Viðræður hafnar við vígamenn í Rauðu moskunni

Pervez Musharraf, forseti Pakistan, hefur skipað samninganefnd til þess að ræða við vígamennina í Rauðu moskunni. Nefndin var skipuð eftir samráðsfund með áhrifamiklum klerkum sem réðu honum gegn því að ráðast inn í moskuna. Umsátrið um moskuna hefur nú staðið yfir í heila viku.

Bruni í Tréverkshúsinu á Bíldudal rannsakaður sem íkveikja

Vettvangsrannsókn lögreglunnar á Vestfjörðum sýnir að eldur hafi verið borinn að Tréverkshúsinu að Litlu Eyri á Bíldudal þann 20. febrúar síðastliðinn. Málið er því rannsakað sem íkveikja. Eldsvoðans varð vart skömmu fyrir hádegi og brann tæplega 600 fermetra iðnaðarhúsnæði til grunna.

Jarðskjálfti í morgun

Jarðskjálfti að stærð 3,5 á Richterskvarða varð í morgun klukkan 07:42. Skjálftinn átti sér upptök við Krísuvík á Reykjanesskaga. Fáeinir eftirskjálftar fylgdu í kjölfarið. Jarðskjálftinn fannst í Reykjanesbæ. Skjálftar eru algengir við Krísuvík.

Náði ekki að synda yfir Ermasundið

Sundkappinn Benedikt LaFleur náði ekki markmiði sínu að synda yfir Ermasundið milli Englands og Frakklands. Benedikt lét af áformum sínum í nótt eftir 21 klukkutíma sund vegna mikilla strauma við strönd Frakklands. Hann segir það vonbrigði að ekki náðist að klára sundið en segist þó vera reynslunni ríkari.

Breiðavíkursamtökin opna heimasíðu

Vefslóð Breiðavíkursamtakanna verður opnuð formlega í dag og hefst dagskrá klukkan 13:30 með ávarpi formanns samtakanna, Páls Elíassonar. Klukkan 13:45 mun Jóhanna Sigurðardóttir félagsmálaráðherra opna heimasíðuna formlega. Athöfnin verður í safnaðarheimilinu við Laugarneskirkju.

Varað við vegaskemmdum á Þingvallavegi

Talsverðar skemmdir eru á vegaklæðningu á 1,5 kílómetra kafla á Þingvallavegi við Grafningsvegamót samkvæmt tilkynningu frá Vegagerðinni. Eru ökumenn beðnir um að aka varlega á þessum kafla og hefur hraða verið takmarkaður við fimmtíu kílómetra.

Heita vatnið rennur á ný í Fossvogi

Verið er að hleypa heitu vatni aftur á heitavatnsæð í Eyrarlandi í Fossvogi eftir að viðgerð á æðinni lauk um níu-leytið í kvöld. Um fimmtán sentimetra rifa hafði komið á rörið vegna tæringar og fossaði vatn þar út um stokkana. Erfitt reynist að finna skemmdina, en það tókst að lokum og er vonast til að fullur þrýstingur verði kominn á um kl. 22:00.

Stígvél rokseljast á Hróarskeldu

keyptu gestir á Hróarskeldur hátíðinni í Danmörku sér stígvél um helgina og talið að aldrei hafi selst jafn mörg slík á hátíðinni síðan hún var haldin fyrst 1971. Rignt hefur á tónleikagesti og þeir því þurft að vaða eðju milli sviða til að berja hljómsveitir augu og hlýða á þær.

Ráðstefna fjölburaforeldra í Chicago

Um helgina komu bandarískir fjölburaforeldrar saman með börnum sínum á árlegri ráðstefnu í Chicago. Tvíburum var þó ekki boðið - aðeins þríburum hið minnsta.

Fjöldi manns í gleðigöngu samkynhneigðra

Talið er að um sex hundruð þúsund manns hafi tekið þátt í árlegri gleðigöngu samkynhneigðra í Köln í Þýskalandi. Gangan þar er ein sú fjölmennasta í Evrópu og rekur sögu sína aftur til níunda áratugar síðustu aldar.

Safnadagurinn er í dag

Í dag er íslenski safnadagurinn haldinn um allt land. Flest söfn voru með dagskrá í tilefni dagsins og aðgangur var víða ókeypis. Þema dagsins var fyrir alla fjölskylduna og framkvæmdastjóri Safnaráðs fór með börnin á safnaflakk.

