Lekaholur þéttar við Sigöldu

Þess hefur verið freistað við Sigöldustíflu í sumar að draga úr allt að tvöhundruð milljóna króna árlegu tekjutapi vegna vatnsleka með því að þétta botn miðlunarlóns virkjunarinnar.

Umtalsverð lækkun launa handhafa forsetavalds

Í frumvarpi efnahags- og skattanefndar sem lagt var fram á Alþingi í dag er gert ráð fyrir því að laun handhafa forsetavalds verði samanlagt fimmtungur launa forseta þann tíma sem þeir fara með forsetavald um stundarsakir.

Fleiri en 15 þúsund nemar við Háskóla Íslands

Heildarfjöldi nema í Háskóla Íslands í haust verður á sextánda þúsund. Um 14 þúsund stúdentar hafa þegar staðfest skólavist vegna náms við Háskóla Íslands á næsta misseri en á annað þúsund umsóknir eru enn í vinnslu. Umsóknum um nám í Háskólann fjölgaði um 20% milli áranna 2008 og 2009 og hefur mjög stór hluti þeirra sem sóttu um nám staðfest skólavist. Aldrei hafa fleiri nemar verið skráðir í Háskóla Íslands frá upphafi.

Skammaður fyrir að tala ensku í þingsal

Guðlaugur Þór Þórðarson, þingmaður Sjálfstæðisflokks, fékk skömm í hattinn fyrir að tala ensku í þingsalnum við óundirbúinn fyrirspurnatíma í þingsalnum í dag.

Morðið í Óðinsvéum: Sló stelpuna 20 sinnum

Fertugur danskur karlmaður sem er grunaður um að hafa myrt 13 ára gamla dóttur sína í Óðinsvéum í gær hefur verið úrskurðaður í gæsluvarðhald í fjórar vikur. Samkvæmt læknisráði verðiur maðurinn vistaður á geðdeild á gæsluvarðhaldstímanum.

Ekkert liggur fyrir um skipun þjóðleikhússtjóra

Ekkert liggur fyrir um skipun nýs þjóðleikhússtjóra og engar upplýsingar fengust um hvenær von væri á ákvörðun menntamálaráðherra þar að lútandi þegar eftir því var leitað.

Þráinn sagði sig úr þingflokknum - Margrét baðst afsökunar

Þráinn Bertelsson sagði sig formlega úr þingflokki Borgarahreyfingarinnar í dag. Ásta Ragnheiður Jóhannesdóttir, forseti Alþingis, las upp bréf frá Þráni, þess efnis, við upphaf þingfundar í dag. Í bréfinu segist Þráinn hafa slitið samskiptum við fólk sem telji orðheldni vera merki um alvarlega heilabilun.

Á von á tólfburum

Kona í Túnís mun brátt ala 12 börn eftir því sem breska blaðið The Sun fullyrðir. Konan, sem er kennari, á von á sex drengjum og sex stúlkum.

Vill reglur um sjósund

„Það er verið að taka um að setja Ermasundsreglur. Það er krafa sumra. En það eru allir sammála um að það verði að setja skýrar reglur," segir sjósundkappinn Benedikt Lafleur um öryggi sjósundkappa en íþróttinn nýtur sívaxandi vinsælda hér á landi.

Sjálflýsandi hross til varnar slysum

Nokkuð var um tilkynningar um laus hross í umdæmi lögreglunnar á Hvolsvelli í liðinni viku. Undanfarin sumur hafa hlotist nokkur slys þegar vegfarendur hafa ekið á hrossin í myrkrinu.

Sigurður Nordal framkvæmdastjóri Sinfóníuhljómsveitarinnar

Stjórn Sinfóníuhljómsveitar Íslands hefur ákveðið að ráða Sigurð Nordal sem framkvæmdastjóra Sinfóníuhljómsveitar Íslands frá og með 1. september næstkomandi. Þetta kemur fram í tilkynningu frá Sinfóníuhljómsveitinni.

