Byrja vonandi að fljúga í kvöld

Allt millilandaflug hefur legið niðri í dag vegna fárviðris á Keflavíkurflugvelli en afar sjaldgæft er að slíkt gerist. Þá var öllu flugi um Reykjavíkurflugvöll aflýst í morgun.

Handtekinn vegna bruna í Fiskiðjunni

Lögreglan í Vestmannaeyjum handtók nú undir kvöld mann sem talinn er hafa verið í gamla Fiskiðjuhúsinu við Ægisgötu skömmu áður en eldur kom þar upp í nótt.

Hallgrímur hættir sem hagstofustjóri eftir 23 ár í starfi

Hallgrímur Snorrason hættir sem hagstofustjóri um áramótin á sama tíma og Hagstofan verður lögð niður sem ráðuneyti.

Harma að meintur ökumaður gangi laus

Lögreglan á Suðurnesjum harmar að maðurinn sem grunaður er um að hafa ekið bílnum sem varð fjögurra ára dreng að bana á Vesturgötu í Reykjanesbæ skyldi hafa verið látinn laus úr gæsluvarðhaldi. Hæstiréttur staðfesti í dag farbannsúrskurð yfir manninum til 8. janúar næstkomandi.

Átta milljónir fyrir bílastæði

Konu í Þrándheimi í Noregi brá heldur betur í brún á dögunum þegar í ljós kom að hún hafði farið yfir á kortinu sem nemur rúmum átta milljónum íslenskra króna eftir jólainnkaup í miðborg Þrándheims.

Veður aftur að versna - 30 hjálparbeiðnir á klukkustund

Veður aftur að versna á Vesturlandi eftir að það gekk niður í kringum hádegisbil. Alls hafa nærri 300 hjálparbeiðnir borist samhæfingarmiðstöðinni í Skógarhlíð eftir því sem segir í tilkynningu frá henni.

Mikið keypt af húsgögnum í nóvember

Svo virðist sem jólaverslun þessa árs hafi byrjað fyrir alvöru í húsgagnaverslunum landsins í nóvember því velta slíkra verslana jókst um nærri fimmtung milli október- og nóvembermánaða samkvæmt tölum Rannsóknarseturs verslunarinnar.

Hæstiréttur staðfestir farbannsúrskurð í Vesturgötumáli

Hæstiréttur staðfesti í dag synjun Héraðsdóms Reykjaness á kröfu lögreglunnar í Keflavík um að Pólverjinn sem grunaður er um að hafa orðið valdur að dauða Kristinns Veigars Sigurðssonar yrði áfram í gæsluvarðhaldi.

Rothögg á suðurkóreska þinginu

Til átaka kom í suðurkóreska þinginu í dag þar sem slegist var um það að komast í ræðustól þingsins.

Páll Winkel nýr fangelsismálastjóri

Björn Bjarnason dóms- og kirkjumálaráðherra skipaði í dag Pál E. Winkel aðstoðarríkislögreglustjóra í embætti forstjóra Fangelsismálastofnunar ríkisins.

Stúfur veðurtepptur og komst ekki á Þjóðminjasafnið

Jólasveinnin Stúfur varð veðurtepptur í dag og komst ekki á Þjóðminjasafnið í dag eins og til stóð.

Annir hjá björgunarsveitum á Vesturlandi

Björgunarsveitir á Vesturlandi hafa sinnt nokkrum verkefnum í veðurhamnum í morgun, meðal annars á sveitarbæjum á Mýrum.

Fimm teknir fyrir ölvunarakstur í gær og nótt

Fimm ökumenn voru teknir fyrir ölvunarakstur á höfuðborgarsvæðinu í gær og nótt.

Flugmaður segir líkamsárásardóm rugl

Héraðsdómur Reykjavíkur dæmdi í dag Jens R. Kane, flugmann hjá Icelandair, í átta mánaða óskilorðsbundið fangelsi fyrir ofbeldi gagnvart fyrrverandi unnustu sinni, á heimili þeirra þann 23. janúar síðastliðinn.

Sigurjón hættur á DV

Tilkynnt var um miklar skipulagsbreytingar hjá útgáfufélaginu Birtíngi áðan. Tímaritið Ísafold verður sameinað Nýju Lífi.

Enn annríki hjá björgunarsveitum á vesturhluta landsins

Hátt í 300 björgunarsveitarmenn eru enn að störfum á höfuðborgarsvæðinu og á Vesturlandi við að aðstoða fólk vegna veðurhamsins sem gengið hefur yfir landssvæðið í dag.

Brú yfir Geitabergsá varð rokinu að bráð

Gömul brú sem liggur yfir Geitabergsá í Svínadal varð veðurofsanum í morgun að bráð eins og sjá má á myndinni. Lárus Jón Lárusson í Brekkukoti segir það hafa verið magnað að fylgjast með brúnni þegar veðrið tætti hana í sundur.

