Fyrstu útfarirnar í morgun

38 börn, flest á aldrinum tveggja til fjögurra ára, létust í eldsvoðanum á dagheimilinu í Hermosillo í Mexíkó í fyrradag. Fyrstu útfarirnar fóru fram í morgun. Flest barnanna köfnuðu.

Háskólinn á Bifröst hefur keypt aftur fasteignir sínar

Háskólinn á Bifröst hefur keypt aftur allar fasteignir sínar. Þetta kom fram í útskriftarræðu Ágústs Einarssonar rektors háskólans í gær.

Villtust á Esjunni

Um 80 björgunarsveitarmenn tóku þátt í leit að konu sem villtist í þoku á toppi Esjunnar í gær. Á meðan konan beið þess að vera bjargað rakst hún á tvo Kanadamenn sem einnig voru villtir á fjallinu og ákváðu þeir að bíða eftir björgun með henni.

Fluttur slasaður til Reykjavíkur - grunaður um ölvun

Karlmaður á fimmtugsaldri slasaðist þegar bifreið sem hann ók skall á brúarstólpa í Ljósavatnsskarði um áttaleytið í gærkvöld.

Alvarlega slasaður eftir bílslys í botni Súgandafjarðar

Karlmaður á sextugsaldri var fluttur alvarlega slasaður með flugi á sjúkrahús í Reykjavík eftir umferðarslys í botni Súgandafjarðar á sjötta tímanum í morgun.

Í varðhaldi vegna innflutnings á töluverði magni af fíkniefnum

Karlmaður á þrítugsaldri situr í gæsluvarðhaldi að kröfu lögreglunnar á höfuðborgarsvæðinu vegna gruns um aðild að innflutningi á töluverði magni af fíkniefnum.

Fylgismenn og andstæðingar Ahmadinejad tókust á

Stuðningsmönnum og andstæðingum Mahmoud Ahmadinejad, Íransforseta, lenti saman í höfuðborginni Teheran í gærkvöldi. Forsetakosningar í Íran fara fram í næstu viku.

Forsetaframbjóðandi myrtur í Gíneu Bissau

Baciro Dabo, forsetaframbjóðandi og fyrrum varnarmálaráðherra Gíneu Bissau, var myrtur í gær. Annar fyrrum varnarmálaráðherra landsins, Helder Proenc, var einnig myrtur í gær ásamt tveimur lífvörðum sínum.

Læknirinn Tiller borinn til grafar

George Tiller, læknir sem þekktur var fyrir að framkvæma fóstureyðingar á konum sem gengu með mjög þroskuð fóstur, var borinn til grafar í dag. Hundruð syrgjendur minntust Tillers í borginni Wichita í Kansasfylki en hann var myrtur fyrir viku. Tveir andstæðingar fóstureyðinga voru handteknir í dag þegar athöfnin fór fram.

Enginn með allar tölurnar réttar í lottóinu

Enginn var með allar lottótölurnar réttar í kvöld þannig fyrsti vinningur því tvöfaldur næst. Þrír voru með bónusvinninginn og hlýtur hver um sig rúmlega 64 þúsund krónur.

Samkomulagið veitir ríkissjóði skjól í sjö ár

Ríkisstjórnin telur að 33 til 170 milljarðar gætu fallið á ríkissjóð eftir sjö ár vegna Icesave skuldbindinga í Bretlandi og Hollandi sem samtals eru upp á 660 milljarða króna. Leiðtogar stjórnarflokkanna segja mikilvægt að samkomulagið skapi ríkissjóði algert skjól í sjö ár en á þeim tíma eru lán vegna Icesave afborgunarlaus.

Deloitte: Fyrningarleiðin glórulaus

Bankakerfið hrynur aftur og nánast öll starfandi sjávarútvegsfyrirtæki fara á hausinn innan fimm ára ef fyrningarleið ríkisstjórnarinnar verður farinn, að mati forstjóra endurskoðunarfyrirtækisins Deloitte. Fyrirtækið hefur skilað Landssambandi íslenskra útvegsmanna skýrslu um fyrningarleiðina, sem forstjórinn segir glórulausa.

12 milljónir króna á fjölskyldu

Höfuðstóll Icesave lánsins að viðbættum vöxtum myndi duga til að reka Háskóla Íslands í heila öld og sjö árum betur. Deilt niður á fjölskyldur landsins nemur upphæðin tólf milljónum króna á hverja vísitölufjölskyldu.

