Fótbolti

Ís­lendingalið Pan­at­hinai­kos og Lillest­röm úr leik í Evrópu

Runólfur Trausti Þórhallsson skrifar
Hörður Björgvin Magnússon (lengst til hægri í efri röð) lék allan leikinn með Panathinaikos í kvöld.
Hörður Björgvin Magnússon (lengst til hægri í efri röð) lék allan leikinn með Panathinaikos í kvöld. Twitter@paofc_

Þeir Hörður Björgvin Magnússon og Hólmbert Aron Friðjónsson voru í byrjunarliðum liða sinna er þau féllu úr leik í undankeppni Sambandsdeildar Evrópu.

Hörður Björgvin var í hjarta varnar gríska liðsins Panathinaikos sem tók á móti Slavia Prag á meðan Hólmbert Aron lék sem fremsti maður er Lilleström heimsótti Royal Antwerp í Belgíu.

Panathinaikos gerði 1-1 jafntefli við Slavia Prag á heimavelli sínum. Gestirnir höfðu unnið fyrri leikinn 2-0 og var gríska liðið í leit að öðru marki sínu er Tékkarnir jöfnuðu metin í blálokin í kvöld. Einvíginu lýkur því með 3-1 sigri Slavia Prag. Hörður Björgvin fékk gult spjald á 80. mínútu leiksins. 

Lilleström átti litla möguleika eftir að hafa tapað heimaleiknum 1-3 og fór það svo að Belgarnir unnu sannfærandi 2-0 heimasigur í kvöld. Lokatölur í einvíginu því 5-1 Antwerp í vil og Lilleström úr leik. Hólmbert Aron spilaði 65 mínútur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.