Reglur verði gerðar skýrari

Fjárlaganefnd Alþingis skilaði af sér skýrslu í dag þar sem fjallað er um greinargerð Ríkisendurskoðunar í Grímseyjarferjumálinu. Til stóð að nefndin í heild sinni stæði að skýrslunni en af því varð ekki.

„Meirihluti nefndarinnar leggur til að reglur um flutning fjárheimilda á milli verkefna og á milli ára verði gerðar skýrari en þær virðast nú og að því verkefni komi fjárlaganefnd," segir í skýrslu nefndarinnar.

„Ríkisendurskoðun og fjármálaráðuneyti. Þá er einnig mikilvægt að umræddir aðilar endurrýni og geri úrbætur á verklagi sem miða að því að framkvæmd fjárlaga verði með betri hætti en nú er."

Meirihlutinn leggur einnig áherslu á að sameiginlegur skilningur um grundvallaratriði er varðar framkvæmd fjárlaga, þurfi hverju sinni að vera fyrir hendi hjá aðilum sem vinna að framkvæmdinni og/eða eftirliti.

Þá segir í skýrslunni að meirihlutinn taki undir það sjónarmið Ríkisendurskoðunar að kostnaður við endurbætur verði framvegis færður á stofnkostnaðarliði en ekki sem rekstrarframlög til að samræmi verði milli samgönguáætlunar, ríkisreiknings og fjárlaga.

Minnihluti fjárlaganefndar skilaði séráliti í málinu.