Reykjavíkurbiskup leiður yfir brottrekstri

„Kaþólsku kirkjunni á Íslandi þykir leitt að stjórn Landakotsskóla ses. hafi átt í erfiðleikum,“ skrifar Pétur Bürcher, Reykjavíkurbiskup í tilkynningu sem Kaþólska kirkjan sendi frá sér til fjölmiðla.

Landakotsskóli: Breytist fram á síðasta dag

Skólastjóra Landakotsskóla, Fríðu Regínu Höskuldsdóttur, var sagt upp störfum um helgina. Stjórn skólans tók ákvörðunin á föstudaginn og svo fékk Fríða uppsagnarbréf afhent um helgina. Ekki var óskað eftir því að hún ynni þriggja mánaða uppsagnarfrest. Aðstoðarskólastjórinn, Sigríður Hjálmarsdóttir, tekur við starfinu tímabundið. Stjórnin segir uppsögnin hluta af hagræðingu.

Gripu til vopna eftir Facebookdeilur

Búið er að sleppa piltunum fjórum sem grunaðir eru um að hafa ógnað manni sem var við vinnu sína í Höfðahverfi í Reykjavík með skotvopni.

Leikskólinn opnar eftir svínaflensu

Leikskólinn Aðalþing hóf störf í dag eins og aðra daga og ekki kom til formlegrar lokunar en sex starfsmenn skólans greindust með svínaflensuna fyrir skömmu.

Michael Hudson: Geta Íslendingar borgað?

Ísland er til umfjöllunar í grein í Financial Times í dag eftir hagfræðiprófessorinn Michael Hudson sem hefur starfað sem efnahagsráðgjafi ríkisstjórna Bandaríkjanna, Kanada, Mexíkó og Lettlands. Hann skrifar um skuldastöðu Íslands og Lettlands og spyr hvort ríkin geti greitt erlendar skuldir.

Framsóknarmenn einhuga um andstöðu gegn Icesave

Einhugur er í þingflokki Framsóknarflokksins um flokkurinn standi einn gegn niðurstöðu Icesave-málsins. Þetta segja bæði Gunnar Bragi Sveinsson þingflokksformaður og Siv Friðleifsdóttir, reynslumesti þingmaður flokksins.

Eistnesk fyrirmenni á ferð og flugi í þekkingarheimsókn

Hópur um tíu embættis- og menntamanna frá höfuðborg Eistlands, Tallin, er í svokallaðri þekkingarheimsókn hér á landi að eigin frumkvæði.

Sumrinu framlengt í Nauthólsvík

Ákveðið hefur verið að framlengja sumrinu á Ylströndinni í Nauthólsvík og hafa þar opið til 31. ágúst, en til stóð að loka Ylströndinni í dag.

Í hættu á bátstuðru

Félagar í Björgunarfélagi Vestmannaeyja fengu útkall rétt fyrir hálf ellefu í gærkvöldi vegna tuðru sem var í vanda stödd við Bakkafjöru. Þetta kemur fram á fréttavefnum eyjar.net.

Kanada ásælist Norðurpólinn

Kanadamenn hafa skipulagt viðamiklar heræfingar við Norður heimskautið á næstunni en æfingarnar eru sagðar vera liður í þeirri viðleitni Kanadamanna að minna á sig og tilkall sitt til svæðisins en margir renna nú hýru auga til svæðisins og þeirra auðlinda sem það hefur að geyma.

19 látnir í sprengingu í Ingúsetsíu

Að minnsta kosti nítján eru látnir eftir að sprengja sprakk við höfuðstöðvar lögreglunnar í Ingúsetsíu sem er múslímskt sjálfstjórnarhérað í Rússlandi. Sprengingin varð í Nazran, stærstu borg héraðsins og talið er að hún hafi innihaldið 20 kílógrömm af sprengiefninu TNT.

Annað kjötránið á stuttum tíma

Um tólf hundruð kílóum af kjöti hefur verið stolið frá Kjöthúsinu á Smiðjuvegi í sumar. Um 7-800 kílóum var stolið þaðan í nótt og í maí var stolið þaðan 500 kílóum.

