Hundrað konur mættu í brúðarkjól í IKEA

Yfir hundrað konur mættu í brúðarkjól í verslun IKEA í dag til að samgleðjast hinum konunglegu sænsku brúðhjónum. Konurnar fengu glaðning í tilefni dagsins en mest um vert var að samgleðjast krónprinsessunni Viktoríu sem ber nú baug á fingri.

Ríkisstjórnin í vonlausri stöðu

Sigmundur Davíð Gunnlaugsson segir hugmynd Össurar Skarphéðinssonar um þjóðstjórn góðra gjalda verð en Bjarni Benediktsson segir málið bera vott um þá vonlausu stöðu sem ríkisstjórnin sé komin í. Varaformaður þingflokks Vinstri Grænna veit ekki hverju þjóðstjórn ætti að bjarga.

Kosningarnar í Reykhólahreppi ógildar

Úrskurðarnefnd sem skipuð var til að fjalla um kæru vegna sveitastjórnarkosninganna í Reykhólahreppi hefur komist að því að kosningarnar voru ólöglegar. Íbúi í Flatey kærði kosningarnar vegna þess að íbúar í Flatey að kosningarnar voru ekki auglýstar á eyjunni.

Lántaki hótaði að mæta með haglabyssu

Reiður lántaki hótaði starfsmanni fjármögnunarfyrirtækis að snúa til baka á skrifstofuna með haglabyssu - væru mál hans ekki leyst. Stjórnendur fjármögnunarfyrirtækjanna eru slegnir yfir þeirri yfirlýsingu ríkisstjórnarinnar í gær að ekki verði gripið sérstakra aðgerða vegna dóms Hæstaréttar í myntkörfumálunum.

Áfram flóð í Kína

Talið er að um 90 séu látnir vegna fárviðris sem geysað hefur í Kína. Fjölda manns er saknað og þurft hefur að koma meira en 1,5 milljónum íbúa í skjól. Í kjölfar rigninga flæddu ár yfir bakka sína og stíflur brustu. Vatn flæddi um götur. Vatnsveðrið olli einnig aurskriðum sem urðu 35 manns að bana. Víða varð rafmagnslaust.

Brúðkaupið í Svíþjóð: Falleg stemning í kirkjunni

"Ég er fyrir utan höllina, við vorum að koma úr kirkjunni, hér eru tugþúsundir manna og sól í heiði, mikil og góð stemning," segir Guðmundur Árni Stefánsson sendiherra Íslands í Svíþjóð. Vísir heyrði í Guðmundi Árna þegar athöfninni í kirkjunni var nýlokið en Guðmundur var viðstaddur brúðkaupið ásamt eiginkonu sinni.

Bjartsýnir á góða veiði hjá Jóni Gnarr

Borgarstjóri Reykvíkinga, Jón Gnarr, mun renna fyrir fyrsta laxinn í Elliðaánum á morgun. Vísir ræddi við reynda veiðimenn sem hafa litlar áhyggjur af því að ekki muni bíta á hjá borgarstjóranum nýja.

Ólafur og Dorrit á fremst bekk

Viktoría, krónprinsessa Svíþjóðar, játaðist heitmanni sínum, Olav Daniel Westling, í dómkirkjunni í Stokkhólmi nú þegar klukkuna vantaði fimm mínútur í tvö. Brúðkaupsathöfnin hófst klukkan hálftvö en meðal gesta eru þjóðhöfðingjar Norðurlanda og fulltrúar konungsfjölskyldna Evrópuríkja. Íslensku forsetahjónin, Ólafur Ragnar Grímsson og Dorrit Moussajef, sitja á fremsta bekk í kirkjunni en þau færa brúðhjónunum myndarlega glerskál að gjöf.

Gengisdómur: Bankarnir þrjóskast við

Niðurstaða hæstaréttar í myntkörfumálinu mun hafa jákvæð áhrif á fasteignamarkaðinn að mati Ingibjargar Þórðardóttur formanns Félags fasteignasala. Hún segir dæmi um að bankarnir neiti að viðurkenna ólögmæti þessara lána.

Stærsta útboð eftir hrun

Landsvirkjun auglýsir í dagblöðum í dag útboð þriggja stærstu verkþátta Búðarhálsvirkjunar. Þeir eru bygging stöðvarhúss og inntaksmannvirkja ásamt greftri frárennslisskurða, gerð fjögurra kílómetra aðrennsliganga og gerð Sporðöldustíflu.

Verðbréfamiðlarar veðja á HM

Árangur bandaríska landsliðsins á Heimsmeistaramótinu í Knattspyrnu hefur jákvæð áhrif á andrúmsloftið á Wall Street. Samkvæmt Reuters hafa verðbréfamiðlarar notfært sér frekar dræma viðskiptadaga til að einblína á fótboltann. Viðskipti hafa gengið hægt fyrir sig þessa vikuna en það hefur ekki sést á gólfum verðbréfahallarinnar.

