Mjög erfitt að lamast í and­litinu

Pabbi Alice er frá Hondúras, móðuramma hennar er frönsk og móðurafi er Íslendingur en Alice er fædd og uppalin á Íslandi. Alice talar þrjú tungumál reiprennandi, íslensku, ensku og spænsku, og getur einnig bjargað sér á frönsku.

Hún elskar íþróttir, förðun, dýr, sögu Íslands og annarra landa. Alice hefur ánægju af að ferðast og vonast til að geta gert meira af því í framtíðinni. Hún á auðvelt með að kynnast og myndast tengsl við fólk af ólíkum uppruna og óháð aldri. Hún á stóra fjölskyldu sem er einstök og mikilvægasti parturinn í hennar lífi.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn?

Alice Alexandra Flores.

Aldur?

20 ára.

Starf?

Leikskólaleiðbeinandi.

Hvað var það sem vakti áhuga þinn á keppninni?

Að kynnstast nýju fólki og þetta ferli opnar margar dyr fyrir framtíðina. Einnig lærir maður marga nýja hluti eins og förðun, myndatökur, dans, labba í hælum og margt meira.

Hvað ert þú búin að læra í ferlinu?

Að ég get miklu meira en ég hélt, maður á ekki að vera hræddur að prófa eitthvað nýtt, maður veit aldrei nema maður prófar.

Hvaða tungumál talarðu? 

Spænsku, ensku, íslensku og smá frönsku.

Hvað hefur mótað þig mest?

Vera uppalin í sveit og vera í litlum sveitaskóla, vera frá þremur löndum og sömuleiðis kvíðinn minn og árátta.

Erfiðasta lífsreynslan hingað til?

Ég hef verið heppin hingað til, en ég held að það erfiðasta sem ég hef gengið í gegnum er þegar ég lamaðist hægra megin í andlitinu.

Hverju ertu stoltust af?

Fjölskyldu minni og mínu þjóðerni.

Besta heilræði sem þú hefur fengið?

Þú stjórnar ekki lífinu en þú stjórnar hvernig þú bregst við eða þá það er margt í lífinu þarf maður að hugsa sem langhlaup en ekki spretthlaup.

Hver er uppáhalds maturinn þinn? 

Sjávaréttapastað hans pabba.

Hver er þín fyrirmynd í lífinu?

Mamma mín.

Hver er frægasta persóna sem þú hefur hitt?

Emmsjé Gauti.

Neyðarlegasta atvik sem þú hefur lent í?

Þegar ég ældi fyrir framan 1000 manns eftir 600 metra hlaup.

Hver er þinn helsti ótti?

Að missa fjölskyldumeðlim.

Hvar sérðu þig í framtíðinni?

Vinna í vinnu sem hjálpar fólki, vonandi byrjuð að stofna fjölskyldu.

Hvaða lag tekur þú í karókí?

The winner takes it all úr Mamma Mia.

Þín mesta gæfa í lífinu?

Fjölskylda, vinir, örrygi og heilsa.

Uppskrift að drauma degi?

Vakna snemma á sólríkum degi, taka göngu með nánasta fólki, sund, grilla góðan mat og njóta í blíðunni með mínu fólki.

Hér er hægt að kjósa í Ungfrú Ísland.