Innlent

Sex prósent hús­næðis í eigu ríkisins ekki í notkun

Hólmfríður Gísladóttir skrifar
Mygla kom meðal annars upp í Skógarhlíð 6, þar sem tvö ráðuneyti voru til húsa.
Mygla kom meðal annars upp í Skógarhlíð 6, þar sem tvö ráðuneyti voru til húsa. Vísir/Vilhelm

Ríkið á um það bil 550 þúsund fermetra af húsnæði en af þeim eru um 30 þúsund, eða sex prósent, ekki notkun. Umræddir fermetrar eru ýmist lausir eða í þróun eða umbreytingu.

Frá þessu greinir Fréttablaðið og vísar til svara Framkvæmdasýslunnar - Ríkiseigna.

Fréttablaðið segist hafa upplýsingar þess efnis að mikið sé um rakaskemmdir í húsnæðinu sem stendur ónotað og mörg dæmi séu um að starfsemi hafi verið flutt í skammtímahúsnæði, meðal annars ráðuneyti og stofnanir.

Þá segir að ein ástæða þess að mikið rými sé ónotað sé sú staðreynd að fermetranýting á hvern starfsmann hafi farið úr allt að 25 fermetrum niður í 15 fermetra eða minna á síðustu árum.

Af fermetrunum 550 þúsund eru 193 þúsund fermetrar nýttir af mennta- og barnamálaráðuneytinu og 120 þúsund af heilbrigðisráðuneytinu, sem eru lang plássfrekust. Inni í tölunni eru meðal annars mennta- og heilbrigðisstofnanir.

Rekstur hins opinbera Stjórnsýsla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið