Innlent

Gangandi vegfarandi lést eftir að ekið var á hann

Fanndís Birna Logadóttir skrifar
Maðurinn var á fimmtugsaldri. 
Maðurinn var á fimmtugsaldri. 

Banaslys varð á Höfðabakka í Reykjavík í nótt en þar var ekið á gangandi vegfaranda. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins.

Lögreglan greinir frá þessu í tilkynningu.  

Tilkynning um slysið barst um klukkan hálf eitt í nótt en bíll á leiðinni norður Höfðabakka nálægt Árbæjarsafni hafnaði á vegfarandanum. 

Um var að ræða karlmann á fimmtugsaldri. Hann var fluttur á Landspítala eftir slysið en lést síðar um nóttina. 

Að sögn lögreglu var lokað fyrir umferð um Höfðabakka á milli Bæjarháls og Stekkjarbakka á meðan unnið var á vettvangi. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins.

Fréttin hefur verið uppfærð. 

Lögreglumál Samgönguslys Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið