Óska eftir uppbyggingu á Langanesi fyrir NATO

Bjarki Sigurðsson skrifar 29. júlí 2022 06:27

Horft í átt til Gunnólfsvíkurfjalls á Langanesi. KMU

Utanríkisráðuneytið er sagt hafa óskað eftir því að langur viðlegukantur verði reistur norðanmegin í Finnafirði í Langanesbyggð. Kanturinn er ætlaður Atlantshafsbandalaginu en Landhelgisgæslan fengi einnig aðstöðu þar.

Fréttablaðið greinir frá þessu en þar segir að tilgangur umsvifanna sé meðal annars að Atlantshafsbandalagið fái aðstöðu til að hvíla áhafnir og birgja upp skip sín.

Engin skrifleg gögn eru til um málið samkvæmt Fréttablaðinu en nýráðinn sveitarstjóri Langanesbyggðar vildi ekki tjá sig um málið. Þá fengust engin svör frá utanríkisráðuneytinu.

Viljayfirlýsing um stórskipahöfn í Finnafirði var undirrituð fyrir nokkrum árum síðan og því yrði viðlegukanturinn viðbót við aðrar pælingar um nýtingu lands í firðinum.

NATO Langanesbyggð Utanríkismál Öryggis- og varnarmál Landhelgisgæslan

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.