Hvalaferðir ehf á Húsavík kaupa sinn þriðja bát

Um miðjan dag í gær þann 07.07.07. sigldi nýr hvalaskoðunarbátur, Sylvía, inn til Húsavíkur í fyrsta skipti, fánum prýdd. Báturinn er 30 tonna eikarbátur sem upphaflega var smíðaður sem fiskveiðibátur hjá skipasmíðastöðinni Vör á Akureyri árið 1976 fyrir Grenvíkinga.

Ný undur valin

Þau eru mikilfengleg nýju undrin sjö sem voru kynnt í gær sem þau mikilfenglegustu í gjörvallri veröldinni. Kosið var milli fjölmargra undrastaða á netinu í tvö ár. Niðurstaðan vakti athygli þegar hún var kynnt í Lissabon í Portúgal í gærkvöldi og voru stórstjörnur víða að fengnar til að kynna undrin.

Norska ríkið braut gegn börnum

Norska ríkið braut á rétti barna til að fá tilhlýðilega menntun með kennslu í kristinfræði, trúfræði og lífsskoðunum í grunnskólum. Þetta er niðurstaða Mannréttindadómstóls Evrópu í Strasborg. Siðmennt á Íslandi segir að dómurinn renni stoðum undir gagnrýni félagsins hér á landi.

Banaslys í Norðurárdal

Piltur um tvítugt lést í umferðarslysi við mynni Norðurárdals í morgun. Hann var á leið í vesturátt, niður af Öxnadalsheiði, á litlum jeppa en velti honum rétt við brúna yfir Norðurá.Hann var einn á ferð en vegfarandi sem kom að slysstaðnum tilkynnti lögreglu um atburðinn skömmu fyrir klukkan sjö í morgun.

Sókn á Rússlandsmarkað

Íslenska orkufyrirtækið ENEX sér fyrir sér sókn á rússneskan markað á næstunni með hjálp öflugra samstarfsaðila. Forstjóri Orkuveitu Reykjavíkur segir ýmsa möguelika felast í jarðhitasvæðum Rússa. Fulltrúar íslenskra orkufyrirtækja kynntu starfsemi sína fyrir rússneskum sérfræðingum og ráðamönnum á orku- og umhverfisráðstefnu í Mosvku í vikunni.

Vatn komið á kerfið í Fossvogi um tíuleitið

Íbúar í Fossvogi og nálægum hverfum í Reykjavík hafa verið heitavatnslausir frá því um tíu leytið í morgun. Mikill leki kom að heitavatnslögn sem tengist dælustöð Orkuveitu Reykjavíkur við Eyrarland í Fossvogi. Töluverðan tíma tók að finna uppruna bilunarinnar og tókst það ekki fyrr en upp úr klukkan fimm í dag. Í tilkynningu frá Orkuveitunni segir að viðgerð sé nú hafin og vonast sé til að heitt vatn verði komið á kerfið á nýjan leik um klukkan tíu í kvöld.

Opinberir starfsmenn brjóta lög um barneignir

Yfirvöld í Hunansýslu í Kína segja að á árunum 200-2005 hafi næstum því tvö þúsund opinberir starfsmenni brotið bannið við því að eignast fleiri en eitt barn. Einn starfsmannanna átti fjögur börn með fjórum hjákonum sínum. Banninu er ætlað að draga úr fólksfjölgun í Kína, þar sem íbúar eru nú þegar á annan milljarð.

Gæti þurft að hætta við sundið

Líkur eru á að Benedikt Lafleur þurfi að hætta við sund sitt yfir Ermasundið. Eftir þrettán klukkustunda vagg í sjónum er hann farinn að finna fyrir sjóveiki, og á því að sögn Hermínu Ólafsdóttur aðstoðarkonu hans erfitt með að koma niður næringu. Hann er því orðinn bæði kaldur og þreyttur.

Kolbrún Sara komin í leitirnar

Kolbrún Sara Runólfsdóttir, 17 ára stúlka sem lýst var eftir í gærkvöldi, er komin í leitirnar.

Banaslys í Skagafirði

Banaslys varð við mynni Norðurárdals í Skagafirði rétt fyrir klukkan sjö í morgun. Ökumaður lítils jeppa sem var að koma ofan af Öxnadalsheiði, velti bíl sínum, rétt við brúna yfir Norðurá. Hann var einn á ferð en vegfarandi tilkynnti lögreglu um slysið. Hann var látinn þegar að var komið. Lögreglumenn eru enn að störfum á vettvangi en ekki er vitað um tildrög slyssins á þessari stundu.

Íslenski safnadagurinn er í dag

Í dag er íslenski safnadagurinn haldinn um allt land. Flest söfn eru með dagskrá í tilefni dagsins og aðgangur er víða ókeypis. Þema dagsins er fyrir alla fjölskylduna.

