Karl fundinn

16 ára gamall drengur, Karl Sigtryggsson, sem lögreglan á Selfossi lýsti eftir í dag er fundinn. Karl skilaði sér heilu og höldnu en hann fór að heim á miðvikudag og ekki hafði spurst til hans frá því á föstudag.

Kyrrsetning eigna rædd í þingnefnd

Rýmri heimildir til eignakyrrsetningar verða til umræðu í efnahags- og skattanefnd Alþingis á morgun. Ríkisstjórn samþykkti nýverið frumvarp Steingríms J. Sigfússonar, fjármálaráðherra, um auknar heimildir skattrannsóknarstjóra til kyrrsetningar eigna.

Faðir myrti 13 ára gamla dóttur sína

Fertugur danskur karlmaður er í haldi lögreglu grunaður um að hafa myrt 13 ára gamla dóttur sína á heimili þeirra í Óðinsvé í dag. Móðir stúlkunnar hringdi á lögreglu eftir að átök upphófust á heimili fjölskyldunnar. Stúlkan var flutt á sjúkrahús en hún látin áður en þangað var komið.

Smábarn lést eftir fall af hótelsvölum

18 mánaða breskur drengur lést eftir að hann féll af hótelsvölum á ítölsku eyjunni Sardiníu í gær. Drengurinn var í sumarfríi með fjölskyldu sinni á eyjunni og voru foreldar hans að skipta um föt þegar slysið varð. Drengurinn var fluttur á sjúkrahús þar sem hann var úrskurðaður látinn en hann hlaut alvarlega höfuðáverka.

Sóttvarnalæknir mælir ekki með lokunum vegna svínaflensunnar

Haraldur Briem, sóttvarnalæknir, mælir ekki með lokunum vegna svínaflensunnar. Þegar fréttastofa náði tali af Haraldi hafði hann ekki heyrt af leikskólanum Aðalþingi í Kópavogi og fjallað var um á Vísi fyrr í dag. Sex af 19 starfsmönnum leikskólans hafa verið frá vinnu síðustu daga en grunur leikur á að fjórir þeirra séu með svínaflensu.

Lögreglan lýsir eftir Karli

Lögreglan á Selfossi lýsir eftir Karli Sigtryggssyni fæddum árið 1993. Hann fór að heiman á miðvikudag í síðustu viku, en ekki hefur spurst til hans frá því á föstudag. Hann var þá á Selfossi.

Ók inn í verslun á Ísafirði

Ökumaður ók fyrir mistök jeppabifreið sinni inn í verslunina Hamraborg á Ísafirði á föstudag. Við glugga verslunarinnar sátu ferðamenn að snæðingi. Frá þessu er greint á fréttavefnum BB.is.

Bjargaði eigin lífi

Ellefu ára bresk stúlka náði á síðustu stundu að bjarga lífi sínu þegar bíll sem hún sat í, féll fram af kletti og ofan í sjó.

200 breskir hermenn hafa fallið í Afganistan frá 2001

Yfir 200 breskir hermenn hafa fallið í Afganistan frá því stríðið hófst þar árið 2001. Nú um helgina létust tveir. Gordon Brown, forsætisráðherra, sagði sumarið hafa verið sérlega erfitt en árangur hefði þó náðst í baráttunni við hryðjuverkamenn og merki um það væru komandi forsetakosningar í Afganistan.

Tvær rússneskar herþotur hröpuðu

Tvær rússneskar herþotur hröpuðu í morgun en undirbúningur fyrir stóra flugsýningu stendur nú yfir í Rússlandi. Flugvélarnar voru hluti af úrvalshópi Rússnesku riddaranna, en þær voru við æfingar þegar þær skullu saman.

Leikskóla hugsanlega lokað vegna svínaflensu

Sex af 19 starfsmönnum leikskólans Aðalþings í Kópavogi hafa verið frá vinnu síðustu daga. Grunur leikur á að fjórir þeirra séu með svínaflensu.

Undirbúa starfsmenn skóla undir svínaflensuna

Heilbrigðisstarfsmenn vestanhafs reyna nú hvað þeir geta að undirbúa kennara og aðra starfsmenn skóla undir svínaflensuna. Viðbúið er að þegar skólastarf hefst verði töluverð aukning flensutilfella.

