Obba með mestu nytin í fyrra

Kýrin Obba á bænum Brakanda í Hörgárdal mjólkaði mest allra íslenskra kúa á síðasta ári eða rúmlega 12.200 kíló af mjólk.

Hundrað almennir borgarar féllu í bardögunum í Tsjad

Að minnsta kosti hundrað almennir borgarar féllu í átökum skæruliða og stjórnarhermanna í Afríkuríkinu Tsjad um síðustu helgi. Samtökin Læknar án landamæra halda þessu fram og segja einnig að um 700 manns hafi slasast í átökunum.

Hnúfubak rak á land við Garðskaga

Stóreflis hnúfubakstarfur fannst í fjöru við Garðskaga í dag. Á vef Víkurfrétta kemur fram að dýrið sé rúmir 10 metrar á lengd hið minnsta og liggi á bakinu í fjöruborðinu.

Göturnar meira saltaðar en fyrri ár

Meira hefur verið borið af salti á götur höfuðborgarinnar í vetur en síðustu ár. Í janúar kom það að minnsta kosti einu sinni fyrir að saltbílar voru á ferðinni samfellt í sólarhring.

Listaverk Ólafs kostar tvo milljarða

Kostnaður við nýtt tónlistar- og ráðstefnuhús er áætlaður fjórtán milljarða króna, en var í upphafi áætlaður tólf milljarðar. Listaverk Ólafs Elíassonar á húsinu kostar tvo milljarða, en smíði þess er hafin í Kína.

FL tjáir sig ekki um REI skýrslu

Halldór Kristmannsson upplýsingafulltrúi FL Group segst ekki hafa séð REI skýrsluna og vill kynna sér efni hennar áður en hann tjáir sig um hana.

Tillögur REI stýrihópsins

Í skýrslu stýrihópsins sem Vísir hefur undir höndum kemur fram að nýrri stjórn OR ásamt fulltrúum eigenda verði falið að vinna að tillögum um frekari framtíðarstefnumótun fyrir Orkuveitu Reykjavíkur í anda skýrslunnar.

Beðið eftir úttekt Ríkisendurskoðunar

Gunnar Svavarsson, formaður fjárlaganefndar, segir að nefndin muni bíða eftir stjórnsýsluúttekt á Þróunarfélagi Keflavíkurflugvallar áður en skoðað verði hvort endurskoða þurfi forsendur fjárlaga.

Bandaríkin - 48 látnir eftir ofsaveður

Björgunarsveitir leituðu í dag að fórnarlömbum ofsaveðurs og hvirfilbylgja í Suðurríkjum Bandaríkjanna sem tekið hafa líf 48 manns og slasað meira en 100 til viðbótar. Veðrið gjöreyðilagði hús og stórskemmdi verslunarmiðstöð, auk þess var fjöldi manns fastur innan um brak á heimavistum og elliheimilum. Veðrið hefur gengið eitthvað niður í dag og færst austur. Veðurstofa Bandaríkjanna hefur þó gefið út storm og hvirfilbyljaviðvörun svo enn er búist við slæmu veðri.

Byggingakrani alelda í Borgartúni

Byggingakrani er illa farinn eftir að eldur kom upp í honum á vinnusvæði í Borgartúni á fimmta tímanum.

Unglingagengi slógust í Kringlunni

Öryggisverðir í Kringlunni hafa átt erfiðan dag þar sem hópur unglinga safnaðist saman í verslunarmiðstöðinni fyrir stundu. Svo virðist sem tvö gengi unglinga hafi mæst í Kringlunni og áttu þau greinilega eitthvað sökótt hvort við annað.

Heitavatnsrör gefa sig í þíðu

Slökkvilið höfuðborgarsvæðisins var kallað að fjölbýlishúsi í Flétturima í Grafarvogi um eittleytið í dag en þar hafði ofn sprungið og flæddi vatn úr honum.

Byggingarstofnun í stað Brunamálastofnunar

Byggingarstofnun mun taka við hlutverki Brunamálastofnunar og hlutverk slökkviliðs verður betur skilgreint í lögum samkvæmt frumvarpi um breytingar á lögum um brunavarnir sem Þórunn Sveinbjarnardóttir umhverfisráðherra hefur lagt fram á Alþingi.

Forseti Tsjad með fulla stjórn

Idriss Deby forseti Tsjad sagði í dag að ríkisstjórnin hefði náð fullri stjórn á höfuðborginni D'Djamena og landinu öllu. Þetta er í fyrsta sinn sem forsetinn kemur opinberlega fram síðan uppreisnarmenn réðust á borgina um síðustu helgi.

Mikil óánægja með stjórnendur Sláturfélagsins

Mikil óánægja er á meðal margra starfsmanna Sláturfélags Suðurlands en á síðustu dögum hafa sex starfsmenn sölu og markaðsdeildar, þar af þrír stjórnendur, sagt upp störfum hjá fyrirtækinu.

