Átökin innan VR halda áfram

Ragnar Þór Ingólfsson, stjórnarmaður í VR, segir að einhverstaðar virðast hagsmunir félagsmanna hafa gleymst. Hann hefur að undanförnu birt á vefsíðu sinni birt tölvupósta svokallaðrar „skuggastjórnar VR" sem inniheldur fólk sem sat áður í stjórn félagsins og hugnast ekki ný stjórn undir forystu Kristins Jóhannessonar.

Kristinn var kjörinn formaður félagsins í mars eftir mikil átök um þáverandi formann Gunnar Pál Pálsson. Á sama tíma urðu talsverðar bretyingar á stjórn félagsins.

„Ég hef heyrt veður af því að hinir nýkjörnu ætli að losa sig við þá sem voru fyrir í stjórn í kosningum að ári. Við vorum illa tekin í bólinu síðast, en ætlum við að láta þau komast upp með þetta? Over my dead body! Ég ætla allavega að láta þau hafa fyrir því, svo mikið er víst,“ segir í tölvupósti sem Ragnar Þór birti í dag.

Búist var við átökum á félagsfundi VR sem haldinn var í vikunni en í samtali við fréttastofu sagði Kristinn að fundurinn hafi verið hófstilltur.