55 látnir eftir skæðar sprengjuárásir

Yfirvöld í Írak segja að 55 hafi látist og 130 til viðbótar særst eftir tvær sprengjur sem sprungu með skömmu millibili á verslunarsvæði í miðborg Bagdad í dag.

Vikið úr stjórn vegna viðtals

Forstjóra Orkuveitu Húsavíkur hefur verið vikið úr stjórn orkufyrirtækisins Þeistareykja. Ein tilgreindra orsaka er að hann veitti Stöð 2 viðtal í óþökk yfirmanns.

Opinbert hlutafélag rekur flugmálastjórn og Leifsstöð

Samgönguráðherra hefur lagt fram frumvarp að stofnun opinbers hlutafélags um rekstur flugvallarsvæðis Keflavíkurflugvallar og Flugstöðvar Leifs Eiríkssonar en með þessu verða flugmálastjórn á vellinum og rekstur flugstöðvarinnar sameinaðar.

Obama safnaði þremur og hálfum milljarði á einum mánuði

Barack Obama, sem sækist eftir að verða forsetaframbjóðandi Demókrata í Bandaríkjunum, safnaði rúmum þremur og hálfum milljarði íslenskra króna í kosningasjóð sinn í febrúarmánuði einum saman.

Glitnir mest áberandi styrktaraðilinn

Fyrirtækið Creditinfo fylgdist með umfjöllun fjölmiðla um styrkveitingar fyrirtækja til góðgerðarmála árið 2007. Samantektin leiddi í ljós að í fjölmiðlum árið 2007 komu fram um 150 aðilar sem styrktaraðilar góðgerðarmála.

Fjarðarheiði lokuð

Fjarðarheiði er lokuð vegna vonskuveðurs. Vegargerðin varar enn við óveðri í Öræfum en veður fer versnandi víða á landinu.

Ræddu aðkomu kvenna að friðar og öryggismálum

Aðkoma kvenna að friðar og öryggismálum var meginefni kvenleiðtogafundar sem Ingibjörg Sólrún Gísladóttir utanríkisráðherra sat í Brussel í dag í boði Benitu Ferrero Waldner, framkvæmdastjóri Evrópusambandsins á sviði utanríkismála. Fundurinn var haldinn í tilefni alþjóðlegs dags kvenna, sem er á laugardag, 8. mars.

„Ákveðin formsatriði ekki uppfyllt“

Geir Þorsteinsson formaður KSÍ segist fagna skýrslu Innri endurskoðunar Reykjavíkurborgar vegna framkvæmda við Laugardalsvöll og hann segir hana mjög gagnlega. Geir átti sæti í byggingarnefndinni sem skipuð var í tengslum við bygginguna en sú nefnd hélt aðeins tvo formlega fundi. Verkið fór mörghundruð milljónir fram úr áætlun. Eggert Magnússon, fyrrverandi formaður KSÍ var formaður nefndarinnar en hann segist ekki vilja tjá sig um málið fyrr en hann hefur séð skýrsluna. Hann svarar því ekki hvers vegna aðeins var boðað til tveggja funda.

Tekur vísbendingum um slæmt andrúmsloft alvarlega

Hrafnkell V. Gíslason, forstjóri Póst- og fjarskiptastofnunar, segist taka því mjög alvarlega ef starfsmenn stofnunarinnar finni fyrir slæmu andrúmslofti. Hann bendir meðal annars á að hann hafi ráðið mannauðs- og gæðastjóra til starfa þegar ljóst varð að könnun starfsmannaskrifstofu fjármálaráðuneytisins benti til þess að andrúmsloftið væri ekki sem skyldi.

Tveggja ára fangelsi fyrir að stela

Karlmaður var í dag sakfelldur í Hæstarétti fyrir að hafa í fimm skipti stolið munum að andvirði samtals um 2.000.000 krónur og umferðarlagabrot. Maðurinn rauf reynslulausn með brotunum og var tekið tillit til þess. Þótti refsing því hæfileg fangelsi í tvö ár.

