Skammaður fyrir að tala ensku í þingsal

Guðlaugur Þór Þórðarson, þingmaður Sjálfstæðisflokks, fékk skömm í hattinn fyrir að tala ensku í þingsalnum við óundirbúinn fyrirspurnatíma í þingsalnum í dag.

Guðlaugur vitnaði til orða viðskiptaráðherra í viðtali við Deutsche Welle og hafði þau beint eftir á ensku; „It would be pretty devastating if one result of all of this was that Iceland's best and brightest would leave or that Icelanders that are now studying abroad would not return."

Tilvitnunin kom til vegna gagnrýni Guðlaugs á þá stefnu ríkisstjórnarinnar að laun í hinum opinbera geira fari ekki fram úr launum forsætisráðherra, og spurði hann viðskiptaráðherra hvernig hún færi saman við þá stefnu að forðast flótta hæfileikafólks úr landi.

Ásta Ragnheiður Jóhannesdóttir, forseti Alþingis, kunni enskuslettunum illa, áminnti því Guðlaug og uppskar fliss þingmanna:

„Forseti vill geta þess að ef menn vitna í texta á erlendu tungumála, þá þýði þeir jafnharðan þann texta."