Lífið

„Mikilvægara að sleppa tökunum á hlutum heldur en að fá eitthvað nýtt“

Dóra Júlía Agnarsdóttir skrifar
Bergþór Másson er viðmælandi vikunnar í Innblæstrinum.
Bergþór Másson er viðmælandi vikunnar í Innblæstrinum. Aðsend

Bergþór Másson er lífskúnstner mikill sem starfar sem umboðsmaður fyrir vinsæla rappara og tónlistarmenn hérlendis. Einnig stýrir hann hlaðvarpinu Skoðanabræður, stundar meistaranám við ritlist og hugar vel að líkama og sál. Bergþór Másson er viðmælandi vikunnar í Innblæstrinum.

Innblásturinn er fastur liður hjá Lífinu á Vísi þar sem rætt er við ólíkt fólk um hvað veitir því innblástur í tilverunni og hvaða ráðum þau luma á varðandi andlega heilsu.

Hver ert þú í þínum eigin orðum?

Ungur maður á uppleið.

Hvað veitir þér innblástur?

Kraftmikið fólk sem skipuleggur líf sitt út frá trausti en ekki ótta, hrein náttúra (og þá sérstaklega víðátta), og list sköpuð út frá lögmálum almættisins en ekki egó-sins.

Hvað er þitt besta ráð til að næra andlega heilsu?

Kynna sér fræði Eckhart Tolle, Wim Hof öndunaræfingar, Vipassana hugleiðsla, líkamsrækt, útivera, sána, the cold plunge, símaleysi - rækta tengsl við þig, fólkið í kringum þig og Guðdóminn - breyta reglulega um umhverfi, og reyna að muna það á hverjum degi að það er mikilvægara að sleppa tökunum á hlutum heldur en að fá eitthvað nýtt.

Hvernig er hefðbundinn dagur í þínu lífi?

Mér finnst best að vakna snemma og fara snemma að sofa þó það gerist ekki alltaf, drekk mikið kaffi fyrri part dags, borða eina stóra máltíð klukkan 12 og aðra 18:30, og reyni mitt allra besta að sinna verkefnum dagsins samviskusamlega.

Uppáhalds lag og af hverju?

Óútgefið lag af næstkomandi plötu Flóna sem fjallar um dauðann og arfleið. Eitt lag hefur ekki talað til mín á jafn djúpu leveli í mörg ár.

Uppáhalds matur og af hverju?

Það sem mér finnst mikilvægast þegar það kemur að mat er 1) hollusta & næring, 2) aðgengi, 3) verð, 4) bragð. 

Þar af leiðandi er uppáhalds maturinn minn einhverskonar hollur skyndibiti sem kostar ekki meira en 2.500 krónur og enginn þarf að þjóna mér til borðs. 

Það eru nokkrir svona staðir í Reykjavík en ég myndi vilja fleiri. Ég hef ekki enn komið mér í það að læra að elda almennilega þannig ég borða eina svona máltíð á hverjum degi.

Besta ráð sem þú hefur fengið?

Frá því ég var barn hefur móðir mín lagt mikla áherslu á að koma mér í skilning um mikilvægi þess að vera próaktífur; 

að vera ekki fórnarlamb aðstæðna, að „vera í bílstjórasætinu í eigin lífi“ kallaði hún það.

Hvað er það skemmtilegasta við lífið?

Hlutir sem fá mann til þess að gleyma öllu og koma manni í núlíðandi stund.


Tengdar fréttir

Finnst ekkert skemmtilegra en fáránlegar keppnir og áskoranir

Glódís Guðgeirsdóttir er 28 ára gamall lífskúnstner, jarðfræðingur, fimleikastelpa, móðir, vinkona og ýmislegt annað og lýsir sjálfri sér sem ofsalegri stemningskonu. Hún elskar góðan kaffibolla og kvöldsund og passar sig að fara reglulega út fyrir þægindarammann. Glódís er viðmælandi vikunnar í Innblæstrinum.

„Ég leyfi mér að dreyma“

Leikkonan og lífskúnstnerinn Katla Þórudóttir Njálsdóttir hefur vakið athygli fyrir sköpunargleði sína í íslensku samfélagi, meðal annars með þátttöku sinni í Söngvakeppni Sjónvarpsins og í hlutverki sínu í sjónvarpsseríunni Vitjanir. Katla leyfir sér að dreyma, reynir alltaf að hafa eitthvað að gera og reynir að hafa húmorinn í fyrirrúmi. Katla er viðmælandi vikunnar í Innblæstrinum.

Hlustar á það sem undir­með­vitundin segir

Rapparinn Daniil skaust upp á stjörnuhimininn fyrir ekki svo löngu og á eitt vinsælasta rapplagið í dag, Ef þeir vilja Beef, þar sem hann rappar með Joey Christ. Daniil kann að meta hverja einustu stund lífsins og elskar pizzu en hann er viðmælandi vikunnar í Innblæstrinum.

„Margt verra en smá brussugangur“

Eva Ruza er lífskúnstner með meiru en hún hefur haslað sér völl í skemmtanabransanum á Íslandi á undanförnum árum. Pizza er umhugsunarlaust uppáhalds maturinn hennar og hún segist geta fundið innblástur í hvaða verkefni sem er. Eva Ruza er viðmælandi vikunnar í Innblæstrinum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.