Rafmagnslaust í Hveradölum

Orkuveita Reykjavíkur tilkynnti um hásepnnubilun núna klukkan 13:25. Bilunin orsakaði það að Lögbergslína datt út sem þýddi það að rafmagnsleysi varð í Hveradölum og á Bláfjallasvæði.

Sagðist hafa stungið dyravörð til að flýta fyrir aðstoð

Lögreglan á Selfossi hefur til meðferðar tvö mál þar sem aðilar hafa brotið á lögum um samræmda neyðarsímsvörun.

Aukinn viðbúnaður við sendiráð Norðmanna í Islamabad

Öryggisviðbúnaður hefur verið aukinn við sendiráð Noregs í Islamabad í Pakistan eftir að hótanir bárust þangað um helgina.

Kemur með einhverjar áherslubreytingar

Guðmundur Guðmundsson segir að hann muni koma með einhverjar áherslubreytingar inn í íslenska landsliðið í handknattleik. Hann tók við því á ný í dag eftir fjögurra ára hlé.

Eðlilegt og vel ráðið hjá Hönnu Birnu að sækjast eftir embættinu

Björn Bjarnason dómsmálaráðherra telur yfirlýsingu Hönnu Birnu Kristjánsdóttur um að hún sækist eftir borgarstjóraembættinu eðlilega og vel ráðna

Þurfti að krækja fyrir hafís í mynni Húnaflóa

Hafís er kominn í mynni Húnaflóa og þurfti fiskiskip sem var á leið vestur fyrir Horn í gærkvöldi að krækja fyrir hann.

Telur Vilhjálm hafa stigið stórt skref

Forsætisráðherra segir að yfirlýsing borgarstjórnarflokks Sjálfstæðismanna í gær hafi bundið enda á óvissuna í borginni. Hann telur Vilhjálm Þ. Vilhjálmsson hafa stigið stórt skref með þeirri yfirlýsingu að enn væri opið hver tæki við stöðu borgarstjóra að ári.

Guðmundur tekur aftur við landsliðinu

Guðmundur Guðmundsson hefur verið ráðinn þjálfari íslenska karlalandsliðsins í handbolta í annað sinn. Þetta var tilkynnt á blaðamannafundi hjá Handknattleikssambandinu nú í hádeginu

Karlmaður kærður vegna perraháttar í sundlaug

Lögreglunni á Suðurnesjum hafa borist nokkrar kærur vegna erlends karlmanns sem grunaður er um kynferðislega áreitni gagnvart ungum stúlkum í Sundlaug Keflavíkur. Allt eins er talið líklegt að fleiri kærur líti dagsins ljós á næstunni.

Greenpeace mótmæla á Heathrow

Mótmælendur á vegum Greenpeace samtakanna ruddust inn á flugbraut á Heathrow flugvellinum á Englandi í morgun og klifruðu upp á Boeing 777 þotu sem var að koma frá Manchester.

Ákveðin framför frá óvissu í síðustu viku

Gunnar Helgi Kristinsson, prófessor í stjórnmálafræði, segir þá ákvörðun borgarstjórnarflokks sjálfstæðismanna að ákveða í sameiningu hver verði borgarstjóri eftir rúmt ár, umtalsverða framför frá þeirri óvissu sem ríkti í síðustu viku.

Ókeypis heróín í Danmörku fyrir nær milljarð króna

Dönsk stjórnvöld hafa ákveðið að verja 70 milljónum danskra króna eða nær milljarði króna til að dreifa ókeypis heróíni til langtgenginna heróínfíkla í landinu í ár og næsta ár.

Mátti ekki birta niðurstöður áburðareftirlits á heimasíðu

Matvælastofnun, sem áður hét Lanbúnaðarstofnun, hafði ekki lagaheimild til að birta niðurstöður í áburðareftirliti sínu. Þetta er niðurstaða sjávarútvegs- og landbúnaðarráðuneytisins sem fjallaði um stjórnsýslukæru vegna málsins.

Vilhjálmur er ekki spilltur heldur bara "jolly good"

,,Af mínum kynnum af Vilhjálmi, þá hef ég ekkert nema allt gott um hann að segja" sagði Jón Magnússon, þingmaður Frjálslynda flokksins, þegar hann var spurður að þvi hvort Vilhjálmur Þ. Vilhjálmsson væri spilltur. Sömu spurningu svaraði Ellert B. Schram, þingmaður Samfylkingarinnar, ,,Nei nei, hann er bara svona jolly good. Það er engin spilling í þessu hjá honum".