Björgunarsveitir kallaðar út vegna sjósundkappa

Allar björgunarsveitir í Skagafirði voru kallaðar út á laugardaginn eftir að tilkynning barst til lögreglunnar um að sjósundkappi hefði horfið í miðju Drangeyjarsundi. Þetta kom fram á Feykir.is.

Þurfum að stíga varlega til jarðar við kyrrsetningu eigna

„Fundurinn tókst vel, en ég held að við séum að gera okkur grein fyrir því að við þurfum að stíga varlega til jarðar," segir Lilja Mósesdóttir, varaformaður efnahags- og skattanefndar.

Stjórnarformaður OR fordæmir árásir hugleysingja

Guðlaugur G. Sverrisson, stjórnarformaður Orkuveitu Reykjavíkur skrifar harðorða grein í Morgunblaðið þar sem hann fordæmir árásir á heimili fjölskyldna stjórnenda í orku- og stóriðjufyrirtækjum.

Nýskráningar dragast saman um 76 prósent

Mikil fækkun er í nýskráningum ökutækja það sem af er ári. Í tölum frá Umferðarstofu kemur fram að 3.732 ökutæki hafi verið skráð á árinu samanborið við 15.345 ökutæki á sama tímabili í fyrra. Þetta gerir 75,68 prósenta fækkun milli ára.

Íslensk upplýsingatækni til Sameinuðu þjóðanna

Ein af skrifstofum Sameinuðu þjóðanna (OCHA) hefur tekið í notkun samskipta- og upplýsingagátt frá íslenska hugbúnaðarfyrirtækinu TM Software fyrir samræmt hjálparstarf á hjálpar- og hamfarasvæðum. Lausnin byggir á íslensku hugviti og hefur meðal annars verið nýtt af stjórnvöldum í Mexíkó fyrir hjálparstarf vegna inflúensufaraldurs (H1N1) þar í landi.

Kókaíndollarar algengir í Bandaríkjunum

Á níu af hverjum tíu peningaseðlum í umferð í Bandaríkjunum má finna leifar af Kókaíni. Þetta kemur fram í nýrri alþjóðlegri rannsókn þar sem skoðaðir voru seðlar frá þrjátíu borgum í Bandaríkjunum auk þess sem seðlar frá Japan, Canada, Brasilíu og Kína.

Harður árekstur á Höfðabakka í gærkvöldi

Tveir voru fluttir á sjúkrahús með sjúkrabílum eftir harðan árekstur þriggja bíla á Höfðabakka í Reykjavík í gærkvöldi. Fólkið mun ekki vera alvarlega slasað en bílarnir eru mikið skemmdir. Tildrög slyssins eru óljós.

Sundmaðurinn í Burma látinn laus

John Yettaw, Bandaríkjamaðurinn sem synti yfir stöðuvatn til þess að heimsækja Búrmíska stjórnarandstöðuleiðtogann Aung San Suu Kyi hefur verið látinn laus.

Tilkynnti um innbrot sem hann framdi sjálfur

Þjófur, sem braust inn í mannlaust íbúðarhús á Akureyri um helgina, reyndi nýstárlega leið til að leiða grun frá sjálfum sér. Hann hafði samband við húseigandann og sagði honum að sér hafi sýnst, þegar hann átti leið þar framhjá, að það hafi verið brotist inn hjá honum.

Þrettán bretar hafa fallið í Afganistan það sem af er ágústmánuði

Yfirmenn breska hersins í Afganistan segja að hermennirnir þar séu staðráðnir í að halda baráttunni Talíbana áfram þrátt fyrir mikil átök og hækkandi dánartölur. Nú hafa 204 breskir hermenn fallið í Afganistan frá því Bretar hófu afskipti af málum þar árið 2002. Þrettán hermenn hafa fallið í ágúst og fjórir um liðna helgi en hermennirnir reyna nú að auka öryggi borgara í landinu til þess að unnt verði að halda kosningar þar síðar í vikunni.

