Ísland í dag leit við í morgunkaffi hjá Sólveigu fyrir þremur árum og þá var hún að taka í gegn baðherbergið. Í dag er baðherbergið klárt eins og sást í innslaginu í gærkvöldi. Fallegt rými og flestallt endurnýtt, eins og flísar, vaskurinn og baðkarið. Sólveig hefur staðið í mikilli og strangri kjarabaráttu undanfarna mánuði.
„Ég viðurkenni það að ég er orðin pínu þreytt,“ segir Sólveig Anna sem var spurð hvort hún væri stundum svolítið ósanngjörn?
„Ég hef alveg pottþétt komið heim stundum og hugsað, ég þarf aðeins að fara slaka á. En það gerist ekki oft og ég stend við allt sem ég hef sagt.“
Hér að neðan má sjá innslagið í heild sinni.