Beðið eftir skýrslu starfshóps um uppbyggingu í heilsugæslu

Starfshópur á vegum heilbrigðsráðherra fer nú yfir stöðuna í heilsugæslu á höfuðborgarsvæðinu og hyggst ráðherra bíða eftir skýrslu hans áður en frekari áform um uppbyggingu verða tekin. Þetta sagði Guðlaugur Þór Þórðarson heilbrigðisráðherra í fyrirspurnartíma á Alþingi í dag.

Kvikmynd um einkalíf Putin

Ný kvikmynd um einkalíf Vladimir Putin Rússlandsforseta verður brátt gefin út á DVD í Rússlandi. Myndin nefnist A Kiss - Off the record og er væntanlegur útgáfudagur Valentínusardagurinn, 14. febrúar.

Skimun vegna ristilkrabbameins hefst í byrjun næsta árs

Reiknað er með að skimun á krabbameini í ristli hefjist í upphafi næsta árs. Þetta kom fram í svari Guðlaugs Þórs Þórðarsonar heilbrigðisráðherra við fyrirspurn Álfheiðar Ingadóttur, þingmanns Vinstri - grænna, á Alþingi í dag.

48 látnir og þúsundir flýja flóð í Bólivíu

Að minnsta kosti 48 eru látnir og 40 þúsund hafa misst heimili sín í flóðum í Bólivíu í kjölfar hellirigninga síðustu vikna. Tvær ár í héruði sem verst varð úti í flóðunum flæddu yfir bakka sína og ógna nú samgönguæðum frá Trinidad, helstu borg héraðsins. Ríkisstjórnin hefur lýst yfir neyðarástandi og hafið björgunarstörf.

Virkjanir í neðri hluta Þjórsár hafa forgang á Búðarhálsvirkjun

Þrjár virkjanir í neðri hluta Þjórsár eru enn í forgangi hjá Landsvirkjun þrátt fyrir að fyrirtækið hafi tekið aftur til skoðunar áform um byggingu Búðarhálsvirkjunar.

Milljörðum minni afborganir en gert var ráð fyrir

Ríkisendurskoðun áformar að ljúka stjórnsýsluúttekt á starfsemi Þróunarfélagsins á Keflavíkurflugvelli fyrir miðja febrúar. Þetta kemur fram í tilkynningu frá formanni fjárlaganefndar, Gunnari Svavarssyni, en nefndin fjallaði um málið á fundi sínum í morgun.

Óskar segir nýjan meirihluta ýta málum á undan sér

"Þetta staðfestir það sem ég óttaðist að deiluskipulag miðborgarinnar væri í uppnámi," segir Óskar Bergsson borgarfulltrúi Framsóknarflokks eftir að meirihlutinn samþykkti á fundi Skipulagsráðs í dag að skipa vinnuhóp og stofna miðborgarteymi vegna endurskoðunar á deiliskipulagi Laugavegsreits.

Fordæmdu pyntingar Bandaríkjamanna

Þingmenn allra flokka fordæmdu í dag pyntingar Bandaríkjamanna í Guantanamo-búðunum og farið var fram á að tillaga Vinstri - grænna um yfirlýsingar frá Alþingi þessa efnis yrði hraðað í gegnum þingið.

Blússaði framhjá gjaldskýlinu við Hvalfjarðargöng

Ökumaður nokkur fékk á sig kærur fyrir fjársvik fyrir að aka 40 sinnum um Hvalfjarðargöngin án þess að borga.

Alyson Bailes fær sænska orðu fyrir störf sín

Karl Gústaf Svíakonungur hefur ákveðið að veita Alyson Bailes, sendiherra og gestaprófessor við Háskóla Íslands, viðurkenningu með Stórriddarakrossi hinnar konunglegu sænsku Norðurstjörnuorðu.

Furðuverur á sveimi í borginni

Öskudagurinn er í dag og á þessum degi má búast við að sjá ýmsar furðuverur á sveimi um borg og bæ, syngjandi í von um góðgæti.

Þingkosningar á Ítalíu 13. og 14. apríl

Ákveðið var á ríkisstjórnarfundi á Ítalíu í dag að boða til þingkosninga í landinu dagana 13. og 14. apríl.

Segir hross tekin fram yfir sjómenn

„Það er greinilegt á þessum viðbrögðum að Landhelgisgæslan, með tilliti til þarfa fyrir þyrluaðstoð að hross eru tekin fram yfir sjómenn,“ skrifar Bergþór Gunnlaugsson yfirstýrimaður og afleysingarskiptsjóri á Hrafni GK 111.

Allt að komast í lag á Nings

Eldur kviknaði í veitingastaðnum Nings við Suðurlandsbraut um klukkan hálf tíu í morgun.

