Eyþór Arnalds vann yfirburðarsigur

Eyþór Arnalds vann yfirburðarsigur í prófkjöri Sjálfstæðisflokksins í Árborg, en sitjandi oddvita flokksins hafnað. Jóhannes Bjarnason mun leiða Framsóknarmenn á Akureyri í sveitarstjórnarkosningunum í vor. Eyþór, sem er fyrrverandi varaborgarfulltrúi Sjálfstæðisflokksins í Reykjavík kom, sá og sigraði í sínu fyrsta framboði í Árborg.

Silvía Nótt sigraði forkeppnina

Til hamingju Ísland í flutningi Silvíu Nætur verður framlag Íslendinga í söngvakeppni Evrópskra sjónvarpsstöðva sem haldin verður í Aþenu í maí. Það kom fáum á óvart að lagið vann yfirburðarsigur í forkeppni söngvakeppninnar sem haldin var í gær. Lagið hlaut meira en sjötíu þúsund atkvæði af þeim rúmlega hundraðþúsund atkvæðum sem bárust.

Tveir á slysadeild eftir harðan árekstur

Tveir voru fluttir á slysadeild með minniháttar meiðsl eftir harðan árekstur tveggja bíla á mótum Breiðholtsbrautar og Reykjanesbrautar um klukkan hálftvö í nótt.

Blaðamannaverðlaunin 2005

Gerður Kristný Guðjónsdóttir hlaut Blaðamannaverðlaun ársins fyrir óhefðbundna blaðamennsku og ítarlegar rannsóknir við skrif á sögu Thelmu Ásdísardóttur „Myndin af pabba".

Tónlistarnemar segja brotið á sér

Tónlistarnemar segja sveitarfélögin beita tónlistarnemendum fyrir sig gegn ríkinu í deilunni um niðurgreiðslur til tónlistarnáms. Þeir hafa lagt fram stjórnsýslukæru.

Borgarstjóri kannar lóðaútboð

Steinunn Valdís Ósakarsdóttir, borgarstjóri segir að það verði brugðist við eftir helgi við þeim tíðindum að byggingarverktaki fær að óbreyttu - sem einstaklingur allar einbýlishúsalóðirnar við Úlfarsfell, nema eina. Sá maður er byggingarverktaki en hann bauð í lóðirnar sem einstaklingur. Verktökum var meinað að bjóða í lóðirnar.

Hvalveiði þjóðir að ná yfirhöndinni

Umhverfisráðherra Ástralíu segir hvalveiðiþjóðir vera að ná yfirhöndinni í Alþjóðahvalveiðiráðinu. Skrifstofustjóri alþjóðaskrifstofu sjávarútvegsráðuneytisins segir þetta herbragð hjá ráðherranum.

Minna slasaður en í fyrstu var talið

TF-Sif, þyrla Landhelgisgæslunnar, sótti nú síðdegis vélsleðamann sem hafði slasast á Langjökli. Í fyrstu var talið að maðurinn væri alvarlega slasaður en hann kastaðist af sleða sínum.

Landvernd á móti raski í Kerlingarfjöllum

Landvernd leggst gegn því að við nokkru sé hróflað í Kerlingarfjöllum og vill ekki að Orkuveita Reykjavíkur fái leyfi til að bora þar tilraunaholur vegna mögulegrar jarðvarmavirkjunar. Þetta er nokkurt nýmæli en til þessa hafa umhverfisverndarsinnar fremur kosið jarðvarmaver í stað vatnsorkuvera, enda minna landsvæði sem spillist.

Gestir Dvalar safna fyrir utanlandsferð

Gestir í Dvöl, athvarfi fyrir geðfatlaða, seldu föt og ýmsan varning á fatamarkaði í sjálfboðamiðstöð Kópavogsdeildar Rauða krossins í dag. Allur ágóði rennur í ferðasjóð en nokkrir gesta Dvalar eru á leið til Króatíu í vor, ásamt starfsmönnum.

Eyþór Arnalds efstur

Eyþór Arnalds er efstur í prófkjöri Sjálfstæðisflokksins í Árborg, miðað við fyrstu tölur, en samkvæmt þeim er núverandi oddvita flokksins hafnað. Á sjöunda hundrað manna hafa greitt atkvæði í prófkjöri Framsóknarflokksins á Akureyri.

