Greið leið fyrir fíkniefnasmyglara víða um land

Ekki er virkt sólarhringseftirlit í öllum höfnum landsins og því meiri líkur á að greið leið sé fyrir fíkniefnasmyglara þar sem eftirliti er ábótavant. Þetta segir Gísli Gíslason, hafnarstjóri Faxaflóahafna. Hann setur spurningarmerki við það að stjórnvöld verji miklu fé í hryðjuverkavarnir og segir að skoða verði hvernig fjármunum til eftirlits sé varið.

Fujimori verður framseldur

Hæstiréttur í Chile hefur ákveðið að framselja Alberto Fujimori fyrrverandi forseta Perú. Fujimori er sakaður um fjárdrátt og mannréttindabrot í valdatíð sinni á tíunda áratugnum.

Bankarán í Danmörku

Tveir grímuklæddir menn vopnaði hnífum rændu útibú Danske Bank í bænum Lyngby í Danmörku í morgun. Mennirnir ógnuðu starfsfólki bankans og höfðu á brott með sér peninga sem þeir tóku úr peningakassa gjaldkera.

Gæsluvellir komi betur til móts við þarfir barnafjölskyldna

Til stendur að endurskoða hlutverk gæsluvallanna í borginni með það fyrir augum að koma betur til móts við þarfir barnafjölskyldna. Að sögn formanns leikskólaráðs er meðal annars horft til Svíþjóðar til fyrirmyndar í þessum efnum, þar sem gæslan býðst fyrir eldri börn en leikskólakrakka.

Varðskipið farið frá Fáskrúðsfirði

Smyglskútan,sem kom til Fáskrúðsfjarðar, var hífð upp á flutningavagn í morgun og verður ekið til Reykjavíkur til frekari rannsóknar.

Gera loftárásir á Tamíl Tígra

Stjórnarher Sri Lanka gerði í morgun loftárásir á bækistöðar uppreisnarmanna Tamíl Tígra á yfirráðasvæði þeirra í norðurhluta landsins. Þetta er í annað sinn á tveimur dögum sem herinn gerir árás á svæðið, en þeir segjast hafa fyrir því heimildir að þar fari nú fram fundur háttsettra Tamíltígra.

Bræður úr Garðabæ handteknir í fíkniefnamálinu

Tveir þeirra sem voru handteknir í smyglskútumálinu í gær eru bræður úr Garðabæ. Annar þeirra var handtekinn á höfuðborgarsvæðinu en hinn í Noregi. Annar er þeirra fæddur 1976 en hinn 1980.

Tveir særast í skotárás í Delaware-háskóla

Tveir nemendur særðust í skotárás í háskólanum í Delaware í Bandaríkjunum í morgun. Þeir voru fluttir á sjúkrahús þar sem annar þeirra berst nú fyrir lífi sínu að sögn Fox fréttastofunnar.

Rauðu ljósin slokkna í Amsterdam

Um þriðjungur af Rauða hverfinu svokallaða í Amsterdam heyrir brátt sögunni til. Stærsti hóruhúsaeigendi borgarinnar hefur nefnilega selt starfsemi sína til fasteignafélags. Alls er um 18 byggingar að ræða með 51 rauðlýsandi gluggum. Verðið á þessum húsum nemur tæpum 2 milljörðum króna.

Fundað um rafræna stjórnsýslu í Evrópu

Árni M. Mathiesen fjármálaráðherra fer fyrir níu manna íslenskri sendinefnd sem nú situr ráðherraráðstefnu um rafræna stjórnsýslu í Lissabon.

Vilja taka harðar á einelti á netinu

Yfirvöld í Bretlandi hvetja skóla í landinu til að taka harðar á nemendum sem leggja önnur börn í einelti gegnum net og farsíma. Meira en þriðjungur unglinga í Bretlandi hefur orðið fyrir einhverskonar einelti á netinu, eftir því sem fram kemur í rannsókn stjórnvalda.

Nýr olíu- og orkumálaráðherra í Noregi

Olíu- og orkumálaráðherra Noregs,Odd Roger Enoksen, hefur sagt af sér og Áslaug Haga, flokkssystir hans, tekur við. Frá þessu var greint á blaðamannafundi sem Jens Stoltenberg forsætisráðherra boðaði til í morgun.