Líkamsárás á tjaldstæði á Akranesi

Hópur manna gekk í skrokk á tveimur öryggisvörðum á tjaldstæðunum á Akranesi í nótt með þeim afleiðingum að annar rifbeinsbrotnaði. Mikil ölvun og erill var í bænum auk fjölda slagsmála. Íbúi á svæðinu segir ástandið hafa veirð eins og í dýragarði.

Ný undur veraldar valin

Þau eru tignarleg nýju undrin sjö sem valin voru þau mikifenglegustu í veröldinni gjörvallri í netkosningu sem lauk í gær. Úrslitin voru kunngjörð í gærkvöldi.

Mýrin valin besta myndin

Kvikmyndin Mýrin í leikstjórn Baltasar Kormáks var valin besta myndin á kvikmyndahátíðinni í Karlovy Vary í Tékklandi í gær. Baltasar var kominn heim af hátíðinni þegar hann hafi verið kallaður aftur út og sagt að hann yrði verðlaunaður.

130 manns hið minnsta féllu

Að minnst kosti 130 manns féllu og 240 særðust í sjálfsvígssprengjuárás í Amirli í Norður-Írak í gær. Árásin eru sú mannskæðasta í Írak í 3 mánuði.

Viðgerð stendur yfir á heitavatnslögn í Fossvogi

Mikill leki kom að heitavatnslögn sem tengist dælustöð Orkuveitu Reykjavíkur við Eyrarland í Fossvogi í morgun. Í tilkynningu frá Orkuveitunni segir að eftir að lokað var fyrir rennsli um lögnina hafi viðgerð hafist og að hún geti staðið fram eftir degi. Af þessum sökum er heitavatnslaust í nærliggjandi hverfum í Fossvogi.

Ástralir vara við hryðjuverkum

Áströlsk yfirvöld vara þegna sína við því að ferðast til Indónesíu vegna hryðjuverkahættu. Utanríkisráðuneytið varar ferðamenn sérstaklega við stöðum á borð við Bali og Jakarta sem það telur vera líkleg skotmörk. Sprengingar á næturklúbbum á Balí árið 2002 urðu 202 að aldurtila, þar af 88 áströlum.

Eistlendingar heimsmeistarar í eiginkonuburði

Eistlendingar nældu sér bæði í gull og silfurverðlaun á tólfta árlega heimsmeistaramótinu í eiginkonuburði í Finnlandi í gær. Þurftu keppendur að berjast við slagviðri og ofþreytu þar sem þeir klóruðu sig í gegnum 250 metra langa braut sem var alsett hindrunum og pollum, með eiginkonuna á bakinu. Sigurverarnir hlutu plasmasjónvarp og þyngd eiginkonunnar í bjór í verðlaun. Fjörtíu og fjögur pör tóku þátt í keppninni sem fór fram í bænum Sonkajarvi.

Benedikt hálfnaður yfir Ermasundið

Íslendingurinn Benedikt Lafleur er nú hálfnaður á sundi yfir Ermasund sem hófst klukkan fjögur í morgun að íslenskum tíma. Hann gerir ráð fyrir að sundið frá Dover í Englandi til Calais í Frakklandi taki um tuttutu klukkustundir. Samkvæmt aðstoðarmönnum sem fylgja honum á bát gengur sundið vel, veður er gott og sólbjart. Nú syndi hann í frönskum sjó. Benedikt tileinkar sundið baráttunni gegn mansali og klámvæðingu og er áheitasíminn 905 2020. Takist tilraunin er þetta í fyrsta sinn sem íslendingur syndir yfir Ermasundið.

Live Earth lauk í nótt

Live Earth tónleikunum lauk í New Jersey í Bandaríkjunum í nótt þegar söngvarinn Sting og hljómsveit hans The Police stigu á svið og skemmtu gestum.

130 látnir í sjálfsvígsárás

Að minnst kosti 130 manns týndu lífi og 240 særðust í sjálfsvígssprengjuárás í Amirli í Norður-Írak í gær. Tuttugu borgarar eru enn týndir og óttast er að þeir hafi einnig látið lífið í árásinni sem er sú mannskæðasta í Írak síðan í apríl.

Ofursti féll í átökum við Rauðu Moskuna

Ofursti í pakistanska hernum féll í átökum við rótæka stúdenta við Rauðu moskuna í Íslamabad, höfuðborg Pakistans, í morgun. Skotið var á ofurstann þar sem hann leiddi herdeild sem var gert að sprengja gat á vegg moskunnar svo hægt yrði að frelsa hundruð kvenna og barna sem haldið er þar inni.