Þorkell Þorkelsson á bestu mynd ársins

Blaðaljósmyndarafélag Íslands verðlaunaði félaga sína fyrir vel unnin störf í Gerðarsafni í Kópavogi í dag þar sem sýning á bestu ljósmyndum síðasta árs var opnuð. Þorkell Þorkelsson tók mynd ársins og Ragnar Axelsson á fréttamynd ársins.

Þyrlan að sækja alvarlega slasaðan vélsleðamann

Þyrla Landhelgisgæslunnar er nú á leið að sækja slasaðan vélsleðamann. Slysið átti sér stað upp á Langjökli og er vélsleðamaðurinn talinn alvarlega slasaður. Þyrlan bíður nú í Reykholti eftir að komið verði með manninn þangað en slysið átti sér stað rétt eftir klukkan fjögur.

Vilja að stjórnarskrárnefnd geri tillögur um aðskilnað ríkis og kirkju

Samtök um aðskilnað ríkis og kirkju skora á stjórnarskrárnefnd að taka skýra afstöðu til aðskilnaðs ríkis og kirkju við endurskoðun stjórnaskrárinnar. Um mannréttindamál sé að ræða en mati samtakanna verður sextugasta og önnur grein stjórnarskrárinnar er lítur að Þjóðkirkjunni að víkja.

Snjóflóðahætta á Tröllaskaga

Veðurstofa Íslands varar við snjóflóðum á Tröllaskaga. Þeim tilmælum er beint til vélsleðamanna á norðanverðum Tröllaskaga að sýna fulla aðgát á ferðum um fjalllendið þar í dag.

Eldur í stjórnstöð skíðalyftu

Slökkviliðið á Ólafsvík var kallað út um klukkan hálf eitt í dag vegna bruna í stjórnstöð skíðalyftunnar við bæinn. Brunan má rekja til fikts í börnum en greiðlega gekk að slökkva eldinn og er tjónið lítið.

Hallar á hlut kvenna í sveitarstjórnum á Vestfjörðum

Hlutfall kvenna í sveitarstjórnum á Vestfjörðum er 37% en konur eru færri en karlar í öllum sveitastjórnum Vestfjarða nema í Broddaneshreppi. Á fréttavefnum Bæjarins besta kemur fram að hlutfall kvenna hafi aukist smám saman á síðastliðnum fimmtíu árum. Þá hefur hlutfall kvenna einnig aukist samhliða fækkun sveitafélaga. Aðeins 25 konur eru oddvitar af 98 oddvitum sveitafélaganna.

Landvernd á móti jarðraski við Kerlingafjöll

Landvernd leggst alfarið gegn því að útvistarsvæðinu í Kerlingarfjöllum verði raskað með tilraunaborholum vegna hugsanlegrar jarðvarmavirkjunar.

Ófært yfir Eyrarfjall

Vegir er víða auðir um sunnanvert landið en þó eru hálkublettir á Hellisheiði. Hálka, hálkublettir eða snjóþekja er sumsstaðar á Vesturlandi og Vestfjörðum. Þá er ófært yfir Eyrarfjall. Einhver hálka og hálkublettir eru víða um norðan- og austanvert landið, einkum á fjallvegum en helstu leiðir eru færar.

Tíu manns fórust í mótmælum í Líbýu

Að minnsta kosti tíu manns létust í mótmælum múslima við ítalska sendiráðið í Líbýu í gærkvöldi.

Prófkjör á Akureyri og í Árborg í dag

Sjálfstæðismenn í Árborg og Framsóknarmenn á Akureyri velja í dag frambjóðendur sína fyrir sveitarstjórnarkosningarnar í vor. Ljóst er að breytingar verða á oddvitasveit beggja flokka.

Bauð í allar lóðir nema eina

Byggingarverktakinn Benedikt Jósepsson sem bauð í allar einbýlishúsalóðirnar við Úlfarsfell nema eina - fær að kaupa þær ef hann getur fjármagnað þær.

Lítil von með að finna fólk á lífi

Björgunarsveitir eygja litla von til að finna fleiri á lífi eftir aurskriðurnar í Guinsaugon á Filippseyjum. Aðstæður til leitar eru afar erfiðar og enn er hætta á fleiri aurskriðum.

Leki kom að bát í Hafnarfjarðarhöfn

Leki kom að bát sem var á siglingu út úr Hafnarfjarðarhöfn í morgun og var honum snúið við. Slökkvilið höfuðborgarsvæðisins var kallað út um átta leitið til að dæla úr bátnum og var það mætt að smábátahöfninni stuttu síðar. Verið er að vinna við að dæla úr bátnum og kafarar eru að reyna að þétta gatið.