Jákvæð þróun fyrir efnahag heimsins

Kína hefur gefið í skyn að þeir muni leyfa kínverska jeninu að styrkjast gagnvart dollar og öðrum vestrænum gjaldmiðlum. Samkvæmt vef BBC hefur kínverski seðlabankinn lýst því yfir að þeir muni leyfa gjaldmiðli sínum að verða hreyfanlegri en engar nánari útlistingar voru gefnar á því hvernig það yrði útfært.

Smáríki þurfa að losna við skuldabagga

Írar hafa staðið frami fyrir sambærilegri áskorun og Íslendingar við að greiða niður skuldir og koma böndum á ríkisfjármál sín. David Croughan, yfirmaður efnahagsdeildar Samtaka atvinnurekenda á Írlandi, var gestur á fundi Samtaka atvinnulífsins um opinber fjármál í vikunni. Hann segir mikilvægt fyrir smáríki að losna við þunga skuldabagga.

Skipsstrand við Akurey

Lundaskoðunarbáturinn Skúlaskeið strandaði síðdegis í dag við norðanverða Akurey. Tíu farþegar voru um borð auk áhafnar en báturinn strandaði á klettanös um 25 metra frá eynni. Í tilkynningu frá Landhelgisgæslunni kemur fram að gæslan hafi fengið tilkynningu um strandið á rás 16, neyðarbylgju fyrir skip og báta sem öllum sjófarendum ber skylda til að hlusta á.

Hafís í grennd við strendur

Hafístunga þokast nær Norðanverðum Vestfjörðum, en hún er nú 26 sjómílur norðvestur af Galtarvita og rúmlega 30 sjómílur norð-norð-austur af Horni. Ingibjörg Jónsdóttir landfræðingur segir ekki móta greinilega fyrir stórum ísjökum á gervihnattamyndum, utan 40 kílómetra breiðan fleka sem líklegast hefur losnað frá landi í vor. Hún telur að hann muni þó brotna upp í ölduróti við ísjaðarinn.

Brúðkaupið ævintýri líkast

Brúðkaupsæði Svía nær hámarki síðar í dag þegar Viktoría krónprissessa giftist fyrrum einkaþjálfara sínum, Daniel Westling. Íslensku forsetahjónin eru í Stokkhólmi og færa brúðhjónunum myndarlega glerskál að gjöf. Brúðkaupshátíðin er ævintýri líkust.

Ögmundur: Þjóðstjórn varhugaverð

Ögmundur Jónasson, þingmaður Vinstri grænna, telur varahugavert að koma á fót þjóðstjórn á meðan ekki ríkir samstaða um hvernig farið skuli með auðlindir þjóðarinnar. Að öðru leyti sé hann hlynntur samstarfi milli stjórnar og stjórnarandstöðu.

Ókeypis í sund í dag

Ókeypis er í sund í Reykjavík fyrir börn og unglinga að 18 ára aldri frá og með deginum í dag og til ágústloka í sumar. Þetta var samþykkt í borgarráði á miðvikudag í samræmi við samstarfsyfirlýsingu Besta flokksins og Samfylkingarinnar en þar er þetta á lista yfir fyrstu verk nýs meirihluta.

Óspektir og fyllerí á Akureyri

Lögreglan á Akureyri hefur í nógu að snúast vegna Bíladaga sem þar eru haldnir um helgina. Fangaklefar voru fullir í nótt. Mikið var um óspektir en enginn var kærður fyrir líkamsmeiðingar, að sögn lögreglu.

Hlaupið á kvennréttindadag

Konur eru konum bestar er yfirskrift Kvennahlaups Sjóvár og ÍSÍ að þessu sinni. Hlaupið er haldið í tuttugasta og fyrsta sinn í dag, kvenréttindadaginn 19. júní. Hlaupið verður frá 93 stöðum hérlendis og á 18 stöðum erlendis, þar á meðal á Norðurlöndunum, í Þýskalandi, Bretlandi og Kanada. Stærsta hlaupið er í Garðabæ klukkan 14 þar sem þúsundir kvenna koma saman og hlaupa, en dagskrá verður í bæjarfélaginu af tilefni dagsins. Hlaupið er unnið í samstarfi við Kvenfélagasamband Íslands, en félagið verður 80 ára á árinu.

Viðrar vel til skákiðkunar

"Stemningin er mjög góð. Hingað eru að streyma góðir gestir á öllum aldri. Hér er bjart, blæs örlítið, en veðrar mjög vel til skákiðkunar," segir Hrafn Jökulsson, rithöfundur og óþreytandi skákjöfur. Hrafn á veg og vanda af skákhátíð sem haldin er í Djúpuvík í Árneshreppi um helgina.

