Rússar og Íranar ræða kjarnorkumál

Samningaviðræður Rússa og Írana um samvinnu vegna kjarnorkuáætlunar Írana hófust í Moskvu í morgun. Þetta er haft eftir talsmanni öryggisráðs rússneska þingsins. Rússar hafa boðist til þess að auðga úran fyrir Írana og þar með draga úr þeirri alþjóðadeilu sem er uppi vegna kjarnorkuáætlunar stjórnvalda í Teheran.

Sagði þingmanni að hann ætti að skammast sín

Árni M. Mathiesen fjármálaráðherra sagði Kristjáni L. Möller, þingmanni Samfylkingar, að hann ætti að skammast sín í fyrirspurnatíma á Alþingi. Fjármálaráðherra sagði Kristján opinbera það í hvert skipti sem hann færi í ræðustól að hann kynni ekki reikning.

Vilja rannsókn á sölu Búnaðarbankans

Tveir þingmenn stjórnarandstöðunnar óskuðu eftir því við upphaf þingfundar að rannsókn yrði hafin á sölu Búnaðarbankans og blekkingum sem Vilhjálmur Bjarnason, aðjúnkt við Háskóla Íslands, segir kaupendur hafa beitt.

Þurfa bæði að spara kvóta og ná honum öllum

Loðnusjómenn þurfa nú bæði að spara sér kvótann og gæta þess um leið að ná honum öllum því útlit er fyrir að loðnan sé að fara að hrygna og drepast og þar með veiðist ekki meir.

Ráðherra segir óþolandi að samningurinn um flugið sé ekki haldinn

Heilbrigðisráðherra segir það óþolandi að samningur um sjúkraflug frá Vestmannaeyjum sé ekki haldinn. Þrjú tilvik komu upp í síðustu viku þar sem sjúkraflugvél var ekki til staðar í Eyjum þegar á þurfti að halda.

Hagnaður SPRON rúmir fjórir milljarðar

Hagnaður SPRON á síðasta ári nam fjórum koma einum milljarði króna og hefur aldrei verið meiri. Þetta kemur fram í afkomutilkynningu félagsins sem birt var í dag. Hagnaðurinn jókst um 150 prósent á milli ára og nema heildareignir SPRON-samstæðunnar nú 115 milljörðum króna.

Utandagskrárumræða á Alþingi um tálbeitunotkun

Björgvin G. Sigurðsson, þingmaður Samfylkingarinnar, hefur óskað eftir utandagskrárumræðu á Alþingi um heimildir lögreglu til að leita uppi barnaníðinga. Í ljósi umfjöllunar Kompáss á Stöð 2 og NFS í gær um barnaníðinga, og notkun á tálbeitum til að lokka þá fram, þurfi að ræða á vettvangi Alþingis hvort ekki verði að rýmka heimildir lögreglu til að beita því ráði.

Aðeins sekt fyrir að smygla dópi inn á Litla-Hraun

Tvítug stúlka var síðastliðinn föstudag dæmd sek í Héraðsdómi Suðurlands fyrir að smygla tæplega 9 grömmum af amfetamíni inn á Litla-Hraun. Héraðsdómi þótti hæfileg refsing 150.000 króna sekt eða 12 daga fangelsi.

Skýringar Landsflugs ekki fullnægjandi

Þriðja tilvikið þar sem sjúkraflugvél var ekki til staðar í Vestmannaeyjum þegar á þurfti að halda kom upp á föstudag. Skýringar Landsflugs á þessum tilvikum eru engan veginn fullnægjandi, segir bæjarstjórinn í Eyjum.

Ný gögn í Baugsmálinu

Uppnám varð við aðalmeðferð í Baugsmálinu svo kallaða í Héraðsdómi Reykjavíkur í morgun þegar ákæruvaldið lagði fram ný gögn í málinu sem verjendur höfðu ekki séð áður og ákæruvaldið fékk fyrst í hendurnar í gær. Áætlað er að vitnaleiðslur yfir öllum ákærðu í málinu fari fram í dag.

Sign fer í víking

Hljómsveitin Sign er á förum til Bretlands þar sem hún mun koma fram á sínum fyrstu tónleikum utan Íslands þann 28. febrúar. Tónleikarnir fara fram á Barfly í Camden Town í London en þegar hefur töluverður fjöldi blaðamanna og útsendara plötufyrirtækja boðað komu sína á tónleikana.

