Þing rofið og kosningar á Ítalíu í apríl

Forseti ítalska þingsins, Giorgio Napolitano, rauf í dag þingið og er reiknað með að boðað verði til kosninga á næstu vikum, að líkindum um miðjan apríl.

Eins og kunnugt er sagði Romao Prodi forsætisráðherra af sér í síðasta mánuði eftir að mið- og vinstriflokkabandalag hans liðaðist í sundur. Hafa tilraunir til ríkisstjórnarmyndunar farið út um þúfur. Þá náðist ekki samkomulag á þinginu um að breyta kosningareglum landsins og hefur Silvio Berlusconi, fyrrverandi forsætisráðherra og leiðtogi íhaldsmanna í landinu, haft uppi háværar kröfur um að gengið yrði til kosninga.

Eftir fund með Prodi í morgun greindi Napilotano svo frá því að kjósendur yrðu kallaðir aftur að kjörborðinu og hugðist Prodi í framhaldinu funda með ríkisstjórninni til þess að ákveða kjördag. Talið er líklegt að kosið verði 13. eða 14. apríl.

Sú ríkisstjórn sem þá tekur við verður sú sextugasta og önnur í landinu frá lokum síðar heimstyrjaldarinnar.