-bókunin rennur út á næsta ári.

Jólasveinarnir mæta á safnið

Stekkjarstaur mætti í heimsókn á Þjóðminjasafnið í gærmorgun, en hann er fyrsti jólasveinninn og kom til byggða í fyrrinótt. Fjöldinn allur af börnum tók á móti Stekkjarstaur.

Ofbeldisvarnaráði verði komið á fót

Forvarnir gegn kynferðislegu ofbeldi eru í engu samræmi við það hversu mikil ógn ofbeldið er við heilsu og réttindi barna á Íslandi. Þetta segir Stefán Ingi Stefánsson, framkvæmdastjóri UNICEF á Íslandi. Stofnunin hefur gert ráðamönnum grein fyrir hugmyndum sínum um að stofnað verði ofbeldisvarnaráð hér á landi sem myndi sinna forvörnum gegn ofbeldi með áherslu á kynferðislegt ofbeldi, eða að forvörnum verði fundinn staður hjá viðeigandi stofnun.

Víðtæk áhrif af banni við mismunun kynja

Bann við mismunun kynja við tryggingaútreikninga mun hafa margvísleg neikvæð áhrif á neytendur, tryggingamarkaðinn og samfélagið í heild sinni. Þetta er niðurstaða rannsóknar sem Evrópusamtök vátryggjenda hafa látið vinna fyrir sig. Samkvæmt skýrslunni, sem unnin var af greiningarfyrirtækinu Oxera og kynnt í síðustu viku, er fyrirséð að breytingin muni valda því að lífeyrisgreiðslur skerðist um fimm prósent, líftryggingariðgjöld kvenna hækki um þrjátíu prósent og iðgjöld bílatrygginga ungra kvenna hækki um ellefu prósent.

Köld excel-skjöl segja ekkert

„Kaldir meðaltalsútreikningar í excel-skjölum segja ekkert til um aðstæður á einstökum stöðum,“ segir bæjarstjórn Grundarfjarðar, sem hvetur Heilbrigðisstofnun Vesturlands til að skera niður í öðru en heilsugæslunnni.

Segja „óraunhæfa“ tillögu vonbrigði

„Tillagan var algjörlega óraunhæf, fól í sér skref aftur á bak frá undanförnum fundum og olli íslenskum stjórnvöldum því miklum vonbrigðum,“ segir Tómas H. Heiðar, aðalsamningamaður Íslendinga í viðræðum um makrílveiðar, um tillögu ESB og Noregs varðandi veiðarnar.

Utanríkisráðherra til Íslands

Dr. Riad Malki, utanríkisráðherra Palestínu, kemur til Íslands á morgun í boði Össurar Skarphéðinssonar utanríkisráðherra.

Segir almenning vera að vakna

„Samfélagið er að vakna,“ sagði Mikhaíl Prokhorov, þriðji auðugasti maður Rússlands, þegar hann tilkynnti um framboð sitt til forsetakosninga í vor.

Fyrirtæki lokuð og skólar tómir

Sýrlendingar sýndu andstöðu sína gegn stjórnvöldum víða um land í gær með því að loka fyrirtækjum og senda börn sín ekki í skóla.

Konur láti í sér heyra fyrir frelsi

Ellen Johnson Sirleaf, Leymah Gbowee og Tawakkul Karman fengu friðarverðlaun Nóbels afhent í Ósló á laugardag. Konurnar þrjár hafa barist gegn misrétti, einræðisherrum og kynferðislegu ofbeldi í Líberíu og Jemen. Í ræðum sínum hvöttu þær kúgaðar konur heimsins til þess að rísa upp gegn yfirráðum karla.

Kæfði unnustu sína í svefni

Fyrrverandi kokkur varð unnustu sinni að bana eftir að hann sofnaði ofan á henni.

93 ára gömul hjúkrunarkona sæmd heiðursorðu Bandaríkjahers

93 ára gömul hjúkrunarkona frá Belgíu hefur hlotið heiðursorðu Bandaríkjahers fyrir hugprýði. Augusta Chiwy, sem er af kongólskum ættum, kom hundruðum særðum Bandaríkjamönnum til bjargar í Ardennasókninni.

Hulk Hogan: "Ég er ekki hommi"

Leikarinn og glímukappinn Hulk Hogan vísar á bug fullyrðingum fyrrverandi eiginkonu sinnar um að hann sé samkynhneigður. Hún segir að Hogan hafi átt í ástarsambandi við kollega sinn Brutus Beefcake.

Þurfti nokkra daga í frí - birti dánartilkynningu móður sinnar

Maður í bænum Brookville í Pennsylvaníu birti dánartilkynningu móður sinnar. Hann lét yfirmann sinn síðan vita að móðir hans hefði fallið frá og vildi fá nokkra daga í frí. Móðir mannsins gekk síðan inn á skrifstofu blaðsins The Jeffersonian Democrat og sagðist vera á lífi.

Einn minnsti fyrirburi veraldar kom öllum á óvart

Hin 22 ára gamla Madeline Mann er búsett í Illinois-fylki í Bandaríkjunum. Hún er heiðursnemandi við háskólann í Augustana. Hún fæddist í júní árið 1989 - hún var minnsti fyrirburi veraldar.