Innlent

Sprengi­sandur: Upp­bygging á hús­næðis­markaði, tíma­mót á Bret­landi og náttúruhamfarir

Hallgerður Kolbrún E. Jónsdóttir skrifar
Sprengisandur hefst klukkan 10. Kristján Kristjánsson stýrir þættinum að venju.
Sprengisandur hefst klukkan 10. Kristján Kristjánsson stýrir þættinum að venju.

Margt verður rætt í þjóðmálaþættinum Sprengisandi í dag en þátturinn er sem fyrr á Bylgjunni klukkan tíu. Kristján Kristjánsson mun byrja á því að ræða við Huldu Ragnheiði Árnadóttur forstjóra Náttúruhamfaratrygginga Íslands. Verkefni stofnunarinnar vaxa með breyttu loftslagi, áhætta af hamförum breytist hratt og kostar alltaf meira og meira. 

Næst mæta þau Oddný Harðardóttir alþingismaður og Hilmar Þór Hilmarsson prófessor ætla að ræða Úkraínu og tengd efni. Oddný er nýkomin af fundi forsætisnefndar Norðurlandaráðs og Eystrasaltsríkjanna í Hörpu en þangað var gestum frá Rússlandi, Hvíta-Rússlandi og Úkraínu boðið. 

Að hennar sögn var samstaðan alger á fundinum. Hilmar hefur verið nokkuð gagnrýninn á aðgerðir Vesturlanda í stríðinu og talið þær skila litlu nema einangrun Úkraínu. 

Næst á eftir þeim mætir Ævar Rafn Halldórsson fjármálahagfræðingur, stærðfræðikennari og iðnaðarmaður sem hefur verið mjög gagnrýninn á húsnæðismarkaðinn. Ævar saknar meiri framleiðni en telur mörg okkar áform um stórkostlega uppbyggingu á næstu árum byggðar á óskhyggju umfram annað.

Í lok þáttar mæta til hans Hildur Helga Sigurðardóttir blaðamaður og Eiríkur Bergmann prófessor í stjórnmálafræði. Þau ætla að ræða tímamótin sem urðu við andlát Elísabetar Bretadrottningar, þá sérkennilegu ást á þjóðhöfðingjanum sem hefur tíðkast á Bretlandi og goðsögulega stærð konungsfjölskyldu sem tengir Bretland við löngu liðna heimsveldistíma. 

Aug 2


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.