Gæsluvarðhalds krafist yfir fjórmenningunum vegna íkveikjunnar

Þrír karlmenn og kona eru í haldi lögreglu grunuð um að hafa kveikt í húsi við Kleppsveg í morgun. Karlmaður á miðjum aldri náði að forða sér út úr logandi húsinu. Lögregla ætlar að krefjast gæsluvarðhalds yfir fólkinu.

Lík úr flugslysinu fundin

Brasilíski flugherinn fann í dag lík tveggja karlmanna sem fórust með farþegaþotu Air France aðfaranótt mánudagsins síðasta. Brak úr vélinni sem og persónulegir munir fundust einnig í dag.

Sigmundur Davíð: Íslendingar seldir í ánauð

Formaður Framsóknarflokksins segir að verið sé að selja Íslendinga í ánauð með samkomulagi sem undirritað var í nótt um Icesave skuldbindingarnar svokölluðu. Hann segir samninginn vera ógn við sjálfstæði Íslands. „Þetta er rosalegt. Ég er búinn að vera hálfmiður minn frá því að þetta var kynnt í gærmorgun,“ segir formaðurinn.

Samkomulagið mikilvægur áfangi í endurreisn Íslands

Samkomulag um Icesave skuldbindingarnar svokölluðu er mikilvægur áfangi við endurreisn íslensks efnahagskerfis og trausts Íslands á alþjóðavettvangi. Þetta kom fram í máli Jóhönnu Sigurðardóttur, forsætisráðherra, og Steingríms J. Sigfússonar, fjármálaráðherra, á fundi með blaðamönnum í stjórnarráðinu í dag.

Ágúst vill sameina Bifröst við aðra skóla

Ágúst Einarsson, rektor Háskólans á Bifröst, vill sameina skólann við Listaháskólann og Háskólann í Reykjavík. Undanfarna mánuði hafa forsvarsmenn skólans kannað hvort flötur sé á nánari samvinna skólanna þriggja.

Ráðist á lögreglustöð í Pakistan

Undanfarið hefur fjöldi fólks farist í mannskæðum sprengjuárásum ódæðismanna í Pakistan. Nú síðast í dag var lögreglustöð í höfuðborginni, Islamabad, skotmarkið. Einn lögreglumaður lést í árásinni og þá eru að minnsta kosti þrír særðir eftir árásina.

Jóhanna og Steingrímur boða til blaðamannafundar

Jóhanna Sigurðardóttir, forsætisráðherra, og Steingrímur J. Sigfússon, fjármálaráðherra, hafa boðað til blaðamannafundar um lausn Icesavedeilunnar. Fundurinn hefst klukkan fjögur.

Bretar fagna Icesave samkomulaginu

Bresk stjórnvöld fagna Icesave samkomulaginu sem nú hefur náðst. Vilji Íslendinga, til að ábyrgjast skuldbindingar sínar og endurgreiða reikningseigendum, þykir sérstakt fagnaðarefni samkvæmt fréttavefnum BBV.

Rússalán rætt í næstu viku

Samningaviðræður Íslendinga og Rússa varðandi svokallað Rússalán fara fram í Moskvu í næstu viku. Þetta hefur Reuters-fréttastofan eftir Dmitry Pankin, fjármálaráðherra Rússlands.

Framsóknarþingmaður: Stjórnin er að svíkja þjóðina

Eygló Harðardóttir, þingmaður og ritari Framsóknarflokksins, segir að með samkomulagi sínu við Breta og Hollendina um Icesave reikningana sé ríkisstjórnin að svíkja þjóðina. Hún segir að Samfylkingin hafi aldrei haft vilja til að kanna lagastöðu Íslands í málinu. „Ég tel þetta samkomulag vera mikil svik,“ segir þingmaðurinn.

Átökin innan VR halda áfram

Ragnar Þór Ingólfsson, stjórnarmaður í VR, segir að einhverstaðar virðast hagsmunir félagsmanna hafa gleymst. Hann hefur að undanförnu birt á vefsíðu sinni birt tölvupósta svokallaðrar „skuggastjórnar VR" sem inniheldur fólk sem sat áður í stjórn félagsins og hugnast ekki ný stjórn undir forystu Kristins Jóhannessonar.