Forsetahjónin fara til Mexíkó

Forseti Íslands Ólafur Ragnar Grímsson og Dorrit Moussaieff forsetafrú halda í opinbera heimsókn til Mexíkó eftir helgina og stendur hún dagana 11.-13. mars. Þetta í fyrsta skipti sem forseti Íslands fer í opinbera heimsókn til Mexíkó og raunar til lands í latnesku Ameríku.

Ellefu ára drengur þungt haldinn á sjúkrahúsi

Drengur á ellefta ári liggur þungt haldinn eftir atvik sem varð í íþróttahúsinu Versölum í Kópavogi um kvöldmatarleytið í gær.

Eitra fyrir 100 þúsund hundum

Yfirvöld í Kashmír héraði á Indlandi hafa byrjað að eitra fyrir 100 þúsund flækingshundum í herferð gegn hundaæði í helstu borg héraðsins.

Ferðaþjónustan farin að líða fyrir stóriðju?

Þingmaður Samfylkingarinnar velti því fyrir sér í fyrirspurnartíma á Alþingi í dag hvort ferðaþjónustan væri farin að líða fyrir vöxt mengandi starfsemi hér á landi. Forsætisráðherra sagði hins vegar mengandi starfsemi hér á landi hverfandi í alþjóðlegu samhengi.

Hagsmunamat en ekki kredda í Evrópumálum

Össur Skarphéðinsson iðnaðarráðherra segir að blákalt hagsmunamat en ekki kredda verði að ráða umræðum og ákvörðunum tengdum Evrópusambandinu.

Frímúrarareglan fellur fyrir UNIFEM konum

Á laugardagskvöldið verða í fyrsta sinn í sögu Frímúrarareglunnar á Íslandi einungis konur í matsölum reglunnar á Skúlagötu. Þá heldur UNIFEM á Íslandi fjáröflunarkvöldverð í tilefni af Fiðrildavikunni sem staðið hefur yfir og miðar að afnámi ofbeldis gegn konum í heiminum.

Byggingarnefndin brást hlutverki sínu

Innri endurskoðun Reykjavíkurborgar gerir alvarlegar athugasemdir við byggingu stúkunnar í Laugardalnum sem var samstarfsverkefni Reykjavíkurborgar og KSÍ. Í skýrslu sem unnin hefur verið um málið kemur meðal annars fram að eftirlit með verkinu hafi ekki verið sem skyldi, formlegri upplýsingagjöf um framvindu verkefnisins var ábótavant og ekki tryggt að leitað hafi verið umboðs borgarinnar fyrir meiriháttar viðbótum við framkvæmdina.

„Við skrifuðum á danska sendiráðið“

Ritstjórn Vísis hefur borist póstur þar sem aðili viðurkennir veggjakrotið á Danska sendiráðinu. Einnig voru tveir fánar dregnir að húni sem tákn um Ungdómshúsið í Danmörku. Uppákoman var vegna þess að eitt ár er liðið frá niðurrifi hússins.

Illa staðið að stúkubyggingu

Borgarstjóri og fulltrúar Sjálfstæðisflokks í borgarráði Reykjavíkur bókuðu á fundi borgarráðs í dag að sá farvegur sem bygging stúkunnar á Laugardalsvelli var sett í hafi ekki verið fullnægjandi eða árangursríkur. Bygging stúkunnar fór mörg hundruð milljónir króna fram úr áætlun og hefur Knattspyrnusamband Íslands krafið borgina um 400 milljóna viðbótargreiðslu vegna þessa. Skýrsla innri endurskoðunar borgarinnar um málið var lögð fram í borgarráði í dag og samþykktu fulltrúar meirihlutans eftirfarandi:

Rætt um Afganistan og Kosovo á fundi NATO

Stækkun Atlantshafsbandalagsins til austurs, aðgerðir alþjóðasamfélagsins í Afganistan og staðan í Kosovo var meðal þess sem utanríkisráðherrar Atlantshafsbandalagsins ræddu á fundi í Brussel í dag.

Helsti vopnasali heims handtekinn í Taílandi

Rússneskur maður sem talið er að sé helsti ólöglegi vopnasali heims hefur verið handtekinn í Taílandi. Viktor Bout sem kallaður hefur verið „Kaupmaður dauðans“ var gómaður á lúxushóteli í Bangkok. Taílenska lögreglan var með handtökuheimild frá Bandaríkjunum þar sem hann er sakaður um að útvega vopn til kólumbískra uppreisnarmanna.

