Framvísaði vegabréfi annars manns í Leifsstöð

Í gær stöðvaði lögreglan í Flugstöð Leifs Eiríkssonar mann sem framvísaði vegabréfi annars manns. Maðurinn var í kjölfarið kærður fyrir misnotkun skjals. Maðurinn var lagði af stað frá Osló í gær og var förinni heitið til Kanada.

Harma yfirlýsingar varabæjarfulltrúans

Stjórn Samfylkingarinnar í Kópavogi og fimm af sex efstu kjörnu fulltrúum flokksins, harma yfirlýsingar Elfar Logadóttur fyrsta varabæjarfulltrúa flokksins í Kópavogi sem sakaði forystumenn flokksins um ólýðræðisleg vinnubrögð á dögunum. Í yfirlýsingu frá hópnum eru yfirlýsingarnar harmaðaðar „og þær rangfærslur sem þar er að finna og höfnum við öllum ávirðingum um ólýðræðisleg vinnubrögð.“

Um 20 þúsund manns fylgjast með borgarstjóra á Fésbók

Um 20 þúsund manns eru orðnir aðdáendur dagbókar borgarstjóra á Fésbókinni en ekki er liðinn sólarhringur frá því síðan var stofnuð.

Brúðkaupsæði í Svíþjóð

Sænska þjóðin bíður með öndina í hálsinum eftir morgundeginum, en þá gengur einkaþjálfarinn Daníel Westling að eiga heitkonu sína, Viktoríu Krónprinsessu. Íslensku forsetahjónin héldu utan til brúðkaupsins í morgun.

Laxveiði byrjar vel í Borgarfirði

Yfir 60 laxar komu á land við opnun Þverár og Kjarrár í Borgarfirði, að sögn héraðsritsins Skessuhorns, sem segir laxveiðina þar hafa byrjað frábærlega. Þegar hún hafði staðið yfir í tvo daga höfðu 30 laxar veiðst í Þverá og 20 í Kjarrá.

Leiddur fyrir aftökusveit í Utah

Bandaríkjamaðurinn Ronnie Lee Gardner var í nótt tekinn af lífi í Utah ríki. Hann var skotinn til bana af aftökusveit. Gardner var 49 ára gamall og hann hafði dvalið á dauðadeild í 25 ár fyrir að myrða lögfræðing árið 1985 þegar hann reyndi að flýja úr dómshúsi í Utah þar sem réttað var yfir honum vegna annars morðs. Hann var leiddur fyrir aftökusveit og skotinn en fimm sjálfboðaliðar úr lögreglunni framkvæmdu aftökuna.

Síðasta vitaverðinum sagt upp

Siglingamálastofnun hefur sagt síðasta vitaverði á landinu upp. Það er Sigurður Pálsson á Baugstöðum, en hann hefur hirt um Baugsstaðavita, austan við Stokkseyri, í áratugi og tók hann við því starfi af föður sínum.

Gengistrygging: Engin inngrip áformuð af ríkisstjórn

Ríkisstjórnin fundaði í morgun um viðbrögð við dómum Hæstaréttar þess efnis að gengistryggð bílalán séu ólögmæt. Eftir fundinn sagði Jóhanna Sigurðardóttir að engin inngrip af hálfu ríkisins séu áformuð sem skerða myndu rétt fólks.

„Þetta er mjög leiðinlegt“

Jónmundur Guðmarsson, framkvæmdastjóri Sjálfstæðisflokksins, segir afar leiðinlegt að flokkurinn hafi eytt meiru en það hámark sem stjórnmálaflokkarnir settu um auglýsingakostnað í aðdraganda sveitarstjórnarkosninganna. Skýringin er sú einstök framboð sem ekki áformuðu auglýsingar í landsmiðlum gerðu það á síðustu metrum kosningabaráttunni og nefnir Jónmundur Kópavog sem dæmi.

Kröfu um opið þinghald í vændismáli vísað frá

Hæstiréttur hefur vísað frá kröfu Höllu Gunnarsdóttur blaðamanns um að þinghald í máli ellefu manna, sem kærðir voru fyrir kaup á vændi, skuli vera opið. Hæstiréttur vísaði málinu frá á þeim forsendum að Halla eigi ekki lögvarða hagsmuni.

Sjálfstæðismenn brutu samkomulag um auglýsingakostnað

Sjálfstæðisflokkurinn braut samkomulag sem stjórnmálaflokkarnir gerðu um auglýsingakostnað í aðdraganda sveitarstjórnarkosninganna. Samkomulagið fól í sér að heildarkostnaður hvers flokks vegna auglýsingabirtinga í fjölmiðlum yrði ekki hærri en 11 milljónir króna að meðtöldum virðisaukaskatti á tímabilinu 29. apríl til og með 29. maí.