Ekki lagalegar forsendur fyrir samkomulaginu um Icesave

Stefán Már Stefánsson, lagaprófessor við Háskóla Íslands, er ósáttur við að stjórnvöld hafi ákveðið að greiða Icesave reikningana. Fram kom í hádegisfréttum Ríkisútvarpsins að hann telji ekki lagalegar forsendur vera fyrir samkomulagi um greiðslurnar.

Hnífsstungumálið á Akureyri - maðurinn líklega útskrifaður í dag

Karlmaður um fimmtugt sem var stunginn í brjóstkassann í ryskingum í heimahúsi á Akureyri í gærkvöldi er á batavegi og verður líklega útskrifaður af sjúkrahúsi í dag.

Innrásarinnar í Normandí minnst

Leiðtogar Frakklands, Bandaríkjanna og Bretlands voru viðstaddir minningarathöfn í Frakklandi í morgun, þegar þess var minnst að 65 ár eru liðin frá innrásinni í Normandí.

Hátíð hafsins haldin hátíðleg

Líf og fjör verður á Grandagarði í Reykjavík alla helgina þar sem haldin er Hátíð hafsins. Þetta er í ellefta sinn sem að hátíðin er haldin en hún samanstendur af Hafnardeginum og Sjómannadeginum.

Gjaldþrot Seðlabankans stærra mál en Icesave

Gjaldþrot Seðlabankans er enn stærra mál en Icesave. Vaxtakjörin á Icesave láninu gera það þó að verkum að Icesave er í fyrsta sæti þegar kemur að álögum á þjóðina. Þetta segir Ólafur Arnarson, hagfræðingur.

Fólkið talið hafa kveikt í með bensíni

Þrír karlmenn og ein kona voru handtekin í morgun grunuð um að hafa kveikt í einbýlishúsi við Kleppsveg með bensíni. Karlmaður á miðjum aldri forðaði sér út úr brennandi húsinu sem nánast eyðilagðist í eldinum.

Samkomulagið betra en fyrri drög

Samkomulag það sem tókst í gærkvöldi um Icesave skuldbindingar Íslendinga er mun hagstæðara en drög að samkomulagi sem lágu fyrir í tíð ríkisstjórnar Geirs H. Haarde. Hryðjuverkalögum og frystingu eigna Landsbankans í Bretlandi verður aflétt eftir tæpan hálfan mánuð.

Staðfestir ekki brotthvarf Þorsteins Pálssonar

Ari Edwald, forstjóri 365 miðla, staðfestir ekki að Þorsteinn Pálsson láti af störfum sem ritstjóri Fréttablaðsins á næstu dögum. Vefmiðillinn Eyjan fullyrðir að Þorsteinn sé að hætta af eigin ósk sem annar af ritstjórum blaðsins og að Jón Kaldal verði einn ritstjóri.

Rannsókn flugslyssins á byrjunarreit

Franskir og brasilískir leitaflokkar hafa ekki enn fundið brak sem talið er vera úr Air France farþegaþotunni sem fórst aðfaranótt mánudagsins síðasta. Einn íslenskur ríkisborgari var um borð.

Mál manns sem lést í fangaklefa í rannsókn

Lögregla hefur staðfest að karlmaður á fimmtugsaldri sem tók líf sitt í fangaklefa í gærmorgun hafi hengt sig. Fullyrt er í Fréttablaðinu í morgun að maðurinn hafi hengt sig, með teppi, en Geir Jón Þórisson yfirlögregluþjónn gat ekki staðfest það í samtali við fréttastofu í morgun. Málið er í rannsókn og beðið er niðurstöðu krufningar.

Tugir barna létust í eldsvoða

Að minnsta kosti 29 börn létust þegar eldur braust út á dagheimili í norðvesturhluta Mexíkó í gær. Tugir barna slösuðust í eldinum.

Ísland frjálst undan hryðjuverkalögum fyrir þjóðhátíð

Hryðjuverkalögum Breta gegn Íslendingum og frystingu eigna Landsbankans í Bretlandi verða aflétt eftir hálfan mánuð, samkvæmt samkomulagi íslensku samninganefndarinnar vegna Icesave við Breta og Hollendinga. Samningaviðræðum lauk um miðnætti í nótt.