Breiðavík rædd í borgarráði

Breiðavíkurskýrslan svokallaða var tekin til ítarlegrar umfjöllunar á fundi borgarráðs í dag. Málið var rætt að beiðni Samfylkingarinnar en fjölmargir reykvískir drengir voru sendir á Breiðavík samkvæmt ákvörðun barnaverndar Reykjavíkur á sínum tíma þótt heimilið hafi verið rekið af ríkinu.

Lögregla leitar tölvuræningja

Lögreglan á höfuðborgarsvæðinu leitar karls sem reyndi að stela fartölvum úr verslun í Borgartúni um kaffileytið í gær.

Íslendingar tilbúnir fyrir aðild að ESB

Helgi Magnússon, formaður Samtaka iðnaðarins, sagði í ræðu sinni á Iðnþingi í dag að ekki væri eftir neinu að bíða. Íslendingar séu tilbúnir sækja um aðild að Evrópusambandinu.

Kýldi tönn úr manni fyrir að káfa á kærustunni

Karlmaður var í dag dæmdur í 5 mánaða skilorðsbundið fangelsi fyrir að slá tönn úr öðrum manni á skemmtistaðnum Thorvaldzenbar í Reykjavík. Maðurinn hélt því fram að fórnarlambið hefði káfað á kynfærum kærustu sinnar. Fórnarlambið sagðist hafa ruglast á kærustum.

Berlusconi víkur fyrir sælgætis- og sólgleraugnakóngum

Auðkýfingurinn Silvio Berlusconi, fyrrverandi forsætisráðherra Ítatíu, er ekki lengur ríkasti maður Ítalíu ef marka má lista bandaríska tímaritsins Forbes yfir ríkustu menn heims.

Heimgreiðslur afturhvarf til löngu liðins tíma

Ungir jafnaðarmenn í Reykjavík segja að ákvörðun meirihlutans í borgarstjórn um heimgreiðslur til foreldra, sem ekki koma börnum sínum á leikskóla, sé afturhvarf til löngu liðins tíma.

Segir Júlíus fara vísvitandi með rangt mál

Júlíus Vífill Ingvarsson fer vísvitandi með rangt mál í gagnrýni sinni á skýrslu stýrihóps í REI-málinu að sögn Sigrúnar Elsu Smáradóttur, borgarfulltrúa Samfylkinginnar. Hún vísar á bug ásökunum um vanhæfni.

Bankaræningi fékk bakþanka

Maðurinn sem handtekinn var í Firðinum í Hafnarfirði skömmu fyrir hádegi vegna tilraunar til bankaráns í útibúi Kaupþings í verslunarmiðstöðinni er einn af góðkunningjum lögreglunnar.

Skorað á ríkisstjórn að taka ESB á dagskrá

Í ályktun sem samþykkt var á Iðnþingi í dag skora Samtök iðnaðarins á ríkistjórnina að taka aðild Íslands að Evrópusambandinu á dagskrá. Samtökin vilja fela nýstofnaðri Evrópunefnd það hlutverk að móta samningsmarkmið, fara í saumana á samningaferlinu, færa rök fyrir þeim sjónarmiðum sem Íslendingar þurfa að halda á lofti vegna sérstöðu landsins og hefjast þegar handa við að finna lausnir sem hægt sé að una við.

Enn allt á huldu um atvik við danska sendiráðið

Enn er allt á huldu um það hver eða hverjir krotuðu á húsvegg danska sendiráðsins við Hverfisgötu í fyrrinótt og drógu þar upp fána með áletrun og hauskúpu.

Gagnrýnir hægagang í borgarkerfi vegna samgöngumiðstöðvar

Samgönguráðherra gagnrýnir hægagang í borgarkerfinu við undirbúning samgöngumiðstöðvar á Reykjavíkurflugvelli.