Sextán milljónum ríkari

Það var heppinn áskrifandi sem var einn með allar tölurnar réttar í Lottóinu í gærkvöldi og fær vinningshafinn tæplega 16 milljónir króna í sinn hlut.

Yfir 40 létust í brúðkaupi

Yfir 40 létust í Kúveit þegar eldur kom upp í tjaldi sem komið hafði verið upp fyrir brúðkaupsveislu í gærkvöldi. Flestir þeirra sem létust voru konur og börn. Tjaldið varð alelda á örskammri stundu en hátt í sextíu slösuðust, margir tróðust undir þegar fólk reyndi að flýja eldinn.

Útilokar ekki að semja þurfi á nýjan leik

Lilja Mósesdóttir, þingmaður Vinstri grænna, útilokar ekki að Íslendingar þurfi að semja á nýjan leik við Breta og Hollendinga um Icesave reikninga Landsbankans. Hún telur að viðbrögð þeirra við þeim breytingartillögum sem fjárlaganefnd samþykkti í fyrrinótt geta orðið með þeim hætti að semja þurfi upp á nýtt. Lilja er ánægð með niðurstöðu fjárlaganefndar, en hún hefur verið í hópi þeirra þingmanna VG sem hvað harðast hafa gagnrýnt hafa Icesave samninganna.

Talibanar hóta kjósendum

Talibanar í Afganistan hótuðu í morgun að skera fingur af kjósendum og ráðast á kjörstaði, en fingrafar er tekið af þeim sem kjósa í Afganistan. Tilgangurinn er að fá Afgana til að sniðganga forsetakosningarnar sem fara fram þar eftir fjóra daga.

Meirihlutaálitið fínpússað

Önnur umræða um Icesave frumvarpið fer að öllum líkindum fram á Alþingi á þriðjudag eða miðvikudag. Fjárlaganefnd afgreiddi frumvarpið fyrir sitt leyti í fyrrinótt en um helgina er unnið að fínpússun á meirihlutaálitinu.

Ráðgátan um týnda skipið tekur nýja stefnu

Ráðgátan um Arctic Sea, finnska flutningaskipsins sem hvarf af ratsjá fyrir hálfum mánuði tók nýja stefnu í gær þegar rússnesk siglingarvefsíða tilkynnti að staðsetningartæki skipsins hefði gefið frá sér merki. Samkvæmt upplýsingum vefsíðunnar lítur út fyrir að skipið eða búnaðurinn sé við strendur Frakklands. Ekki er þó vitað hvort staðsetningartækið sé enn um borð í skipinu.

GSM á Íslandi 15 ára í dag

Í dag eru 15 ár frá því að Póstur og Sími tók GSM kerfið í notkun hér á landi í fyrsta sinn og um leið hófst bylting í fjarskiptamálum Íslendinga. Virkum GSM númerum hefur heldur betur fjölgað síðastliðin 15 ár. Fyrsta árið voru þau rúmlega 2100 en í dag eru á fjórða hundrað þúsund virk númer á Íslandi.

Fjórar líkamsárásir í miðbænum

Fjögur líkamsárásarmál í miðbæ Reykjavíkur komu inn á borð lögreglunnar á höfuðborgarsvæðinu í nótt. Að sögn varðstjóra voru árásirnar allar minniháttar en tveir gistu fangageymslur í tengslum við þær. Þá stöðvaði lögreglan sex ökumenn sem grunaðir voru um akstur undir áhrifum áfengis og voru tveir þeirra vistaðir í fangaklefum í nótt.

Tekinn fyrir ofsaakstur í Hveradalabrekku

Karlmaður á þrítugsaldri var staðinn að ofsaakstri í Hveradalabrekku í grennd við Skíðaskálann eftir miðnætti í nótt. Maðurinn mældist á 183 kílómetra hraða og var hann var sviptur ökuréttindum til bráðabirgða eftir að hafa verið færður á lögreglustöðina á Selfossi.