Brúðkaupsæði í Svíþjóð

Viktoría krónprisessa Svíþjóðar og fyrrum einkaþjálfari hennar ganga í það heilaga síðar í dag. Hálfgert brúðkaupsæði hefur gripið um sig í Svíþjóð; undanfarnar tvær vikur hefur verið eins konar ástarþema í Stokkhólmi og minjagripabúðir eru troðnar út af myndum af brúðhjónunum. Brúðkaupsdagskráin náði hápunkti í gær með hátíðartónleikum í tónlistarhúsi Stokkhólms. Lokaatriði tónleikanna var barnakór sem söng til þeirra Daniels og Viktoríu, en söngurinn var svo hjartanlegur að bæði Viktoría og Silvía drottning felldu tár af gleði.

Þarf að gera upp stuðning Samfylkingarinnar við eina blokk í viðskiptalífinu

Samfylkingin hefur ekki enn horfst í augu við ábyrgð flokksins í aðdraganda hrunsins, segir Össur. Þar segist hann ekki vera að tala um þátttöku í ríkisstjórn frá árinu 2007, heldur með því að veita ákveðinni hugmyndafræði löggildingu. Samfylkingin hafi ekki lesið stöðuna rétt.

Vill halda í gamla stjórann

Svein Harald Øygard er álitlegasti eftirmaður norska seðlabankastjórans. Þetta hefur norska dagblaðið Dagens Næringsliv eftir Svein Gjedrem, núverandi bankastjóra.

SÞ hefur áhyggjur af heimilisofbeldi á Íslandi

Heimilisofbeldi verður að stöðva og taka verður harðar á ofbeldismönnum. Navanethem Pillay, mannréttindafulltrúi Sameinuðu þjóðanna, hefur áhyggjur af háu hlutfalli ofbeldis á íslenskum heimilum. Hún segir börn kvenna sem verða fyrir ofbeldi hin raunverulegu fórnarlömb.

Aðildarviðræður tengdar Icesave

Sitt sýnist hverjum um það hvort leiðtogaráð Evrópusambandsins hafi í yfirlýsingu sinni á fimmtudag, þar sem samþykkt var að hefja aðildarviðræður við Ísland, gert kröfu til Íslendinga um að leysa Icesave-málið áður en af aðild geti orðið.

Seinkar um allt að tólf mánuði

Landhelgisgæslan á von á nýju varðskipi, V/S Þór, en það hefur verið í smíðum í skipasmíðastöð í Chile frá því í október 2007. Upphaflegar áætlanir gerðu ráð fyrir að skipið yrði afhent fyrri hluta ársins í ár en jarðskjálftinn sem varð í Chile í febrúar setti strik í reikninginn.

Líðan mannsins orðin stöðug

Maður sem fluttur var á slysadeild að kvöldi 17. júní eftir að eldur kom upp í íbúð hans við Írabakka, er kominn á almenna deild. Hann dvaldi á gjörgæslu fyrstu nóttina vegna gruns um reykeitrun, en líðan hans er nú stöðug.

Rannsóknir tveggja dýralækna stöðvaðar

Yfirdýralæknir, Halldór Runólfsson, bannaði í gær tveimur dýralæknum, að halda áfram þeim rannsóknum sem þeir hafa unnið að að undanförnu til að freista þessa að finna meðhöndlun á hrossum sem veikst hafa af smitandi hósta. Jafnframt hafa dýralæknarnir unnið að því að finna leiðir til að efla ónæmiskerfi hrossanna.

Dofri og Sigrún Elsa hætta

Hvorki Dofri Hermannsson né Sigrún Elsa Smáradóttir, sem skipuðu sjötta og sjöunda sæti á lista Samfylkingarinnar fyrir borgarstjórnarkosningarnar, taka sæti nefndum eða ráðum á vegum borgarinnar sem skipað hefur verið í á nýjan leik.

Krían í miklum erfiðleikum

Sandsílastofninn á Íslandi hefur minnkað á síðustu árum, meðan annars vegna hlýnunar sjávar. Nýliðun sandsíla brást á árunum 2005 og 2006 og hefur það haft gífurleg áhrif á margar sjófuglstegundir við strendur landsins.

Aukið álag á heilbrigðisstofnanir vegna eldgossins

Heildarkostnaður heilbrigðisþjónustunnar vegna eldgossins í Eyjafjallajökli hefur verið metinn 41,5 milljónir króna. Kostnaðurinn hefur að mestu fallið á Heilbrigðisstofnun Suðurlands (HSu) en áætlað er að alls muni gosið kosta HSu 32,8 milljónir.