Sameiginlegur nefndafundur vegna Hæstaréttardóms

Nefndarmenn í efnahags- og skattanefnd og viðskiptanefnd hittust á sameiginlegum fundi klukkan tíu í morgun. Umræðuefni fundarins eru nýfallnir dómar í Hæstarétti þar sem dómarar komust að þeirri niðurstöðu að ólögmætt væri að gengistryggja bílalán við erlenda gjaldmiðla. Nefndarmenn fá til sín gesti og ræða þá stöðu sem upp er komin.

Forsetahjónin sækja konunglega brúðkaupið

Ólafur Ragnar Grímsson, forseti Íslands, og Dorrit Moussaieff, forsetafrú, héldu í morgun til Stokkhólms þar sem þau munu taka þátt í hátíðarhöldum vegna brúðkaups Viktoríu krónprinsessu og Daniels Westling. Karl Gústaf Svíakonungur og Silvía drottning buðu forsetahjónunum að sækja brúðkaupið.

Eldsvoði: Fluttur á almenna deild í dag

Karlmaðurinn sem var fluttur á spítala með reykeitrun eftir að eldur kviknaði í íbúð hans í fjölbýlishúsi við Írabakka í Reykjavík í gærkvöldi dvaldi á gjörgæsludeild í nótt. Líðan hans ágæt, að sögn vakthafandi læknis. Maðurinn verður fluttur á almenna deild síðar í dag.

Borgarísjaki norðvestur af Skagatá

Stór borgarísjaki sást í gærkvöldi rúmlega tíu sjómílur norðvestur af Skagatá, sem er í minni Skagafjarðar, vestanverðu. Skip, sem átti leið um þessar slóðir sigldi líka í gegn um ísspöng, sem getur verið varasöm skipum, að sögn skipstjórans.

Kjarnorkuver áfram opin í Svíþjóð

Sænska þingið samþykkti í nótt að heimila endurnýjun kjarnakljúfa í kjarnorkuverum í landinu. Um kúvendingu er að ræða.

Vegagerðin dregur úr viðhaldi og sumarþjónustu

Vegagerðin verður að draga verulega úr viðhaldi og sumarþjónustu á vegum landsins í sumar vegna lækkandi fjárveitinga. Þær voru líka lækkaðar í fyrra og árið áður, og nemur raunlækkunin samtals hátt í 30 prósentum. Miðað við fjárveitingar fyrir næsta og þarnæsta ár, í fyrirliggjandi samgönguáætlun, telur Vegagerðin að framlögin nægi fyrir aðeins 65 prósentum af áætlaðri þörf.

Talsverður erill á Akureyri

Töluverður erill var hjá lögreglunni á Akureyri í nótt vegna reykspólandi tryllitækja hér og þar í bænum með viðeigandi hávaða. Bíladagar verða haldnir þar í bæ um helgina og fóru menn að flykkjast norður á tryllitækjum sínum strax í fyrradag. Lögreglan hafði afskipti af þó nokkrum ökumönnum í nótt, en engin var þó tekinn úr umferð.

Hringdi í sjúkrasamlagið og frétti að hann væri dauður

Breskum krabbameinssjúklingi var nýverið meinað að leita sér aðstoðar þegar hann reyndi að panta sér tíma hjá sérfræðingi. Ástæðan var sú að hann átti að vera látinn. Svo fullyrti að minnsta kosti starfsmaður breska sjúkrasamlagsins þegar fyrrverandi flutningabílstjórinn Alan Campbell ætlaði að panta sér tíma eftir að hann kenndi sér meins í hálsi.

Brúðkaupið kostar um 330 milljónir

Tignir gestir streyma til Stokkhólms þar sem haldið verður konunglegt brúðkaup á morgun. Viktoría krónprinsessa og einkaþjálfari hennar, Daniel Westling, hyggjast ganga í það heilaga í Dómkirkjunni, sem nýbúið er að gera lagfæringar á.

Ók á 164 kílómetra hraða

Ökumaður var tekinn úr umferð og sviptur ökuréttindum til bráðabirgða eftir að lögregla mældi bíl hans á 164 kílómetra hraða á Reykjanesbraut við Arnarnesveg upp úr klukkan tvö í nótt. Hámarkshraði á þessum vegkafla er 70 kílómetrar á klukkustund þannig að hann var á ríflega tvöföldum hámarkshraða.

