Loks hægt að nota greiðslukort í strætó

Strætó bs. stefnir á að bjóða farþegum sínum upp á að borga fyrir farið með almennum greiðslukortum í vetur, að sögn framkvæmdastjóra fyrirtækisins.

Milljónir tunna borist í hafið

Bandaríkin, AP Nú er talið að allt frá einni milljón tunna og upp í 2,4 milljónir tunna af olíu hafi lekið út í Mexíkóflóa frá því sprenging varð í borpallinum Deepwater Horizon þann 20. apríl síðastliðinn.

Áhrifarík meðferð við ristilkrabba í augsýn

„Niðurstöður úr nýrri rannsókn í Bretlandi benda til þess að mögulegt sé að lækka nýgengi krabbameins í ristli og endaþarmi um helming. Það er ótrúlegt en satt,“ segir Tryggvi Björn Stefánsson, sérfræðingur í almennum skurðlækningum.

Hæstiréttur dæmdi rangt í launamálum

Eftirlitsstofnun EFTA hefur úrskurðað að dómur Hæstaréttar, frá árinu 2004, um launaskuldbindingar sem fylgdu ekki til nýs eigenda Fréttablaðsins, hafi brotið í bága við tilskipun Evrópusambandsins. Málið gæti endað fyrir EFTA-dómstólnum.

Tugþúsundir flýja átök í Kirgisistan

Kirgisistan, ap Um 100 manns hafa látið lífið og að minnsta kosti þúsund hafa særst í átökum í Kirgisistan undanfarna daga. Þá hafa um 75 þúsund Úsbeka þurft að flýja yfir landamærin til Úsbekistan, mest eldra fólk, konur og börn.

Ætlar að reyna aftur að sigla í kringum hnöttinn

Abby Sunderland, 16 ára stúlka frá Bandaríkjunum, ætlar að reyna aftur að sigla hringinn í kringum hnöttinn þrátt fyrir að seglskúta hennar fékk á sig brot á miðju Indlandshafi fyrr í vikunni. Það var fransk veiðiskip sem bjargaði henni í gær. Hún ætlaði að verða yngsta stúlkan til að sigla ein í kringum hnöttinn.

Umsóknin að ESB verður rædd 17. júní

Búist er við því að umsókn Íslands um aðild að Evrópusambandinu verði tekin fyrir á fundi leiðtogaráðs sambandsins þann 17. júní næstkomandi. Þetta hefur ríkisútvarpið eftir Kristjáni Guy Burgess, aðstoðarmanni utanríkisráðherra.

Vongóð um að það náist að semja um þinglok

Stjórn og stjórnarandstöðu gengur illa að semja um þinglok og enn er ágreiningur um afgreiðslu stórra mála. Forseti Alþingis vonast þó til þess að samkomulag náist á morgun.

Bjórinn rýkur út í Suður-Afríku

Það er hátíð hjá eigendum öldurhúsa og veitingastaða í Suður-Afríku því sala á bjór hefur stóraukist í landinu í kjölfar heimsmeistaramótsins í knattspyrnu þar sem tugir þúsunda aðdáenda liðanna sötra mjöðinn á meðan þeir hvetja sína menn áfram.

Átján létust í rútuslysi á Filippseyjum

Átján létust og að minnsta kosti þrjátíu slösuðust þegar rúta með írönskum læknanemum fór útaf fjallavegi í Cebuhéraði á Filippseyjum í dag.

Skotárás í Bretlandi - fjórir á sjúkrahúsi

Fjórir, þrír karlar og ein kona, liggja á sjúkrahúsi eftir að hafa orðið fyrir skotárás á næturklúbbi í Birgmingham í Bretlandi.

Rændi og nauðgaði 10 ára stúlku

Kevin Holmes, frá Crosby nálægt Liverpool, hefur verið handtekinn grunaður um að hafa rænt og nauðgað tíu ára stúlku.

Eymdin algjör í Kirgistan

Svo virðist sem vopnuð gengi Kirgista gangi um og skjóti allt sem hreyfist, en lýsing sjónarvotta á aðstæðum í suðurhluta landsins er skelfileg. Einn sjónarvottur lýsir því þannig í samtali við Reuters fréttastofuna að gengi Kirgista skjóti Úsbeka eins og dýr. Þá er borgin Osh, sem er þungamiðja átakanna og önnur stærsta borgin, í rúst.

