Engin stórvægileg álitaefni við erfðamengisgreiningu

Kári Stefánsson, forstjóri Íslenskrar erfðagreiningar, sér engin stórvægileg siðferðileg álitaefni við það þótt almenningi verðið boðið upp á að kaupa greiningu á erfðamengi sínu. Fólk leiti enda slíkra upplýsinga um sjálft sig af fúsum og frjálsum vilja.

SÞ rannsaki morðið á Ghanem

Forsætisráðherra Líbanons hefur óskað eftir því að Sameinuðu þjóðirnar rannsaki morði á líbanska þingmanninum Antoin Ghanem í gær. Hann týndi lífi í öflugri sprengjuárás ásamt sex öðrum.

Mótvægisaðgerðir skrýtið fyrirbæri

Davíð Oddsson, seðlabankastjóri og fyrrverandi forsætisráðherra, segir mótvægisaðgerðir ríkisstjórnarinnar vegna skerðingar þorskkvótans, skrýtið fyrirbæri sérstaklega þegar ekkert atvinnuleysi er í landinu.

Vill hámarkslengd á hjónabönd

Þýskur stjórnmálamaður hefur verið útskúfaður af flokk sínum eftir að hún lagði til að sjö ár yrðu hámarkslengd hjónabanda. Gabriele Pauli sem er umdeildur íhaldsmaður sagði að öll hjónabönd ættu að vera innan þessa tímaramma til að spara útgjöld við skilnaði og þrýsta á fólk að reyna betur. Eftir sjö ára tímabilið gætu hjón óskað eftir að hjónabandinu yrði framlengt.

Ungur drengur stórslasaður eftir fimm metra fall

Lítill drengur stórslasaðist við gamla Blómavalshúsið í fyrradag. Hann var að príla upp á þaki hússins og féll þar niður um fimm metra að því er talið er. Svo virðist sem drengurinn hafi fallið niður þegar gler á þaki hússins gaf sig. Hann var fluttur á gjörgæslu en er nú úr lífshættu og dvelur á Barnaspítala Hringsins.

Stærsti fíkniefnafundur sögunnar

Lögregla lagði hald á tugi kílóa af ætluðum fíkniefnum í skútu á Fáskrúðsfirði í morgun. Nokkrir hafa verið handteknir en leit stendur enn yfir í skútunni. Rannsókn málsins hefur teygt anga sína til margra landa, að sögn lögreglustjórans á Höfuðborgarsvæðinu.

Brown: Annaðhvort ég eða Mugabe

Gordon Brown forsætisráðherra Bretlands segir að hann muni ekki sækja ráðstefnu Evrópu-og Afríkulanda ef Robert Mugabe forseti Zimbabwe verði á meðal ráðstefnugesta. Brown segir að ástæðan sé sú að vera Mugabes á fundinum muni gera lítið úr honum, þar sem hann sé ábyrgur fyrir misnotkun á eigin þjóð, pyntingum og stórkostlegri kúgun á pólitískum andstæðingum sínum.

Alvarlegum umferðarslysum fjölgar um nærri 40 prósent

Alvarlegum slysum í umferðinni hefur fjölgað um nærri 40 prósent á fyrstu sjö mánuðum ársins miðað við sama tíma í fyrra. Þetta kemur fram í samantekt Umferðarstofu sem byggir tölur sínar á lögregluskýrslum.

Séra Anna Sigríður Pálsdóttir fékk Dómkirkjubrauð

Valnefnd í Dómkirkjuprestakalli, Reykjavíkurprófastsdæmi vestra, ákvað á fundi sínum þann 19. september síðastliðinn að leggja til að sr. Anna Sigríður Pálsdóttir verði skipuð prestur í Dómkirkjuprestakalli. Sjö umsækjendur voru um embættið.

Segir nefndina hafa staðið sig í stykkinu

„Ja, bæði og,“ segir Alfreð Þorsteinsson aðspurður hvort ákvörðun heilbrigðisráðherra um að leggja niður framkvæmdanefnd nýs háskólasjúkrahús hafi komið sér á óvart. „Það er auðvitað kominn nýr ráðherra í heilbrigðisráðuneytið og hann hefur sjálfsagt ákveðnar skoðanir á þessari framkvæmd. Ég held að hann verði að skýra þetta sjálfur út.“

Segir samgöngubyltingu í uppsiglingu á Íslandi

Bandaríska fréttastöðin CNN fjallar um vetnisverkefni hér á landi í nýju myndskeiði og segir að samgöngubylting sé í uppsiglingu.