Fræðsluyfirvöld sendi skýr skilaboð til foreldra í illviðrum

Samtökin Heimili og skóli beina þeim tilmælum til fræðsluyfirvalda í hverju sveitarfélagi að þau sendi skýr skilaboð til foreldra um að þeir haldi börnum sínum heima þegar von er á ofsaveðri eins og geisað hefur í dag.

Segir Breta skapa tortryggni á kerfisbundinn hátt

Sergei Lavrov, utanríkisráðherra Rússlands, sakar Breta um að vinna að því á kerfisbundinn hátt að skapa tortryggni á milli landanna tveggja.

Talsvert tjón í IKEA - líklega opnað aftur klukkan tvö

Þórarinn Ævarsson, framkvæmdastjóri IKEA, segir tjónið vegna vatnslekans í búðinni vera talsvert en að tryggingafélagið muni meta það síðar nákvæmlegar. Stífluð niðurföll orsökuðu að hálfgert stöðuvatn myndaðist á þaki verslunarinnar sem gaf sig að lokum með þeim afleiðingum að tugþúsundir lítra vatns streymdu inn í verslunina.

Björgunarsveitamenn hafa unnið tíu þúsund vinnustundir vegna óveðurs

Sjálfboðaliðar Slysavarnarfélagsins Landsbjargar hafa alls varið 10 þúsund klukkustundum við að aðstoða fólk í óveðri sem geysað hefur undanfarna daga.

Fundu 200 grömm af hassi í íbúð í miðbænum

Lögregla lagði hald á 200 grömm af hassi og lítilræði af afmetamíni við húsleit í íbúð í miðborginni í gærkvöld.

Mikið vatnstjón í Ikea

Mikill vatnsleki er í verslun IKEA í Garðabæ og vinna um 50 slökkviliðsmenn nú að því að dæla vatni úr versluninni. Að sögn vakstjóra er vatnsflaumurinn slíkur að niðurföll anna því engan veginn. Ekki er vitað hvaðan vatnið kom en tjónið er töluvert að sögn slökkviliðs. Versluninni hefur verið lokað.

Kalli Bjarni óttast skipuleggjendur dópsmygls

Aðalmeðferð í dópmáli Idolstjörnunnar Karls Bjarna Guðmundssonar fór fram í Héraðsdómi Reykjaness í dag. Við þingfestingu málsins fyrr í vikunni játaði Kalli Bjarni að hafa reynt að smygla tæpum tveimur kílóum af kókaíni til landsins í byrjun júní. Hann sagðist þá hins vegar aðeins hafa verið burðardýr.

Sjóprófum vegna strands Axels frestað vegna veðurs

Sjóprófum hefur verið frestað sem áttu að hefjast í Héraðsdómi Norðurlands eystra nú klukkan eitt eftir hádegi vegna strands flutningsskipsins Axels.

Skiptast á dætrum í Þýskalandi

Foreldrar tveggja hálfs árs gamalla stúlkna búa sig undir að skipta á næstu dögunum á dætrum sínum eftir að í ljós kom að þær víxluðust á fæðingardeildinni.

Skólahald raskaðist víða vegna veðurhams

Skólahald raskaðist víða á suðvesturhorninu í morgun vegna veðurofsans. Almannavarnir beindu þeim tilmælum til skólanna nú fyrir hádegi að senda börn ekki ein heim á fæti. Þó voru dæmi um að börn sem komu gangandi í Lágafellsskóla í morgun fengu ekki að fara inn fyrir dyr til að hringja í foreldra sína.

Færðu Mæðrastyrkstnefnd ellefu hundruð þúsund krónur

Sex verkalýðsfélög í Eyjafirði afhentu í dag Mæðrastyrksnefnd Akureyrar ellefu hundruð þúsund króna styrk. Jóna Berta Jónsdóttir veitti styrknum viðtöku fyrir hönd Mæðrastyrksnefndarinnar.

Flug liggur enn þá niðri

Öllu millilandaflugi var frestað um óákveðinn tíma í morgun vegna fárviðris á Keflavíkurflugvelli og innanlandsflug um Reykjavíkurflugvöll liggur líka niðri.

Um 300 björgunarsveitarmenn að störfum í illviðri

Um 300 björgunarsveitarmenn eru nú að störfum á höfuðborgarsvæðinu og Vesturlandi eftir því sem segir í tilkynningu frá Samhæfingarstöðinni í Skógarhlíð.

Fjórir handteknir í Eyjum grunaðir um íkveikju

Fjórir ungir menn hafa verið handteknir í Vestmannaeyjum í morgun í tengslum við brunann í gamla Fiskiðjuhúsinu við smábátahöfnina í nótt. Þeir munu vera grunaðir um íkveikju. Slökkviliðinu tókst að koma í veg fyrir að eldurinn bærist um húsið. Mennirnir munu vera um tvítugt en skýrslur verða teknar af þeim í dag.

Röskun á áætlun langferðabifreiða

Töluverð röskun hefur verið á ferðum langferðabifreiða frá Bifreiðamiðstöð Íslands vegna veðurs. Sérleyfisbílar Keflavíkur hafa haldið óbreyttri áætlun í morgun. Þingvallarleið ætlar að athuga með ferð klukkan hálfeitt í dag. Þá verður reynt að fara til Akureyrar klukkan fimm og í Snæfellsbæ klukkan hálfsex. Að öðru leyti liggja ferðir niðri.