Birgitta: Ísland ekki risastór miðstöð fyrir klám

Allsherjarnefnd leggur til að þingsályktunartillaga um að Ísland skapi sér afgerandi sérstöðu um vernd tjáningar- og upplýsingafrelsis verði samþykkt með smávægilegum breytingum. Flutningsmaður tillögunar segir standa til að flytja erindi um hana á Evrópuþinginu síðar í mánuðinum.

Að minnsta kosti 15 látnir eftir sprengju í Bagdad

Að minnsta kosti fimmtán eru látnir eftir að sprengja sprakk fyrir framan Seðlabanka Íraks í höfuðborginni Bagdad í dag. Sprengjan sprakk þegar starfsmenn bankans voru að yfirgefa staðinn.

Ekki hefur náðst samkomulag um þinglok

Enn hefur ekki náðst samkomulag milli stjórnar og stjórnarandstöðu um þinglok, en samkvæmt heimildum fréttastofu funduðu formenn flokkanna stíft um þau í gær.

Björgunarsveitum snúið við í nótt

Björgunarsveit frá Siglufirði var snúið við í nótt þegar að bátur sem hafði dottið út af radar nokkrum mílum norður af Kolbeinsey kom aftur í leitirnar.

Flóðbylgjuviðvörun afturkölluð

Öflugur jarðskjálfti varð í gærkvöldi við Nicobar eyjar á Indlandshafi. Skjálftinn mældist 7,5 á richter. Óttast var að skjálftinn myndi koma af stað flóðbylgju og var flóðbylgjuviðvörun gefin út í gærkvöldi. Hún var svo afturkölluð. Upptök skjálftans voru neðansjávar, um 150 kílómetrum vestur af Misha á Nicobar eyjum.

Fangageymslur fullar í Reykjavík - þrjár líkamsárásir

Þrjár líkamsárásir komu upp hjá lögreglunni á höfuðborgarsvæðinu í nótt. Árásarþolar eru með áverka á höfði svo sem nefbrot. Öll málin voru aðskild, en aðeins einn var fluttur á slysadeild.

Alþingi kemur saman í hádeginu á morgun

Alþingi fundaði til klukkan tæplega hálfníu í gærkvöld, og lauk þingfundi á síðari umræðu um samgönguáætlun til ársins 2012. Ein lög voru afgreidd frá þinginu í gær, en það voru hertar reglur um fjármálafyrirtæki sem setja fyrirtækjunum þrengri skorður í starfsemi sinni en áður.

Fóru í útkall vegna hávaða - fundu þrjú grömm af kannabis

Lögreglan á Akureyri fór í útkall í heimahús vegna kvörtunar um hávaða. Þegar komið var á staðinn fann lögreglan 3 grömm af kannabis. Húsráðandi var tekinn niður á stöð þar sem skýrsla var tekin af honum.

Enginn með allar tölur réttar í lottó

Enginn var með allar tölur í lottóinu réttar í kvöld. Tölurnar voru 8, 14, 17, 22, 28 og bónustalan 39. Einn var með Bónusvinninginn réttan en sá miði var keyptur í Hagkaupum Smáralind.

Obama ræddi við Cameron um olíulekann

Barack Obama, forseti Bandaríkjanna, og David Cameron, forsætisráðherra Bretlands, ræddu saman í dag um olíulekann á Mexíkóflóa í dag. Obama hefur gagnrýnt breska olíufélagið BP mikið fyrir hvernig staðið var að málum eftir að olían tók að leka úr olíulindinni á botni Mexíkóflóa.

Æstir í lúxusinn þrátt fyrir hrunið

Ekki hefur dregið úr spurn eftir lúxusvarningi eins og skartgripum og dýrum úrum þrátt fyrir efnahagshrunið og seljast þessar vörur sem aldrei fyrr. Hjá úrsmíðameistara á Laugaveginum er langur biðlisti efitr Rolex úrum sem kosta á aðra milljón.