Danny Boyle og Stephen Daldry stýra opnunarhátíðinni

Bresku leikstjórarnir Danny Boyle og Stephen Daldry hafa verið ráðnir sem listrænir stjórnendur opnunarhátíðar Ólympíuleikanna í London 2012. Daldry var tilnefndur til Óskarsverðlauna fyrir kvikmyndirnar Billy Elliot, The Hours og The Reader - og Boyle leikstýrði Slumdog Millionaire sem hlaut átta Óskarsverðlaun fyrir tveimur árum. Boyle segist ekki hafa getað hafnað boðinu og líti fullur tilhlökkunar til næstu tveggja ára. Daldry og Boyle fá 40 milljónir punda eða 7,6 milljarða króna til ráðstöfunar vegna opnunarhátíðarinnar.

Vargöld í Mexíkó: Lögreglumenn pyntaðir og drepnir

Sjö háttsettum mexíkóskum lögreglumönnum hefur að undanförnu verið rænt af heimilum sínum, þeir pyntaðir og að lokum myrtir. Glæpaklíkur bera ábyrgð á morðunum en á líkunum hafa fundist skilaboð frá klíkunum.

Í haldi vegna nauðgunar á Akureyri

Kona um tvítugt kærði karlmann á svipuðu reki fyrir nauðgun á Akureyri í nótt. Lögregla handtók manninn, eftir ábendingu konunnar, og er hann nú viðstaður í fangageymslum. Nánari málsatvik liggja ekki fyrir að svo stöddu.

Bretar beita hugsanlega neitunarvaldi

Bretar geta beitt neitunarvaldi og komið í veg inngöngu Íslands í Evrópusambandið. Utanríkisráðherra landsins segir brýnt að fá niðurstöðu í Icesavemálið.

Gnarr hótað lífláti í orðaleit Vikunnar

Falin skilaboð um að Jón Gnarr verði ráðinn af dögum má finna í svokallaðri orðaleit nýjasta heftis tímaritsins Vikunnar sem kom út á miðvikudag. „Gnarr verður skotinn“ fullyrðir orðaleitin í þriðju neðstu línu. Setningin er ekki meðal uppgefinna leitarorða.

Slasa eða drepa sauðfé og stinga svo af

Ekið var á ellefu lömb og ær í umdæmi lögreglunnar á Vestfjörðum í síðustu viku. Þrjú lömb drápust í einni ákeyrslunni. Í öllum tilvikum stungu ökumennirnir af frá slysstað og létu skepnurnar liggja eftir.

Uppnám hjá lánveitendum

Uppnám er innan eignaleigufyrirtækja eftir dóm Hæstaréttar um gengistryggingu og bíða menn þar á bæjum þess nú að stjórnvöld taki ákvörðun um framhaldið. Algjör óvissa ríkir um það í hverju aðgerðir stjórnvalda munu felast, ef yfirleitt verður gripið til nokkurra slíkra.

Aðild styrkir fullveldi Íslands

„Ég fagna þessari niðurstöðu og er mjög ánægður með hana,“ sagði Össur Skarphéðinsson utanríkisráðherra í gær, þegar ljóst var orðið að Evrópusambandið mun hefja aðildarviðræður við Ísland.

Fjölda nemenda neitað um skólavist

Aldrei hefur hærra hlutfall grunnskólanema sótt um nám í framhaldsskóla og í vor. Rúmlega 97 prósent allra 10. bekkinga sem útskrifuðust úr grunnskóla á dögunum sóttu um áframhaldandi nám í framhaldsskólum landsins.

Ekki hægt að loka bjarginu

Gísli Már Gíslason, formaður Bjargtanga – félags landeigenda og sumarbústaðaeigenda á Hvallátrum, segir félagið vera mjög hlynnt endurbótum á Látrabjargi en segir ómögulegt að loka því.

Einn á slysadeild eftir eldsvoða í Írabakka

Slökkvilið höfuðborgarsvæðisins slökkti eld sem kom upp í íbúð í Írabakka í kvöld. Einn maður var í íbúðinni og var hann fluttur á slysadeild vegna gruns um reykeitrun. Nokkur reykur barst út á stigagang blokkarinnar og fóru íbúar út á svalir þar sem þeir voru óhultir að sögn varðstjóra.

Skoðar skaðabótamál á hendur SP-fjármögnun

Björn Þorri Viktorsson, sem gætti hagsmuna skuldara sem var sýknaður af Hæstarétti af kröfu SP-Fjármögnunar í gær, segist vera að skoða skaðabótamál á hendur fyrirtækinu fyrir hönd annarra umbjóðenda sinna.

Óvissa um hvernig eigi að gera upp lánin

Skuldir fólks vegna gengistryggðra lána hverfa ekki með niðurstöðu Hæstaréttar í Bílalánsmálunum. Í raun er kominn upp óvissa um hvernig eigi að gera upp lánin, en Hæstiréttur veitir ekki leiðbeiningar um það í niðurstöðum sínum. Lögmaður skuldara segir þó að gera verði upp lánasamningana í samræmi við önnur ákvæði sem haldi gildi sínu.

