Eftir­förin endaði með hvelli

Talsverður viðbúnaður var á svæðinu og heyrðust sírenur óma víða um borgina á meðan eftirför stóð. Ökumaðurinn var að lokum handtekinn en hann er grunaður um að hafa verið í annarlegu ástandi. Eftirfarandi myndskeið af handtökunni er í töluverðri dreifingu á samfélagsmiðlum.

Ökumaðurinn gistir fangageymslur „þar til hann verður viðræðuhæfur“, líkt og lögregla orðaði það í tilkynningu nú síðdegis. Mikil hætta hafi skapast í dag og mesta mildi að enginn skyldi slasast. Hann er talinn hafa náð mest 140 kílómetra hraða.

Framkvæmdastjóri Hopp Reykjavík segir að mál ökumanns sem keyrði á ofsahraða um götur borgarinnar í dag og keyrði utan í minnst fjórar bifreiðar á meðan eftirför stóð yfir sé hjá lögreglu og fyrirtækið kanni næstu skref. Almennt sé ökumönnum sem brjóti reglur hiklaust meinað að nýta sér þjónustuna oftar.

Fréttin er í vinnslu.