Bíll valt á Snæfellsnesvegi í nótt

Umferðaróhapp varð á Snæfellsnesvegi vestan Borgarness klukkan rúmlega tvö í nótt þegar fólksbíll valt. Tvennt var í bílnum sem slasaðist ekki mikið en fólkið var flutt á næstu heilsugæslu til aðhlynningar, að sögn lögreglunnar í Borgarnesi. Bifreiðin er ónýt en svo virðist sem að ökumaðurinn hafi misst stjórn á henni með fyrrgreindum afleiðingum.

Eldur í húsi á Kleppsvegi - þrír handteknir

Slökkviliðið á höfuðborgarsvæðinu var kallað út vegna elds í einbýlishúsi á Kleppsvegi á níunda tímanum í morgun. Húsið mun hafa verið mannlaust. Þrír karlmenn hafa verið handteknir grunaðir um íkveikju, að sögn lögreglu sem vildi ekki tjá sig frekar um málið að svo stöddu.

Hnífsstungan á Akureyri: Málsatvik enn óljós

Málsatvik í hnífstungumáli á Akureyri í gær eru enn óljós að sögn lögreglu. Karlmaður á fimmtugsaldri og kona á sextugsaldri sem voru handtekin vegna málsins verða yfirheyrð í dag.

Rýr kvóti næstu ár

Hafrannsóknastofnun (Hafró) leggur til að þorskkvótinn á næsta fiskveiðiári verði 150 þúsund tonn. Það er tíu þúsund tonnum minna en á yfirstandandi fiskveiðiári. Þó ber þess að geta að upphaflega var úthlutað 130 þúsund tonnum í fyrra og þar með farið eftir ráðleggingum Hafró en síðan var 30 þúsund tonnum bætt við. Útlit er fyrir að þess verði að bíða í þrjú til fjögur ár uns hægt verði að úthluta verulega meiri afla en nú. Einnig leggur stofnunin til að verulega verði dregið úr veiðum á ufsa og ýsu. Þar að auki er útlitið ekki gott fyrir loðnuvertíð næsta vetur en hins vegar mun betra fyrir veturinn þar á eftir.

Vextir af Icesave-láni 35 milljarðar á ári

Íslenska ríkið mun ábyrgjast um 640 milljarða króna skuld til Breta vegna Icesave-reikninga Landsbankans í Bretlandi og Hollandi, samkvæmt samkomulagi sem náðst hefur við bresk yfirvöld. Lánið mun bera 5,5 prósenta vexti á ári, en hvorki þarf að greiða afborganir né vexti næstu sjö ár.

Røkke og Jón Helgi leita Drekaolíu

Tveir af þekktustu athafnamönnum Íslands og Noregs standa að fyrirtækjunum tveimur sem sóttu um sérleyfi til rannsóknar og vinnslu kolvetnis á Drekasvæðinu. Þetta eru þeir Kjell Inge Røkke, sem stendur að Aker Exploration, og Jón Helgi Guðmundsson, einn aðaleigenda Norvik, sem er einn af stærstu hluthöfunum í Sagex í gegnum Lindir Resources.

Niðurgreiðum ekki strætó

„Námsmenn af landsbyggðinni eyða hverri krónu á höfuðborgarsvæðinu í húsaleigu og kaup á annarri þjónustu og því ekki nema sanngjarnt að þeir njóti sömu kjara hjá höfuðborgarsveitarfélögunum og þeirra eigin íbúar,“ segir í svari til Stúdentaráðs Háskóla Íslands frá sveitarstjórn Mýrdalshrepps sem kveðst ekki telja eðlilegt að hreppurinn niðurgreiði rekstur almenningssamgangna í höfuðborginni.

Hart barist gegn sorpinu

Tillaga Umhverfis­stofnunar um framlengt starfsleyfi Sorpstöðvar Suðurlands, sem kveður á um að sorp verði urðað í landi Kirkjuferjuhjáleigu næstu sextán árin, hefur vakið harða andstöðu íbúa í nágrenni stöðvarinnar. Umrædd tillaga var kynnt á borgarafundi fyrr í vikunni.

Hver íbúi skuldar um milljón

Skuldir Álftanesbæjar eru um 2,6 milljarðar króna. Það þýðir 1.048 þúsund krónur á hvern íbúa. Eigið fé sveitarfélagsins er neikvætt um 126 milljónir. Þetta kemur fram í óbirtum ársreikningi Álftaness.