Neyðarfundir í eignaleigufyrirtækjum í gærkvöldi

Neyðarfundir voru haldnir í eignaleigufyrirtækjum í gærkvöldi í kjölfar dóma Hæstaréttar í bílalánsmálunum. Þá voru starfsmenn SP-Fjármögnunar við störf í dag á sjálfan þjóðhátíðardaginn. Forstjóri Fjármálaeftirlitsins segist ætla að funda með fjármögnunarfyrirtækjum á næstunni vegna málsins

Sækja fótbrotna konu á Esjuna

Björgunarsveit höfuðborgarsvæðisins er nú á leið á Esjuna að sækja 46 ára gamla konu sem er líklegast ökklabrotin ofarlega í gönguleiðinni. Fyrstu björgunarsveitarmenn fara að koma á staðinn og munu binda um fótinn á konunni og gefa henni verkjastillandi. Hún er mjög kvalin.

Ísland úr umsóknarferli yfir í viðræðuferli

Leiðtogaráð Evrópusambandsins samþykkti í dag að hefja viðræður við Ísland um aðild að sambandinu. Með ákvörðuninni færist Ísland úr umsóknarferli yfir í viðræðuferli. Ákvörðunin kemur í framhaldi af jákvæðri niðurstöðu framkvæmdastjórnar ESB í áliti hennar um aðildarumsókn Íslands frá því í lok febrúar á þessu ári, segir í tilkynningu frá utanríkisráðuneytinu.

Búið að laga Hrafnseyrar-misskilning forsætisráðherra

Á vef forsætisráðuneytsins er búið að leiðrétta ræðu Jóhönnu Sigurðardóttur forsætisráðherra. Þar stendur nú: „Á næsta ári munum við minnast þess að 200 ár verða liðin frá fæðingu Jóns Sigurðssonar, frá Hrafnseyri við Arnarfjörð, sem var einn helsti baráttumaður okkar Íslendinga fyrir sjálfstæði.“ - En ekki Hrafnseyri við Dýrafjörð eins og Jóhanna las upp á Austurvelli í morgun.

Tugir þúsunda í miðbæ Reykjavíkur

Tugir þúsunda manna eru nú í miðbæ Reykjavíkur til taka þátt í 17. júní hátíðarhöldum að sögn lögreglu.

Varar við manni sem sníkir bensín út úr fólki

Marteinn Hilmarsson, faðir í Reykjavík, varar við óprúttnum aðila sem reynir að sníkja bensín út úr fólki. Hann segist fyrst hafa hitt manninn fyrir um það bil tveimur mánuðum síðan.

Aðildarumsóknin samþykkt

Leiðtogaráð Evrópusambandsins hefur samþykkt aðildarumsókn Íslands að Evrópusambandinu. Ákvörðunin var tekin skömmu eftir hádegið og er búið að boða til blaðamannafundar um hálf þrjú leytið að íslenskum tíma. Heimir Már Pétursson, fréttamaður Stöðvar 2 og Vísis, er í Brussel og mun hann fjalla nánar um málið í kvöldfréttum Stöðvar 2.

Jóhanna sagði að Jón Sigurðsson væri frá Dýrafirði - myndband

„Hún veit náttúrulega að Hrafnseyri er við Arnarfjörð en ekki Dýrafjörð, ég trúi ekki öðru. Ég held að það viti nú eiginlega allir, allavega þeir sem eru komnir á hennar aldur," segir Guðjón Friðriksson, sagnfræðingur.

Þorum ekki einu sinni sjálf að ferðast

„Við erum búin að sýna skemmtilegt myndband út um allan heim, þar sem allir eru svo glaðir og kátir, en svo þorum við ekki einu sinni sjálf að ferðast," segir Lilja Magnúsdóttir, rekstraraðili tjaldstæðis á Kirkjubæjarklaustri.

Fagna samþykki aðildarviðræðna

„Sterkara Ísland - félag Evrópusinna á Íslandi fagnar ákvörðun leiðtogaráðs Evrópusambandsins að samþykkja aðildarumsókn Íslands að Evrópusambandinu. Nú í fyrsta sinn munu Íslendingar allir eiga þess kost að taka upplýsta ákvörðun um framtíðarsamstarf Íslands við Evrópusambandsríkin. Það er því táknrænt að þessi ákvörðun skuli vera tekin einmitt á þjóðhátíðardaginn,“ segir í tilkynningu frá félaginu.

Tólf fengu fálkaorðu frá forseta Íslands

Tólf Íslendingar voru sæmdir heiðursmerki hinnar íslensku fálkaorðu við hátíðlega athöfn á Bessastöðum í dag. Það var Ólafur Ragnar Grímsson forseti Íslands sem sæmdi heiðursmerkinu.