Byrja að stunda kynlíf 11 og 12 ára gömul

Dæmi eru um að íslensk ungmenni byrji að stunda kynlíf ellefu og tólf ára gömul. Meðalaldur fyrstu kynmaka fer þó hækkandi samkvæmt nýrri rannsókn.

Arnkötludalur loksins opnaður

Langþráður vegur um Arnkötludal, sem Vegagerðin nefnir Tunguheiði, var opnaður umferð klukkan fjögur í dag. Þar með styttist leiðin milli Hólmavíkur og Reykjavíkur um fjörutíu kílómetra og samfellt bundið slitlag er komið á milli Ísafjarðar og höfuðborgarinnar. Formleg vígsluathöfn er áformuð á föstudag eftir viku, þann 9. október.

Ragna vinsæl

Ragna Árnadóttir dómsmálaráðherra, er vinsælasti ráðherra ríkisstjórnarinnar, en tæpur helmingur þjóðarinnar er ánægður með hennar störf. Þegar vinsældir ráðherra voru kannaðar í febrúar bar Jóhanna Sigurðardóttir, forsætisráðherra, höfuð og herðar yfir aðra stjórnmálamenn.

Stuðningur við Framsóknarflokkinn eykst

Fylgi Framsóknarflokksins hefur ekki mælst meira í rúm sex ár samkvæmt nýjum Þjóðarpúlsi Capacent Gallup. 18% þjóðarinnar myndu kjósa flokkinn ef kosið yrði núna, en en flokkurinn fékk 14,8% í þingkosningunum. Þetta kom fram í kvöldfréttum Ríkisútvarpsins.

Frumvarp um fækkun ráðuneyta lagt fram síðar á árinu

Frumvarp um fækkun ráðuneyta úr 12 í 9 verður lagt fyrir Alþingi í lok þessa árs líkt og boðað er í stjórnarsáttmála ríkisstjórnarinnar.

Lögreglan handtók innbrotsþjófa í nótt

Tveir karlar á þrítugsaldri voru handteknir á höfuðborgarsvæðinu í nótt en fullvíst þykir talið að þeir hafi sitthvað misjafnt á samviskunni. Þar á meðal eru tvö innbrot í Kópavogi. Karl á fertugsaldri var sömuleiðis handtekinn í tengslum við rannsókn lögreglu á innbroti í vesturbæ Reykjavíkur en þýfi fannst í bíl mannsins. Þremenningarnir hafa allir komið við sögu hjá lögreglu áður.

Ólympíuleikarnir 2016 verða í Rio

Ólympíuleikarnir árið 2016 verða haldnir í Rio de Janeiro í Brasilíu. Alþjóða Ólympíunefndin tilkynnti um sigurvegarann við hátíðlega athöfn í Kaupmannahöfn í dag. Þrjár aðrar borgir voru um hituna, Chicago í Bandaríkjunum, Madríd höfuðborg Spánar og Tókýó höfuðborg Japan.

Lögguníðingur í varðhaldi

Hæstiréttur staðfesti í dag gæsluvarðahaldsúrskurð Héraðsdóms Reykjavíkur yfir Algis Rucinskas sem gekk í skrokk á tveimur lögreglumönnum og slasaði þá í fyrra en hann rauf endurkomubann þegar hann kom til landsins fyrr í vikunni. Maðurinn mun sitja í varðhaldi til 14. október.

Hosmany Ramos áfram í gæsluvarðhaldi

Gæsluvarðhaldsúrskurður yfir brasilíska flóttamanninum Hosmany Ramos var framlengdur um tvær vikur í dag.

Chicago og Tókýó dottnar út í ólympíuleikakosningu

Borgirnar Chicago og Tókýó eru fallnar úr keppninni um hvaða borg fái að halda Ólympíuleikana árið 2016. Kosningin fer fram í Kaupmannahöfn og höfðu bandarísku forsetahjónin Barack og Michelle Obama komið sérstaklega til Danmerkur til þess að ljá Chicago stuðning sinn.

Flugmenn mótmæla harðlega frumvarpi um rannsókn flugslysa

Stjórn Félags íslenskra atvinnuflugmanna (FÍA) segir að ef Alþingi samþykkir lagafrumvarp samgönguráðherra um rannsókn samgönguslysa geti flugmenn ekki ábyrgst framhald á því góða samstarfi við flugmálayfirvöld varðandi flugslys og flugatvik, sem áunnist hefur undanfarin ár.