Kærði dópsala til lögreglu fyrir að svindla á sér í viðskiptum

Ungur maður kom inn á lögreglustöðina við Hverfisgötu í Reykjavík um helgina og kærði rán. Hann sagðist hafa hitt tvo útlendinga sem vildu selja honum E- pillur, en þegar hann hafi rétt þeim tíu þúsund krónur, hafi þeir hlaupið á brott.

Brennt barn forðast eldinn

Nítíu prósent þeirra erlendu fjármálafyrirtækja sem fjárfest hafa á Íslandi telja ólíklegt að þau rói á íslensk mið á næstunni ef marka má nýja könnun.

Hætt komnir um borð í slöngubáti

Fjórir menn voru hætt komnir á ellefta tímanum í gærkvöldi, þegar utanborðsmótor á slöngubáti þeirra bilaði, rétt eftir að þeir höfðu lagt af stað frá Bakkafjöru og ætluðu til Vestmannaeyja.

Stálu 800 kílóum af frystu kjöti

Þjófar sprengdu upp öflugan lás á frystigámi fyrir utan fyrirtæki við Smiðjuveg í Kópavogi undir morgun og stálu þaðan sjö til átta hundruð kílóum af frystu kjöti og komust undan.

Karzai nýtur mest stuðnings

Hamid Karzai, sitjandi forseti Afganistans, nýtur mests stuðnings forsetaframbjóðenda í skoðanakönnun sem birt var í kvöld en forsetakosningar fara fram landinu næstkomandi laugardag.

Aukið öryggi opnar á möguleika um frekari aðstoð

Árangur Pakistana í að ná til baka lykillandssvæðum af Talibönum gefur þeim frekara svigrúm til viðræðna við Bandaríkjamenn um orku og efnahagsmál. Þetta sagði sérstakur erindreki Bandaríkjastjórnar í heimsókn sinni til Pakistans í dag.

Mannskæð sprengjuárás í Bagdad

Tvær sprengjur sprungu á sama tíma í kvöld við vinsælan veitingastað í hverfi shíta múslima í austurhluta Bagdad, höfuðborg Íraks. Að minnsta kosti sex féllu og á þriðja tug særðust í árásinni.

Enn loga eldar í Kaliforníu

Eldar loga enn í Kaliforníufylki í Bandaríkjunum en vonar standa til að slökkviliðsmenn nái von bráðar tökum á eldum í grennd við borgina Santa Cruz sunnan af San Francisco.

Samdráttur í ferðaþjónstu kemur ekki niður á Íslandi

Þrátt fyrir að viðskipta- og hvataferðum hingað til lands hafi fækkað svo um munar hefur erlendum ferðalöngum fjölgað töluvert. Þetta segir framkvæmdastjóri Samtaka ferðaþjónustunnar. Samdráttur í ferðaþjónustu kemur ekki niður á Íslandi, ólíkt öðrum Evrópulöndum.

Brasilíski glæpamaðurinn flakkaði um Evrópu með vegabréf bróður síns

Brasilíumaður sem var handtekinn hér á landi fyrir helgi flakkaði um Evrópu með vegabréf bróður síns áður en hann var gómaður í Leifsstöð. Hann segir að íslenskum stjórnvöldum sé óheimilt að framselja sig til Brasilíu og vill pólitískt hæli á Íslandi.

Tildrög banaslyssins enn í rannsókn

Sú sem lést í banaslysinu í Langadal í Húnavatnssýslu síðastliðið föstudagskvöld hét Margrét Jósefsdóttir til heimilis að Vesturgili 12, Akureyri. Hún var 50 ára og lætur eftir sig eiginmann og uppkomin börn. Tildrög slyssins eru enn í rannsókn.

Ástþór: Egill Helgason vanhæfur til að starfa á RÚV

Þáttastjórnandinn og stjórnmálaskýrandinn Egill Helgason er vanhæfur til að starfa á Ríkissjónvarpinu, að mati Ástþórs Magnússonar. Egill var gestur Sigurjóns M. Egilssonar í þættinum Sprengisandi á Bylgjunni í morgun. Þar sagðist Egill hafa greitt Borgarahreyfingunni atkvæði sitt í kosningunum í vor.