Seldi ættingja eign

Fasteignasali sem seldi syni sínum íbúð braut gegn lögum um sölu fasteigna samkvæmt áliti eftirlitsnefndar Félags fasteignasala. Nefndin skorar á fasteignasalann að bæta þegar ráð sitt. Er sú áskorun nokkurs konar gult spjald og undanfari áminningar, en hún breytir hins vegar engu um sölu eignarinnar.

Actavis getur framleitt flensulyf ef neyðarástand skapast

Actavis er eina íslenska lyfjafyrirtækið sem getur hafið framleiðslu flensulyfja fram hjá einkaleyfum ef neyðarástand skapast. Margt er þó óljóst í sambandi við framkvæmdina, og þá hversu langan tíma tæki að koma framleiðslu af stað.

Land grær meira en það eyðist

Söguleg tímamót hafa orðið í gróðurfari Íslands. Í fyrsta sinn frá landnámi hefur það nú gerst að landið grær meira en það eyðist. Þetta er mat helstu sérfræðinga á þessu sviði.

Blair galt afhroð í fyrsta sinn

Í fyrsta sinn frá því að Tony Blair varð forsætisráðherra Bretlands galt hann í dag afhroð í þinginu. Þingmenn höfnuðu með afgerandi hætti drögum Blairs að hryðjuverkalögum þrátt fyrir ákafar tilraunir hans til að telja þingheimi hughvarf.

Írakskir dagar á Ísafirði

Íröks menning verður í hávegum höfð á írökskum dögum sem haldnir verða á Ísafirði næstkomandi helgi. Matur, menning, ljóð og tónlist er meðal þess sem verður á dagskrá um helgina.

16 ára fangelsi fyrir manndráp

Phu Tién Nguyén var í dag dæmdur í Héraðsdómi Reykjaness í 16 ára fangelsi fyrir að hafa banað Vu Van Peng með hnífi í íbúð í Hlíðarhjalla þann 15. maí síðastliðinn. Dómurinn féllst ekki á skýringar mannsins um að um óviljaverk hefði verið að ræða, en Vu Van Peng lést eftir að hafa hlotið fjölmargar hnífstungur og aðra áverka.

Lagabreyting á stöðu, stjórn og starfsháttum þjóðkirkjunnar

Frumvarp um breytingu á lögum um stöðu, stjórn og starfshætti þjóðkirkjunnar var lagt fram á ríkistjórnarfundi í gær, samkvæmt tilmælum frá Kirkjuþingi. Þar er lagt til að Kirkjuþing hafi vald til að skipa kjördæmum með sama hætti og sóknum, prestaköllum og prófastsdæmum. Þá segir að ef breyta eigi kosningafyrirkomulagi eða skipan kjördæma kosti það lagabreytingu í dag.

Hátt í fjórtán hundruð kanínur skotnar

Á síðustu tveimur árum hafa hátt í fjórtán hundruð kanínur verið skotnar í Vestmannaeyjum. Villtar kanínur í Vestmannaeyjum eru umhverfisslys að mati Magnús Þórs Hafsteinssonar, þingmanns Frjálslynda flokksins.

Umhverfisráðherra setur skilyrði vegna framkvæmdanna

Umhverfisráðherra hefur staðfest úrskurð Skipulagsstofnunar um mat á umhverfisáhrifum fyrsta áfanga Sundabrautar og landfyllingar við Gufunes. Hann setur þó skilyrði vegna framkvæmdanna um samráð við íbúa Hamrahverfis og við hafnaryfirvöld og hagsmunaaðila í Sundahöfn.

Hundaeigendur taka til hendinni

Hundaeigendur á höfuðborgarsvæðinu munu koma saman á Geirsnefi næstkomandi laugardag til skítatínslu. Einum hundaeiganda blöskrar hversu óduglegir hundeigendur væru að þrífa upp hægðir hunda sinna og hefur því hvatt hundaeigendur til að hittast og taka svæðið í gegn.

Óhollusta í framhaldsskólum

Menntamálaráðuneytið mun ekki beita sér með beinum hætti geng því að óhollusta verði í boði í framhaldsskólum. Fjórðungur framhaldsskóla í landinu er ekki með mötuneyti en allir framhaldskólarnir bjóða hins vegar upp á sælgæti og gos til sölu.