Býst við að niðurskurðurinn hafi áhrif á langveik börn

Fjárveiting í bætur til foreldra langveikra eða alvarlega fatlaðra barna verður skert um tæp 36% og verður 104 milljónir á næsta ári í stað 162 milljóna á þessu ári. Þetta kemur fram í fjárlagafrumvarpinu sem fjármálaráðherra kynnti í gær.

Býst við leiðindaveðri í dag

„Já það verður víða leiðindaveður á landinu í dag“ segir Sigurður Þ. Ragnarsson veðurfræðingur Stöðvar 2 og Vísis.

Vilja samvinnu en ekki sameiningu HR og HÍ

Rektor, háskólaráð og Stúdentafélag Háskólans í Reykjavík fagna umræðum um aukna samvinnu háskólanna.

Um þrír tugir mótmæltu hvalveiðum

Innan við þrjátíu manns mótmæltu hvalveiðum Íslendinga, utan við sendiráð Íslands í Lundúnum í morgun.

Frestun stóriðjuframkvæmda magnar kreppuna

Frestun stórðjuframkvæmda um eitt ár myndi dýpka efnahagskreppuna verulega, og leiða til þess að samdráttur yrði ekki 1,9 prósent á næsta ári heldur nær fjórum prósentum, að mati fjármálaráðuneytis, sem áætlar að slíkt gæti leitt til tekjuminnkunar ríkissjóðs um allt að átta milljarða króna.

Útrásarvíkingum gert að greiða málskostnaðartryggingu

Björgólfur Guðmundsson og Magnús Þorsteinsson þurfa að reiða fram mörg hundruð þúsund króna tryggingar ætli þeir sér að fá niðurstöðu í mál þeirra gegn Óskari Hrafni Þorvaldssyni fréttastjóra og Gunnari Erni Jónssyni fréttamanni á fréttastofu Stöðvar 2 og Vísis.

Vilja Ögmund úr pólitík og áfram í BSRB

Hópur manna innan BSRB vill að Ögmundur Jónasson láti af afskiptum af pólitík og snúi sér alfarið af málefnum BSRB.

Vill samstöðu um kröfu á sanngjarnri málsmeðferð

„Þetta var ágætur fundur. Hann var mjög málefnalegur og þetta voru ágætis skoðanaskipti sem áttu sér stað á þessum fundi," sagði Bjarni Benediktsson, formaður Sjálfstæðisflokksins, eftir fund í Stjórnarráðinu í dag. Hann, ásamt fulltrúum Framsóknarflokksins og Hreyfingarinnar, funduðu með leiðtogum ríkisstjórnarinnar í dag.

Hannes Hafstein fékk á sig brotsjó

Björgunarskip Slysavarnafélagsins Landsbjargar, Hannes Þ. Hafstein frá Suðurnesjum, fékk á sig brotsjó á öðrum tímanum í nótt. Skipið var á leið á landsæfingu SL á sjó sem halda á fyrir utan Grundarfjörð á morgun.

Jöfnu kynjahlutfalli fagnað

Stjórn Kvennahreyfingar Samfylkingarinnar fagnar því að nú er að nýju jafnt hlutfall kynjanna í ríkisstjórn Íslands. Í yfirlýsingu frá stjórninni er bent á að það hafi tekið íslenska lýðveldið 65 ár að ná því sjálfsagða jafnrétti að hafa ríkisstjórn skipaða jafn mörgum konum og körlum og nú hefur það gerst tvisvar sinnum á sama árinu.

Barnaspítali Hringsins fékk nýjar tölvur

Grunnskólinn á Barnaspítala Hringsins hefur fest kaup á fimm Dell fartölvum og tveimur borðtölvum fyrir styrk frá kvenfélaginu Hringnum.

Hvalveiðum mótmælt í London

Fjölmörg nátturuverndarsamtök hafa boðað til friðsamlegra mótmæla fyrir framan íslenska sendiráðið í London í dag. Á meðal samtaka sem þátt taka í mótmælunum má nefna Fund for Animal Welfare, Campaign Whale og Whale and Dolphin Conservation Society.

