Innlent

Á­tján boða forsetaframboð

Jakob Bjarnar skrifar
Kristján Jökull einkaþjálfari er meðal þeirra átján sem hafa boðað forsetaframboð.
Kristján Jökull einkaþjálfari er meðal þeirra átján sem hafa boðað forsetaframboð. facebook

Meðal nýrra frambjóðenda er Kristján Jökull Aðalsteinsson einkaþjálfari sem hefur vakið athygli fyrir ógnandi skilaboð til Hildar Lilliendahl.

Átján einstaklingar hafa meldað sig til leiks og boðað forsetaframboð. Það hafa þeir gert með því að stofna til meðmælasöfnunar fyrir forsetaframboð. Aðeins frambjóðandi sjálfur getur stofnað til slíkrar meðmælasöfnunar.

Nú eru átján mættir til leiks sem slíkir. Einn sá nýjasti á lista er Kristján Jökull Aðalsteinsson einkaþjálfari en hann var um hríð fastur gestur í útvarpsþættinum Harmageddon þar sem hann kynnti sig sem hægri mann. Bragi Páll Sigurðsson þá blaðamaður Stundarinnar sló því upp að hann hafi haft uppi ógnandi tilburði við Hildi Lilliendahl femínista. Meðal annars með einkaskilaboðunum: „Vantar einn svona harðan til að útrýma þessum öfgafemínistum.“

Auk þeirra átján sem hafa stofnað til undirskriftasöfnunar er talið nánast öruggt að Baldur Þórhallsson prófessor fari fram. Alma Möller landlæknir hefur verið orðuð við framboð sem og Ólafur Jóhann Ólafsson rithöfundur og forstjóri. Þá er þrálátur orðrómur um að Katrín Jakobsdóttir forsætisráðherra láti slag standa en hún hefur ekki verið afdráttarlaus í svörum þar um. 

Framboðsfrestur rennur út 26. apríl. Eftirfarandi eru komnir á lista yfir þá sem boða forsetaframboð:

  • Agnieszka Sokolowska
  • Arnar Þór Jónsson
  • Axel Pétur Axelsson
  • Ástþór Magnússon Wium
  • Borgþór Alex Óskarsson
  • Eyjólfur Reynisson
  • Guðmundur Sveinn Bæringsson
  • Húni Húnfjörð
  • Ingibjörg Jóhannsdóttir
  • Ísfold Kristjánsdóttir
  • Jón Kjartansson
  • Jón T Unnarson Sveinsson
  • Kristján Jökull Aðalsteinsson
  • Malgorzata Adamczyk
  • Oliver Þórisson
  • Sigríður Hrund Pétursdóttir
  • Snorri Óttarsson
  • Tómas Logi Hallgrímsson
Forseti Íslands Forsetakosningar 2024

Tengdar fréttir

Baldur kannaði hug Akurnesinga varðandi forsetann

Baldur Þórhallsson prófessor í stjórnmálafræði sem íhugar alvarlega framboð til forseta Íslands segist þurfa að taka stóra ákvörðun fljótlega. Hann kannaði hug Akurnesinga til framboðs á Skipaskaga í gærkvöldi.

Alma Möller leiðir hugann að forsetaframboði

Alma Möller landlæknir segist vera að íhuga að íhuga framboð til forseta Íslands. Margir hafi komið að máli við sig og hvatt hana í framboð og því hafi hún leitt hugann að því.

Katrín loðin í svörum um forsetaframboð

Í óundirbúnum fyrirspurnartíma á Alþingi nú rétt í þessu var Katrín Jakobsdóttir forsætisráðherra spurð um það sérstaklega hvort hún ætlaði að gefa kost á sér í komandi forsetakosningaslag.

Mest lesið


Fleiri fréttir

Sjá meira


×

Mest lesið