Baugsmálið tekið fyrir á mánudag

Ákæruliðirnir átta sem eftir standa í Baugsmálinu verða teknir fyrir í Héraðsdómi Reykjavíkur á mánudag. Ákæruliðirnir varða meint brot á almennum hegningarlögum, tollalagabrot og lög um ársreikninga.

Staðfest að stúlka lést úr fuglaflensu í Indónesíu

Staðfest hefur verið að banamein 16 ára indónesískrar stúlku sem lést gær, hafi verið fuglaflensa og er hún þar með sjötta fórnarlamb veikinnar í Indónesíu, en alls hafa tíu greinst með flensuna í landinu.

Mótmæla vægri refsingu

Landssamband lögreglumanna harmar óeðlilega væga refsingu héraðsdóms Reykjavíkur í gær yfir manni sem ákærður var fyrir fólskulega árás á tvo lögreglumenn í gær.

Átta fyrirtæki hækka umfram Úrvalsvísitölu

Það sem af er fjórða ársfjórðungi hefur Úrvalsvísitala Kauphallar Íslands hækkað um eitt prósent. Átta félög hafa hækkað umfram vísitöluna og hefur Össur leitt hækkunina með tæplega sextán prósenta hækkun. Þetta kemur fram í Greiningu Íslandsbanka.

Mæla með aðild Makedóníu að Evrópusambandinu

Framkvæmdastjórn Evrópusambandsins lagði til í dag að Makedóníu yrði veitt aðild að Evrópusambandinu, aðeins fjórum árum eftir að landið var á barmi borgarastyrjaldar.

Lestarslys í norðurhluta Indlands

Að minnsta kosti fimm létu lífið þegar yfirfull farþegalest og flutningalest rákust saman í norðurhluta Indlands í dag. Lögregla á staðnum segir enn fjölda fólks fastan í flaki eins vagnanna sem kramdist undir flutningalestinni, en áreksturinn var svo harður að fjórir farþegavagnar fóru út af sporinu. Því er óttast að tala látinna eigi eftir að hækka.

Átján mánaða fangelsi fyrir ýmis ofbeldisbrot

Þrjátíu og níu ára karlmaður var dæmdur í Héraðsdómi Reykjavíkur í gær fyrir eignaspjöll, hótanir og líkamsárásir. Atvikin sem um ræðir beindust gegn fyrrverandi eiginkonu mannsins, fryrrverandi tengdaforeldrum, bróður hennar og einnig lögreglumönnum. Hann var ákærður fyrir að hafa kastað stóru grjóti inn um glugga íbúðar fyrrverandi mágs síns og einnig rispað bíl hans. Þegar lögregla hugðist yfirheyra manninn réðst hann að þeim með hnífi og stakk einn lögregluþjóninn í lærið.

Mýs naga sig í gegnum plast á heyrúllum

Mýs eru komnar upp á lag með að naga sig í gegnum plastið utan um heyrúlllur bænda og gera sér jafnvel híbýli í þeim. Hjalti Guðmundsson, meindýraeyðir við Eyjafjörð, greinir frá því í Bændablaðinu að þær eigi það til að safna eitri, sem lagt hefur verið fyrir þær, í stað þess að éta það, og koma sér upp einskonar forðabúri af því inni í heyrúllunum, sem geti reynst öðrum skepnum hættulegt ef þær éta það.

Bandaríkjaher segist hafa yfirbugað uppreisnarmenn í Qusayba

Bandaríski herinn segist hafa náð að handtaka eða drepa alla uppreisnarmenn í borginni Qusayba við landamæri Sýrlands.

Skipa sérstaka ritnefnd til að leysa ágreining

Útgefendur Læknablaðsins ætla að skipa sérstaka ritnefnd sem ætlað er að leysa ágreining sem ekki varð leystur í fráfarandi ritstjórn, vegna skrifa í blaðið um afleysingar Kára Stefánssonar, forstjóra deCode, á taugalækingadeild Landspítalans í sumar. Unnið er að því að skipa nýja ritstjórn.

Komast ekki á sjó vegna manneklu

Dæmi eru um að fiskiskip komist ekki á sjó þar sem ekki tekst að manna þau vegna óánægju með stöðugt lélegri laun á sama tíma og laun annarra launþega fari hækkandi.

Óeirðir færast í vöxt utan Frakklands

Útgöngubann og hert löggæsla skilaði tilætluðum árangri í París í nótt. Í öðrum borgum landsins og nokkrum borgum í Þýskalandi og Belgíu hafa óeirðir hins vegar færst í vöxt.

