Erlent

Tíst verði merkt til þess að koma í veg fyrir dreifingu mis­vísandi upp­lýsinga

Ellen Geirsdóttir Håkansson skrifar
Twitter muni einnig beina notendum að traustverðugum upplýsingum um kosningarnar.
Twitter muni einnig beina notendum að traustverðugum upplýsingum um kosningarnar. Getty/ SOPA Images

Samfélagsmiðillinn Twitter er sagður hafa ákveðið að efni sem elur á upplýsingaóreiðu eða dreifi röngum og misvísandi upplýsingum muni vera merkt sem slíkt í aðdraganda miðkjörtímabilskosninga í Bandaríkjunum. Kosningarnar eru haldnar 8. nóvember næstkomandi.

Merkingarnar verði notendum Twitter sýnilegar á nokkrum tungumálum til þess að fólk sé meðvitað um rangfærslur. Dæmi um slíkar séu yfirlýsingar um það að óöruggara sé að senda atkvæði sín inn með pósti en að mæta á kjörstað en Twitter muni einnig beina notendum að traustverðugum upplýsingum um kosningarnar. CNN greinir frá þessu.

Þessar merkingar Twitter eru þó ekki nýjar af nálinni en þær hafi einnig verið notaðar fyrir bandarísku forsetakosningarnar árið 2020. Merkingunum hafi þó verið hætt í mars 2021.

Samfélagsmiðillinn hafi einnig hafið notkun á merkingum sem þessum til þess að koma í veg fyrir dreifingu á röngum og misvísandi upplýsingum sem geti leitt af sér skaða. Séu tíst metin sem slíkt verði ekki hægt að líka við eða deila þeim.

Samfélagsmiðlar Bandaríkin Twitter
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið