Innlent

Hnífsstungumálið á Akureyri - maðurinn líklega útskrifaður í dag

Karlmaður um fimmtugt sem var stunginn í brjóstkassann í ryskingum í heimahúsi á Akureyri í gærkvöldi er á batavegi og verður líklega útskrifaður af sjúkrahúsi í dag.

Kona og maður á svipuðum aldri eru í haldi lögreglu vegna málsins. Þau voru handtekin strax í gær en ekki hefur enn reynst unnt að yfirheyra þau sökum ölvunar. Vonast er til að það verði hægt síðar í dag. Fólkið var statt í heimahúsi við Hafnarstræti á Akureyri um kvöldmatarleytið í gær þegar til ryskinga kom sem enduðu með því maðurinn var stunginn í brjóstkassann. Hann náði að koma sér út úr húsinu. Vegfarendur komu honum til hjálpar og kölluðu til lögreglu og sjúkrabíl.

Maðurinn reyndist ekki lífshættulega slasaður. Líðan hans er eftir atvikum góð og er vonast til að hægt verði að útskrifa hann af sjúkrahúsi síðar í dag.


Tengdar fréttir

Maður stungin á Akureyri

Maður var stunginn í húsi við Hafnarstræti á Akureyri nú á sjötta tímanum. Sjónarvottur sá mannin koma kjagandi út og var hann blóðugur en með meðvitund. Sjónarvotturinn hringdi í neyðarlínuna og komu þrír lögreglubílar og sjúkrabíll á vettvang. Frá þessu er greint á vefnum akureyri.net.

Hnífstunga: Maður og kona handtekin

Einn karlmaður á fimmtugsaldri og kona á sextugsaldri hafa verið handtekin vegna hnífstungumáls á Hafnarstræti á Akureyri. Samkvæmt Gunnari Jóhannesi Jóhannssyni, yfirmanni rannsóknardeildar lögreglunar á Akureyri, þá er karlmaðurinn grunaður um að hafa stungið mann á sextugsaldri í íbúðinni á Hafnarstræti.

Alvarleg líkamsárás á Akureyri

Alvarleg líkamsárás átti sér stað á Akureyri en allur mannskapur lögreglunnar hefur verið kallaður að Hótel Hörpu. Þar er búið að griða svæði af. Fréttamaður Vísis náði ekki tali af lögreglu en allir eru þeir á vettvangi í augnablikinu.

Hnífsstungan á Akureyri: Málsatvik enn óljós

Málsatvik í hnífstungumáli á Akureyri í gær eru enn óljós að sögn lögreglu. Karlmaður á fimmtugsaldri og kona á sextugsaldri sem voru handtekin vegna málsins verða yfirheyrð í dag.

Mest lesið


Fleiri fréttir

Sjá meira


×

Mest lesið