Innlent

Stefna að opnun í Blá­fjöllum á morgun

Elísabet Inga Sigurðardóttir skrifar
Einar Bjarnason, rekstrarstjóri er hoppandi glaður með áformin.
Einar Bjarnason, rekstrarstjóri er hoppandi glaður með áformin. arnar halldórsson

Rekstrarstjóri skíðasvæðisins í Bláfjöllum stefnir á að opna svæðið á morgun. Brekkan við Drottninguna er tilbúin til notkunar en brekkan við Kónginn er enn snjólaus. 

Skíðafólk á höfuðborgarsvæðinu getur glaðst yfir áformum rekstrarstjóra skíðasvæðisins í Bláfjöllum sem stefnur á að opna svæðið á morgun. Skíðasvæðið er gjörbreytt en framkvæmdir hafa staðið yfir frá því í vor þar sem tveimur nýjum stólalyftum hefur verið komið fyrir. Einar Bjarnason, rekstrarstjóri skíðasvæðisins segir að brekkan við Drottninguna sé tilbúin, en starfsfólk hefur undanfarið fært snjó af kappi.

„Þeir eru búnir að leggja dag við nótt að ýta snjó og velta snjó, búa til þessa brekku fyrir okkur. Við ætlum að reyna þetta á morgun.“ 

Brekkan við Kónginn er þó ekki tilbúin þar sem enginn snjór er á öxlinni. „Við tímum ekki að fletja hann út. Við viljum frekar bíða fram yfir helgi því það á að snjóa meira“

Hlusta má á viðtal við Einar í bítinu hér að neðan.


Tengdar fréttir

„Austur­ríki hvað?“

Gjörbreytt skíðasvæði í Bláfjöllum lítur fljótlega dagsins ljós en framkvæmdir eru á lokametrunum. Tvær nýjar stólalyftur hafa það í för með sér að raðir heyra sögunni til. Setið er um skíðastóla úr gömlu stólalyftunni sem margir vilja nota sem garðhúsgagn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×