Jón Ásgeir bar vitni í héraðsdómi í morgun

Verjendur Jóns Ásgeirs Jóhannessonar, Jóhannesar Jónssonar og Kristínar Jóhannesdóttur, mómæltu framlagningu gagna sem Sigurður Tómas Magnússon, sérstakur saksóknari lagði fram við réttarhöld í Baugsmálinu í morgun.

Kennari játar morð á nemanda sínum

Japanskur kennari játaði í morgun á sig morð á einum nemenda sinna. Maðurinn kom fyrir dóm í morgun en hann er ákærður fyrir að hafa ráðist með hnífi á nemendann, tólf ára gamla stúlku, inni í skólastofu og veitt henni banvæn sár.

Hvalaskoðunarbátur vélarvana

Skipstjóri á hvalaskoðunarbát frá Reykjavík óskaði eftir aðstoð björgunarskipsins Ásríms. S. Björnssonar undir kvöld í gær, þar sem vél bátsins hafði stöðvast, líklega af olíuleysi, eftir því sem Frétastofan kemst næst.

Ný gögn lögð fram í Baugsmálinu

Uppnám varð við aðalmeðferð Baugsmálsins í Héraðsdómi Reykjavíkur í morgun þegar ákærandi lagði fram ný gögn í málinu sem tengjast bílainnflutningi tveggja hinna ákærðu, Jóns Ásgeirs Jóhannessonar og Kristínar Jóhannesdóttur. Verjendur óskuðu eftir tíu mínútna réttarhléi, sem nú stendur yfir, til að fara yfir gögnin en óvíst er með framhaldið.

Ný innheimmtumiðstöð opnuð á Blönduósi

Á haustmánuðum ákvað dómsmálaráðherra að flytja innheimtu sekta og sakarkostnaðar á landinu í heild til embættis sýslumannsins á Blönduósi. Markmiðið með þessum breytingum er að samræma, einfalda og efla innheimtu sekta og sakarkostnaðar í öllu landinu.

Ákærum í kynferðisbrotamálum gegn börnum fækkar

Ákærum í kynferðisbrotamálum gegn börnum í Danmörku fækkaði töluvert á síðasta ári miðað við árin á undan. Þetta sýna bráðabirgðatölur lögreglunnar þar í landi. Ákært var í 227 málum í fyrra, eða um helmingi færri en árið 2004 þegar tæplega 460 mál fóru fyrir dómstóla.

Flak þýsku flugvélarinnar fundið

Flak þýsku flugvélarinnar sem hrapaði í norðurhluta Íraks á fimmtudag er fundið. Um borð í vélinni voru fimm Þjóðverjar og einn Íraki og voru þeir allir látnir þegar komið var að vélinni.

Líklega ekki um fuglaflensu að ræða í Finnlandi

Heilbrigðisyfirvöld í Finnlandi greindu frá því í gær að niðurstöður úr sýnum úr hræjum nokkurra svana sem fundust þar í landi bendi ekki til að fuglarnir hafi drepist úr nokkurri gerð fuglaflensu.

Samstarf Rússa og Írana um auðgun úrans

Íranar eru reiðubúnir að fallast á tillögur stjórnvalda í Moskvu um samstarf við auðgun úrans í Rússlandi, ef samkomulag tekst um breytingar á tillögunum í viðræðum sem hefjast í Moskvu í dag.

Skotbardagi fyrir utan skemmtistað í Kaupmannahöfn

Tveir liggja með skotsár á sjúkrahúsi eftir að ágreiningur manna á milli fór úr böndunum fyrir utan skemmtistað í Kaupmannahöfn í gærmorgun. Mennirnir fengu báðir byssukúlu í annan fótinn og þá var þriðji aðili skorinn í andlitið.

Ísraelar afhenda ekki skatta

Ísraelar ætla ekki að afhenda heimastjórn Palestínumanna skatta sem þeir taka af palestínskum verkamönnum. Þá ætla þeir heldur ekki að afhenda þeim tolla sem Ísraelsstjórn innheimtir af vörum sem Palestínumenn flytja inn.

Sextíu og tveggja ára kona frá Californiu ól barn

Sextíu og tveggja ára kona frá Californiu ól barn síðastliðinn föstudag og er hún meðal elstu kvenna sem það hefur gert í heiminum. Janise Wulf átti fyrir 11 börn, 20 barnabörn og þrjú barna barnabörn. Meðganga þessa 12 barns Janise gekk vel framan af, en vegna hækkandi blóðþristings var barnið tekið með keysaraskurði viku fyrir tímann.