Illa farið með hesta

Veðrið hefur verið óblítt við útigangshross undanfarnar vikur. Bæði mikil óveður og svo snjókoma og frost með tilheyrandi jarðbanni.

Árbæjarlaug lokuð um miðjan dag

Lokað er í Árbæjarlaug frá tólf til hálf fimm í dag vegna starfsdags. Laugin verður þá opnuð aftur og verður opin til hálfellefu.

Forstöðumaður Alþjóðahúss fyrsti gestur borgarstjóra

Nýr borgarstjórnarmeirihluti ætlar að sinna Alþjóðahúsi af alúð og Einar Skúlason, forstöðumaður á fund með borgarstjóra í dag, samkvæmt upplýsingum sem Vísir hefur fengið frá borginni.

Enn ekki búið að skipa nýjan stjórnarformann REI

Enn hefur ekki verið skipaður stjórnarformaður REI frá því nýr borgarstjórnarmeirihluti tók við völdum í lok janúar.

Filippseyskar mæðgur gera kröfu í dánarbú Fischers

Filippseysk kona og dóttir hennar gera kröfur í dánarbús fyrrverandi stórmeistarans Bobbys Fischers sem lést hér á landi fyrir skemmstu. Frá þessu er greint á fréttavef Reuters.

Vilja öll helstu launþegasamtök inn á sama ramma

Samtök atvinnulífsins freista þess nú að fá öll helstu launþegasamtökin til að gangast inn á samningaramma sem þegar liggur fyrir í kjaraviðræðum þeirra við Flóann og Starfsgreinasambandið.

Grindavíkurbær gleymdi að sækja um byggingarleyfi

„Bærinn er nú að byggja þetta sjálfur en það urðu mistök með að afgreiða byggingarleyfið formlega,“ segir Ólafur Örn Ólafsson bæjarstjóri í Grindavík um byggingarleyfi sem gleymdist að sækja um fyrir byggingu fjölnota íþrótahúss í bænum.

Clinton og Obama vongóð

Of jafnt er á milli Hillary Clinton og Barack Obama til að segja nokkuð um úrslit Demókrata, jafnvel ekki fyrr en eftir um mánuð. Öfugt við sigurvegara repúblíkana er sigur þess sem tilnefndur er fyrir Ddemókrata byggður á fjölda kjörmanna.

Þing rofið og kosningar á Ítalíu í apríl

Forseti ítalska þingsins, Giorgio Napolitano, rauf í dag þingið og er reiknað með að boðað verði til kosninga á næstu vikum, að líkindum um miðjan apríl.

McCain lýsir yfir sigri

John McCain hefur í fyrsta sinn talað um sig sem sigurvegara forkosninga Repúblíkana. „Ég held að við verðum að venjast tilhugsuninni um að við erum forsetaefni Repúblíkanaflokksins til forsetakosninga Bandaríkjanna. Og ég er bara ekki óánægður með það," sagði McCann blaðamönnum þegar niðurstöður voru enn að berast seint í gærkvöldi.

Ofbeldismaður fékk skilorð vegna seinagangs

Rúmlega þrítugur Vestmanneyingur var í Héraðsdómi Suðurlands í dag dæmdur í tveggja mánaða skilorðsbundið fangelsi fyrir að hafa ráðist á, kýlt og bitið mann í samkvæmi í Vestmannaeyjum vorið 2006.

Borgarstjóri vinni með hagsmunaaðilum að framgangi Sundabrautar

Borgarstjórn samþykkit á fundi sínum í gær að árétta þá stefnu að Sundabraut ætti að legga á ytri leið í göngum.

Evrópska geimstöðin Colombus á loft

Ætlunin er að flytja fyrstu evrópsku geimstöðina á braut um jörðu á morgun fimmtudag. Það verður geimskutlan Atlantis sem flýgur með Colombus út fyrir gufuhvolfið frá geimstöðinni á Kennedyhöfða.

Íslenskt félag virkjar í Bosníu og Hersegóvínu

Íslenska orkufyrirtækið Iceland Energy Group hyggst byggja og reka tvær vatnsaflsvirkjanir í Bosníu og Hersegóvínu samkvæmt viljayfirlýsingum sem undirrituð var í síðasta mánuði. Það gerðu Bjarni Einarsson, stjórnarformaður Iceland Energy Group, og Rajko Ubiparip, orkumálaráðherra lýðveldisins.

Verðlag hæst á Íslandi samkvæmt nýrri samantekt

Hlutfallslegt verðlag reyndist hæst á Íslandi samkvæmt bráðabirgðaniðurstöðum alþjóðlegs verðsamanburðar fyrir árið 2006 sem greint er frá á vef Hagstofunnar.

Ekkert dregur úr ópíumræktinni í Afganistan

Samkvæmt árlegri úttekt Sameinuðu þjóðanna mun ópíumframleiðslan í suðurhluta Afganistan aukast í ár frá fyrra ári.