Innlent

Enn ekki búið að skipa nýjan stjórnarformann REI

Enn hefur ekki verið skipaður stjórnarformaður REI frá því nýr borgarstjórnarmeirihluti tók við völdum í lok janúar.

Bjarni Ármannsson sagði upp stjórnarformennsku hjá fyrirtækinu í byrjun desember og lauk störfum um mánaðarmótin. Stjórn REI hefur verið umboðslaus frá því fyrri borgarstjórnarmeirihluti sprakk í október síðastliðnum og hefur því ekki getað tekið neinar ákvarðanir varðandi framtíð fyrirtækisins.

Þá á eftir að kjósa í stjórn REI sem gert verður á hluthafafundi. Að sögn Guðmundar Þóroddssonar, forstjóra REI, hefur ekki verið boðað til stjórnarfundar á næstunni. Ekki náðist í Kjartan Magnússon stjórnarformann Orkuveitu Reykjavíkur fyrir hádegi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið