Mourinho kallar nýjustu sögu­sagnirnar sápu­óperu

Madrid lét Xabi Alonso fara í síðustu viku eftir innan við átta mánuði í starfi og réð Álvaro Arbeloa, þjálfara varaliðs Madrid, í hans stað.

Þegar Mourinho var spurður um vangaveltur á Spáni um að Real Madrid vilji fá hann aftur fyrir tímabilið 2026–27, sagði hann eftir 2-0 sigur Benfica á Rio Ave á laugardag: 

„Reiknið ekki með mér í sápuóperur. Það eru til margar góðar sápuóperur en þær eru of langar,“ sagði Mourinho.

„Svo missir maður af þætti eða tveimur og týnir þræðinum. Reiknið ekki með mér, ég horfi ekki á sápuóperur,“ sagði Mourinho.

HInn 62 ára gamli Mourinho stýrði Real Madrid til sigurs í spænsku deildinni, spænska bikarnum og spænska ofurbikarnum á þeim þremur tímabilum (2010–13) sem hann var hjá spænska stórveldinu.

Fyrrverandi stjóri Chelsea og Manchester United tók við stjórnartaumunum hjá Benfica í september og er með samning til júní 2027.

Benfica, sem er í þriðja sæti Primeira Liga, tíu stigum á eftir toppliði FC Porto, mætir Juventus á útivelli í Meistaradeildinni á miðvikudag áður en liðið tekur á móti Real Madrid, fyrrverandi félagi Mourinho, þann 28. janúar.

Vinni Mourinho Real Madrid verða umræddar sögusagnir örugglega enn þá háværari.