Ný sjö undur heims

Kínamúrinn, klettaborgin Petra í Jórdaníu, Kristsstyttan í Rio De Janeiro og hringleikahúsið í Róm eru meðal nýrra sjö undra heimsins. Hin þrjú eru fjallaborgin Macchu Picchu, Taj Mahal og forna Mayaborgin Chicken Itza.

Láta tvö hundruð og fimmtíu Palestínumenn lausa

Ísraelska ríkisstjórnin samþykkti í morgun að láta tvö hundruð og fimmtíu Palestínumenn lausa úr fangelsi. Þetta er gert til að styrkja neyðarstjórn Mahmouds Abbas, forseta Palestínumanna, sem skipuð var í síðasta mánuði eftir að liðsmenn Hamas tóku völdin á Gaza-ströndinni og ráku liðsmenn Fatah-hreyfingar Abbas þaðan.

Bíll valt við Sólheima

Bíll valt við Sólheima í Grímsnesi á ellefta tímanum í gærkvöldi. Lögreglan á Selfossi sem og sjúkralið voru kölluð á vettvang. Útlendur karlmaður á þrítugsaldri var einn í bílnum og var nokkuð slasaður. Þyrla Landhelgisgæslunnar, TF-GNÁ, var kölluð til og flaug með manninn á slysadeild Landsspítala háskólasjúkrahúss í Fossvogi. Ekki fengust upplýsingar um líðan mannsins á slysadeild nú rétt fyrir fréttir.

Ellefu bjargað úr sjálfheldu

Ellefu ferðamönnum var bjargað úr sjálfheldu í Þórsmörk í gærkvöldi. Hópurinn hafði gengið yfir Fimmvörðuháls og tók vinstri beygju af Morinsheiði, sem leið lá niður í Hvannárgil. Þegar fólkið var komið sunnarlega í Útgönguhöfða lenti það í sjálfheldu og gat sig illa hrært. Fararstjóri hópsins komst við illan leik úr sjálfheldunni og gat hringt í Neyðarlínuna.

Íslendingar hiti hugsanlega Ólympíuþorpið

Svo gæti farið að íslenskum orkufyrirtækjum yrði falið að sjá um að hita Ólympíuþorpið sem byggt verður fyrir vetrarólympíuleikanna í Sochi í Rússlandi 2014. Möguleikinn var ræddur á fundi í Moskvu fyrir helgi.

Fólkið í skemmtibátnum var orðið skelkað

Fólkið sem bjargað var úr skemmtibáti rétt utan við Akranes í nótt, var orðið mjög skelkað þegar hjálp barst. Óttast var um karlmann sem féll fyrir borð. Skemmtibáturinn Stacy er tæplega tíu metrar að lengd. Níu manns voru um borð í bátnum þegar honum steytti á skeri utan siglingaleiðar um fimm hundruð metra frá landi.

Fjöldi hjónavígsla í dag

Talan sjö er ekki bara talin happatala, hún er af mörgun talin heilög. Þegar hún þrefaldast er búist við mikilli gleði. Dagurinn í dag er því vinsælasti dagurinn til að ganga í hjónaband um víða veröld.

Hjálmar er rauðhærðastur

Rauðhærðasti Íslendingurinn árið 2007 var valinn á Írskum dögum á Akranesi í dag. Hann segist stolur af háralitnum og aldrei hafa óskað sér að vera ekki rauðhærður.

Vináttusamningur undirritaður

Loftferðasamningur milli Íslands og Moskvuborgar var meðal þess sem borgarstjórinn í Reykjavík ræddi á fundi sínum með borgarstjóra í Moskvu í vikunni. Vináttusamningur milli borganna var undirritaður við það tækifæri.

Stórstjörnur stigu á stokk

Stórstjörnur hafa stigið á stokk í öllum álfum í dag til að vekja athygli á þeirri hættu sem steðjar að heiminum vegna loftslagsbreytinga. Live Earth tónleikar vour haldnir í níu stórborgum til styrktar umhverfinu.

11 ferðamenn í sjálfheldu í Hvannagili

Björgunarsveitir Slysavarnafélagsins Landsbjargar eru nú á leið í Þórsmörk eftir að beiðni um aðstoð barst frá hópi 11 ferðamanna sem eru í sjálfheldu í Hvannagili. Þyrla landhelgisgæslunnar hefur einnig verið kölluð út.

Lýst eftir 17 ára stúlku

Lögreglan á Höfuðborgarsvæðinu lýsir eftir 17 ára stúlku, Kolbrúnu Söru Runólfsdóttur. Ekki hefur sést til Kolbrúnar Söru síðan síðastliðinn þriðjudag. Hún er talin vera á höfuðborgarsvæðinu.