Rice þrýstir á friðarfund Miðausturlanda

Condoleezza Rice þrýsti á leiðtoga Ísrael og Palestínu í dag um friðarráðstefnu Miðausturlanda þrátt fyrir vaxandi spennu á Gaza. Ráðstefnan er fyrirhuguð í nóvember. Rice er í Ramallah þar sem hún fundar með Mahmoud Abbas leiðtoga Palestínu eftir fund með Shimon Peres forseta Ísraels.

Bin Laden lýsir yfir stríði við Pakistan

Osama bin Laden lýsir yfir stríði á hendur Perves Musharraf forseta Pakistan og her landsins í myndbandi sem birt verður á íslamskri vefsíðu. Fyrirsagnir á vefsíðunni segja ekki hvenær myndbandið verður birt, en áður hafa myndbönd al-Kaída verið birt á síðunni.

Kennsl borin á lík móður lestarstöðvarstúlkunnar

Lögreglan í Nýja Sjálandi hefur gefið út handtökuskipun á föður stúlkunnar sem skilin var eftir á lestarstöð í Ástralíu eftir að kennsl voru borin á lík móður stúlkunnar. Líkið fannst í gær í skotti bifreiðar fyrir utan heimili fjölskyldunnar á Nýja Sjálandi.

Umfangsmikil lögregluaðgerð á Fáskrúðsfirði

Lögreglan hefur boðað til blaðamannafundar nú fyrir hádegið þar sem upplýsa á um þær lögregluaðgerðir sem fram fóru á Fáskrúðsfirði í morgun. Talið er að um stórt fíkniefnamál sé að ræða.

Kaupmáttur eykst um 3,8 prósent

Launavísitala í ágústmánuði síðastliðnum reyndist 321,1 stig og hækkaði um 0,4 prósent frá fyrra mánuði. Þetta kemur fram í tölum Hagstofunnar. Þar segir einnig að síðastliðna tólf mánuði hafi launavísitalan hækkað um átta prósent.

Aðalstjórn ÖBÍ mótmælir skerðingum

Aðalstjórn Öryrkjabandalags Íslands mótmælir harðlega fyrirætlunum níu lífeyrissjóða um að skerða eða fella niður örorkulífeyri hjá annað þúsund öryrkjum og það kerfisbundna kjaraskerðingu hjá lægstu tekjuhópum samfélagsins.

Veitingamenn funduðu á Ölstofunni

Veitingamenn hittust í dag á fundi til að fara yfir sín mál í kjölfar umræðu um skemmtanahald í miðborginni. Fundurinn var haldinn á Ölstofu Kormáks og Skjaldar og var vel sóttur að sögn eins fundarmanna. Niðurstaða fundarins er sú að stefnt verður að því að stofna formlega félag veitingamanna í Reykjavík í byrjun næstu viku. Félaginu verður ætlað að berjast fyrir hagsmunum veitingamanna á ýmsum vettvangi. Þeir hafa hingað til verið hluti af Félagi Hótel og Veitingamanna en telja nú að hagsmunum sínum sé betur borgað í nýju félagi.

Dan Rather krefst skaðabóta frá CBS

Bandaríski fréttaþulurinn Dan Rather hefur höfðað mál á hendur sjónvarpsstöðinni CBS fyrir samningsbrot. Krefst hann þess að stöðin greiði honum um 4,4 milljarða króna í skaðabætur.

Sjúkraflutningavél villtist af leið

Flugmaður sjúkraflutningavélar sem átti að lenda með sjúkling á Ísafirði villtist af leið í gær og hóf aðflug á Akureyri áður en mistökin uppgötvuðust. Málið er litið alvarlegum augum.

Formlegri leit að Steve Fossett hætt

Yfirvöld í Nevada fylki í Bandaríkjunum hafa fyrirskipað að formlegri leit að ævintýramanninum og auðjöfrinum Steve Fossett skuli hætt. Fossett hefur verið leitað í tvær vikur en án árangurs.

Madeleine málið tekur nýja stefnu

Rannsókn portúgölsku lögreglunnar á hvarfi Madeleine McCann virðist hafa tekið nýja stefnu. Samkvæmt heimildum Sky News fréttastofunnar hefur portúgalska lögreglan ekki lengur í hyggju að kalla foreldra stúlkunnar til yfirheyrslu.

Ekki reynt að koma í veg fyrir skráningu hlutafjár Straums í evrum

Seðlabankastjóri segir að ekki sé verið að koma í veg fyrir að Straumur Burðarás skrái hlutafé sitt í evrum, heldur sé gloppa í lögunum og þeim þurfi að breyta. Hann telur ekki æskilegt að önnur fjármálafyrirtæki hérlendis feti í fótspor Straums, slíkt myndi skaða hagstjórnina í landinu.