Karzai fordæmir árásirnar

Hamid Karzai, forseti Afganistans, fordæmdir harðlega sjálfsmorðsprengjuárás öfgamanna í gær þegar. Að minnsta kosti níu og rúmlega 100 manns særðust þegar árásarmaðurinn sprengdi sig í loft upp fyrir utan höfuðstöðvar NATO í landinu. Meðal hinna særðu er Hawa Nuristani, þingkona á afganska þinginu.

Frambjóðandi fórnarlamb kynþáttafordóma í Þýskalandi

Zeca Schall, frambjóðandi Kristilegra demókrata í komandi kosningum í Þýskalandi, er hvattur af flokki lýðræðislegra þjóðernissinna, flokks hægra öfgamanna, til að koma sér frá Þýskalandi. Schall er dökkur á hörund en hann fluttist til Þýskalands frá Angóla fyrir 21 ári síðan.

Ætlaði að ráðast á bandaríska sendiráðið

Sjö létust og hátt í 100 særðust í sjálfsmorðsárás Talibana á höfuðstöðvar NATO í Afganistan í morgun. Í dag eru aðeins fimm dagar þar til forsetakosningar fara fram í landinu.

Öflugir vindar hamla slökkvistarfi

Talið er að öflugir vindar muni hamla slökkvistarfi í Kaliforníuríki í Bandaríkjunum, en miklir eldar hafa geisað þar frá því í síðustu viku. Neyðarástandi hefur verið lýst yfir.

Fílar fá gervifætur

Tveir fílar á Tælandi hafa verið svo lánsamir að fá sérhannaða gervifætur. Mosha sem er þriggja ára missti fótinn fyrir rúmum tveimur árum og var fyrsti fílinn í heiminum til að fá gervifót.

Ósammála um hvort fyrirvararnir kalli á nýja samninga

Formaður Sjálfstæðisflokksins segir að afgreiðsla fjárlaganefndar á Icesave frumvarpinu kalli á nýjar viðræður við Breta og Hollendinga. Forsætis- og fjármálaráðherra eru þessu ekki sammála en segja þó að auðvitað verði að útskýra fyrirvarana fyrir viðsemjendum Íslendinga.

Icesave á dagskrá Alþingis í næstu viku

Um leið og nefndarálit verða tilbúin hefst umræða um þær breytingartillögur sem fram eru komnar við frumvarp ríkisstjórnarinnar um ríkisábyrgð vegna Icesave samkomulagins. Þetta segir Ásta Ragnheiður Jóhannesdóttir, forseti Alþingis.

Tölvuleikur um svínaflensuna

Það er óhætt að segja að tækifærin leynist víða. Að minnsta kosti sá þýski veirufræðingurinn Albert Osterhaus tækifæri í svínaflensunni. Hann hefur nú búið til tölvuleikinn "The Great Flu" eða flensan mikla.

Reyna að bjarga íbúum úr aurskriðu

Björgunarsveitarmenn freista þess nú að bjarga hátt í tvö þúsund íbúum bæjarins Shiao Lin í Tævan, sem varð illa úti þegar auðskriða féll þar í síðustu viku.

Chavez með Kastró á afmælinu

Hugo Chavez, forseti Venesúela, flaug til Kúbu í vikunni til að eyða tíma með Fidel Kastró, fyrrverandi forseta Kúbu, í tilefni afmæli þess síðarnefnda. Kastró varð 83 ára á fimmtudaginn.

Medvedev vill nýja leiðtoga í Úkraínu

Dmitri Medvedev, forseti Rússlands, segir rússnesk stjórnvöld ekki geta átt eðlileg samskipti við ráðamenn í Úkraínu fyrr en leiðtogaskipti hafi átt sér stað í landinu. Samskipti ríkjanna hafa langt frá því verið góð undanfarin ár eða allt frá því að Victor Yushchenko var kjörinn forseti landsins.

Vegurinn um Langadal opnaður

Búið er að opna veginn um Langadal, að fram kemur í tilkynningu frá Vegagerðinni. Veginum var lokað í morgun. Farþegi í flutningabifreið lést þegar bifreiðin fór út af veginum í gærkvöldi.

Lausnargjalds krafist fyrir Arctic Sea

Krafist hefur verið lausnargjalds fyrir Arctic Sea, rússneska flutningaskipið sem hvarf af ratsjá í lok júlí. Finnska lögreglan tilkynnti þetta í dag.