Hanna Birna íhugar að verða forseti borgarstjórnar

Hanna Birna Kristjánsdóttir, fráfarandi borgarstjóri, íhugar nú alvarlega að taka að sér embætti forseta borgarstjórnar, samkvæmt heimildum fréttastofu, en meirihluti Besta flokksins og Samfylkingar bauð henni að taka að sér embættið og hafa jafnframt óskað eftir samstarfi við minnihlutann í ýmsum málum.

Þyrla og varðskip leituðu að veiðibát - var ekki með kveikt á talstöðinni

Leit stóð yfir í dag að frístundaveiðibát frá Súðavík sem tilkynnti sig úr höfn kl. 10 í morgun. Báturinn kom ekki inn í fjareftirlitskerfi Landhelgisgæslunnar, var ítrekað reynt að hafa samband við bátinn en engum köllum var svarað.

Rússar hjálpa ekki Kirgistan

Dimitri Medved, forseti Rússlands, sagðist í dag ekki geta sent her til Kirgistan til að kveða niður óeirðir í suðurhluta landsins. Það var bráðabirgðastjórn í Kirgistan sem leitaði til forsetans um aðstoðina.

Að minnsta kosti 16 létu lífið í flóðum í Bandaríkjunum

Að minnsta kosti 16 manns hafa látið lífið og 73 eru enn saknað eftir flóð á tjaldstæði í Ouachita fjöllum í Arkansas í Bandaríkjunum í morgun. Flóðið skall á tjaldsvæðið meðan fólkið var sofandi en mikil rigning hefur verið á svæðinu undanfarið.

Dádýrshausinn kominn í leitirnar

Dádýrshausinn og framhlaðningurinn sem Vísir sagði frá 7.júní síðastliðinn eru fundnir. Þjófar brutust inn í sumarbústað í Miðhúsaskógi í Árnessýslu í maímánuði og höfðu á brott með sér forláta dádýrshaus og ævagamla byssu. Það var lögreglan í Reykjavík sem gómaði þjófana um miðjan maí og voru þeir á stolnum bíl. Byssan fannst hjá þjófunum en eitthvað virðist dádýrshausinn hafa misfarist hjá þjófunum.

Búið að bjarga skútuskvísunni

Abby Sunderland, sem lenti í vandræðum með að verða yngsta manneskjan til að sigla í kringum jörðina, var bjargað á Indlandshafi í hádeginu.

Rifill sprakk í andlit manns

Riffill sprakk framan í andlitið á skotmanni á skotæfingasvæði Skotfélags Keflavíkur og nágrennis skömmu fyrir hádegið. Maðurinn er með minniháttar meiðsli í andliti en var fluttur á sjúkrahús í Reykjavík. Þar verða augun á honum skoðuð betur, samkvæmt lögreglunni á Suðurnesjum.

Fjörutíu manns létu lífið í byssubardögum í Mexíkó

Hátt í fjörutíu manns létu lífið í byssubardögum milli glæpagengja í tveimur borgum Mexíkó á fimmtudag. Þá gengu byssumenn berserskgang í borginni Chihuahua þar sem 19 manns létu lífið og fjórir særðust. Tuttugu aðrir létu lífið eftir að vopnaðir menn létu til skara skríða í borginni Ciudad Madero sama dag.

„Við verðum að mennta okkur út úr kreppunni“

„Við verðum að mennta okkur út úr kreppunni," sagði Kristín Ingólfsdóttir, rektor Háskóla Íslands, við útskrift tæplega 1800 kandídata í dag. Þetta er mesti fjöldi sem hefur verið brautskráður frá skólanum. Kristín benti á stefnumörkun annarra þjóða sem líta á háskólamenntun sem hluta af langtímalausn efnahagsvanda.

Dofri formaður Græna netsins

Dofri Hermannsson var kjörinn formaður Græna netsins, félags jafnaðarmanna um náttúruna, umhverfið og framtíðina, á aðalfundi þess fyrr í dag. Hann tekur við af Merði Árnasyni sem hefur verið formaður félagsins frá stofnun haustið 2007.

