Guð­jón endur­kjörinn og Simon líka

Guðjón hefur gegnt embætti formanns frá 2019. Guðjón Hreinn Hauksson hlaut 669 atkvæði, eða 60,54 prósent. Kjörsókn var 61,56 prósent.

Tveir voru í framboði til formanns FF, Guðjón Hreinn Hauksson, núverandi formaður FF, og Simon Cramer Larsen, formaður skólamálanefndar FF og dönskukennari við FÁ. Simon hlaut 385 atkvæði eða 34,84 prósent atkvæða. Á kjörskrá voru 1.795 og voru auðir seðlar 51 eða 4,62 prósent.

Simon endurkjörinn í stjórn

Í tilkynningu frá FF kemur fram að einnig hafi verið kosið um fjögur sæti í stjórn og þrjú í varastjórn FF til næstu fjögurra ára. Ellefu félagar í FF gáfu kost á sér til stjórnarsetu.

Sólrún Geirsdóttir fékk 507 atkvæði, Guðmundur Björgvin Gylfason 417 atkvæði, Björn Gísli Erlingsson 399 atkvæði og Simon Cramer Larsen 397 atkvæði. Jóhanna Björk Guðjónsdóttir hlaut 349 atkvæði í varastjórn, Sandra Hlín Guðmundsdóttir 339 atkvæði og Anna Jóna Guðmundsdóttir 303 atkvæði.

Á kjörskrá voru 1.795. Atkvæði greiddu 980 eða 54,60. Auðir seðlar voru 58

Kosningarnar hófust klukkan 10 að morgni síðasta mánudag, 26. janúar, og lauk klukkan 10 í morgun, fimmtudaginn 29. janúar. Atkvæðagreiðslan var rafræn og fór fram á Mínum síðum á vef KÍ.