Óvíst hvort þingi verður frestað í kvöld

Samþykkt var á þingfundi í morgun að vísa þingskapafrumvarpi til þriðju umræðu við mótmæli vinstri - grænna.

Serbar taka illa í hugmynd ESB

Serbar myndu aldrei fallast á sjálfstætt Kosovo í skiptum fyrir aðild að Evrópusambandinu. Þetta sagði utanríkisráðherra landsins, Vuk Jeremic í dag. Reuters hefur greint frá því að á fundi Evrópusambandsríkja sem nú stendur yfir í Brussel í dag hafi verið samþykkt tillaga þess efnis að flýta fyrir inngöngu Serbíu í ESB fallist landið á að Kosovo lýsi yfir sjálfstæði.

Koparþakið á Austurbæjarskóla hefur staðist storminn

Koparþakið á Austurbæjarskóla virðist ætla að standa af sér veðurofsann en þar á bæ voru menn áhyggjufullir vegna þess að hluti þaksins fauk í óveðrinu í gær. „Þakið virðist hafa haldið ágætlega í nótt og nú er unnið að því að koma í veg fyrir leka," segir Guðmundur Sighvatsson, skólastjóri. Um hundrað börn mættu í skólann í morgun en það er um 20 prósent mæting.

Álag á samhæfingarmiðstöð minnkar eilítið

Um 130 björgunarsveitarmenn eru nú að störfum í höfuðborgarsvæðinu ásamt lögreglu og slökkviliði og segja almannavarnir að vel gangi að sinna þeim beiðnum um aðstoð sem borist hafa. Þær eru á níunda tug það sem af er degi.

Vonir glæðast með Ljósinu

Ljósið, endurhæfingar og stuðningsmiðstöð fyrir krabbameinssjúka og aðstandendur þeirra, er flutt í glæsilegt húsnæði á Langholtsvegi 43 í Reykjavík.

Glerbrotum rigndi inn í svefnherbergi hjá fimmtán ára stúlku

Fimmtán ára stúlku sakaði ekki þegar svefnherbergisglugginn hennar brotnaði í veðurofsanum í nótt. Glerbrotum rigndi inn í herbergið og þykir mildi að ekki hafi farið verr.

Biðu í biðröð fyrir utan Just4Kids í illviðrinu

Starfsmenn leikfangaverslunarinnar Just4Kids miskunnuðu sig í morgun yfir viðskiptavini sem biðu í biðröð fyrir utan verslunina í óveðrinu sem gengur nú yfir.

Foreldrar hvattir til að sækja börn sín á Suðurnesjum

Lögreglan á Suðurnesjum og skólayfirvöld í Reykjanesbæ hvetja foreldra þar í bæ til að sækja á börn sín í skólann við fyrsta tækifæri. Foreldrar verða að koma inn í skólann og sækja börn sín. Þeim verður ekki hleypt út í óveðrið án fylgdar fullorðinna.

Pósturinn ekki borinn út vegna veðurs

Vegna veðurs mun útburður pósts falla niður á höfuðborgarsvæðinu, í Borgarnesi, Akranesi og á Suðurnesjum í dag, 14. desember.

Leki í Egilshöll

Slökkviliðið vinnur nú við að dæla vatni úr Egilshöll í Grafarvoginum en þar flæddi inn í æfingaraðstöðu Skotfélags Reykjavíkur. Vatn lak einnig inn á svæðið á þriðjudaginn var. Vaktstjóri hjá Slökkviliði Höfuðborgarsvæðisins segir lekann ekki mjög mikinn og gangi vel að hemja vatnsflauminn.

32 Breiðavíkurdrengir hafa þegið aðstoð

Þrjátíu og tveir fyrrverandi vistmenn Breiðavíkurheimilishins hafa fengið meðferð á vegum geðsviðs Landspítalans eftir að ríkisstjórnin ákvað snemma á árinu að skipa sérstakt teymi vegna málsins.

Siggi Stormur: Veðrið lægir ekki fyrr en í kvöld

"Það verður afleitt veður með fárviðrishviðum á vestanverðu landinu alveg fram á kvöld," segir Sigurður Þ. Ragnarsson veðurfræðingur fréttastofu Stöðvar 2. Hann segir að veðrið á suðvesturhorninu lægi lítillega upp úr hádegi, rétt á meðan áttin skiptir sér úr suðaustan átt í suðvesturátt. Suðvestanáttin mun þó taka sig aftur upp eftir hádegi og mun ekki lægja aftur fyrr en í kvöld.

Allar björgunarsveitir á höfuðborgarsvæðinu kallaðar út

Stigvaxandi álag er á Samhæfingarstöðinni í Skógarhlíð og hafa nú um 70 óskir um aðstoð borist á höfuðborgarsvæðinu. Búið er að kallað út allar björgunarsveitir á höfuðborgarsvæðinu.