Loðnuskip að fikra sig fyrir Garðskaga

Loðnuskipin, sem enn eiga eitthvað eftir af kvóta, eru nú að fikra sig fyrir Garðskaga inn á Faxaflóa á eftir loðnugöngunni, og veiða ekki nema smá slatta í einu til frystingar.

Bin Laden segist ekki verða tekinn höndum lifandi

Osama bin Laden, leiðtogi al Kaída hryðjuverkasamtakanna, heitir því að hann verði aldrei tekinn höndum lifandi og segir Bandaríkjamenn hafa gripið til sömu villimannslegu úrræðanna í Írak og Saddam Hussein, fyrrverandi Íraksforseti. Þetta kemur fram í hljóðupptöku sem birt var á vefsíðu herskárra samtaka í morgun.

Skotið á hús í Fossvogi

Rannsóknadeild lögreglunnar í Reykjavík var kvödd að húsi í Fossvogi undir morgun til að rannsaka skotárás, sem gerð var á hús þar.

Beit nef af kærustu sinni og gleypti það

Rólegt matarboð fjölskyldu í Californíu endaði með hörmungum þegar maður beit nef af kærustu sinni og gleypti það. Jody Bannet kom fram í stofu alblóðug í framan eftir að hafa verið í rifrildum við kærsta sinn og sá þá heimilisfólkið að nefið vantað á hana, lögregla og sjúkralið var kvatt á staðinn og kærastinn hendtekinn.

Skopmyndundunum af Múhameð enn mótmælt

Þúsundir manna komu saman bæði í Pakistan og í Tyrklandi í gær til að mótmæla skopmyndunum af Múhameð spámanni. Lögreglan þurfti að beita táragasi og gúmmíkúlum til að dreifa mannfjöldanum sem hrópaði slagorð gegn Bush Bandaríkjaforseta.

Sögulegar viðræður um framtíð Kosovo-héraðs

Samninganefndir Serba og Kosovo-Albana koma saman til sögulegs fundar í Vín í Austurríki í dag til að ræða framtíð Kosovo-héraðs. Kosovo-Albanir krefjast þess að héraðið fái sjálfstæði frá Serbíu en Serbar segja Kosovo mikilvægan hluta af ríki sínu og vilja halda einhverri stjórn þar.

Óttast um líf 65 námuverkamanna

Óttast er að enginn hafi komist lífs af eftir að gassprenging varð í kolanámu í bænum San Juan de Sabinas, um 135 kílómetra suðvestur af Texas í Bandaríkjunum í gær. Alls eru sextíu og fimm námuverkamenn fastir inni í námunni og hefur ekkert samband náðst við þá þrátt fyrir ítrekaðar tilraunir.

Ættu að krefjast þess að Bandaríkjamenn loki Guantanamo

Ríkisstjórn Íslands ætti að krefjast þess að Guantanamo-fangelsinu verði lokað. Þetta sagði Jónína Bjartmarz, þingmaður Framsóknarflokksins í Silfri Egils í dag. Jónína Bjartmarz var gestur Egils í Silfri Egils í dag

Silvía Nótt til Aþenu?

Þótt Silvía Nótt hafi sigrað í keppninni um framlag Íslands í söngvakeppni Evrópskra sjónvarpsstöðva er óvíst að hún flytji lagið í Aþenu því kærumál gegn laginu er enn í gangi. Margir hafa líkt athyglinni sem lagið og flytjandinn hafa fengið við farsa.

Eyþór Arnalds vann yfirburðarsigur í Árborg

Eyþór Arnalds fyrrverandi varaborgarfulltrúi Sjálfstæðisflokksins í Reykjavík, vann yfirburðarsigur í prófkjöri flokksins í Árborg. Sitjandi leiðtoga var afdráttarlaust hafnað. Jóhannes Gunnar Bjarnason er nýr leiðtogi Framsóknarflokks á Akureyri.

Sóðaleg viðskipti

Vilhjálmur Bjarnason aðjúnkt í viðskiptafræði segir að S-hópurinn hafi beitt blekkingum þegar hann keypti Búnaðarbankann. Hann segir að viðskiptin hafi verið sóðaleg og rannsókn á þeim eigi að fara fram.