Næstráðandi Rauðu Kmerana handtekinn

Næstráðandi Rauðu Kmeranna í Kambódíu var handtekinn í dag. Eftir er að ákveða hvort hann verði kærður fyrir þjóðarmorð. Sérstakur dómstóll Sameinuðu þjóðanna rannsakar nú fjöldamorð Kmeranna á valdatíma þeirra.

Segir ráðherra hafa framið lögbrot

Fjármálaráðherra framdi skýlaust lögbrot í Grímseyjarferjumálinu segir þingmaður í samgöngunefnd Alþingis.

Gasa-ströndin óvinasvæði

Ísraelar hafa skilgreint Gasa-ströndina sem óvinasvæði vegna síendurtekinna eldflaugaárása Hamas-liða á Ísrael þaðan. Hamas-liðar segja þetta stríðsyfirlýsingu. Ákvörðun Ísraela gæti leitt til þess að þeir lokuðu fyrir vatni, eldsneyti og rafmagn til svæðisins.

Áform um verslanakjarna á Barónsreit

Nýrri verslanamiðstöð á stærð við hálfa Kringluna er ætlað efla mannlíf í miðborg Reykjavíkur með því að soga fólkið úr úthverfunum. Samson Properties vonast til að fá að byggja hana upp á næstu þremur árum á Barónsreit, milli Laugavegar og Skúlagötu.

Óttast að vettvangsferðir leggist af

Fræðslustjóri óttast að vettvangsferðir grunnskólanna leggist af ef grunnskólum verði gert að greiða fyrir þær. Dæmi eru um að slíkar ferðir kosti nemendur allt að 16 þúsund krónur.

Leita að manni sem féll í Sogið

Björgunarsveitir Slysavarnafélagsins Landsbjargar á Suðurlandi leita nú manns er féll í Sogið, við Bildsfell rétt eftir klukkan 17:00 í dag. Ekkert hefur sést til mannsins síðan hann fór í ánna. Þyrla Landhelgisgæslunnar hefur verið kölluð út.

Þjóðverjar greiða Gyðingum skaðabætur

Þýsk stjórnvöld ákváðu í dag að greiða öllum þeim Gyðingum sem voru í nauðungarvinnu í Þýskalandi á tímum nasista skaðabætur. Hver og einn fær um 176 þúsund krónur í sinn hlut en heildargreiðslur geta numið allt að 9 milljörðum króna.

72 fjölskyldur borga bíl útvarpsstjóra

Afnotagjöld 72 fjölskyldna í hverjum mánuði duga rétt til að borga af mánaðarlegri rekstrarleigu RÚV á glæsibifreið þeirri sem stofnunin greiðir undir Pál Magnússon útvarpsstjóra. Þetta jafngildir því að afnotagjöld allra íbúða á Reynimel 72 til 84 renni í bílasjóð Páls. Einn íbúi á Reynimel 74 segir kostnað við bíl Páls algjörlega út í hött.

Stálu hársnyrtivörum og sokkum

Nokkuð var um innbrot í höfuðborginni í gær. Meðal annars var brotist inn í þrjá bíla og þaðan stolið radarvara, veski og rafgeymi. Þá var brotist inn í fyrirtæki í austurborginni og þar teknar hársnyrtivörur, sokkar og smáræði af skiptimynt.

Erdogan vill ekki mismuna konum út af höfuðklútum

Tayyip Erdogan forsætisráðherra Tyrklands varði í dag fyrirhugaðar breytingar sínar á stjórnarskrá landsins, en veraldlega þenkjandi gagnrýnendur hans eru æfir yfir því að hann hafi aflétt banni við því að kvenkyns háskólanemar gangi með höfuðklút.

Kompásmál: Eðlilegt að endurskoða lög

Það er óheppileg staða sem nú er uppi að lögmaður sem sætir ákæru vegna kynferðisbrota, geti verið verjandi manna, sem ákærðir eru fyrir svipuð brot. Þetta segir Birgir Ármannsson, formaður allsherjarnefndar Alþingis. Lög um meðferð opinberra mála verða endurskoðuð á komandi þingi og Birgir segir eðlilegt að þetta mál verði skoðað í því samhengi.

Ákærður fyrir tvær líkamsárásir

Tæplega tvítugur piltur hefur verið ákærður fyrir tvær líkamsárásir en báðar árásirnar áttu sér stað síðastliðið vor. Málið var dómtekið fyrir Héraðsdómi Vestfjarða í morgun.

