33 tillögur að menningarhúsi

Alls bárust 33 tillögur í hönnunarsamkeppni um menningarhús á Akureyri, bæði frá innlendum og erlendum arkitektum. Niðurstöður dómnefndar verða kynntar laugardaginn 28. ágúst nk. kl. 13.00 á Hólum, húsi Menntaskólans á Akureyri.

Kostnaður við ÓL tvöfaldast

Kostnaður við að halda Ólympíuleikana í Grikklandi verður helmingi meiri en gert var ráð fyrir. Áætlaður kostnaður var um 400 milljarðar króna, en nú virðist að þegar upp verður staðið verði hann yfir 800 milljarðar króna.

Thatcher sleppt

Mark Thatcher, sonur Margrétar Thatcher fyrrverandi forsætisráðherra Bretlands, sem handtekinn var í morgun grunaður um aðild að valdaráni í Afríkuríkinu Miðbaugs Gíneu, var sleppt í dag af dómstólum í Suður-Afríku.

Birta myndir af afhöfðun

Öfgahreyfing múslima, hefur birt ljósmyndir á vef sínum, sem hún segir sýna hvernig höfuðið var höggvið af manni sem sagður var vera njósnari fyrir bandarísku leyniþjónustuna, CIA. Fimm myndir eru birtar á vefnum og því hótað að annað fólk sem njósni fyrir Bandaríkjamenn, muni fá sömu meðferð.

Binda enda á spillingu í Palestínu

Palestínskir þingmenn samþykktu í dag, að styðja tillögur sérstakrar umbótanefndar, sem miða að því að binda enda á spillingu í palestínsku heimastjórninni. Óttast er að Yasser Arafat hunsi samþykktina, þar sem tillögurnar myndu skerða völd hans, og leiða til þess að gamlir vinir og stuðningsmenn yrðu að láta af embættum sínum.

Stefnir í þrot hjá Alitalia

Ítalska ríkisstjórnin hefur varað starfsmenn flugfélagsins Alitalia við því, að ef þeir fallist ekki á leiðir til þess að draga úr rekstrarkostnaði, verði félagið gjaldþrota inna mánaðar. Slíkt gjaldþrot myndi kosta 22 þúsund starfsmenn vinnuna.

Viðbúið að skólagjöld hækki

Sameining Tækniháskólans og Háskólans í Reykjavík gæti þýtt margföldun skólagjalda í þeim fyrrnefnda. Nemendur Tækniháskólans fá að ljúka námi á sömu forsendum og það var hafið, segir menntamálaráðherra. Samfylkingarþingmaður telur ótækt að nemendur sem annars hefðu sótt nám í Tækniháskólanum þurfi að greiða há skólagjöld eftir samruna skólanna.

Besti gripurinn valinn

Guðni Ágústsson landbúnaðarráðherra setur næsta laugardag sýninguna Kýr 2004 sem haldin verður í Ölfushöll á Ingólfshvoli. Sýningin hefst klukkan hálf eitt á kálfasýningu, að því er fram kemur á vef Búnaðarsambands Suðurlands.

Sistani hvetur til fjöldagöngu

Æðsti sjítaklerkur Íraks, hvetur til fjöldagöngu til borgarinnar Najaf, á morgun, til þess að reyna að binda enda á átökin sem geisað hafa þar í borg, undanfarnar vikur. Ayatollah Ali al-Sistani nýtur meiri virðingar en nokkur annar klerkur, í Írak.

Fjórar athugasemdir komnar

Fjórar athugasemdir hafa borist bæjaryfirvöldum á Seltjarnarnesi vegna fyrirhugaðra breytinga á aðalskipulagi og nýs deiliskipulags við Hrólfsskálamel og Suðurströnd. Frestur til að skila athugasemdum rennur út í byrjun september. Við Suðurströnd á að byggja blokkir þar sem nú er íþróttavöllur og hefur það mætt nokkurri andstöðu.

Þrjúhundruð gestir frá 35 löndum

Alþjóðleg ráðstefna um lífsiðfræðileg álitamál var sett í hátíðarsal skólans í gær. Á ráðstefnunni, sem standa mun fram á laugardag, verður fjallað um gagnagrunna og lífsýnabanka, en einnig afleiðingar læknavísindanna fyrir greiningu og meðferð sjúkdóma.

