Gengisdómur: Bankarnir þrjóskast við

Niðurstaða hæstaréttar í myntkörfumálinu mun hafa jákvæð áhrif á fasteignamarkaðinn að mati Ingibjargar Þórðardóttur formanns Félags fasteignasala. Hún segir dæmi um að bankarnir neiti að viðurkenna ólögmæti þessara lána.

Eiginfjárstaða heimila með gengistryggð lán hefur batnað verulega við dóm hæstaréttar í myntkörfumálinu.

Erlent bílalán voru algengust en margir tóku einnig gengistryggð lán þegar þeir keyptu fasteignir.

Ingibjörg Þórðardóttir, formaður félags fasteignasala, telur að niðurstaða hæstaréttar hafi jákvæða áhrif á fasteignamarkaðinn.

"Þetta hefur jákvæð áhrif. Fólk hefur setið með yfirveðsetta bíla og ekki þorað að selja til að fjármagna íbúðakaup. Núna mun þetta trúlega breytast og fólk getur farið að brúa þetta bil. Ég tel að þetta muni hafa jákvæð áhrif og vera til góðs fyrir land og þjóð."

Nokkur fjármögnunarfyrirtækið hafa frestað innheimtuaðgerðum í tengslum við gengistryggð bílalán vegna þeirrar óvissu sem ríkir um uppgjör þessara lána.

Ingibjörg segir að dæmi séu um að bankarnir neiti að viðurkenna ólögmæti gengistryggðra lána, þrátt fyrir dóm hæstaréttar.

"Ég hef heyrt fólk tala um það. Til dæmis viðskiptavini Arion banka sem segja að bankinn telji sig vera í fullkomnum rétti. Ég var rétt í þessu að tala við konu sem sagðist hafa rætt við útibússtjórann sinn sem sagði lánin standast allar kröfur. Þetta þarf að kanna."