Árni Friðriksson finnur þéttar loðnulóðningar

Hafrannsóknarskipið Árni Friðriksson hefur fundið þéttar loðnulóðningar um 36 km undan Hjörleifshöfða vestan við Meðallandsbugtina. Sveinn Sveinbjörnsson fiskifræðingur sem er um borð í Árna segir að þessar lóðningar séu þriggja mílna langar en síðan virðist koma eyða í þær í austurátt.

Veltur allt á Vilhjálmi

Vilhjálmur Þórmundur Vilhjálmsson er enn borgarstjóraefni sjálfstæðismanna í Reykjavík. Fari svo að hann ákveði að taka sæti borgarstjóra munu aðrir borgarfulltrúar virða þá ákvörðun. Vilhjálmur hefur hins vegar ekki gefið það út hvort hann sækist enn eftir embættinu.

Ingibjörg Sólrún og viðskiptasendinefnd til Barbados

Utanríkisráðherra heimsækir Barbados í Karíbahafi í lok næsta mánaðar og með í för verður viðskiptasendinefnd á vegum Útflutningsráð Íslands.

Forfaðir kanína og héra fundinn

Steingerfingafræðingar hafa fundið leyfar spendýrs sem talið er vera forfaðir kanína og héra á jörðinni.

Júmbóþota knúin áfram af kókoshnetuolíu

Breski milljarðamæringurinn Richard Branson kallaði það mikilvægan áfanga fyrir allan flugvélaiðnaðinn að hann sendi eina af Virgin-júmbóþotum sínum í áætlunarferð, knúna blöndu af venjulegu eldsneyti og lífrænu.

Öflugur skjálfti á Súmötru

Snarpur jarðskjálfti upp á 7,3 á Richter skók Bengulu-hérað á eyjunni Súmötru í Indónesíu í morgun en engar fregnir hafa borist af manntjóni.

Tveir teknir fyrir fíkniefnaakstur á sömu bifreið

Tveir ökumenn voru stöðvaðir á Akureyri um helgina, annar á laugardag og hinn á sunnudag, grunaðir um að aka undir áhrifum fíkniefna.

Gjaldþrotamál lögaðila sjaldan fleiri en í fyrra

Gjaldþrotamál lögaðila reyndust um 1500 í fyrra og þar af voru gjaldþrotaúrskurðir um 660 fyrir dómstólum. Þetta kemur fram í tölum Hagstofunnar.

Tólf verkamenn teknir af lífi í Írak

Tólf verkamenn frá Nepal hafa verið teknir af lífi af hópi uppreisnarmanna í Írak.

Hungur vex í kjölfar hækkandi matvælaverðs

Hungur er nú vaxandi vandamál meðal fátækari þjóða heims eftir miklar hækkanir á matvælaverði í heiminum á síðasta ári.

Loðnuskip með mörg hundruð tonna kast við Skaftárósa

Loðnuskipið Aðalsteinn Jonsson fékk mörg hundruð tonna kast við Skaftárósa seint í gærkvöldi og er nú á heimleið til löndunar.

Margir mótmæla framboði Nader til forseta

Mótmælum rignir nú yfir neytendafrömuðinn Ralph Nader í kjölfar þess að hann hefur ákveðið að gefa kost á sér enn á ný í næstu forsetakosningum í Bandaríkjunum.

Lítið sem ekkert finnst af loðnunni

Hafrannsóknaskipið Árni Friðriksson er nú komið í grennd við Vestmannaeyjar í leit að loðnu, en hefur fundið lítið sem ekkert enn sem komið er.

Litlar breytingar með tilkomu Raul Castro á Kúbu

Ekki er búist við miklum breytingum á Kúbu í kjölfar þess að Raul Castro hefur nú formlega tekið við embætti forseta landsins af bróður sínum Fidel.

Stjónvöld í Pakistan slógu út YouTube um allan heim

Notendur vefsíðunnar YouTube eru æfir af reiði út í stjórnvöld í Pakistan eftir að vefsíðan sló út um heim allan í um klukkustund í gærdag.

Hafís kominn í mynni Húnaflóa

Hafís er kominn í mynni Húnaflóa og þurfti fiskiskip, sem var á leið vestur fyrir Horn í gærkvöldi, að krækja fyrir hann.

Raul formlega tekinn við af Fidel

Raul Castro var í kvöld formlega kjörinn forseti Kúbu af þingi landsins. Raul tekur við eldri bróður sínum, Fidel, sem var leiðtogi Kúbu í 49 ár, en hann hefur strítt við erfið veikindi undanfarin ár.