Kominn í leitirnar

Þroskaskertur karlmaður á miðjum aldri sem saknað hafði verið í síðan í gær er kominn í leitirnar, heill á húfi. Hann fannst um átta leytið í morgun á Álftanesi en hans hafði þá verið leitað í rúmlega hálfan sólarhring.

Tindastóll opinn í dag

Skíðafólk norðan heiða ætti að geta gert sér glaðan dag í Tindastól í dag en fjallið verður opið frá 12 til 5. Lyftan verður opin en aðstæður eru með því besta í dag, púðursnjór, sunnan þrír metrar á sekúndu og tveggja stiga frost.

Mannfall í mótmælum í Líbíu

Ekki er vitað hve margir létu lífið í átökum mótmælenda og lögreglu fyrir utan ræðismannsskrifstofu Ítala í borginni Benghazi í Líbíu í kvöld. Fyrstu fregnir hermdu að níu hefðu látið lífið og hátt í 60 særst en það hefur ekki fengist staðfest.

Rúmlega 8 tonn af kókaíni haldlögð

Portúgalska lögreglan lagði í dag hald á meira en átta tonn af kókaíni sem er það mesta sem hefur verið haldlagt þar í landi í einu. Lögreglan lagði til atlögu gegn glæpagengi á Algarve í suður hluta landsins.

Olíuleiðsla í Írak sprengd

Sprenging varð í dag í olíuleiðslu sem flytur hráolíu frá olíusvæðum í Kirkuk í Írak til olíuhreinsunarstöðvar í höfuðborginni Bagdad. Þetta er aðal olíuleiðslan á þessu svæði og segir íraska lögreglan að uppreisnarmenn beri ábyrgð á sprengingunni.

Vatnsleki á Hótel Borg

Slökkvilið höfuðborgarsvæðisins var kallað út upp úr klukkan níu í kvöld vegna vatnsleka á Hótel Borg. Vatn flæddi inn í tvö herbergi og vatnið var byrjað að leka niður um gólfið niður í veislusalinn á hótelinu. Framvkæmdir eru í gangi í hótelinu þessa dagana og svo virðist sem mannleg mistök hafi orsakað lekann. Slökkviliðsmönnum tókst að stöðva lekann á innan við klukkutíma.

Leikskóli fyrir pandabirni

Leikskóli fyrir pandabirni var opnaður í Suður-Kína í gær. Það eru aðstandendur stærstu uppeldisstöðvar pandabjarna þar í landi sem reka skólann og segja hann þann fyrsta sinnar tegundar í heimi.

Dagsbrún enn áhugasöm um Orkla Media

Eigendur Orkla Media fjölmiðlarisans eru reiðubúnir að hlusta á tilboð í félagið, að því er norskir fjölmiðlar greina frá í dag. Forstjóri Dagsbrúnar segir stjórn fyrirtækisins enn áhugasama um Orkla.

Landsflug krafið skýringa

Heilbrigðisráðuneyti og bæjarstjórn Vestmannaeyjabæjar hafa krafið Landsflug um skýringar á því hvers vegna sjúkraflugvél hafi ekki verið til staðar tvívegis á tveimur dögum þegar hennar var þörf. Framkvæmdastjóri Landsflugs segir félagið hafa staðið við skuldbindingar sínar og auk þess hafi ekki verið um bráðaútköll að ræða í umræddum tilvikum.

Dagsbrún vill að RÚV dragi sig út af auglýsingamarkaði

Ríkisútvarpið á að draga sig út af auglýsingamarkaði, sagði Þórdís J. Sigurðardóttir, stjórnarformaður Dagsbrúnar hf., á aðalfundi félagsins sem fram fór í dag. Þórdís segir það ótrúlegt að afskipti ríkisvaldsins eða aðgerðarleysi myndi reynast fyrirtækinu þrándur í götu, á sama tíma og það væri í mikilli sókn.

Fjórtán og hálfs árs fangelsi fyrir manndráp

Héraðsdómur Reykjavíkur hefur dæmt Sigurð Frey Kristmundsson í fjórtán og hálfs árs fangelsi fyrir að verða Braga Halldórssyni að bana. Sigurður Freyr stakk fórnarlamb sitt til bana í húsi við Hverfisgötu í Reykjavík í ágúst á síðasta ári.