Framdi sjálfsmorð í Woolworths

23 ára gamall maður framdi í gær sjálfsmorð í matvöruverslun Woolworths í Cornish á Bretlandi. Maðurinn ruddist inn í verslunina um miðjan dag í gær og veifaði hnífi. Starfsfólk búðarinnar rýmdi hana umsvifalaust og hringdi á lögreglu og sjúkralið. Þegar sjúkraliðið kom á vettvang hafði maðurinn skorið sig á háls. Að sögn BBC fréttastofunnar var maðurinn látinn þegar að var komið. Starfsfólk var mjög slegið yfir atburðinum, og var boðin áfallahjálp.

Tævan vill ekki sjá Ólympíueldinn

Ólympíueldurinn er ekki velkominn í Tævan. Þessu eru stjórnvöld þar hörð á, en Kína og Tævan deila nú um hvaða leið eldurinn á að fara á leið sinni til Ólympíuleikana í Peking árið 2008.

Reyndu að smygla bæði amfetamíni og e-pillum

Búið er að handtaka tíu menn í tengslum við fíkniefnamálið á Fáskrúðsfirði, fimm á Íslandi, tvo í Færeyjum, tvo í Danmörku og einn í Noregi. Allir eru Íslendingar nema einn sem er Dani.

Norrænir fjölmiðlar fjalla um fíkniefnamálið

Öll helstu dagblöðin í Danmörku hafa fjallað um stóra fíkniefnamálið á síðum sínum í gærdag. Auk þess var VG í Noregi og norska ríkisútvarpið með fréttir af málinu. Nær allur fréttaflutningurinn byggir á skeyti frá ritzau-fréttastofunni.

Fimmtán ára nauðgar og myrðir gamla konu

Fimmtán ára drengur var í gær úrskurðaður í fjögurra vikna gæsluvarðhald í Álaborg, eftir að hafa viðurkennt að hafa nauðgað og myrt áttatíu og fimm ára gamla konu. Danska ríkisútvarpið greindi frá þessu í dag. Drengurinn stakk af frá stofnun þar sem hann var vistaður og braust inn í íbúð konunnar þar sem hann framdi morðið.

Seglskútan flutt til Reykjavíkur

Seglskútan sem notuð var til að smygla fleiri tugum kílóa af amfetamíni til landsins í gær var hífð upp á flutningakerru í morgun og verður hún nú flutt til Reykjavíkur til frekari rannsóknar.

Stóra smyglskútumálið á Fáskrúðsfirði

Tíu menn voru handteknir á Norðurlöndunum í dag vegna stærsta smyglmáls Íslandssögunar. Lögreglan fann rúmlega 60 kíló af eiturlyfjum í seglskútu í Fáskrúðsfjarðarhöfn og handtók þrjá menn á staðnum. Undir lok dags höfðu fimm menn verið dæmdir í gæsluvarðhald á Íslandi. Þrír til viðbótar eru í haldi lögreglu Færeyjum og Noregi. Þá hefur pari sem handtekið var í Danmörku verið sleppt.

Fordæma lokun mjólkurstöðvarinnar á Egilsstöðum

Lokun mjólkurstöðvarinnar á Egilsstöðum er enn ein aðför að hefðbundinni búsetu og atvinnulífi dreifbýlisins. Þetta kemur fram í yfirlýsingu frá AFL starfgreinafélagi. Félagið fordæmir lokun stöðvarinnar og skorar á Mjólkurbú Flóamanna að endurskoða ákvörðunina.

Einn Norðmaður meðal þeirra handteknu

Einn Norðmaður er meðal þeirra átta sem handteknir voru í tengslum við fíkniefnafundinn á Fáskrúðsfirði í morgun. Þetta er fullyrt í vefútgáfu norska dagblaðsins Stavanger Aftenbladet.

Fáskrúðsfirðingum brugðið

Fáskrúðsfirðingar vöknuðu upp við vondan draum í morgun þegar skyndilega voru þar tugir löggæslumanna í einhverri umfangsmestu lögregluaðgerð sem sögur fara af og er eðlilega brugðið.

Greint frá fíkniefnafundi í dönskum fjölmiðlum

Greint er frá fíkniefnafundinum á Fáskrúðsfirði í vefútgáfu danska dagblaðsins BT. Þar segir að tveir Íslendingar hafi verið handteknir í Kaupmannahöfn vegna málsins og að þá hafi danska lögreglan einnig lagt hald á fíkniefni.