Situr að verkefnum borgarinnar

Vélamiðstöðin ehf., sem er í eigu Reykjavíkurborgar, hefur fengið verkefni fyrir 350 milljónir króna hjá borginni án þess að verkefnin hafi verið boðin út. Ójafn leikur, segja einkaðilar sem eiga í samkeppni við Vélamiðstöðina.</font /></b />

Vinnur betur með Windows

Friðrik Skúlason hefur gefið út nýja útgáfu af vírusvarnaforritinu Lykla-Pétri sem vinnur með uppfærðri útgáfu Windows XP. Útgáfan tekur mið af breytingum sem orðið hafa á stýrikerfi Windows með nýjustu hugbúnaðarviðbót Microsoft, Service Pack 2 (SP2) og vinnur með nýrri öryggismiðstöð stýrikerfisins (Windows Security Center).

Árni Ragnar borinn til grafar

Árni Ragnar Árnason alþingismaður var borinn til grafar frá Keflavíkurkirkju í dag. Séra Ólafur Oddur Jónsson og séra Jakob Ágúst Hjálmarsson jarðsungu.

Ættingjum varnarmálaráðherra rænt

Uppreisnarmenn hafa rænt tveimur ættingjum írakska varnarmálaráðherrans, Hazim al-Shalaan. Þeir krefjast þess að her Bandaríkjanna hverfi frá heilögu borginni Najaf. Þetta kom fram á sjónvarpsstöðinni Al-Jazeera í dag.

Spurlock við frumsýningu

Morgan Spurlock var nær dauða en lífi eftir að hafa lifað eingöngu á McDonalds-hamborgurum í heilan mánuð í fyrra. Hann segir að reynsla sín hafi orðið til að ýta við fólki og það hugsi meira en áður um hvað það setur ofan í sig og börn sín.

Telja kostnaðinn landsbyggðarskatt

Reykjavíkurborg þarf ekki að borga löggæslukostnað vegna Menningarnætur, en aukakostnaður lögreglunnar var tæplega ein milljón króna. Þeir sem halda Þjóðhátíð í Vestmannaeyjum þurfa hins vegar að borga allan löggæslukostnað sem er yfir þrjár milljónir króna. Eyjamenn kalla þetta landsbyggðarskatt

Sala eykst við heimsókn Clintons

Ákvörðun Bills Clintons um að kaupa sér pylsu á Bæjarins bestu í gær er sennilega besta auglýsing sem sá staður hefur fengið enda nýtir hann sér athyglina með heilsíðuauglýsingu í Fréttablaðinu í dag ásamt SS, sem framleiddi sinnepið.

Hörð viðbrögð við auglýsingum

Ósvífnar auglýsingar, þar sem því er haldið fram að John Kerry hafi logið til um herþjónustu sína í Víetnam, hafa vakið hörð viðbrögð og deilur í Bandaríkjunum. Háttsettur kosningastjóri Bush forseta sagði í dag af sér vegna tengsla við þá sem gerðu auglýsingarnar.

Stórfundur Framsóknarkvenna

Framsóknarkonur krefjast aðgerða til að rétta hlut kvenna í flokknum. Um hundrað Framsóknarmenn funda nú um stöðu kvenna í flokknum. Fundurinn ber yfirskriftina, Aftur til fortíðar, við mótmælum allar. Framsóknarkonur boðuðu til þessa fundar eftir að Halldór Ásgrímsson ákvað að víkja Siv Friðleifsdóttur úr ríkisstjórn frá og með 15. september.

Leitað vegna neyðarkalls

Björgunarsveitir á Snæfellsnesi leituðu í gær ásamt þyrlu Landhelgisgæslunnar að báti í nágrenni Höskuldseyjar á Breiðafirði vegna neyðarsendingar sem barst Tilkynningaskyldunni. Ekki reyndist vera um neyðarkall að ræða heldur höfðu merki sloppið út af neyðarsendi Skipavíkur í Stykkishólmi.

Vélhjólamaður kærir lögreglumann

Vélhjólamaður hefur kært lögreglumann í Reykjavík fyrir að hafa stofnað lífi sínu og limum í hættu. Hilmar Ingimundarson, lögmaður vélhjólamannsins, segir lögregluna hafa farið yfir á öfugan vegarhelming til að stöðva vélhjólamanninn sem kom á móti lögreglubílnum á Ægisíðunni.