Jón Gerald fór með hreinan spuna

Jón Gerald Sullenberger fór með hreinan spuna við yfirheyrslur hjá lögreglu. Þetta segir fyrrverandi tengdasonur Jóhannesar Jónssonar í Bónus, en hann rak Pizza Hut, sem var í eigu fjölskyldunnar og átti í viðskiptum við Jón Gerald.

Forsætisráðherra fundar með Tony Blair

Halldór Ásgrímsson forsætisráðherra og Sigurjóna Sigurðardóttir eiginkona hans halda til Bretlands á þriðjudag næstkomandi þar sem forsætisráherra mun meðal annars eiga fund með Tony Blair, forsætisráðherra Bretlands. Þá mun forsætisráðherra einnig heimsækja íslensk fyrirtæki og ávarpa fulltrúa úr bresku fjármála- og atvinnulífi. Heimsókn þeirra hjóna lýkur síðdegis á föstudag.

Vilja vinna hjá Ryanair

Á þriðja hundrað flugmenn skandinavíska flugfélagsins SAS hafa leitað eftir vinnu hjá Ryanair að undanförnu. Ryanair hyggst ráða eitt þúsund flugmenn vegna fjölda flugvélakaupa að undanförnu.

Fuglaflensan komin til Frakklands

Fuglaflensa hefur greinst í andarhræi í Austur-Frakklandi. Talið er líklegt að flesan sé af hinum hættulega H5N1 stofni en það hefur ekki fengist staðfest.

Nokkur afskipti af umferðaróhöppum og hraðakstri

14 umferðaróhöpp voru tilkynnt til lögreglu í umdæmi Áltanes, Garðabæ og Hafnarfirði í vikunni. Þá var ökumaður bifreiðar, sem lenti í hörðum þriggja bíla árekstri, fluttur á slysadeild til rannsóknar. Á miðvikudag var mjög alvarlegt umferðarslys á Bæjarbraut í Garðabæ þar sem ekið var á 16 ára gamla stúlku sem var gangandi.

Þrír áfram í gæsluvarðahaldi vegna innflutnings á fíkniefnum

Litháarnir tveir, sem úrskurðaðir voru í gæsluvarðhald vegna innflutnings á amfetamíni í fljótandi formi fyrir stuttu, voru í dag úrskurðaðir í áframhaldandi gæsluvarðhald til föstudagsins 24. febrúar. Þá hefur einnig gæsluvarðhaldi verið framlengt yfir ungum manni sem sakaður er um innflutning á tæplega fjórum kílóum af amfetamíni.

Landvernd á móti tilraunaborholum í Kerlingafjöllum

Landvernd telur að hafna beri umsókn um tilraunaborholur vegna hugsanlegra jarðvarmamannvirkja í Kerlingafjöllum. Þetta kemur fram í yfirlýsingu sem samtökin sendu frá sér í dag. Í yfirlýsingunni segir að hætta sé á að jarðborununum fylgi óafturkræf náttúrupspjöll.

Þrjá bílveltur á svipuðum slóðum

Þrjár bílveltur urðu í gærkvöldi og nótt í umdæmi lögreglunnar á Blönduósi. Tveir bílanna fóru útaf þjóðveginum í Langadal en slæmt veður, blinbylur og hálka var á þessum slóðum þegar bílarnir fóru útaf veginum. Annar bíllinn lenti hálfur ofan í tjörn en engann sakaði. Bílarnir eru nokkuð skemmdir.

Línuhönnun fyrsta ráðgjafafyrirtækið sem fær umhverfisvottun

Fyrsta umhverfisvottun sem íslenskt ráðgjafafyrirtæki fær var afhent í dag og var það Línuhönnun sem hana hlaut. Framkvæmdastjóri fyrirtækisins segir að með vottuninni sé ákveðnu markmiði náð.

Orkla til sölu

Norska, fjölmiðlafyrirtækið Orkla Media, sem rekur meðal annars dönsku blöðin Berlingske Tidene, BT og Weekendavisen, er til sölu. Að því er fram kemur á norska fréttavefnum NTB hefur stjórn félagsins ákveðið að hlusta á tilboð í samsteypuna í heild sinni eða að hluta. Dagsbrún, móðurfélag 365 miðla, og norska blaðið Dagbladet hafa sýnt fyrirtækinu áhuga.