Milljón manns þurfa aðstoð

Alþjóðaheilbrigðisstofnunin telur að milljón manns geti þurft á aðstoð að halda vegna óeirðanna í Kirgisistan. Um þriðjungur þeirra verði líklega flóttamenn frá landinu.

Heimsótti gröf bróður síns

Jarozlaw Kaczynski, forsetaframbjóðandi í Póllandi, heimsótti í gær gröf tvíburabróður síns, Lech Kaczynskis fyrrverandi forseta, sem fórst í flugslysi í Rússlandi í apríl.

Myrtur af syni sínum í Írak

Þrítugur Íraki, Abdul-Halim Hameed, skaut fimmtugan föður sinn þar sem hann svaf í rúmi sínu í fyrrinótt. Ástæðan var sú að faðirin vildi ekki segja upp starfi sínu, en hann starfaði sem verktaki og þýðandi fyrir bandríska herinn í Írak.

Blúsbræðurnir fá blessun kaþólikka

Kvikmyndin Blúsbræðurnir (Blues Brothers) hefur hlotið náð og blessun Vatíkansins fyrir traust og kristileg gildi samkvæmt opinberu dagblaði Vatíkansins. Þar með er kvikmyndin komin í hóp kristilegra meistaraverka eins og The Ten Commandments, Jesus of Nazareth, og jólahugvekjunnar, It's a Wonderful Life.

Hafís nálgast landið

Nokkur hafís er tiltölulega skammt undan norðanverðum Vestfjörðum og mun að öllum líkindum þokast nær landi.

Bílamarkaðurinn gæti lifnað við vegna dóms Hæstaréttar

Dauður markaður í sölu nýrra bíla gæti lifnað við og sala notaðra bíla aukist eftir dóm hæstaréttar um ólögmæti gjaldeyrisbílalána. Ljóst er að áhrifin verða víðtæk fyrir bílamarkaðinn í heild.

Íslensk kona í farbann - fjarstæðukennt að mati dómara

Hæstiréttur Íslands staðfesti farbannsúrskurð Héraðsdóms Reykjavíkur yfir íslenskri konu sem búsett hér á landi. Konan ásamt manni sínum, sem er af erlendu bergi brotnu, eru grunuð um að hafa flutt inn fíkniefni. Konan hefur játað brot sitt en segir manninn hafa skipulagt innflutninginn.

Bensínbetlari reyndi að blekkja rithöfund

Fyrrverandi ritstjórinn og rithöfundurinn Illugi Jökulsson lenti í bensínbetlaranum fyrir nokkrum mánuðum en Vísir hefur greint frá manninum áður en hann betlar pening fyrir bensíni af grandlausum borgurum í því augnmiði að komast til Akraness.

Jón Gnarr veiðir fyrsta laxinn

Borgarstjóri Reykjavíkur, Jón Gnarr, mun renna fyrir fyrsta laxinum í Elliðaánum á sunnudagsmorguninn næsta samkvæmt tilkynningu frá Reykjavíkurborg.

Tilkynnti um nauðgun en ákvað að kæra ekki

Kona sem sagði lögreglu frá því að henni hafi verið nauðgað á tjaldstæðinu við Þórunnarstræti á Akureyri á fimmta tímanum síðastliðna nótt hefur ákveðið að leggja ekki fram kæru í málinu.

Halla Gunnarsdóttir: Réttur minn fyrir borð borinn

Halla Gunnarsdóttir, blaðamaður og talskona í femínistafélagi Íslands, segir að hún sé mjög ósátt við að Hæstiréttur taki ekki afstöðu til þeirra röksemda sem hún lagði fyrir dóminn. Hæstiréttur vísaði frá kröfu hennar um að þinghald í máli ellefu manna sem kærðir voru fyrir kaup á vændi skuli vera opið. Af þremur dómurum, skilaði einn dómari séráliti og taldi að dómurinn ætti að taka afstöðu til málsins.

Uppnám í bæjarstjórnarmálum Dalvíkurbyggðar

Mikil óvissa er komin upp í bæjarstjórn Dalvíkurbyggðar eftir að kjörnefnd úrskurðaði í morgun að átta vafaatkvæði í kosningunum í síðasta mánuði skyldu teljast gild en þau höfðu áður verið úrskurðuð ógild.

Þyrlan sækir veikan sjómann

Þyrla Landhelgisgæslunnar fer í loftið um klukkan hálfsex í kvöld til þess að ná í konu sem fékk botnlangakast um borð í norskum togara. Skipið er statt á Reykjaneshrygg og er nú á stímí í átt að Íslandi. Drægi þyrlunnar er 150 sjómílur og því getur þyrlan ekki lagt af stað fyrr en skipið er komið nær landi.