Ekkert liggur fyrir um skipun þjóðleikhússtjóra

Ekkert liggur fyrir um skipun nýs þjóðleikhússtjóra og engar upplýsingar fengust um hvenær von væri á ákvörðun menntamálaráðherra þar að lútandi þegar eftir því var leitað.

Samkvæmt upplýsingum frá menntamálaráðuneytinu er ráðuneytið engum reglum bundið um tímasetningu skipunarinnar öðrum en að hún verður að liggja fyrir þegar starfstímabil nýráðins þjóðleikhússtjóra hefst.

Menntamálaráðherra skipar þjóðleikhússtjóra í embætti til fimm ára í senn, frá og með fyrsta janúar 2010.

Alls sóttu tíu manns um stöðu þjóðleikhússtjóra, þar á meðal sitjandi leikhússtjóri Tinna Gunnlaugsdóttir og Kolbrún Halldórsdóttir, fyrrum ráðherra.