Sóttvarnalæknir mælir ekki með lokunum vegna svínaflensunnar

Haraldur Briem, sóttvarnalæknir, mælir ekki með lokunum vegna svínaflensunnar. Þegar fréttastofa náði tali af Haraldi hafði hann ekki heyrt af leikskólanum Aðalþingi í Kópavogi og fjallað var um á Vísi fyrr í dag. Sex af 19 starfsmönnum leikskólans hafa verið frá vinnu síðustu daga en grunur leikur á að fjórir þeirra séu með svínaflensu.

„Þetta eru hlutir sem við eigum væntanlega eftir að sjá talsvert af á næstunni en við erum ekki að mæla með lokunum," segir Haraldur og bendir jafnframt á nýlegt dæmi af knattspyrnuliði Grindavíkur. Stór hluti leikmanna liðsins er veikur og þar af einn er með svínaflensu. Óttast er að fleiri leikmenn Grindavíkur séu einnig með svínaflensu. Fresta þurfti liðsins við ÍBV sem fara átti fram í dag vegna veikindanna.

Haraldur segir að skólastjórnendur og aðrir þurfi að meta aðstæður hverju sinni. Hann mæli með því að fólk reyni að láta þetta hafa sem minnst áhrif á skólahald og samkomur því hingað til hafi þau tilfelli sem komið hafa upp hér landi verið í ætt við hefðbundna inflúensu.

„Það er mikilvægt að fólk sé undir þetta búið og bregðist við aðstæðum," segir Haraldur og bendir að lokum á upplýsingasíðuna influensa.is.