Mótmæltu hvalveiðum Japana

Hvalaverndunarsinnar létu óánægju sína með hvalveiðar Japana í ljós í morgun þegar þeir klifruðu upp á japanska sendiráðsins í Lundúnum. Þar hengdu þeir borða með slagorðum gegn veiðunum. Hvalveiðar Japana verða eitt helsta umræðuefnið á sérstökum aukafundi Alþjóða hvalveiðiráðsins sem hófst í Lundúnum í morgun og stendur fram á laugardag.

Tilraun til bankaráns í Hafnarfirði

Maður var handtekinn nú skömmu fyrir hádegi fyrir tilraun til bankaráns í útibúi Kaupþings í Firðinum í Hafnarfirði.

Hvalveiðiráðið vill sætta andstæðar fylkingar

Alþjóða hvalveiðiráðið stefnir að fundi í London sem miðar að því að finna einhvern sameiginlegan flöt meðal þjóða sem eru með og á móti hvalveiðum.

Rúmur helmingur vill taka upp evru

Meirihluti landsmanna, eða tæp 56 prósent, telja að taka eigi upp evru sem gjaldmiðil hér á landi samkvæmt könnun sem Capacent Gallup gerði fyrir Samtök iðnaðarins í lok febrúar.

Fimleikastúlkan fór í vel heppnaða aðgerð

„Aðgerðin gekk mjög vel og beinið mun gróa,“ segir Auður Þorsteinsdóttir framkvæmdarstjóri Gerplu í Kópavogi. Tólf ára stúlka slasaðist alvarlega þegar hún hlaut opið beinbrot á fimleikaæfingu félagsins í gærkvöldi.

Skýrslutökur vegna fjármála Byrgisins í mánuðinum

Skýrslutökur hefjast í þessum mánuði hjá Ríkislögreglustjóra vegna rannsóknar á meintum efnahagsbrotum í tengslum við rekstur Byrgisins.

Sprengja sprakk á Times Square

Sprengja sprakk á Times Square í New York nú fyrir skömmu. Sprengjan var lítil samkvæmt heimildum lögreglu og varð nálægt nýliðaskráningaskrifstofu hersins. Sjónvarpsstöðvar á svæðinu segja að enginn hafi slasast og ekki hafi orðið skemmdir á byggingum í sprengjunni.

Morgnmaturinn heldur unglingum grönnum

Ný rannsókn sem framkvæmd var í Bandaríkjunum sýnir að unglingar sem borða morgunmat að staðaldri eru 2,3 kílóum léttari að meðaltali en jafnaldrar þeirra sem sleppa morgunmatnum.

Vonast til að opna landamærastöðvar á Kýpur

Demetris Christofias nýr forseti á Kýpur segist vonast til að hitta leiðtoga tyrkneska hluta Kýpur seinna í mánuðinum til að endurvekja friðarviðræður. Christofias hefur þegar sagt að hann hafi óskað eftir að Sameinuðu þjóðirnar skipuleggi fund með Mehmet Ali Talat. Leiðtogarnir tveir hafa sagst vera bjartsýnir á að þeir gætu náð árangri í átt að sameiningu eyjarinnar.

Skoða myndir úr eftirlitsmyndavél í tölvubúð

Lögreglan á höfuðborgarsvæðinu hefur ekki haft hendur í hári manns sem ruddist inn í tölvuverslunina Tölutek í Borgartúni í gærdag og reyndi að hafa á brott með sér tvær tölvur.

Varað við hvassviðri undir Eyjafjöllum og í Öræfasveit

Vegagerðin varar við miklu hvassviðri undir Eyjafjöllum og í Öræfasveit á Suðausturlandi. Fólk er beðið um að vera ekki á ferð þar að ástæðulausu.

Opið beinbrot eftir hopp á trampólíni

Tólf ára stúlka hlaut opið fótbrot þegar hún var á fimleikaæfingu hjá Gerplu í Kópavogi undir kvöld í gær.

Ný ríkisstjórn tekur við völdum í Kenía

Í dag tekur ný ríkisstjórn Kenía við völdum í Naíróbí. Nú er vika síðan tímamótasamkomulag náðist milli Mwai Kibaki forseta og Raila Odinga stjórnarandstöðuleiðtoga. Vonast er til að samkomulagið bindi enda á óöldina sem riðið hefur yfir landið í kjölfar umdeildra forsetakosninga í lok desember.