Ana nálgast

Flórídabúar undirbúa sig nú fyrir árlegt tímabil hitabeltisstorma en fyrsti fellibylur ársins gæti skollið á á innan við viku. Stormurinn hefur þegar fengið nafnið Ana en svæðið sem líklegt er til að lenda í storminum nær allt frá Kúbu til Suður Karolínu.

Fyrirvararnir kalla ekki á viðræður um nýtt samkomulag

Þær breytingartillögur sem meirihluti fjárlaganefndar Alþingis samþykkti í nótt varðandi Icesave samkomulagið kalla ekki á viðræður um nýtt samkomulag við Breta og Hollendinga, að mati Steingríms J. Sigfússonar fjármálaráðherra.

19 látnir eftir óeirðir í fangelsi

Að minnsta kosti 19 eru látnir og á þriðja tug eru slasaðir eftir óeirðir í fangelsi norðurhluta Mexíkó í dag. Ekki er vitað hvort að fangaverðir og aðrir starfsmenn fangelsisins séu í hópi hinna látnu. Yfirvöld segja ástæðuna fyrir uppþotinu vera uppgjör milli tveggja klíka í fangelsinu.

Risavaxið gagnaver hefði mikil jákvæð áhrif

Risavaxið gagnaver á Blönduósi myndi hafa heilmikil jákvæð áhrif fyrir bæjarfélagið, landshlutann sem og í endurreisn Íslands, að mati Arnars Þórs Sævarssonar, bæjarstjóra á Blönduósi. Hann segir sig og aðra forystumenn í bæjarfélaginu stíga varlega til jarðar í málinu. „Við lítum ekki svo á að þetta sé í hendi.“

Ætlar ekki að segja af sér þingmennsku

Margrét Tryggvadóttir, þingmaður Borgarahreyfingarinnar, ætlar ekki að segja af sér þingmennsku vegna umhyggju við Þráin Bertelsson eða stjórnarmenn hreyfingarinnar.

40 ár frá Woodstock

Woodstock tónlistarhátíðin er 40 ára í dag. Hátíðarinnar er gjarnan minnst sem þeirri sögulegustu í tónlistarsögunni.

Flutningaskip týnt - aftur

Það þykir ráðgáta ein hvernig 4000 tonna flutningaskip gat horfið í nokkra daga, komið aftur í leitirnar og horfið síðan aftur.

Höskuldur: Ekki komið til móts við framsóknarmenn

Höskuldur Þór Þórhallsson, þingmaður Framsóknarflokksins í fjárlaganefnd, segir að það hafi alltaf verið vilji hjá flokknum að reyna að ná fram þverpólitískri sátt í Icesave málinu. Hins vegar hafi ekki verið komið til móts við flokkinn og því hafi farið sem fór. Allir flokkar nema Framsóknarflokkurinn styðja breytingatillögur meirihluta fjárlaganefndar vegna Icesave.

Þór Saari sáttur með niðurstöðuna

„Við lögðum fram margvíslegar breytingartillögur og fengum þær allar inn. Þess vegna erum við með. Annað hefði verið óheiðarlegt,“ segir Þór Saari, þingmaður Borgarahreyfingarinnar, um breytingartillögur fjárlaganefndar við frumvarp ríkisstjórnarinnar um ríkisábyrgð vegna Icesave samkomulagsins. Álitið var afgreitt út úr nefndinni í nótt með stuðningi allra flokka nema Framsóknarflokks.

Formaður Þjóðveldisflokksins vill ekki að Ísland gangi í ESB

Högni Hoydal, formaður Þjóðveldisflokksins í Færeyjum, vill ekki að Ísland gangi í ESB. „Það er von okkar að Ísland fari ekki inn, að sjálfsögðu. Við vonum það ennþá þó það sé erfitt að sjá það miðað við núverandi stöðu,“ segir formaðurinn í viðtali við Fréttablaðið í dag.

Allt að 3000 manns á Gaddastaðaflötum

Allt að 3000 manns eru á sumarhátíðinni á Gaddastaðaflötum við Hellu. Nóttin gekk vel og engin meiriháttar mál komu upp, að sögn lögreglu.