Írar kjósa aftur um Lissabon sáttmálann

Írar ganga í annað sinn að kjörborðinu í dag til þess að kjósa um Lissabon sáttmála Evrópusambandsins. Írar höfnuðu sáttmálanum í kosningum í júní í fyrra og nú á að láta reyna á málið að nýju.

Áfrýjunarkröfu Suu Kyi hafnað

Dómstóll í Búrma hefur hafnað áfrýjunarkröfu stjórnarandstöðuleiðtogans Aung San Suu Kyi en hún hugðist áfrýja dómi um 18 mánaða framlengingu á stofufangelsinu sem hún hefur setið í.

Chicago - Ríó - Madríd eða Tókýó?

Það kemur í ljós síðdegis í dag í hvaða borg Ólympíuleikarnir árið 2016 verða haldnir. Fjórar borgir eru um hituna, Chicago í Bandaríkjunum, Rio de Janeiro í Brasilíu, Madríd höfuðborg Spánar og Tókýó höfuðborg Japan. Alþjóða Ólympíunefndin mun tilkynna um sigurvegarann við hátíðlega athöfn í Kaupmannahöfn um klukkan fimm að íslenskum tíma.

Skjálfti á Tonga

Jarðskjálfti sem mældist 6,3 á Richter kvarðanum skók Kyrrahafseyjuna Tonga í morgun og olli mikilli skelfingu á meðal eyjarskeggja enda hafa jarðskjálftar valrið gríðarlegu tjóni síðustu daga. Þessi skjálfti er þó sagður hafa gengið yfir án mikils tjóns og ekki var gefin út flóðbylgjuviðvörun vegna hans. Á þriðjudaginn var reið skjálfti sem mældist 8 á Richter yfir Samoa Eyjar og Tonga og er óttast um líf hundruða.

Myrti konu og setti hana í ferðatösku

Hálffertugur Breti hefur verið ákærður fyrir að myrða 37 ára gamla hjúkrunarkonu frá Filippseyjum, koma líki hennar fyrir í ferðatösku og fela töskuna svo í útjaðri Rochester í Kent fyrir rúmri viku.

Nestlé lætur undan þrýstingi AfriForum

Svissneski matvælaframleiðandinn Nestlé tilkynnti í gær að fyrirtækið myndi hætta viðskiptum við Gushungo-mjólkurbúið í Zimbabwe sem er rekið af Grace Mugabe, eiginkonu Roberts Mugabe forseta.

Bílvelta í Hveradölum - ófærð á Hellisheiði

Bílvelta varð í Hveradölum í gærkvöldi en þar voru aðstæður slæmar vegna veðurs. Ökumaðurinn var einn í bílnum og slasaðist hann ekki en bíllinn mun vera nokkuð skemmdur. Að sögn lögreglu var Hellisheiðin að mestu ófær fyrir fólksbíla í nótt og í morgun en á svæðinu er éljagangur og mikil hálka.

Bretar gætu fengið jólapóstinn seint og illa

Verulegar tafir gætu orðið á jólapóstinum á Englandi vegna yfirvofandi verkfalls póststarfsmanna í öllu landinu. Ástandið er þegar orðið ískyggilegt eftir verkföll hjá póstinum í einstökum borgum og bæjum og eru skil á pósti víða orðin allt að hálfum mánuði á eftir vegna þessa.

Óttast að finna lík þúsunda í viðbót á Súmötru

Björgunarmenn á indónesísku eyjunni Súmötru segjast óttast að þeir eigi eftir að finna lík nokkurra þúsunda í rústum húsa sem hrundu í jarðskjálftunum tveimur aðfaranótt gærdagsins og í fyrradag.

Stútur í árekstri í Mosfellsbæ

Árekstur varð í Mosfellsbæ í gærkvöldi þegar tveir bílar skullu saman. Lögregla kom á vettvang og þá kom í ljós að ökumaður annarar birfreiðarinnar reyndist vera ölvaður. Hann var handtekinn og gisti fangageymslur í nótt. Ökumaður og farþegi í hinum bílnum voru fluttir á slysadeild til skoðunnar en að sögn lögreglu er ekki um alvarleg meiðsl að ræða.

Bílþjófar í Hafnarfirði

Klukkan rúmlega ellefu í gærkvöldi urðu lögreglumenn í Hafnarfirði varir við stolna bifreið sem ekið var um götur bæjarins. Lögregla fór á eftir bílnum og skömmu síðar snarstoppaði bíllinn og ökumaður og farþegi þustu út og hurfu út í myrkrið.