Dagvist fatlaðra tryggð

Það er rétt að félagsmálaráðherra tjáði mér að ráðuneytið hyggðist greiða það sem á vantar," segir Gerður Árnadóttir, formaður foreldra- og styrktarfélags Öskjuhlíðarskóla. Samþykkt var í borgarráði í gær að greiða 10,5 milljónir króna til að standa undir helmingi þess kostnaðar sem dagvistun fatlaðra barna í skólanum kostar.

Vill bæta störf Hæstaréttar

Hjördís Hákonardóttir, dómstjóri í Héraðsdómi Suðurlands, og Eiríkur Tómasson, lagaprófessor við Háskóla Íslands, íhuga að sækja um stöðu hæstaréttardómara en umsóknarfrestur rennur út á morgun. Jón Steinar Gunnlaugsson hæstaréttarlögmaður hefur þegar sent inn umsókn sína.

Korpúlfsstaðir hugsanlega seldir

Þegar nýr Korpuskóli tekur til starfa losnar um pláss á Korpúlfsstöðum þar sem skólinn hefur verið með starfsemi sína. Stefán Jón Hafstein, formaður fræðsluráðs, segir að ekkert hafi verið rætt um það innan borgarstjórnar hvað verði gert við Korpúlfsstaði. Menn hljóti að skoða þann möguleika að selja húsið ef gott verð fáist fyrir það.

Vilja konu í ráðherrastól

"Framsóknarkonur vilja fljótlega sjá breytingu í æðstu stöðum flokksins verði hlutur kvenna fyrir borð borinn," segir Una María Óskarsdóttir, formaður Landssambands framsóknarkvenna. Rúmlega 130 framsóknarmenn mættu á fund Landssambandsins til að mótmæla bakslagi í jafnréttismálum flokksins.

Cheney ósammála Bush

Dick Cheney, varaforseti Bandaríkjanna, er ósammála George W. Bush forseta um að banna eigi hjónabönd samkynhneigðra. Dóttir Cheney er samkynhneigð.

Krefst afsagnar Rumsfeld

<p>John Kerry, forsetaframbjóðandi demókrata í Bandaríkjunum, krefst afsagnar Donalds Rumsfeld varnarmálaráðherra.

Tilræði við írakska ráðherra

Fjórir lífverðir umhverfismálaráðherra Íraks fórust í sjálfsmorðsárás í morgun. Talið er að um tilræði við ráðherrann hafi verið að ræða en hann slapp ómeiddur.

Slasaðist illa í bílveltu

Franskur ferðamaður slasaðist illa í bílveltu á Laxárdalsheiði seint í gærkvöldi að sögn lögreglunnar á Hólmavík. Svo virðist sem maðurinn hafi misst stjórn á bílnum í lausamöl með þeim afleiðingum að hann valt að minnsta kosti tvær veltur utan vegar.

Bardagar geisa áfram í Najaf

Bardagar geisa áfram í Írak eftir loftárásir Bandaríkjamanna á skæruliðasveitir úr röðum sjíta í Najaf í gær. Árásirnar voru gerðar nærri Imam Ali grafhýsinu sem hefur verið á valdi Mehdi-sveita Muqtada al-Sadr. Bandaríkjamenn ætla sér með árásunum að brjóta niður þá andstöðu sem verið hefur í landinu. Sprengjubrot lentu á grafhýsinu og ollu einhverjum skemmdum.</font />

Krefjast þess að Siv haldi áfram

Stjórn Kjördæmissambands framsóknarmanna í Suðvesturkjördæmi krefst þess að formaður og þingflokkur Framsóknarflokksins falli frá þeirri ákvörðun að láta Siv Friðleifsdóttur hætta í ríkisstjórn og tryggi henni áframhaldandi ráðherraembætti eftir að flokkurinn tekur við forsætisráðuneytinu 15. september.

Til að tefja rannsókn bankaráns?

Ræningjarnir sem frömdu bankaránið í Stafangri í Noregi í vor eru nú sagðir hafa skipað fyrir um ránið á Munch-málverkunum sem rænt var á sunnudaginn. Sjónvarpsstöðin TV-2 hefur heimildir fyrir þessu.

Eldur í íbúðahúsi á Sauðárkróki

Eldur kom upp í íbúðahúsi á Sauðárkróki um áttaleytið í morgun. Slökkviliðið hefur náð að slökkva eldinn en er þó enn að störfum. Húsið er járnslegið timburhús og er ljóst að það er mikið skemmt af völdum brunans. Engan sakaði og er ekki ljóst hvernig eldurinn kom upp.