Kompáslögmaður tjáir sig ekki

Vísir hafði í dag samband við lögmanninn sem var til umfjöllunar í fréttaskýringaþættinum Kompás í gærkvöldi og gaf honum færi á því að tjá sig um umfjöllun þáttarins. Lögmaðurinn vildi ekki tjá sig um málið. Hann sagði að það væri vegna skipunar dómarans í málinu sem hann er sakborningur í. Lögmaðurinn kvaðst ekki hafa séð umræddann Kompásþátt. Hann er nú staddur erlendis ásamt fjölskyldu sinni.

Kjósa græn svæði frekar en geðfatlaða

Svandís Svavarsdóttir fulltrúi VG í skipulagsráði Reykjavíkurborgar segir mikla þörf fyrir sambýli fyrir geðfatlaða. Hún kaus hins vegar gegn byggingu slíks heimilis í Laugardalnum á fundi skipulagsráðs í morgun.

Kemur á óvart að verjandi Kompáslögmannsins tjái sig

Ritstjórn Kompás segir að það komi verulega á óvart að verjandi lögmannsins sem var til umfjöllunar í Kompás í gær hafi sent frá sér yfirlýsingu vegna þáttarins. Í yfirlýsingunni tjái hann sig um efnisatriði sakamáls sem nú er fyrir Héraðsdómi Reykjavíkur.

Bíll líbansks þingmanns sprengdur í loft upp

Líbanski þingmaðurinn Antoine Ghanem, sem var mikill andstæðingur Sýrlandsstjórnar, lést í sprengjutilræði í Beirút í morgun. Fimm aðrir létust og minnst fjórir særðust þegar bíll Ghanems sprakk. Hús í nágrenninu skemmdust og kviknaði í minnst fjórum bílum.

OJ Simpson fyrir dómara

OJ Simpson voru nú áðan birtar ákærur gegn honum fyrir rétti í Nevadafylki í Bandaríkjunum vegna þjófnaðar á minjagripum á hótelherbergi í Las Vegas síðastliðinn fimmtudag. Dómarinn fór fram á 10 milljóna króna tryggingu gegn lausn hans.

Kusu gegn auknum réttindum Guantanamofanga

Öldungadeild bandaríska þingsins felldi í dag tillögu um að veita föngum í Guantanamo rétt til að fá úr málum sínum skorið fyrir bandarískum dómstólum. Lögin hefðu verið afturhvarf frá einu af lykilatriðum í stríðinu gegn hryðjuverkum, en þau hefðu veitt grunuðum erlendum hryðjuverkamönnum Habeas corpus, sem felur í sér grundvallarvernd gegn handahófskenndu varðhaldi án dómsúrskurðar, og pyndingum.

Tveir dæmdir fyrir fíkniefnalagabrot á Sauðárkróki

Kona á fimmtugsaldri var í Héraðsdómi Norðurlands vestra í dag dæmd í 30 daga skilorðsbundið fangelsi fyrir fíkniefnalagabrot. Við húsleit á heimili konunnar í síðastliðnum aprílmánuði fann lögreglan kannabisefni, hass og amfetamín. Þá var tæplega tvítugur karlmaður einnig fundinn sekur fyrir brot á fíkniefnalögum.

Vill að Lögmannafélagið taki upp mál Kompáslögmanns

Atli Gíslason, alþingismaður og lögmaður segir að næg næg úrræði séu fyrir hendi hjá Lögmannafélagi Íslands til að grípa inn í mál lögfræðings sem ákærður hefur verið fyrir kynferðisbrot. Í Kompás í gær kom fram að maðurinn sé verjandi annara meintra kynferðisbrotamanna þrátt fyrir að mál hans sjálfs sé í vinnslu.

Dæmdur í fimm mánaða skilorðsbundið fangelsi

Karlmaður á þrítugsaldri var í Héraðsdómi Norðurlands vestra í dag dæmdur í fimm mánaða skilorðsbundið fangelsi fyrir líkamsárás. Maðurinn játaði brot sitt fyrir dómi en hann hefur fimm sinnum áður fengið dóm vegna annarra brota.

Aron Pálmi fer ekki á Reykjalund

Aron Pálmi Ágústsson fer ekki á Reykjalund eins áætlanir stóðu til. Eins og áður hefur verið greint frá var búið var að sækja um fyrir Aron en hann mun sjálfur hafa beðist undan vistinni. Einar S. Einarsson, talsmaður RJF hópsins, sem unnið hefur í þágu Arons upp á síðkastið, staðfesti þetta við Vísi. Aron mun í staðinn á næstunni einbeita sér að þriggja mánaða íslenskunámi sem hann hefur skráð sig í. Vonir standa svo til að hann geti hafið nám við Háskóla Íslands um áramótin.