Krafist gæsluvarðhalds yfir mönnunum

Alls hafa átta manns í þremur löndum verið handteknir í tenglum við það sem talið er stærsta fíkniefnamál Íslandssögunnar. Fimm þeirra voru handteknir hér á landi og verður gæsluvarðhalds krafist yfir þeim í héraðsdómi Reykjavíkur í kvöld. Þrír menn voru handteknir á Fáskrúðsfirði í morgun og tveir til viðbótar í Reykjavík.

Síðasti borgarstjórnarfundur Árna Þórs

Árni Þór Sigurðsson lét af störfum í fyrradag sem borgarfulltrúi í borgarstjórn Reykjavíkur. Árni var kosinn á þing fyrir Vinstri græna í vor og sat hann í dag sinn síðasta borgarstjórnarfund á þessu kjörtímabili.

Impregilio ekki launagreiðandi starfsmanna starfsmannaleiga

Hæstiréttur féllst í dag á varakröfu verktakafyrirtækisins Impregilo að því bæri ekki að greiða staðgreislu vegna launa portúgalskra starfsmanna. Mennirnir voru ráðnir til vinnu hér á landi í gegnum portúgalskar starfsmannaleigur. Héraðsdómur hafði áður ekki fallist á kröfu Impregilo.

50 til 60 kíló af amfetamíni um borð í bátnum

50 til 60 kíló af ætluðu amfetamíni voru um borð í smyglskútunni á Fáskrúðsfirði. Fimm Íslendingar hafa verið handteknir vegna málsins. Þetta kemur fram í tilkynningu frá Europol. Aðgerðir lögreglu hafa farið fram í Danmörku, Færeyjum og í Noregi auk Íslands. Tveir hafa verið handteknir í Danmörku og einn í Noregi.

TSH fær ekki bætur vegna Rúgbrauðsgerðarinnar

Hæstiréttur staðfesti í dag dóm Héraðsdóms Reykjavíkur í máli sem Trésmiðja Snorra Hjaltasonar höfðaði á hendur íslenska ríkinu í tengslum við fasteignakaup. Trésmiðjan keypti húseigina að Borgartúni 6, sem oft hefur verið nefnd Rúgbrauðsgerðin, af íslenska ríkinu.

Landbúnaðarráðherra Bandaríkjanna hættir

Mike Johanns landbúnaðarráðherra Bandaríkjanna hefur hætt störfum eftir næstum þrjú ár í embætti. Johanns býður sig fram til öldungadeildarþings í Nebraska, þar sem hann naut vinsælda sem ríkisstjóri tvö kjörtímabil. Bush Bandaríkjaforseti tilkynnti ákvörðun Johanns í dag, en hann er sá síðasti í röð háttsettra embættismanna í stjórn Bush að láta af embætti.

Bin Laden hvetur til heilags stríðs

Osama Bin Laden hvetur til heilags stríðs í Pakistan til að hrinda Pervez Musharraf af stóli sem forseta landsins. Í nýrri hljóðupptöku sem birt var á íslamskri vefsíðu í dag lofar hann hefnd fyrir áhlaupið á Rauðu moskuna í Islamabad í júlí þar sem hundruð manna voru í gíslingu.

Framlengir atvinnuveiðar á hrefnu

Sjávarútvegsráðuneytið hefur framlengt þann 30 dýra veiðikvóta á hrefnu sem sjávarútvegsráðherra heimilaði í fyrrahaust þegar hann ákvað að leyfa atvinnuveiðar á ný.

Smyglskútan flutt til Reykjavíkur

Smyglskútan á Fáskrúðsfirði verður flutt til Reykjavíkur á morgun. Heimildir Vísis herma að báturinn verði fluttur landleiðina á flutningabíl. Skútur af þessari stærð eru með þónokkuð burðarþol og ætti að vera hægðarleikur að smygla nokkur hundruð kílóum til landsins í einni ferð, miðað við að tveir séu í áhöfn.

Græddi „óvart" 10 milljónir á sölu stofnfjár í SPRON

Árni Þór Sigurðsson þingmaður hefur selt allt stofnfé sitt í SPRON að nafnvirði einnar og hálfrar milljónar. Í samtali við Vísi vildi Árni ekki segja hversu mikið hann fékk fyrir hlut sinn í fyrirtækinu.

Bush boðar friðsamlega lausn í Íran

George Bush sagði í dag að hann væri vongóður um að sannfæra írani í gegnum diplomatískar leiðir að hætta við kjarnorkuáætlanir sínar. Hann sagði að Bandaríkjastjórn myndi viðhalda þrýstingi á yfirvöld í Íran, en það yrði gert á friðsamlegan hátt.