Óttast að ný orkugjöld fæli erlenda fjárfesta í burtu

„Þessum gjöldum er beint gegn þeim fyrirtækjum í landinu sem eru á þeim buxum að byggja upp og skapa störf,“ segir Tómas Már Sigurðsson, forstjóri Alcoa. Samkvæmt fjárlagafrumvarpinu eiga orku-, umhverfis- og auðlinda­gjöld að skila ríkissjóði 16 milljarða tekjum á árinu 2010.

Samskipti við FME voru góð

Breska fjármálaeftirlitið segir að samskipti sín við íslenska fjármálaeftirlitið hafi verið afar góð í aðdraganda efnahagshrunsins. Þetta kemur fram á viðskiptasíðunni Complinet, en hún hafði birt ummæli Gunnars Andersen, forstjóra FME, um að betri samskipti eftirlitsstofnana hefðu getað komið í veg fyrir ýmis vandamál í kringum Kaupthing Singer & Friedlander.

273 milljóna viðbót til RÚV

Ríkisútvarpið fær 273 milljónir í auknar tekjur á næsta ári, samkvæmt fjárlagafrumvarpinu, alls 3,2 milljarða króna.

Framlög til FME skorin niður

Fjárframlög til Fjármálaeftirlitsins verða skorin niður um 8,5 prósent á næsta ári. Eftirlitið fær 1.021,5 milljónir króna úr að spila, 94,5 milljónum minna en í ár, verði fjárlagafrumvarp ríkisstjórnarinnar að lögum.

Lögregla leitar í sjö löndum

Alþjóðleg lögreglurannsókn leiddi á miðvikudag til handtöku 22 einstaklinga sem grunaðir eru um tengsl við alþjóðlegan hring þýskumælandi barnaníðinga. Alls eru 136 til viðbótar grunaðir um að tengjast hópnum, þar af 121 í Þýskalandi.

Þremur sendiráðum lokað

Sendiráð Íslands í Róm og Pretoríu í Suður-Afríku verða lögð niður um áramót og einnig Fastanefnd Íslands hjá Evrópuráðinu í Strassborg, samkvæmt fjárlagafrumvarpinu. Samtals kostaði rekstur þessara stofnana ríkissjóð um 162 milljónir króna á síðasta ári. Framlög til annarra sendiráða verða hins vegar hækkuð um 6 til 7 prósent vegna gengisáhrifa en stór hluti útgjalda við rekstur þeirra er í erlendri mynt.

Leiðbeiningar ekki fyrirmæli

Bandalag háskólamanna telur að það skorti á að forstöðumenn ríkisstofnana kanni aðrar sparnaðarleiðir en launaskerðingu. Það gerir athugasemdir við túlkun ýmissa ríkisstofnana á leiðbeiningum fjármálaráðuneytisins vegna aðhaldsaðgerða í ríkisfjármálum.

Hægara sagt en gert að loka fyrir persónuníð á netinu

Sú leið sem Persónuvernd leggur til að farin verði til að loka fyrir aðgang að vefsíðum sem birta persónu­níð mun litlu breyta. Ráðherra telur samt til þess vinnandi að senda slíkar síður niður í undirdjúpin.

Segja óréttið enn þá óbætt

Heyrnarlausir og aðstandendur þeirra hittast fyrir framan Stjórnarráðið í dag klukkan 11. Ætlunin er að afhenda forsætisráðherra áskorun þess efnis að fylgja fast eftir þeim niðurstöðum sem fram komu í skýrslu vistheimilisnefndar. Félag heyrnarlausra stendur fyrir viðburðinum.

Stálu tugum verðmætra hnakka og komu í verð

Karlmaður og þrjár konur hafa verið ákærð fyrir að brjótast inn í allmörg hesthús á höfuðborgarsvæðinu. Þar stálu þau tugum hnakka og tókst að selja nokkurn hluta þýfisins.

Lögregluníðingur kominn aftur

Karlmaður sem gekk í skrokk á tveimur lögreglumönnum og slasaði þá í janúar á síðasta ári rauf endurkomubann þegar hann kom til landsins fyrr í vikunni. Hann var handtekinn við komuna og úrskurðaður í gæsluvarðhald. Hann var ákærður fyrir héraðsdómi í gær.