Flokksþing repúblikana nálgast

Flokksþing rebúblikana hefst eftir viku í New York. Talið er að yfir fimmtíu þúsund fulltrúar frá öllum Bandaríkjunum muni taka þátt. Yfirvöld telja að andstæðingar Bush-stjórnarinnar muni fjölmenna og að fjöldi þeirra geti farið allt upp í tvö hundruð og fimmtíu þúsund.

Clinton ræddi við fréttamenn

Bill Clinton, fyrrverandi forseti Bandaríkjanna, segir árásir repúblikana á John Kerry, forsetaframbjóðanda demókrata, þar sem því er haldið fram að Kerry hafi logið til um afrek sín í Víetnam-stríðinu, dæmigerðar fyrir repúblikana og hvernig þeir beita lygum í kosningabaráttunni.

Bush fordæmir auglýsingar hermanna

George Bush Bandaríkjaforseti fordæmdi í gær auglýsingar hóps fyrrverandi hermanna í Víetnam þar sem því er haldið fram að John Kerry hafi logið til um framgöngu sína í stríðinu. Bush sagði auglýsingarnar vondar fyrir kerfið en demókratar segja orð hans ekki ganga nógu langt og koma of seint.

Sameining á Héraði staðfest

Félagsmálaráðurneytið hefur staðfest sameiningu Austur-Héraðs, Fellahrepps og Norður-Héraðs í eitt sveitarfélag. Sveitarstjórnir sveitarfélaganna þriggja hafa nú þegar hafið vinnu við þau fjölmörgu verkefni sem snúa að sameiningunni en ný sveitarstjórn mun taka við völdum 1. nóvember næstkomandi að því er segir í frétttatilkynningu.

Fischer vísað frá Japan

Stjórnvöld í Japan hafa ákveðið að vísa Bobby Fischer úr landi og hefur fyrirskipum þess efnis þegar verið undirrituð. Embættismaður í útlendingaeftirliti Japans sagði að honum hefði verið kynnt þessi niðurstaða.

Nefndin kynnir sér orkulindir

Bandarísk sendinefnd, undir forystu Johns McCains öldungadeildarþingmanns, kom til landsins í morgun til þess að kynna sér umhverfisvænar orkulindir. Meðal þingmannanna er einnig Hillary Clinton, öldungadeildarþingmaður frá New York og eiginkona Bills Clintons, fyrrverandi Bandaríkjaforseta.

Lögreglan varar við tölvupósti

Efnahagsbrotadeild Ríkislögreglustjóra varar fólk við að senda svokölluð pin-númer kredit- eða debetkorta með tölvupósti. Embættinu hafa að undanförnu borist upplýsingar frá einstaklingum og fyrirtækjum hér á landi sem hafa fengið tölvupóst sem ber það með sér að vera frá Citibank.

Clinton á Þingvöllum

Bill Clinton, fyrrverandi forseti Bandaríkjanna, er nú á Þingvöllum en hann lenti á Reykjavíkurflugvelli klukkan níu í morgun. Ingólfur Bjarni Sigfússon, fréttamaður Stöðvar 2 og Bylgjunnar, hefur fylgt honum frá komunni til landsins og segir ýmsar tilfæringar eiga sér stað á dagskránni.

Varnarmálaráðherra hótar stórárás

Varnarmálaráðherra Íraks hvatti í dag sjíta-múslima í Najaf til að leggja niður vopn, ella yrðu þeir stráfelldir í stórárás síðar í dag.

Ákvörðuninni ekki breytt

Stjórn Kjördæmissambands framsóknarmanna í Suðvesturkjördæmi krefst þess að formaður og þingflokkur Framsóknarflokksins falli frá þeirri ákvörðun að láta Siv Friðleifsdóttur hætta í ríkisstjórn og tryggi henni áframhaldandi ráðherraembætti eftir að flokkurinn tekur við forsætisráðuneytinu 15. september.

Marco svarar Jóni Baldvini

Ítalski fréttamaðurinn Marco Brancaccia, sem á í forræðisdeilu við Snæfríði Baldvinsdóttur, hyggst svara Morgunblaðsgrein Jóns Baldvins Hannibalssonar og Bryndísar Schram, foreldra Snæfríðar, í vikunni.