Gríðarlegt vatnstjón í Glerárhverfi

Mikið vatnstjón varð í Glerárhverfi á Akureyri í dag. Um tíuleitið í morgun kom óvænt þrýstibylgja komið inn á heitavatnskerfið með þeim afleiðingum að kranar og öryggislokar sprungu.

Minnihluti vildi fresta afgreiðslu Grímseyjarferjumáls

Minnihlutinn í fjárlaganefnd Alþingis vildi að nefndin frestaði fullnaðarafgreiðslu á greinargerð Ríkisendurskoðunar vegna Grímseyjarferju samkvæmt áliti sem skilað var í dag. Fjallað var um málið á fundi nefndarinnar í morgun og skilaði meirihlutinn skýrslu um málið.

Reglur verði gerðar skýrari

Fjárlaganefnd Alþingis skilaði af sér skýrslu í dag þar sem fjallað er um greinargerð Ríkisendurskoðunar í Grímseyjarferjumálinu. Til stóð að nefndin í heild sinni stæði að skýrslunni en af því varð ekki.

Systir lestarstöðvarstúlkunnar hræddist föðurinn

Grace Xue hálfsystir stúlkunnar sem var yfirgefin á lestarstöð í Ástralíu á laugardag segir að hún hafi áhyggjur af líðan Qian systur sinnar og að sem barn hafi hún óttast föður sinn. Hann hafi yfirgefið hana einungis tveimur mánuðum eftir komuna til Nýja Sjálands og hún hafi ekki átt í nein hús að venda.

Lítil áhrif á fíkniefnamarkaðinn

Fíkniefnafundur lögreglunnar á Fáskrúðsfirði mun ekki hafa mikil áhrif til verðhækkana á fíkniefnamarkaði til langs tíma litið að mati Þórarins Tyrfingssonar, yfirlæknis á Vogi. Hann segir nægt magn fíkniefna nú þegar til staðar hér á landi til að anna eftirspurn.

Fagnar áhuga íslenskra orkufyrirtækja á Rúmeníu

Forsætisráðherra Rúmeníu hvetur íslensk fyrirtæki til að taka virkan þátt í efnahagsuppbyggingunni í landinu og fagnar áhuga íslenskra orkufyrirtækja og fjárfestingaraðila á orkulindum landsins. Þetta kom fram á fundi hans með Ólafi Ragnari Grímssyni, forseta Íslands, í morgun, en Ólafur Ragnar er nú í opinberri heimsókn í Rúmeníu.

Lögregluaðgerðum lokið á Fáskrúðsfirði

Lögregluaðgerðum er lokið á Fáskrúðsfirði. Eins og Vísir greindi frá í morgun voru tveir menn handteknir sem komu með skútu á leið til hafnar í morgun. Talið er að í skútunni hafi verið tugir kílóa af fíkniefnum. Skútunnar beið aðkomubíll á bryggjunni og var ökumaður bílsins handtekinn. Að lögregluaðgerðinni komu fjölmennt lið lögreglunnar á Fáskrúðsfirði, Landhelgisgæslan, tollgæslan, lögreglan á höfuðborgarsvæðinu og sérsveit ríkislögreglustjóra.

Rússar enn á ferð við Íslandsstrendur

Langdrægar rússneskar sprengiflugvélar af gerðinni Tupolev 95 flugu inn á íslenska loftrýmiseftirlitssvæðið norður af landinu klukkan hálf sex í morgun. Í tilkynningu frá utanríkisráðuneytinu flugu vélarnar í hringferð um landið og komu næst landinu u.þ.b. 43 sjómílur suður af Kötlutanga.

Vilja koma á fót jarðskjálftasetri á Kópaskeri

Hugmyndir eru uppi um að setja á fót jarðskjálftasetur á Kópaskeri sem hæfi starfsemi strax næsta vor.

Kompáslögmaður selur glæsivillu og flytur til Spánar

Kompáslögmaðurinn svokallaði, sem var til umfjöllunnar í fréttaþættinum Kompás á þriðjudagskvöldið, hefur sett glæsivillu sína í Fossvogi á sölu og er fluttur til Spánar.

Meðalaldur ríkisstarfsmanna hækkar

Meðalaldur ríkisstarfsmanna er 45,4 ár og hefur hækkað um rúm fjögur ár frá árinu 1995. Þetta kemur fram í vefriti fjármálaráðuneytisins. Þá hefur hlutfall þeirra ríkisstarfsmanna sem eru með háskólamenntun hækkað töluvert á innan við áratug.