Innlent

„Ég sé ekkert óeðlilegt við þetta“

Máni Snær Þorláksson skrifar
Brynjar Níelsson, aðstoðarmaður dómsmálaráðherra, segist ekki sjá neitt athugavert við að greiða atkvæði gegn vantrauststillögu á hendur dómsmálaráðherra.
Brynjar Níelsson, aðstoðarmaður dómsmálaráðherra, segist ekki sjá neitt athugavert við að greiða atkvæði gegn vantrauststillögu á hendur dómsmálaráðherra. Vísir/Vilhelm

Brynjar Níelsson, aðstoðarmaður dómsmálaráðherra og varaþingmaður Sjálfstæðisflokksins, greiddi í dag atkvæði gegn vantrauststillögu á hendur dómsmálaráðherra. Hann segist ekki sjá neitt athugavert við það. 

Vantrauststillaga á hendur Jóni Gunnarssyni dómsmálaráðherra var felld á Alþingi í dag. Alls greiddu þrjátíu og fimm þingmenn atkvæði gegn tillögunni og tuttugu og tveir með henni. Einn þingmaður sat hjá. Jón var sakaður um að hafa brotið gegn þingskapalögum þegar hann bannaði útlendingastofnun að afhenda þinginu gögn sem óskað var eftir.

Sem fyrr segir var Brynjar einn þeirra sem greiddi atkvæði gegn tillögunni en Heimir Már Pétursson fréttamaður ræddi við Brynjar að atkvæðagreiðslunni lokinni. 

Klippa: Ég sé ekkert athugavert við þetta

Brynjar segir ekki óeðlilegt að hann hafi tekið þátt í atkvæðagreiðslunni:

„Nei, ég sé ekkert óeðlilegt við þetta. Ég meina, maður fylgir bara sínum ráðherra og ef hann fer þá fer aðstoðarmaðurinn. Ég er auðvitað bara í stjórnmálum, ég er varaþingmaður og ég kem bara inn þó ég sé pólitískur aðstoðarmaður ráðherra. Ég greiði þetta atkvæði eins og hver annar þingmaður sem kemur inn og ég sé ekkert athugavert við þetta.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×