Birkir Jón: Til hamingju Ísland

Birkir Jón Jónsson, þingmaður Framsóknarflokks, sagðist vera mjög glaður í dag að hafa náð þeim áfanga að fara greiða atkvæði um stjórnlagaþing. „Hér er verið að ná lýðræðisumbótum í okkar samfélagi,“ sagði Birkir Jón og sagði það sögulegt skref í sögu lýðveldisins. Hann sagði það mikilvægt að þing og þjóð gangi í takt og endaði á orðunum: „Ég segi til hamingju Ísland."

Hundagelt á Suðurnesjum - róleg nótt að öðru leyti

Lögreglan á Suðurnesjum fékk tilkynning um hundagelt úr húsi á Ásbrú um eitt leytið í nótt, en hvutti virtist róast fljótlega eftir tilkynninguna og hefur líklega farið út til að pissa að sögn varðstjóra. Annars var rólegt að öðru leyti hjá helstu lögregluembættum landsins. Þó var einn tekinn grunaður um ölvun við akstur á suðurnesjum, og annar sem keyrði of hratt.

Sumir eru í afneitun

Verulega er farið að þrengja að fólki, bæði þeim sem bitu á jaxlinn þegar kreppan skall á haustið 2008 og tóku út séreignarsparnað sinn sem og barnafólki í skuldavanda.

Handtóku ísraelskan njósnara í Póllandi

Pólsk yfirvöld handtóku mann í byrjun júní sem þau gruna að sé njósnari á vegum Ísraelsmanna. Hann er grunaður um að tengjast morðinu á Hamasliðanum Mahmoud al-Mabhouh í Dubaí í janúar á þessu ári.

Franskt veiðiskip skútuskvísu til hjálpar

Talið er að hjálpræði muni berast sextán ára stúlku, sem lenti í hremmingum á Indlandshafi, þegar franskt veiðiskip nær til hennar seinnipartinn í dag. Stúlkan, sem heitir Abby Sunderland og er frá Bandaríkjunum, ætlaði sér að verða yngsti siglingakappinn til að sigla ein umhverfis heiminn.

Greiða atkvæði um stjórnlagaþing

Þingfundur hefst á Alþingi klukkan hálfellefu. Meðal annars verða greidd atkvæði um stjórnlagaþing að lokinni annarri umræðu og um breytingatillöguna. Í henni felst að boða eigi til þúsund manna þjóðfundar áður en stjórnlagaþing kæmi saman og að sérstök fagnefnd fari yfir niðurstöður fundarins.

Aldrei fleiri útskrifast úr Háskóla Íslands

Vorbrautskráning kandídata frá Háskóla Íslands fer fram í Laugardalshöll í dag. Heildarfjöldi kandídata að þessu sinni er 1.780, sem er mesti fjöldi sem brautskráður hefur verið frá Háskóla Íslands.

Þingmenn skiluðu ekki upplýsingum

Nokkrir þingmenn, minnst fjórir úr Framsókn og einn úr Samfylkingu, ættu að vera en eru ekki á lista Ríkisendurskoðunar yfir þá sem skiluðu upplýsingum vegna prófkjörs 2006, fyrir alþingiskosningar 2007. Fjallað verður um aðra flokka síðar.

Fækkun sparar 360 milljónir

Stjórnarfrumvarp sem lagt hefur verið fram á Alþingi gerir ráð fyrir að ráðuneytum verði fækkað um þrjú með sameiningu ráðuneyta.

Óþolandi að fá ekki sömu upplýsingar

Gylfi Arnbjörnsson, forseti ASÍ, segir óþolandi að fulltrúar opinberra starfsmanna hafi fengið kynningu á fjárlagavinnu ríkisstjórnarinnar og þeirri forgangsröðun sem þar er unnið út frá.

Rætt um að loka fyrir alla umferð

„Um 20 þúsund manns koma að skoða bjargið á hverju sumri og það er einfaldlega ekki hægt að bjóða fólki upp á svona aðstöðu," segir Ragnar Jörundsson, bæjarstjóri Vesturbyggðar. Hafnar eru umræður um endurbætur á merkingum og aðstöðu ferðafólks við Látrabjarg eftir að ferðamaður hrapaði þar til bana í vikunni.