Samkynhneigð er synd segja dönsk trúarsamtök

Átta samtök innan dönsku þjóðkirkjunnar segja samkynhneigð synd. Því til sönnunar vitna þau í Biblíuna í nýjum bæklingi sem þau hafa gefið út. Einnig er bæklingurinn birtur á heimasíðu þjóðkirkjunnar.

Breytingartillaga að lögum um vátryggingar

Frumvarp til laga um breytingar á lögum um vátryggingarsamninga var lagt fram á ríkistjórnarfundi í gær. Þar er lagt til að gerður verði skýrari greinarmunur á svonefndum heilsutryggingum án uppsagnarréttar annars vegar og áhættulíftryggingum hins vegar.

Í efstu og neðstu sætum á OECD lista um heilbrigðismál

Ísland er ýmist í efstu eða neðstu sætunum á nýjum lista OECD yfir útgjöld til heilbrigðismála. Ísland eyðir miklu til heilbrigðismála en litlu í forvarnir.

Sjúkraliðar semja við sameignarstofnanir

Sjúkraliðafélag Íslands skrifaði í gær undir kjarasamning við Samtök fyrirtækja í heilbrigðisþjónustu. Kjarasamningurinn gildir frá 1. júní 2005 til 30. apríl 2008.

Tvísýnt um örlög hryðjuverkafrumvarps í Bretlandi

Bæði Gordon Brown, fjármálaráðherra Bretlands, og Jack Straw, utanríkisráðherra landsins, hafa verið kallaðir heim frá útlöndum til þess að taka þátt í mikilvægri atkvæðagreiðslu um umdeilt frumvarp bresku stjórnarinnar um varnir gegn hryðjuverkum sem bera á undir breska þingið í dag.

Nýr grunnskóli vígður í Reykjanesbæ

Akurskóli, nýr grunnskóli í nýju Tjarnahverfi í Reykjanesbæ, verður vígður formlega klukkan sex í dag. Fyrsti áfangi skólans var tekinn í notkun nú í haust. Allt að 1500 nýir íbúar eru í þann mund að flytja inn í hverfið.

Enn engin svör vegna meints fangaflugs

Íslenskum stjórnvöldum hafa enn engin svör borist frá bandarískum stjörnvöldum vegna fangaflugsins svokallaða. Halldór Ásgrímsson segir aldrei spurt um farþega í vélum sem hér fari um í borgaralegu flugi. Aðalatriðið nú sé hvort ólögleg fangelsi finnist í Evrópu.

Rannsakar hryðjuverkaspólur sem dreift var í moskum

Lögregla í Vestur-Yorkshire á Bretlandi rannsakar nú hvort myndböndum og DVD-diskum þar sem hvatt er til hryðjverka og ofbeldis hafi verið dreift í tveimur moskum í bænum Dewsbury um helgina.

Hamingjusamir jafna sig fyrr á flensu

Fólk sem er í hamingjusömu sambandi á auðveldara með að sigrast á flensu en þeir sem eru ósáttir í hjónabandi. Niðurstöður nýrrar rannsóknar lækna í Birmingham benda til þess að bein fylgni sé á milli hamingju í hjónabandi og þess hve fljótt fólk jafnar sig af flensu.

Enginn ágreiningur milli ASÍ og SA um lög fyrir starfsmannaleigur

Grétar Þorsteinsson, forseti ASÍ, segir það miður að nefnd um starfsemi starfsmannaleiga hafi starfað í rúmt ár án niðurstöðu. Hann hafnar því þó að ágreiningur sé milli ASÍ og Samtaka Atvinnulífs í nefndinni. Félagsmálaráðherra hefur lofað lögum fyrir jól.

Halldór segir málið alþjóðamál

Íslenskum stjórnvöldum hafa enn engin svör borist frá bandarískum stjörnvöldum vegna fangaflugsins svokallaða. Halldór Ásgrímsson segir aldrei spurt um farþega í vélum sem hér fari um í borgaralegu flugi. Aðalatriðið nú sé hvort ólögleg fangelsi finnist í Evrópu.

Ágreingingur ekki ástæða tafa

Grétar Þorsteinsson formaður ASÍ segir það miður að nefnd um starfsemi starfsmannaleiga hafi starfað í rúmt ár án niðurstöðu. Hann hafnar því þó að ágreiningur sé milli ASÍ og Samtaka Atvinnulífs í nefndinni. Félagsmálaráðherra hefur lofað lögum fyrir jól.

