Eftir innanhússrannsókn kom í ljós að Lampson hafi verið í sambandi með leikmanni liðsins og þar með brotið starfsreglur félagsins.
The Houston Dash have reportedly fired assistant coach Matt Lampson for an alleged relationship with a player https://t.co/a0ILRsObl8
— Sports Illustrated (@SInow) March 21, 2024
Lampson má heldur ekki starfa í NWSL-deildinni út 2024 tímabilið en það kemur til vegna brota sinna en einnig vegna þess að hann sýndi ekki fulla samvinnuþýði við rannsóknina.
Lampson hafði verið sendur í leyfi á meðan sjálfstæð rannsókn fór fram en hún komst að því að þjálfarinn hafi í raun verið í tygjum við leikmann. ESPN segir að Lampson hafi verið sendur í leyfi í janúar en var síðan rekinn á mánudaginn.
Houston Dash fire goalie coach Matt Lampson for crossing boundaries with player https://t.co/XtLnLKXLyO pic.twitter.com/Tv8cxbezol
— New York Post (@nypost) March 21, 2024
NWSL deildin hefur hart á þessum málum eftir að rannsóknir sýndu fram á áralanga misnotkun leikmanna í deildinni.
Paul Riley, sem þjálfaði mörg lið í deildinni, var rekinn árið 2021 eftir að fyrrum leikmenn hans höfðu sakað hann um kynferðisáreiti og valdníðslu.
Fleiri slíkar ásakanir á hendur öðrum þjálfurum, allt frá kynferðisáreiti til misbeiting valds, varð á endanum til þess að Riley og þrír aðrir þjálfarar voru settir í lífstíðarbann frá deildinni.