OR segir Landvernd ganga of langt í andstöðunni

Alfreð Þorsteinsson, stjórnarformaður Orkuveitu Reykjavíkur líkir andstöðu Landverndar við framkvæmdir í Kerlingarfjöllum við umhverfisverndarsamtökin sem sneru sér að því að fá bann við þorskveiðum þegar þeim hafði tekist að stöðva hvalveiðar.

Vilja hindra að Big-Ben fái Úlfarsfellslóðirnar

Meirihlutinn í borginni ætlar að leita allra leiða til þess að hnekkja þeirri niðurstöðu að allar einbýlishúsalóðirnar við Úlfarsfell, nema ein, fari til sama mannsins. Árni Þór Sigurðsson, borgarfulltrúi Vinstri-grænna telur að þessi niðurstaða hafi verið fyrirséð og vill endurtaka lóðaúthlutunina og láta draga um hver fái lóðirnar.

Langstærsti þjóðgarður Evrópu í burðarliðnum

Allt stefnir í að langstærsti þjóðgarður í Evrópu verði að veruleika á Íslandi á næstu árum. Umhverfisráðherra stefnir að því að leggja fram frumvarp um svokallaðan Vatnajökulsþjóðgarð næsta haust. Hann myndi ná allt frá Skaftafelli í suðri til Ásbirgis í norðri.

Mesta mannfall vegna skopteikninganna hingað til

Sextán manns létust í hörðum átökum sem brutust út í Nígeríu í gær vegna skopteikninganna af Múhammeð spámanni. Ekki sér enn fyrir endann á afleiðingunum af myndbirtingum Jótlandspóstsins og átökin í Nígeríu í gær eru þau mannskæðustu hingað til.

6 létust í flugslysi í Írak á fimmtudaginn

Sex lík fundust í morgun í braki lítillar flugvélar sem hrapaði í norðurhluta Íraks á fimtudaginn. Um borð í vélinni voru þrír Þjóðverjar og einn Íraki, en þjóðerni hinna tveggja sem létust er ekki þekkt.

Tveir fundust á lífi

Tveir fundust á lífi í morgun í rústum þorpsins Guinsaugon á Filippseyjum, eftir aurskriðurnar á föstudag. Vinna er hafin við að grafa upp barnaskóla þorpsins, þar sem 250 börn urðu undir tíu metra þykkri eðjunni. Útilokað þykir að nokkurt þeirra sé á lífi.

Ætla að mótmæla skerðingu náms

Nemendur Menntaskólans á Akureyri hyggjast fella niður nám á miðvikudaginn í næstu viku, til að mótmæla skerðingu náms til stúdentsprófs.

Harður árekstur tveggja bíla

Tveir voru fluttir á slysadeild með minniháttar meiðsl eftir harðan árekstur tveggja bíla á mótum Breiðholtsbrautar og Reykjanesbrautar um klukkan hálftvö í nótt. Fleiri voru í bílunum, en þeir sluppu ómeiddir. Grunur leikur á að ökumaður annars bílsins hafi verið ölvaður. Töluverð olía lak úr bílunum eftir áreksturinn og slökkvilið höfuðborgarsvæðisins var kallað á vettvang til að hreinsa veginn.

Tveir í haldi grunaðir um sölu fíkniefna

Tveir menn eru í haldi lögreglunnar á Ísafirði grunaðir um sölu á hassi. Mennirnir voru handteknir um tíuleytið í gærmorgun í Ísafjarðardjúpi, þar sem þeir voru á leiðinni akandi til Ísafjarðarbæjar.

Ofsaakstur á Kjalarnesi

Lögreglan á Akranesi stöðvaði ungan ökumann fyrir ofsaakstur á Kjalarnesi í gær en hann mældist á 170 kílómetra hraða á klukkustund. Ökumaðurinn var nýkominn með fullnaðarskírteini en hefur nú sviptur því til bráðabirgða.

Gerður Kristný fékk Blaðamannaverðlaun Íslands

Gerður Kristný Guðjónsdóttir fékk Blaðamannaverðlaun Íslands fyrir bók sína Myndin af pabba en verðlaunin voru afhent í gærkvöldi. Bókin segir af lífi Thelmu Ásdísardóttur og systra hennar en við gerð bókarinnar lagðist Gerður Kristný í ítarlegar rannsóknir á lífi þeirra.