Ekki dulbúin einkavæðing

Halldór Ásgrímsson segir að ekki standi til að selja Ríkisútvarpið. Hann vísar fullyrðingum Kristins H Gunnarssonar, þingmanns Framsóknarflokksins, þess efnis að boðuð formbreyting á rekstri RÚV sé dulbúin einkavæðing alfarið á bug.

Ágreiningur um tekjutengingu

Talsmenn stéttarfélaganna gengu bjartsýnni af fundi með forystumönnum ríkisstjórnarinnar í gær. Þó ekkert virðist enn í hendi í viðræðum um hugsanlega uppsögn kjarasamninga virðist nokkuð hafa þokast. Formaður ASÍ vonast til að Samtök Atvinnulífs samþykki tekjutengingu atvinnuleysisbóta.

Ekki stendur til að selja RÚV

Halldór Ásgrímsson segir að ekki standi til að selja Ríkisútvarpið þótt nú sé verið að endurskoða rekstrarform stofnunarinnar í tengslum við ný lög um RÚV. Hann vísar fullyrðingum Kristins H. Gunnarssonar, þingmanns Framsóknarflokksins, þess efnis að boðuð formbreyting á rekstri RÚV sé dulbúin einkavæðing alfarið á bug.

Brown kallaður heim frá Ísrael vegna þingmáls

Ferð Gordons Browns, fjármálaráðherra Bretlands, til Miðausturlanda varð heldur endaslepp því skömmu eftir að hann kom til Tel Aviv í Ísrael í gær var hann kallaður aftur heim til að taka þátt í mikilvægri atkvæðagreiðslu um lög gegn hryðjuverkum sem bera á undir breska þingið í dag.

Japanar kaupa fuglakjöt af Indverjum vegna flensu

Japanar hyggjast í fyrsta sinn kaupa alifuglakjöt frá Indlandi vegna fuglaflensunnar sem geisar í Asíu. Japanar hafa hingað til keypt fuglakjöt frá Taílandi og Kína en eftir að fuglaflensa greindist þar hafa yfirvöld bannað allan innflutning þaðan.

Tvíbrotnaði á fæti í árekstri

Ung kona tvíbrotnaði á fæti þegar bíll hennar rann í veg fyrir rútubíl á þjóðveginum skammt frá Stykkishólmi í gær, þannig að bílarnir skullu harkalega saman. Hún var fyrst flutt á sjukrahúsið í Stykkishólmi og þaðan með þyrlu Landhelgisgæslunnar á Landsspítalann þar sem gert var að sárum hennar.

Geimskutla af stað áleiðis til Venusar

Geimskutlan Venus Express tók á loft frá Kasakstan í nótt. Geimvísindastofnun Evrópu hefur hannað flaugina, sem er ætlað að rannsaka yfirborð plánetunnar Venus. Geimskotið í nótt heppnaðist vel, en því var frestað um tvær vikur eftir að rannsóknir leiddu í ljós bilun í hitastilli.

Unglingur gerði skotárás í gagnfræðaskóla

Fimmtán ára gamall drengur hóf í gær skothríð í gagnfræðaskóla í Tennessee í Bandaríkjunummeð þeim afleiðingum að einn lést og tveir særðust alvarlega. Sá sem lést var aðstoðarskólastjóri í skólanum og annar hinna særðu var skólastjórinn. Ástæða árásarinnar liggur ekki fyrir að sögn lögreglu.

Vændishringur upprættur í Danmörku

Ellefu karlmenn voru handteknir í Danmörku og Lettlandi í gær í umfangsmiklum aðgerðum dönsku og lettnesku lögreglunnar gegn mansali og vændi. Aðgerðin er stærsta aðgerð og samvinna embættanna til þessa við að uppræta stóran glæpahring.

Tekjur sjómanna á ísfisktogurum minnka um fjórðung

Tekjur sjómanna á meðal ísfisktogurum hafa lækkað um 25 prósent á síðustu tveimur árum og eru nú orðnar svipaðar og þær voru fyrir sex árum. Árni Bjarnason, formaður Farmanna- og fiskimannasambandsins, segir þetta í viðtali við Morgunblaðið og að nú sé orðið erfitt að manna sum fiskiskip.