Fjölmenni á fundi um olíuhreinsistöð

Á annað hundrað manns ræddu olíuhreinsistöð á Vestfjörðum á málþingi í Edinborgarhúsinu á Ísafirði í dag. Formaður Náttúruverndarsamtaka Íslands segir verulega sjónmengun af slíkri stöð.

Kúrdar vilja að Bandaríkin beiti sér

Nechervan Barzani, forsætisráðherra Kúrdahéraðanna í Norður Írak, gagnrýndi stjórnvöld í Bagdad í dag fyrir linkind gagnvart tyrkjum. Krafðist hann þess að stjórnvöld tækju harðari afstöðu gegn innrás Tyrkja í landið.

Leitað aftur að týndri flugvél

Í dag fór þyrla Landhelgisgæslunnar, TF-LIF í leitarflug á svæðinu þar sem leitað hefur verið að Piper Cherokee flugvél frá því á fimmtudag. Veður og sjólag var gott og aðstæður til leitar góðar, en leitaraðstæður hafa verið mjög slæmar allt frá því slysið varð. Skip sem leið hafa átt um svæðið hafa einnig litast gaumgæfilega um. Enn hefur ekkert fundist sem bent gæti til afdrifa flugmannsins eða flugvélarinnar.

Nader fer í framboð

Ralph Nader neytendafrömuður í Bandaríkjunum lýsti því yfir í dag að hann ætlaði aftur að bjóða sig fram til forseta Bandaríkjanna. Hann býður sig fram í nafni óháðra.

Árni leitar að loðnu

Hafrannsóknaskipið Árni Friðriksson var að leggja af stað í loðnuleit. Leitarsvæðið nær frá Reykjanesi og suður með landinu. Ástæða leitarinnar eru loðnuveiðibannið sem sett var á í síðustu viku sem og gagnrýni á ráðleggingar Hafrannsóknastofnunarinnar um að stöðva veiðar.

Ber ekki saman um mannfall

Talsmönnum stríðandi fylkinga við landamæri Tyrklands og Írak ber ekki saman þegar kemur að því meta mannfall í átökum á milli kúrdískra skæruliða og tyrkneska hersins.

Ótrúleg niðurstaða

“Þetta er ótrúleg niðurstaða eftir tveggja vikna þóf,” segir Dagur B. Eggertsson, fyrrverandi borgarstjóri, um yfirlýsingu Sjálfstæðismanna um hvernig manna eigi borgarstjórastólinn þegar hann kemur í hlut þeirra eftir rúmt ár.

Ráðist á pílagríma

25 féllu og 45 til viðbótar særðust í árás sjálfsmorðssprengjumanns í bænum Iskandaria, fyrir sunnan Bagdad í morgun.

Niðurstaðan kemur ekki á óvart

Niðurstaðan sem sjálfstæðismenn í borgarstjórn kynntu í dag kom Óskari Bergssyni, borgarfulltrúa Framsóknarflokksins ekki á óvart.

Yfirlýsing frá borgarstjórnarflokki Sjálfstæðisflokks

Vísi barst nú rétt í þessu eftirfarandi yfirlýsing frá borgarstjórnarflokki Sjálfstæðismanna.

Fundi Vilhjálms með borgarstjórnarflokknum lokið

Vilhjálmur Þ. Vilhjálmsson hefur lokið við að funda með borgarstjórnarflokki sjálfstæðismanna þar sem hann kynnti þá ákvörðun sína að sitja áfram sem oddviti.

Villi áfram oddviti - Borgarstjórastóllinn settur á salt

Vilhjálmur Þ. Vilhjálmsson, leiðtogi Sjálfstæðisflokksins, mun sitja áfram sem oddviti Sjálfstæðisflokksins í Reykjavík, en líklega ekki taka sæti borgarstjóra að ári eins og til stóð.

Lögregla náði þjófum eftir æsilega flóttatilraun

Lögregla hafði í nógu að snúast í morgun við að hafa upp á þjófi sem gripinn var glóðvolgur við að ræna skartgripaverslun í miðbænum en flúði lögreglu á fæti og svo með aðstoð félaga síns á flóttabíl.

Tveir gistu fangageymslur vegna slagsmála

Nóttin var erilsöm hjá lögreglunni á Suðurnesjum. Laust eftir miðnættið var kveikt í bifreiðinni, sem farið hafði útaf á Flugvallarvegi fyrir nokkrum dögum. Slökkviliðið frá Brunavörnum Suðurnesja komu og slökktu eldinn í bifreiðinni, sem er ónýt eftir. Vitni sá til tveggja bifreiða, sem voru við bifreiðina skömmu fyrir brunann og er þeirra nú leitað. Málið er í rannsókna.